လံာ်ယိၤဟၣ် 2:13 - Sgaw Karen Common Bible

¹³ မ့ၢ်လၢပှၤယူဒၤဖိအဘူၣ်လဲၤကပာ်ဘူးထီၣ်လံအဃိ, ယ့ၣ်ၡူးလဲၤထီၣ်ဆူဝ့ၢ်ယရူၤၡလ့ၣ်န့ၣ်လီၤ.

လံာ်ယိၤဟၣ် 2:13 Iomraidhean Croise

လံာ်စီၤနဃ့မယၤ 13:8

ယသးဒိၣ်ကဲၤထီၣ်ဒီးတ့ၢ်လီၤကွံာ်ကယဲၢ်စီၤတိၤဘံယၤအတၢ်ပီး တၢ်လီခဲလၢာ်န့ၣ်လီၤ.

လံာ်မးသဲ 21:12

ယ့ၣ်ၡူးလဲၤနုာ်ဆူတၢ်လုၢ်ဟံၣ်အပူၤ, ဒီးဟီထီၣ်ကွံာ်ပှၤလၢအဆါတၢ်ပှ့ၤတၢ်လၢတၢ်လုၢ်ဟံၣ်အပူၤခဲလၢာ်, ဒီးမၤလီၤတကျၢၢ်ကွံာ်ပှၤခီလဲကျိၣ်စ့တဖၣ်အစီၢ်နီၤခိၣ် တဖၣ်, ဒီးပှၤဆါထိၣ်လွံၢ်တဖၣ်အလီၢ်ဆ့ၣ်နီၤတဖၣ်န့ၣ်လီၤ.

လံာ်မၢ်ကူး 11:15

တုၤအဝဲသ့ၣ်လဲၤတုၤလၢဝ့ၢ်ယရူၤၡလ့ၣ်ဒီး, ယ့ၣ်ၡူးလဲၤဆူတၢ်လုၢ်ဟံၣ်ဒီးဟီထီၣ်ကွံာ်ပှၤပှ့ၤတၢ်ဆါတၢ် ဖဲန့ၣ်တဖၣ်လီၤ. အဝဲဒၣ်မၤလီၤတကျၢၢ်ကွံာ်ပှၤခီလဲကျိၣ်ခီလဲစ့အစီၢ်နီၤ ခိၣ်တဖၣ်ဒီးပှၤဆါထိၣ်လွံၢ်အလီၢ်ဆ့ၣ်နီၤတဖၣ်,

လံာ်လူၤကၣ် 19:45

ယ့ၣ်ၡူးလဲၤနုာ်လီၤဆူတၢ်လုၢ်ဟံၣ်အပူၤဒီးနီၣ်ထီၣ်ကွံာ်ပှၤကူၣ်တၢ် ကၤတၢ်ဖိတဖၣ်,

လံာ်လူၤကၣ် 2:41

ယ့ၣ်ၡူးအမိၢ်အပၢ်တဖၣ်လဲၤဆူဝ့ၢ်ယရူၤၡလ့ၣ်ကိးနံၣ်ဒဲးဖဲ ဘူၣ်လဲၤကပာ်အဆၢကတီၢ်န့ၣ်လီၤ.

လံာ်ယိၤဟၣ် 11:55

မ့ၢ်လၢပှၤယူဒၤဖိအဘူၣ်လဲၤကပာ်အဆၢကတီၢ်ဘူးထီၣ်လံ အဃိ, ပှၤအိၣ်လၢခိအါဒံအါဂၤလဲၤထီၣ်ဝဲဆူဝ့ၢ်ယရူၤၡလ့ၣ် ဒ်သိးကမၤထွဲတၢ်မၤကဆှီထီၣ်သးအလုၢ်အလၢ်တချုးဘူၣ် အဆၢကတီၢ်ဘၣ်ဒံးဝဲန့ၣ်လီၤ.

လံာ်ယိၤဟၣ် 13:1

ဖဲဘူၣ်လဲၤကပာ်တချုးဘၣ်တနံၤန့ၣ်, ယ့ၣ်ၡူးသ့ၣ်ညါဝဲလၢ တၢ်ဆၢကတီၢ်နၣ်ရံၣ်တုၤအိၣ်အီၤလၢအဝဲကဘၣ်ဟးထီၣ် ကွံာ်လၢဟီၣ်ခိၣ်အံၤဒီးက့ၤဆူပၢ်အအိၣ်န့ၣ်လီၤ. အဝဲအဲၣ်ဘၣ်ပှၤတဖၣ်လၢဟီၣ်ခိၣ်အံၤလၢအမ့ၢ်အတၢ် ဒၣ်ဝဲ, ဒီးအဲၣ်အီၤတုၤအကတၢၢ်န့ၣ်လီၤ.

လံာ်ယိၤဟၣ် 2:23

ဖဲယ့ၣ်ၡူးအိၣ်ဝဲလၢဝ့ၢ်ယရူၤၡလ့ၣ်လၢဘူၣ်လဲၤကပာ်အဆၢ ကတီၢ်န့ၣ်, ပှၤထံၣ်တၢ်လီၤလးတဖၣ်လၢအမၤဝဲဒီး ပှၤအါဂၤ စူၢ်က့ၤနာ်က့ၤအီၤန့ၣ်လီၤ.

လံာ်ယိၤဟၣ် 5:1

အန့ၣ်ဝံၤအလီၢ်ခံဒီး, ယ့ၣ်ၡူးလဲၤထီၣ်ဆူဝ့ၢ်ယရူၤၡလ့ၣ် လၢပှၤယူဒၤဖိအဘူၣ်တဘူၣ်အဂီၢ်န့ၣ်လီၤ.

လံာ်ယိၤဟၣ် 6:4

အကတီၢ်ဖဲန့ၣ်ပှၤယူဒၤဖိတဖၣ်အဘူၣ်လဲၤကပာ် ကဘၣ်ဝဲဘူးထီၣ်လံန့ၣ်လီၤ.

လံာ်သိၣ်လီၤသီလီၤတၢ် 16:16

ကယဲၢ်ပှၤပိာ်ခွါခဲလၢာ်လၢသုပှၤကလုာ်အကျါကဘၣ်ဟဲ ဘူၣ်ထီၣ်ဘါထီၣ်ယွၤတနံၣ်သၢဘျီဖဲတၢ်ဘူၣ်ထီၣ်ဘါထီၣ်အလီၢ်တတီၤ, ဖဲဘူၣ်လဲၤကပာ်အကတီၢ်, ဘူၣ်တၢ်ကူးက့ၤအကတီၢ်, ဒီးဘူၣ်ဒဲအကတီၢ်န့ၣ်လီၤ.