လံာ်ယိၤဟၣ် 19:5 - Sgaw Karen Common Bible

⁵ အန့ၣ်ဒီး, ယ့ၣ်ၡူးဟဲထီၣ်ဆူတၢ်ချၢ, ကၢၢ်ဝဲခိၣ်သလုး တၤဆှုၣ်ဒီးကၤဝဲဆ့ကၤလုးတကုာ်တဘ့ၣ်န့ၣ်လီၤ. စီၤပံၤလးစံးဘၣ် အဝဲသ့ၣ်, “ကွၢ်တက့ၢ်. မ့ၢ်ပှၤအဝဲအံၤလီၤ.”

လံာ်ယိၤဟၣ် 19:5 Iomraidhean Croise

လံာ်ယၡါယၤ 40:9

ဝ့ၢ်ယရူၤၡလ့ၣ်ဧၢ, လဲၤထီၣ်ဆူကစၢၢ်ထီၣ်ထီတဖျၢၣ်အလိၤ ဒီးတဲဖျါတၢ်သးခုကစီၣ်တက့ၢ်. ကိးထီၣ်လၢနကလုၢ်ဖးဒိၣ်တက့ၢ်. စံယိၣ်ဧၢ, ဘိးဘၣ်သ့ၣ်ညါတၢ်သးခုကစီၣ်တက့ၢ်. ကတိၤထီၣ်တၢ်ဒီးပျံၤတၢ်တဂ့ၤ. တဲဘၣ်ကီၢ်ယူဒၤအဝ့ၢ်တဖၣ် လၢအဝဲသ့ၣ်အကစၢ်ယွၤဟဲဝဲလံ.

လံာ်ယၡါယၤ 43:1

ကီၢ်အံၣ်စရ့လးဧၢ, ယွၤလၢအတ့လီၤပာ်လီၤတ့ၢ်နၤစံးဝဲ, “ပျံၤတၢ်တဂ့ၤ. ယကအုၣ်က့ၤခီၣ်က့ၤနၤလီၤ. ယကိးတ့ၢ်နၤလၢနမံၤ, နမ့ၢ်ယတၢ်လီၤ.

လံာ်ယၡါယၤ 7:14

ဂ့ၤလံ. ယွၤအကစၢ်ဒၣ်ဝဲကဟ့ၣ်သုတၢ်ပနီၣ်တမံၤလီၤ. ပိာ်မုၣ်သးစၢ်တဂၤလၢအဒၢထီၣ်ဝဲန့ၣ်ကအိၣ်ဒီးအဖိခွါတဂၤ ဒီးကယုၢ်န့ၢ်အမံၤဝဲလၢ “ဧံးမၤနူၤအ့လး” လီၤ.

လံာ်သးသယုၢ်တၢ် 1:12

ကိးပသူထီၣ်ဝဲဆူကယဲၢ်ပှၤလဲၤတြူာ် လၢကျဲပူၤတဖၣ်အအိၣ်, “ကွၢ်ဃီၤယၤတက့ၢ်. ပှၤတဘၣ်ဒိဆါတ့ၢ်ဒ်ယၤနီတဂၤဘၣ်. တၢ်ဘၣ်ဒိဆါအံၤယွၤဒုးလီၤဘၣ်လၢယလိၤ ဖဲအသးဒိၣ်ဝဲအကတီၢ်န့ၣ်လီၤ.

လံာ်မးသဲ 27:29

တုၤနုၤတစုအဝဲသ့ၣ်မၤန့ၢ်အီၤလၢတၤဆှုၣ်အခိၣ်သလုးတဖျၢၣ်, ဒီးဒုးကၢၢ်ထီၣ်အီၤဝံၤ, ဟ့ၣ်ဒုးစိာ်အီၤတပိၢ်တဘိလၢအစုထွဲတခီန့ၣ်လီၤ. ဒီးအဝဲသ့ၣ်ချံးခီၣ်တီၤလီၤလၢ ယ့ၣ်ၡူးအမဲာ်ညါ, ဒီးဒုၣ်ဒွဲၣ်နံၤဘၣ်ဖၣ်လဲအီၤဒီးစံး, “ပဟ့ၣ်နၤတၢ်ယူးယီၣ် လီၤယူဒၤအစီၤပၤဧၢ.”

လံာ်ယိၤဟၣ် 1:29

မုၢ်ဆ့ၣ်ထီၣ်တနံၤစီၤယိၤဟၣ်ထံၣ်ဘၣ်ယ့ၣ်ၡူးဟဲဆူအအိၣ်ဒီး စံးဝဲ, “ကွၢ်ကွၢ်အဝဲမ့ၢ်ကစၢ်ယွၤအသိဖိလၢအစိာ်ထီၣ်ကွံာ် ပှၤဟီၣ်ခိၣ်ဖိအတၢ်ဒဲးဘးန့ၣ်လီၤ.

လံာ်ယိၤဟၣ် 19:2

ပှၤသုးဖိတဖၣ်မၤထီၣ်ခိၣ်သလုးတဖျၢၣ်လၢတၤဆှုၣ်အဒ့ တဖၣ်ဒီးကုာ်ထီၣ်ဝဲလၢယ့ၣ်ၡူးအခိၣ်လိၤ, ဝံၤဒီးဒုးကၤထီၣ်အီၤဆ့ကၤလုးတကုာ်တဘ့ၣ်,

ဧ့ၤဘြံၤ 12:2

ပှၤလၢအဒုးအိၣ်ထီၣ်သီဒီးမၤလၢထီၣ်ပှဲၤထီၣ်ပတၢ်စူၢ်တၢ်နာ်, ယ့ၣ်ၡူးတဂၤန့ၣ် မ်ပကွၢ်ဃီၤတၢ်ဆူအအိၣ်တက့ၢ်. မ့ၢ်လၢတၢ်သးခုအိၣ်ပာ်စၢၤလၢအမဲာ်ညါအဃိ, အဝဲဒၣ်ဒိးထူၣ်စုညါဒီးတၢ်ဘၣ်သံလၢထူၣ်စုညါအလိၤ အတၢ်မဲာ်ဆှးန့ၣ်တပာ်ဘၣ်ဝဲလၢတၢ်နီတမံၤဘၣ်, ဒီးဆ့ၣ်နီၤဝဲလၢကစၢ်ယွၤအလီၢ်ပစိာ်အစုထွဲတခီန့ၣ်လီၤ.