လံာ်ယိၤဟၣ် 19:40 - Sgaw Karen Common Bible

⁴⁰ ပှၤခံဂၤအံၤဟံးန့ၢ်ယ့ၣ်ၡူးအစိၣ်ဒီးဘိၣ်ဘံထီၣ်ဝဲလၢတၢ်ကံးယာ်ဖှီဝါ ကဆှၣ်ဃုာ်ဒီးတၢ်နၢမူ, ဒ်ပှၤယူဒၤဖိအလုၢ်အလၢ်လၢတၢ်ကတဲာ် ကတီၤပှၤအစိၣ်လၢတၢ်ကခူၣ်လီၤကွံာ်အဂီၢ်အိၣ်ဝဲအသိး န့ၣ်လီၤ.

လံာ်ယိၤဟၣ် 19:40 Iomraidhean Croise

လံာ်တၢ်ကဲထီၣ်အခီၣ်ထံး 50:2

ဝံၤဒီးစီၤယိၤသးဟ့ၣ်လီၤအကလုၢ်ဒ်သိးပှၤကဖှူအပၢ်အစိၣ်လၢ ကသံၣ်ဒ်သိးအစိၣ်သုတဟးဂီၤတဂ့ၤအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 16:14

ဒီးဘၣ်တၢ်ခူၣ်လီၤကွံာ်အီၤလၢတၢ်သွၣ်ခိၣ်လၢၢ်အပူၤလၢစိးပျၤ ဝဲလၢအဂီၢ်ဒၣ်ဝဲလၢစီၤဒၤဝံးအဝ့ၢ်ပူၤန့ၣ်လီၤ. အဝဲသ့ၣ်သူဝဲတၢ်နၢမူတဖၣ်ဒီးသိနၢမူတဖၣ်လၢကကတဲာ်ကတီၤ အစိၣ်လၢတၢ်ကခူၣ်လီၤကွံာ်အီၤအဂီၢ်, ဒီးအဝဲသ့ၣ်မၤထီၣ်တၢ်ဆူးကဲၤမ့ၣ်အူဖးဒိၣ်တခါဒ်သိးကသူၣ် အုးသးအုးလၢအဝဲအတၢ်သံအဃိန့ၣ်လီၤ.

လံာ်မးသဲ 26:12

တၢ်လၢအဝဲမၤန့ၣ် မ့ၢ်တၢ်လူလီၤသိနၢမူအံၤလၢယနီၢ်ခိအလိၤ, ဒ်သိးကကတဲာ်ကတီၤယၤလၢတၢ်ခူၣ်လီၤကွံာ်အဂီၢ်လီၤ.

လံာ်မၢ်ကူး 14:8

ပိာ်မုၣ်အံၤတၢ်လၢအမၤဝဲသ့န့ၣ်မၤတ့ၢ်ဝဲလံ. ဟဲဒီးဖှူဆိပာ်လံ ယလိၤဒ်အမ့ၢ်တၢ်ကတဲာ်ကတီၤယနီၢ်ခိလၢတၢ်ခူၣ်လီၤအီၤ အဂီၢ်န့ၣ်လီၤ.

လံာ်လူၤကၣ် 24:12

မ့မ့ၢ်စီၤပ့းတရူးတခီဂဲၤဆၢထၢၣ်ဒီးဃ့ၢ်ဆူပှၤသွၣ်ခိၣ်အပူၤ, သကူးလီၤအသးဒီးကွၢ်နုာ်တၢ်ဒီးထံၣ်ဒၣ်ဝဲထဲတၢ်ကံးယာ် အဝါတဖၣ်လီၤ. တုၤနုၤတစုအဝဲဒၣ်က့ၤက့ၤဆူဟံၣ်ဒီး ကမၢကမၣ်ဝဲလၢတၢ်လၢအမၤတ့ၢ်အသးအဂ့ၢ်န့ၣ်လီၤ.

လံာ်ယိၤဟၣ် 11:44

အဝဲဟဲက့ၤထီၣ်က့ၤဝဲ, အစုဒီးအခီၣ်တဖၣ်ဘၣ်ဘိၣ်ဘံဃာ်အသးလၢတၢ်ကံးယာ် လၢတၢ်ဘိၣ်ဘံပှၤအစိၣ်တဖၣ်ဒီးအမဲာ်ကျၢၢ်ဘၢအသး လၢတၢ်ကံးယာ်စ့ၢ်ကီးန့ၣ်လီၤ. ယ့ၣ်ၡူးစံးဘၣ်အဝဲသ့ၣ် “ဃ့ၣ်လီၤကွံာ်တၢ်ကံးယာ်ဒီးပျၢ်ကွံာ်အီၤတက့ၢ်.”

လံာ်ယိၤဟၣ် 12:7

ဘၣ်ဆၣ်ယ့ၣ်ၡူးစံးဝဲဒၣ်, “မၤတံာ်တာ်ပိာ်မုၣ်အံၤတဂ့ၤ. ပျဲအဝဲပာ်ဃာ်တၢ်အံၤလၢတၢ်ခူၣ်လီၤယၤအမုၢ်တနံၤ အဂီၢ်န့ၣ်တက့ၢ်.

မၤတၢ် 5:6

ပိာ်ခွါသးစၢ်တဖၣ်ဟဲဃီၤဒီးဘိၣ်ဘံထီၣ်အစိၣ်, စိာ်ထီၣ်ကွံာ်အီၤဒီးလဲၤခူၣ်လီၤကွံာ်အီၤလီၤ.