လံာ်ယိၤဟၣ် 19:42 - Sgaw Karen Common Bible

⁴² မ့ၢ်အဘၣ်ဝဲလၢပှၤယူဒၤဖိတဖၣ်အမုၢ်ကတဲာ်ကတီၤ တၢ်အနံၤ, ဒီးမ့ၢ်စ့ၢ်ကီးလၢတၢ်သွၣ်ခိၣ်အိၣ်ဘူးဝဲ အဃိ, အဝဲသ့ၣ်ပာ်လီၤယ့ၣ်ၡူးအစိၣ်ဖဲန့ၣ်လီၤ.

လံာ်ယိၤဟၣ် 19:42 Iomraidhean Croise

စံးထီၣ်ပတြၢၤ 22:15

ယဂံၢ်ယဘါဃ့ထီကွံာ်ဝဲဒ်သပၢၤတက့အသိး, ဒီးယပျုၤစဲဘူးဒီးယခၣ်ခိၣ်န့ၣ်လီၤ. နဒုးမံလီၤယၤလၢတၢ်သံအဟီၣ်ခိၣ်အကမူၣ် အပူၤန့ၣ်လီၤ.

လံာ်ယၡါယၤ 53:9

အဝဲတမၤတ့ၢ်တၢ်အၢတၢ်သီနီတစုဘၣ်ဒီးတကတိၤလီတၢ် နီတဘျီဘၣ်ဒၣ်လဲာ်န့ၣ်အဝဲဘၣ်တၢ်ပာ်လီၤအီၤလၢတၢ်သွၣ်ခိၣ် တပူၤဃုာ်ဒီးပှၤအၢပှၤသီတဖၣ်လီၤ. အဝဲဘၣ်တၢ်ခူၣ်လီၤအီၤဃုာ်ဒီးပှၤထူးပှၤတီၤလီၤ.”

လံာ်မးသဲ 12:40

အဂ့ၢ်ဒ်အံၤ, ဒ်စီၤယိၤနါအိၣ်လၢညၣ်ဖးဒိၣ်အဟၢဖၢပူၤသၢနံၤသၢနၤ အသိးန့ၣ်, ပှၤကညီဖိခွါအံၤကအိၣ်လၢဟီၣ်ခိၣ်အသးကံၢ်ပူၤသၢနံၤသၢနၤ စ့ၢ်ကီးလီၤ.

လံာ်ယိၤဟၣ် 19:14

အကတီၢ်ဝဲန့ၣ်ကဘၣ်ဖဲမုၢ်ထူၣ်ဃၣ်ဃၣ်, တချုးလၢဘူၣ်လဲၤကပာ်တုၤဃီၤဝဲတနံၤ န့ၣ်လီၤ. စီၤပံၤလးစံးဘၣ်ပှၤယူဒၤဖိတဖၣ်, “အအံၤမ့ၢ်သုစီၤပၤလီၤ.”

လံာ်ယိၤဟၣ် 19:20

ဒီးပှၤယူဒၤဖိအါဂၤဖးဘၣ်တၢ်အံၤ, မ့ၢ်လၢတၢ်လီၢ်ဖဲ ယ့ၣ်ၡူးဘၣ်တၢ်ပျၤထီအီၤလၢထူၣ်စုညါအလိၤန့ၣ်, တယံၤကဲၣ်ဆိးဒီးဝ့ၢ်ဘၣ်အဃိန့ၣ်လီၤ. လံာ်ဘိးဘၣ်သ့ၣ်ညါအံၤဘၣ်တၢ်ကွဲးဃာ်အီၤလၢဧ့ၤဘြံၤ အကျိာ်, လးတ့ၣ်အကျိာ်ဒီးကြံးခ်အကျိာ်န့ၣ်လီၤ.

လံာ်ယိၤဟၣ် 19:31

အန့ၣ်ဝံၤဒီး, ပှၤယူဒၤဖိအခိၣ်အနၢ်တဖၣ်ဃ့စီၤပံၤလး အခွဲးလၢကပျဲအဝဲသ့ၣ်တီၢ်ကၢ်ကွံာ်ပှၤလၢတၢ်မၤသံအီၤလၢ ထူၣ်စုညါအလိၤတဖၣ်အခီၣ်, ဒီးကစိာ်လီၤကွံာ်အစိၣ်လၢထူၣ်စုညါတဖၣ်အလိၤအဂီၢ် န့ၣ်လီၤ. အဝဲသ့ၣ်ဃ့တၢ်အံၤမ့ၢ်လၢမုၢ်နံၤတခီမ့ၢ်မုၢ်ယဲၢ် နံၤ, ဒီးအဝဲသ့ၣ်တသးအိၣ်လၢပှၤအစိၣ်တဖၣ်အံၤ ကအိၣ်စဲထီအသးလၢထူၣ်စုညါအလိၤတုၤလၢပှၤ ယူဒၤဖိအမုၢ်အိၣ်ဘှံးနံၤန့ၣ်ဘၣ်. အဂ့ၢ်ဒ်အံၤ, အဝဲသ့ၣ်အမုၢ်အိၣ်ဘှံးနံၤလၢအကဟဲအံၤမ့ၢ်နံၤလၢ အစီဆှံလီၤဆီဝဲအဃိန့ၣ်လီၤ.

လံာ်ယိၤဟၣ် 19:41

ဖဲတၢ်လီၢ်လၢယ့ၣ်ၡူးဘၣ်တၢ်ပျၤထီအီၤလၢထူၣ်စုညါ အလိၤန့ၣ်, တၤသၣ်အလီၢ်အိၣ်ဝဲ, ဒီးတၤသၣ်အလီၢ်အံၤ အပူၤတၢ်သွၣ်ခိၣ်အသီအိၣ်ဝဲတပူၤလၢပှၤတခူၣ်လီၤဒံးပှၤနီ တဂၤဘၣ်န့ၣ်လီၤ.

မၤတၢ် 13:29

ဒီးအဝဲသ့ၣ်မၤတၢ်လၢတၢ်ကွဲးအသးစီဆှံစံးဝဲဘၣ်ဃးဒီး အီၤခဲလၢာ်ဝံၤအလီၢ်ခံန့ၣ်, အဝဲသ့ၣ်စိာ်လီၤကွံာ်အီၤလၢထူၣ်စုညါ အလိၤ, ဒီးဒၢနုာ်လီၤအီၤဆူတၢ်သွၣ်ခိၣ်အပူၤန့ၣ်လီၤ.

1 ကရံၣ်သူး 15:4

လၢအဝဲဒၣ်ဘၣ်တၢ်ခူၣ်လီၤအီၤဒီးဘၣ်တၢ်ဒုးဂဲၤဆၢထၢၣ် သမူထီၣ်က့ၤအီၤဖဲသၢသီဝံၤအလီၢ်ခံ, ဒ်အအိၣ်ကွဲးအသးလၢတၢ်ကွဲးအသးစီဆှံအပူၤအသိးန့ၣ်,

ကလီးစဲ 2:12

အဂ့ၢ်ဒ်အံၤ, ဖဲသုဒိးစူၢ်ဒိးဘျၢသုသးအခါန့ၣ်, သုဘၣ်တၢ်ခူၣ်လီၤကွံာ်သုဃုာ်ဒီးခရံာ် ဒီးသုဘၣ်တၢ်ဒုးဂဲၤ ဆၢထၢၣ်က့ၤသုလၢတၢ်သံအပူၤဃုာ်ဒီးခရံာ်ခီဖျိလၢသုတၢ် စူၢ်တၢ်နာ်ယွၤအစိအကမီၤလၢအဒုးဂဲၤဆၢထၢၣ်သမူထီၣ်က့ၤ ခရံာ်လၢတၢ်သံအပူၤအဃိန့ၣ်လီၤ.