လံာ်ယိၤဟၣ် 19:9 - Sgaw Karen Common Bible

⁹ အဝဲက့ၤနုာ်ကဒါက့ၤဆူနီပူၤဝံၤသံကွၢ်ယ့ၣ်ၡူး “မ့ၢ်နဟဲလၢလဲၣ်.” ဘၣ်ဆၣ်ယ့ၣ်ၡူးတစံးဆၢအီၤဘၣ်.

လံာ်ယိၤဟၣ် 19:9 Iomraidhean Croise

လံာ်ယၡါယၤ 53:7

အဝဲဘၣ်တၢ်မၤအီၤနးနးကျံၤကျံၤလီၤ. ဘၣ်ဆၣ်ဒီးတူၢ်ဝဲလၢ တၢ်ဆီၣ်လီၤသးအပူၤကစုဒုလီၤ. တကတိၤတၢ်နီတဘီနီတစုဘၣ်. ဒ်သိဖိတဒုလၢအကဘၣ်တၢ်မၤသံအီၤအသိး, ဒ်သိတဒုလၢပှၤကတံာ်အဆူၣ်အသိး တကတိၤတၢ်နီတဘီနီတစုဘၣ်.

လံာ်မးသဲ 26:63

ဘၣ်ဆၣ်ယ့ၣ်ၡူးအိၣ်ဘှီၣ်ကလာ်လီၤ. မၤကဒီးတဘျီပှၤလုၢ်တၢ်အခိၣ်အဒိၣ်ကတၢၢ် ကတိၤတၢ်လၢယ့ၣ်ၡူးဒီးစံး, “အခဲအံၤယမၢနဆိၣ်လီၤနသး လၢကစၢ်ယွၤလၢအမူဝဲတဂၤအမံၤအပူၤလီၤ. တဲဘၣ်ပှၤ, မ့ၢ်နမ့ၢ်ခရံာ်, ကစၢ်ယွၤအဖိခွါန့ၣ်ဧါ.”

လံာ်မးသဲ 27:27

တုၤနုၤတစုစီၤပံၤလးအသုးဖိတဖၣ် လဲၤဆှၢယ့ၣ်ၡူးဆူပဒိၣ်ဖးဒိၣ်အနီပူၤ, ဒီးသုးမုၢ်ဒီဖုညါဟဲပာ်ဖှိၣ်ထီၣ်အသးဝးတရံးအီၤလီၤ.

လံာ်လူၤကၣ် 23:9

လၢတၢ်န့ၣ်အဃိ, စီၤဟ့ၤရိာ်သံကွၢ်ယ့ၣ်ၡူးတၢ်သံကွၢ်အါထံၣ်, ဘၣ်ဆၣ်ယ့ၣ်ၡူးတစံးဆၢဝဲနီတဘီဘၣ်.

လံာ်ယိၤဟၣ် 18:28

ဖဲမုၢ်ဆ့ၣ်ထီၣ်ဂီၤဂီၤအဆၢကတီၢ်န့ၣ်, ယ့ၣ်ၡူးဘၣ်တၢ်ကိးထီၣ်အီၤလၢစီၤကၤယါဖၤ အဟံၣ်ဒီးဘၣ်တၢ်ဆှၢအီၤဆူရိမ့ၤအပဒိၣ်ဖးဒိၣ် အနီပူၤန့ၣ်လီၤ. ပှၤယူဒၤဖိအခိၣ်အနၢ်တဖၣ် တလဲၤနုာ်ဆူနီအပူၤဘၣ်. မ့ၢ်လၢအဝဲသ့ၣ်အဲၣ်ဒိးအိၣ် ကဆှီအသးဒ်အလုၢ်အလၢ်အိၣ်ဝဲအသိး, ဒ်သိးအီၣ်ဘူၣ်လဲၤကပာ်ကသ့ဝဲအဂီၢ်န့ၣ်လီၤ.

လံာ်ယိၤဟၣ် 18:33

အန့ၣ်ဒီး, စီၤပံၤလးက့ၤနုာ်က့ၤဆူနီပူၤဒီးကိးယ့ၣ်ၡူးဒီးသံကွၢ်အီၤ, “နမ့ၢ်ပှၤယူဒၤဖိတဖၣ်အစီၤပၤန့ၣ်ဧါ.”

လံာ်ယိၤဟၣ် 18:34

ယ့ၣ်ၡူးစံးဆၢတၢ်ဒီးစံးဝဲ, “တၢ်သံကွၢ်အဝဲအံၤမ့ၢ်နတၢ် သံကွၢ်ဒၣ်နဲဧါ. မ့တမ့ၢ်ဘၣ်ဒီး, မ့ၢ်ပှၤဂၤတဖၣ်စံးဘၣ်တဲဘၣ်နၤလၢယဂ့ၢ်အဃိန့ၣ်ဧါ.”

လံာ်ယိၤဟၣ် 18:37

လၢတၢ်န့ၣ်အဃိ, စီၤပံၤလးသံကွၢ်အီၤ, “မ့မ့ၢ်ဒ်န့ၣ်ဒီး, နမ့ၢ်စီၤပၤတဂၤဧါ.” ယ့ၣ်ၡူးစံးဆၢတၢ်ဒီးစံးဝဲ, “နစံးလၢယမ့ၢ်စီၤပၤတဂၤလီၤ. ယအိၣ်ဖျဲၣ်ထီၣ်ဒီးဟဲဆူဟီၣ်ခိၣ်ချၢအံၤလၢတၢ်တိာ်ထဲတမံၤဧိၤ အဂီၢ်လၢအမ့ၢ်တၢ်ကတိၤတၢ်မ့ၢ်တၢ်တီန့ၣ်လီၤ. ပှၤတဂၤလၢ်လၢ်လၢအဘၣ်ဃးဒီးတၢ်မ့ၢ်တၢ်တီန့ၣ်, ဒိကနၣ်ယကလုၢ်လီၤ.”

လံာ်ယိၤဟၣ် 19:10

အန့ၣ်ဒီးစီၤပံၤလးစံးဘၣ်အီၤ, “နတကတိၤတၢ်ဒီးယၤဘၣ်ဧါ. မ့ၢ်နတသ့ၣ်ညါလၢ, ယအိၣ်ဒီးတၢ်စိတၢ်ကမီၤလၢယကမၤထူၣ်ဖျဲးနၤ ဒီးတၢ်စိတၢ်ကမီၤလၢယကပျၤထီနၤလၢထူၣ်စုညါအလိၤ စ့ၢ်ကီးန့ၣ်ဘၣ်ဧါ.”

လံာ်ယိၤဟၣ် 19:8

တုၤစီၤပံၤလးနၢ်ဟူတၢ်အံၤဒီး, အဝဲပျံၤတၢ်ဒိၣ်န့ၢ်အလီၢ်တက့ၢ်လီၤ.

လံာ်ယိၤဟၣ် 8:14

ယ့ၣ်ၡူးစံးဆၢအဝဲသ့ၣ်, “ယအုၣ်ယသးလၢယကစၢ်ဒၣ်ယဲအဂီၢ် သနာ်က့, တၢ်လၢယစံးန့ၣ်မ့ၢ်ဝဲတီဝဲလီၤ. အဂ့ၢ်ဒ်လဲၣ်န့ၣ်, ယသ့ၣ်ညါယဟဲလၢလဲၣ်ဒီးယကလဲၤဆူလဲၣ်န့ၣ်လီၤ. မ့မ့ၢ်သုဝဲသ့ၣ်အံၤသုတသ့ၣ်ညါယဟဲလၢလဲၣ်ဒီးယကလဲၤဆူလဲၣ် န့ၣ်ဘၣ်.

ဖံလံးပံၤ 1:28

တဘၣ်ပျံၤသုဒုၣ်သုဒါတဖၣ်တဂ့ၤ. အိၣ်ဒီးတၢ်သူၣ်ဒူသးဒူ ထီဘိ, ဒီးတၢ်အံၤကဒုးထံၣ်သ့ၣ်ညါအဝဲသ့ၣ်လၢအဝဲသ့ၣ် ကဃၣ်ကွံာ်, ဒီးသုဝဲသုကမၤနၢၤတၢ်လီၤ. အဂ့ၢ်ဒ်အံၤ, ကစၢ်ယွၤမ့ၢ်ပှၤလၢအဟ့ၣ်သုတၢ်မၤနၢၤန့ၣ်လီၤ.

လံာ်ပှၤစံၣ်ညီၣ်ကွီၢ် 13:6

အန့ၣ်ဝံၤဒီးပိာ်မုၣ်န့ၣ်လဲၤတဲဘၣ်အဝၤ, “ကစၢ်ယွၤအပှၤကညီတဂၤဟဲဆူယအိၣ်ဒီး ဖျါလီၤပျံၤလီၤဖုးဒ်ကစၢ်ယွၤအမူခိၣ်ကလူးတဂၤအသိးလီၤ. ယတသံကွၢ်တ့ၢ်အီၤလၢမ့ၢ်အဟဲဖဲလဲၣ်ဒီးတစံးဘၣ်စ့ၢ်ကီးယၤလၢအမံၤဘၣ်.