လံာ်ယိၤဟၣ် 19:4 - Sgaw Karen Common Bible

⁴ စီၤပံၤလးဟးထီၣ်ကဒီးတဘျီဆူတၢ်ချၢဒီးစံးဘၣ်ပှၤဂီၢ်မုၢ်န့ၣ်, “ကွၢ်တက့ၢ်. ယကကိးထီၣ်ယ့ၣ်ၡူးဆူသုအိၣ်ဒ်သိး သုကထံၣ်သ့ၣ်ညါဘၣ်လၢယတထံၣ်န့ၢ်တၢ်ဂ့ၢ်လၢတၢ်ကစံၣ်ညီၣ် အီၤအဂီၢ်နီတမံၤဘၣ်န့ၣ်လီၤ.”

လံာ်ယိၤဟၣ် 19:4 Iomraidhean Croise

လံာ်မးသဲ 27:19

ဖဲစီၤပံၤလးဆ့ၣ်နီၤဝဲလၢတၢ်စံၣ်ညီၣ်ကွီၢ်အလီၢ်ဆ့ၣ်နီၤအဖီ ခိၣ်အဖၢမုၢ်န့ၣ်, အမါဆှၢလီၤန့ၢ်အီၤတၢ်ကစီၣ်လၢအစံး, “တဘၣ်မၤဘၣ်ဃးနသးဒီးပှၤလၢအတၢ်ကမၣ်တအိၣ်ဘၣ် တဂၤအံၤတဂ့ၤ. အဂ့ၢ်ဒ်အံၤ, လၢတၢ်မံမီၢ်အဃိန့ၣ်, တနံၤအံၤယသးဘၣ်နးဘၣ်ဖှီၣ် ဒီးဘၣ်တံာ်တာ်ဒိၣ်မးလၢအဝဲဒၣ်အဂ့ၢ်န့ၣ်လီၤ.”

လံာ်မးသဲ 27:24

တုၤစီၤပံၤလးထံၣ်လၢအဝဲမ့ၢ်သံကွၢ်တၢ်ဆူညါနာ်သက့အဘျုး တအိၣ်လၢၤဘၣ်. မ့မ့ၢ်တၢ်ကတၢထီၣ်တၢလီၤဘၣ်ဖုးအဃိ, အဝဲဟံးန့ၢ်ထံဝံၤသ့လီၤအစုလၢပှၤဂီၢ်မုၢ်တဖၣ်အမဲာ်ညါဒီး စံး, “ပှၤအံၤအသွံၣ်တလီၤတီလၢယဖီခိၣ်ဘၣ်. ဘၣ်ဃးဒၣ်ဒီးသုလီၤ.”

လံာ်မးသဲ 27:4

ဒီးစံး, “ယမၤဘၣ်တၢ်ဒဲးဘးခီဖျိတၢ်ဆါလီၤကွံာ်ပှၤလၢ အတၢ်ကမၣ်တအိၣ်ဘၣ်တဂၤဆူတၢ်သံအပူၤလံ.” ဒီးအဝဲသ့ၣ်စံးဆၢအီၤ, “တၢ်အဝဲန့ၣ်တဘၣ်ဃးဒီးပှၤဘၣ်. ဘၣ်ဃးဒၣ်ဒီးနၤလီၤ.”

လံာ်မးသဲ 27:54

တုၤသုးခိၣ်တဂၤဃုာ်ဒီးအသုးဖိလၢအအိၣ်ခိးကွၢ်ယ့ၣ်ၡူးတဖၣ်, ထံၣ်ဟီၣ်ခိၣ်ဟူးဒီးတၢ်ခဲလၢာ်လၢအမၤအသးတဖၣ်န့ၣ်, အဝဲသ့ၣ်အသူၣ်ပျံၤအသးဖုးဒီးစံး, “ပှၤအဝဲအံၤ မ့ၢ်နီၢ်နီၢ်ကစၢ်ယွၤအဖိခွါလီၤ.”

လံာ်လူၤကၣ် 23:4

တုၤနုၤတစု, စီၤပံၤလးစံးဘၣ်ပှၤလုၢ်တၢ်အခိၣ်အဒိၣ် တဖၣ်ဒီးပှၤဂီၢ်မုၢ်တဖၣ်, “ယတထံၣ်န့ၢ်တၢ်ဂ့ၢ်လၢ ယကစံၣ်ညီၣ်ပှၤတဂၤအံၤနီတမံၤဘၣ်.”

လံာ်လူၤကၣ် 23:41

ဘၣ်ဆၣ်ဒီး, ပဝဲပတၢ်တူၢ်ဘၣ်တၢ်န့ၣ်, မ့ၢ်ဒၣ်တၢ်လၢအကြၢးဝဲဘၣ်ဝဲဒီးပှၤလီၤ. အဂ့ၢ်ဒ်အံၤ, ပဒိးန့ၢ်ဘၣ်တၢ်စံၣ်ညီၣ်လၢတၢ်လၢပမၤတ့ၢ်ပဝဲတဖၣ် အဃိလီၤ. မ့မ့ၢ်အဝဲဒၣ်န့ၣ်တမၤကမၣ်တ့ၢ်တၢ်နီတမံၤဘၣ်.”

လံာ်လူၤကၣ် 23:47

ပှၤသုးဖိတကယၤအခိၣ်ထံၣ်တၢ်လၢအမၤတ့ၢ်အသးတဖၣ် စံးထီၣ်ပတြၢၤယွၤဒီးစံးဝဲ, “သပှၢ်ကတၢၢ် ပှၤတဂၤအံၤမ့ၢ်ပှၤဂ့ၤပှၤဝါလီၤ.”

လံာ်ယိၤဟၣ် 18:33

အန့ၣ်ဒီး, စီၤပံၤလးက့ၤနုာ်က့ၤဆူနီပူၤဒီးကိးယ့ၣ်ၡူးဒီးသံကွၢ်အီၤ, “နမ့ၢ်ပှၤယူဒၤဖိတဖၣ်အစီၤပၤန့ၣ်ဧါ.”

လံာ်ယိၤဟၣ် 18:38

စီၤပံၤလးသံကွၢ်တၢ်ဒီးစံးဝဲ, “တၢ်မ့ၢ်တၢ်တီမ့ၢ်တၢ်မနုၤ လဲၣ်.” တုၤနုၤတစုစီၤပံၤလးဟးထီၣ်ကဒီးဆူတၢ်ချၢဆူပှၤယူဒၤဖိ တဖၣ်အအိၣ်ဒီးစံးဘၣ်အဝဲသ့ၣ်, “ယတထံၣ်န့ၢ်တၢ်ဂ့ၢ်လၢတၢ်ကစံၣ်ညီၣ်အီၤအဂီၢ်နီတမံၤဘၣ်.

လံာ်ယိၤဟၣ် 19:6

တုၤပှၤလုၢ်တၢ်အခိၣ်အဒိၣ်တဖၣ်ဒီးတၢ်လုၢ်ဟံၣ်အပှၤပၢၤတၢ် တဖၣ်ထံၣ်ယ့ၣ်ၡူးဒီး, အဝဲသ့ၣ်ကိးပသူထီၣ်ဒီးစံးဝဲဒၣ်, “ပျၤထီအီၤလၢထူၣ်စုညါအလိၤ, ပျၤထီအီၤလၢထူၣ်စုညါ အလိၤတက့ၢ်.” စီၤပံၤလးစံးဘၣ်အဝဲသ့ၣ်, “မ့မ့ၢ်ဒ်န့ၣ်ဒီး, ဟဲဟံးန့ၢ်အီၤ ဒီးပျၤထီကွံာ်အီၤလၢထူၣ်စုညါအလိၤလၢသုကစၢ်ဒၣ်သုဝဲ တက့ၢ်. ယဲယတထံၣ်န့ၢ်တၢ်အဂ့ၢ်အခၢးလၢယကစံၣ်ညီၣ်အီၤ အဂီၢ်နီတမံၤဘၣ်.”

၂ ကရံၣ်သူး 5:21

ခရံာ်အတၢ်ဒဲးဘးတအိၣ်ဘၣ်. ဘၣ်ဆၣ်ဒီးလၢပဂီၢ်ယွၤဒုးတူၢ်ဃုာ်အီၤလၢပတၢ်ဒဲးဘး, ဒ်သိးဒီးလၢပတၢ်ပာ်ဖှိၣ်ဃုာ်ပသးဒီးအီၤအပူၤန့ၣ်, ပကဒိးန့ၢ်ဃုာ်ကစၢ်ယွၤအတၢ်တီတၢ်လိၤအဂီၢ်န့ၣ်လီၤ.

ဧ့ၤဘြံၤ 7:26

မ့မ့ၢ်ဒ်န့ၣ်ဒီး, ဂ့ၤဝဲဘၣ်ဝဲလၢပကအိၣ်ဒီးပှၤလုၢ်တၢ်အခိၣ်အဒိၣ် ကတၢၢ်ဒ်န့ၣ်အသိးတဂၤလၢအမၤပှဲၤကယဲၢ်ပတၢ်လိၣ်, လၢ အစီဝဲဆှံဝဲ, လၢပှၤပာ်တၢ်ကမၣ်လၢအလိၤအလီၢ်တအိၣ် ဘၣ်, လၢအတဘၣ်အၢဘၣ်သီဘၣ်, လၢအဘၣ်တၢ်ပာ် လီၤဆီအီၤဒီးပှၤတၢ်ဒဲးဘးဖိတဖၣ်အအိၣ်, ဒီးလၢအဘၣ်တၢ်ပာ်ထီၣ်ထီအီၤထီန့ၢ်မူခိၣ်တက့ၢ် န့ၣ်လီၤ.

၁ ပ့းတရူး 1:19

မ့မ့ၢ်, မ့ၢ်တၢ်လုၢ်ထီၣ်ခရံာ်ဒ်အမ့ၢ်တၢ်လုၢ်ဒိၣ်ပှ့ၤဒိၣ်လၢအလီၤ ဂာ်ဒီးသိဖိတဒုလၢအတသံၣ်သူမီၢ်ကျာ်ဒီးအတၢ်မဲၣ်သူမဲၣ်ဂီၤ တအိၣ်ဘၣ်အသိးန့ၣ်လီၤ.

၁ ပ့းတရူး 2:22

အဝဲတမၤတၢ်ဒဲးဘးနီတမံၤဘၣ်, ဒီးပှၤတနၢ်ဟူဘၣ်တၢ်လီတၢ်ဝ့ၤဟဲထီၣ်လၢအထးခိၣ်နီ တဂၤဘၣ် (ၡါ ၅၃:၉).

၁ ပ့းတရူး 3:18

အဂ့ၢ်ဒ်အံၤ, ခရံာ်တူၢ်သံစ့ၢ်ကီးအသးလၢတၢ်ဒဲးဘးအဃိ တဘျီဒီးအဝံၤ, ပှၤအဂ့ၤတဂၤလၢပှၤတၢ်ဒဲးဘးဖိတဖၣ်အဂီၢ်, ဒ်သိးကဆှၢသုဆူယွၤအအိၣ်န့ၣ်လီၤ. အဝဲဘၣ်တၢ်မၤသံအီၤလၢတၢ်ဖံးတၢ်ညၣ်အပူၤ, ဘၣ်ဆၣ်ဒီးဒိးတၢ်မၤမူထီၣ်က့ၤအီၤလၢသူၣ်လၢသးန့ၣ်လီၤ.

၁ ယိၤဟၣ် 3:5

သုသ့ၣ်ညါလၢခရံာ်အိၣ်ဖျါထီၣ်တ့ၢ်ဝဲဒ်သိးအကစိာ် ကွံာ်ပတၢ်ဒဲးဘးတဖၣ်အဂီၢ်, ဒီးလၢအဝဲဒၣ်အပူၤတခီ တၢ်ဒဲးဘးတအိၣ်နီတမံၤဘၣ်န့ၣ်လီၤ.