လံာ်ယိၤဟၣ် 2:4 - Sgaw Karen Common Bible

⁴ ဒီးယ့ၣ်ၡူးစံးဘၣ်အီၤ, “ပိာ်မုၣ်ဧၢ, ဘၣ်မနုၤအဃိနမၢယမၤဘၣ်ဃး ယသးလဲၣ်. တၢ်ဆၢကတီၢ်လၢယဂီၢ်တဘၣ်ဒံးဘၣ်.”

လံာ်ယိၤဟၣ် 2:4 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 16:10

စီၤပၤစံးဘၣ်စီၤအဘံၡဲၤဒီးအဒီပုၢ်ဝဲၢ်ခွါစီၤယိၤအာ်, “တၢ်အံၤတဘၣ်ဃးဒီးသုနီတမံၤဘၣ်. အဝဲမ့ၢ်ဆိၣ်အၢယၤလၢ ယွၤတဲဘၣ်အီၤအဃိဒီး, ဘၣ်မနုၤအဝဲမၤတၢ်အံၤလဲၣ်န့ၣ်, မတၤအိၣ်ဒီးတၢ်ခွဲးတၢ်ယာ်လၢ ကသံကွၢ်ဝဲလဲၣ်.”

လံာ်စီၤၡမူၤအ့လးခံဘ့ၣ်တဘ့ၣ် 19:22

ဘၣ်ဆၣ်ဒီး, စီၤဒၤဝံးစံးဘၣ်စီၤအဘံၡဲၤဒီးအဒီပုၢ်ဝဲၢ်ခွါစီၤယိၤအာ်ဒ်အံၤ, “မတၤတဂၤဃ့သုတၢ်ဟ့ၣ်ကူၣ်န့ၣ်လဲၣ်. မ့ၢ်သုအဲၣ်ဒိးဟ့ၣ်ယၤတၢ်ကီတၢ်ခဲဧါ. ခဲအံၤယမ့ၢ်ပှၤတဂၤလၢ အကဲကီၢ်အံၣ်စရ့လးအစီၤပၤလီၤ. ဒီးတနံၤအံၤပှၤတဘၣ်မၤသံပှၤအံၣ်စရ့လးဖိနီတဂၤဘၣ်.”

လံာ်စီၤပၤအခီၣ်ထံးတဘ့ၣ် 17:18

အဝဲစံးဘၣ်စီၤအ့ၤလံယၤ, “ကစၢ်ယွၤအပှၤကညီတဂၤဧၢ, နမၤဘၣ်ယၤတၢ်အံၤဘၣ်မနုၤအဃိလဲၣ်. မ့ၢ်နဟဲဖဲအံၤဒ်သိး နကဒုးသ့ၣ်နီၣ်ကစၢ်ယွၤလၢယတၢ်ဒဲးဘးတဖၣ်ဒီးလၢတၢ်န့ၣ်အဃိ ကဒုးအိၣ်ထီၣ်ယဖိခွါအတၢ်သံန့ၣ်ဧါ.”

လံာ်ပှၤစံၣ်တဲၤတဲလီၤတၢ် 3:1

တၢ်ခဲလၢာ်လၢအမၤအသးလၢဟီၣ်ခိၣ်အံၤ, မၤအသးဖဲတၢ်အကတီၢ်လၢကစၢ်ယွၤဃုထၢအီၤန့ၣ်လီၤ.

လံာ်မးသဲ 15:28

တုၤနုၤတစု, ယ့ၣ်ၡူးစံးဆၢအီၤ, “ပိာ်မုၣ်ဧၢ, နတၢ်နာ်အသဟီၣ်ဆူၣ်ဒိၣ်မးလီၤ. မ်တၢ်ကမၤအသးလၢနဂီၢ်, ဒ်နဆၢနဲအသိးန့ၣ်တက့ၢ်.” ဒီးအဖိမုၣ်န့ၣ်, ဘျါက့ၤဝဲတကတီၢ်ဃီန့ၣ်လီၤ.

လံာ်မးသဲ 8:29

တုၤအထံၣ်ယ့ၣ်ၡူးတဘျီဃီ အဝဲသ့ၣ်ကိးပသူထီၣ်ဒီးစံး, “ကစၢ်ယွၤအဖိခွါနၤဧၢ, နဘၣ်ဃးဒီးပှၤဒ်လဲၣ်. မ့ၢ်နဟဲလၢနကစံၣ်ညီၣ်မၤနးမၤဖှီၣ်ပှၤ တချုးလၢတၢ်အဆၢကတီၢ်ဘၣ်ဝဲန့ၣ်ဧါ.”

လံာ်လူၤကၣ် 2:49

အဝဲဒၣ်စံးဆၢအဝဲသ့ၣ်, “ဘၣ်မနုၤအဃိသုဘၣ်လူၤဃုယၤလဲၣ်. မ့ၢ်သုတသ့ၣ်ညါလၢယကဘၣ်အိၣ်လၢယပၢ်အဟံၣ်ပူၤဘၣ်ဧါ.”

လံာ်ယိၤဟၣ် 12:23

ယ့ၣ်ၡူးစံးဆၢအဝဲသ့ၣ် “တၢ်ဆၢကတီၢ်နၣ်ရံၣ်ဘၣ်လံဝဲလၢ ယွၤကမၤလၤကပီၤပှၤကညီဖိခွါအဂီၢ်လီၤ.

လံာ်ယိၤဟၣ် 13:1

ဖဲဘူၣ်လဲၤကပာ်တချုးဘၣ်တနံၤန့ၣ်, ယ့ၣ်ၡူးသ့ၣ်ညါဝဲလၢ တၢ်ဆၢကတီၢ်နၣ်ရံၣ်တုၤအိၣ်အီၤလၢအဝဲကဘၣ်ဟးထီၣ် ကွံာ်လၢဟီၣ်ခိၣ်အံၤဒီးက့ၤဆူပၢ်အအိၣ်န့ၣ်လီၤ. အဝဲအဲၣ်ဘၣ်ပှၤတဖၣ်လၢဟီၣ်ခိၣ်အံၤလၢအမ့ၢ်အတၢ် ဒၣ်ဝဲ, ဒီးအဲၣ်အီၤတုၤအကတၢၢ်န့ၣ်လီၤ.

လံာ်ယိၤဟၣ် 2:3

ဖဲစပံးထံလၢာ်ကွံာ်ဝဲလၢပှၤသမှံၤတဖၣ်အဂီၢ်ဒီး, ယ့ၣ်ၡူး အမိၢ်စံးဘၣ်အီၤ, “အဝဲသ့ၣ်အစပံးထံတအိၣ်လၢၤဘၣ်.”

လံာ်ယိၤဟၣ် 20:13

အဝဲသ့ၣ်သံကွၢ်အီၤ, “နီၢ်ဧၢ, ဘၣ်မနုၤအဃိလၢနဟီၣ် န့ၣ်လဲၣ်.” အဝဲစံးဆၢတၢ်ဒီးစံးဝဲ, “အဝဲသ့ၣ်စိာ်ကွံာ်ယကစၢ်န့ၣ်လံ. ဒီးပာ်ဝဲဖဲလဲၣ်န့ၣ်ယတသ့ၣ်ညါဘၣ်.”

လံာ်ယိၤဟၣ် 20:15

ယ့ၣ်ၡူးသံကွၢ်အီၤ, “နီၢ်ဧၢ, ဘၣ်မနုၤအဃိလၢနဟီၣ် န့ၣ်လဲၣ်. မ့ၢ်နဃုမတၤတဂၤန့ၣ်လဲၣ်.” နီၢ်မၤရံဆိကမိၣ်ဝဲလၢအမ့ၢ်ပှၤကွၢ်တၤသၣ်အလီၢ် အဃိစံးဘၣ်အီၤ, “တၢ်ဒိၣ်ဧၢ, နမ့ၢ်စိာ်ကွံာ်အီၤဒီးနပာ်အီၤဖဲ လဲၣ်န့ၣ်, စံးဘၣ်တဲဘၣ်ယၤတက့ၢ်. ယကလဲၤဒီးဟံးန့ၢ်က့ၤ အီၤလီၤ.”

လံာ်ယိၤဟၣ် 7:30

ထဲန့ၣ်ဒီးအဝဲသ့ၣ်ဂုာ်ကျဲးစၢးဃုကျဲလၢကဖီၣ်ယ့ၣ်ၡူး ဘၣ်ဆၣ်ပှၤတထိးဘူးအီၤနီတဂၤဘၣ်. မ့ၢ်လၢတၢ်ဆၢကတီၢ်နၣ်ရံၣ်တဘၣ်ဒံးဘၣ်လၢအဂီၢ် အဃိလီၤ.

လံာ်ယိၤဟၣ် 7:6

ယ့ၣ်ၡူးစံးဘၣ်အဝဲသ့ၣ်, “တၢ်ဆၢကတီၢ်လၢယဂီၢ်တဘၣ် ဒံးဘၣ်. မ့မ့ၢ် လၢသုဂီၢ်န့ၣ်တၢ်ဆၢကတီၢ်ဘၣ်ဒၣ်ထီဘိလီၤ.

လံာ်ယိၤဟၣ် 7:8

လဲၤထီၣ်သုဝဲဆူဘူၣ်ပူၤတက့ၢ်. မ့မ့ၢ်ယဲ ယတလဲၤဆူဘူၣ်အံၤဒံးဘၣ်. မ့ၢ်လၢတၢ်ဆၢကတီၢ်တဘၣ်ဒံးဘၣ်လၢယဂီၢ်အဃိလီၤ.”

လံာ်ယိၤဟၣ် 8:20

ယ့ၣ်ၡူးစံးတၢ်တဖၣ်အံၤဖဲအသိၣ်လီၤသီလီၤတၢ်လၢ တၢ်လုၢ်ဟံၣ်ပူၤဖဲတၢ်ပာ်ဖှိၣ်စ့အလီၢ်ဒီးမ့ၢ်လၢအဆၢ ကတီၢ်နၣ်ရံၣ်တဘၣ်ဒံးဘၣ်အဃိ, ပှၤတဟဲဟံးဃာ်အီၤနီ တဂၤန့ၣ်ဘၣ်.

၂ ကရံၣ်သူး 5:16

လၢတၢ်န့ၣ်အဃိ, ပတစံၣ်ညီၣ်လၢၤပှၤတဂၤဂၤလၢပှၤဟီၣ်ခိၣ်ဖိ အနီၣ်ထိၣ်ဘၣ်. တဘျီန့ၣ်ပမ့ၢ်စံၣ်ညီၣ်တ့ၢ်လံခရံာ်လၢပှၤဟီၣ်ခိၣ်ဖိ အနီၣ်ထိၣ်သနာ်က့, ပတမၤလၢၤပဝဲဒ်န့ၣ်ဘၣ်.

လံာ်သိၣ်လီၤသီလီၤတၢ် 33:9

အဝဲသ့ၣ်ဒုးနဲၣ်အတၢ်သးတီဒိၣ်ထီၣ်ဒီးနၤဒိၣ်န့ၢ်ဒံးအတၢ်သးတီဒီးအမိၢ်အပၢ်တဖၣ်, အဒီပုၢ်ဝဲၢ်ခွါတဖၣ်ဒီးအဖိတဖၣ်မ့ၢ်ဂ့ၤန့ၣ်လီၤ. အဝဲသ့ၣ်စူၢ်တ့ၢ်နတၢ်မၤလိာ်တဖၣ်, ဒီးအိၣ်ဒီးတၢ်သူၣ်တီသးရၤဒီးနတၢ်အၢၣ်လီၤအီလီၤန့ၣ်လီၤ.