လံာ်ယိၤဟၣ် 19:38 - Sgaw Karen Common Bible

³⁸ တၢ်တဖၣ်အံၤအလီၢ်ခံ, စီၤယိၤသးလၢဝ့ၢ်အရံၤမၤသဲဃ့စီၤပံၤလးလၢ ကက့ၤစိာ်ယ့ၣ်ၡူးအစိၣ်အဂီၢ်န့ၣ်လီၤ. (စီၤယိၤသးအံၤမ့ၢ်ပှၤပိာ်ယ့ၣ်ၡူးအခံလၢတၢ်ခူသူၣ်အပူၤတဂၤ, မ့ၢ်လၢအဝဲပျံၤပှၤယူဒၤဖိအခိၣ်အနၢ်တဖၣ်အဃိန့ၣ်လီၤ.) စီၤပံၤလးဟ့ၣ်အီၤအခွဲးအဃိ, အဝဲဟံးန့ၢ်ယ့ၣ်ၡူးအစိၣ်ဒီး က့ၤစိာ်ဝဲန့ၣ်လီၤ.

လံာ်ယိၤဟၣ် 19:38 Iomraidhean Croise

တၢ်ကတိၤဒိ. 29:25

နသးမ့ၢ်စၢၢ်ဆၢဒၣ်ထဲလၢပှၤဂုၤပှၤဂၤတဖၣ်အတၢ်ဆိကမိၣ်လၢ နဖီခိၣ်န့ၣ်, မ့ၢ်တၢ်လီၤပျံၤဒိၣ်မးလီၤ. ဘၣ်ဆၣ်နမ့ၢ်နာ်ယွၤဒီးနကအိၣ်ခၢၣ် သနၢၣ်လီၤ.

လံာ်ယိၤဟၣ် 12:42

အန့ၣ်ဒၣ်လဲာ်, ပှၤယူဒၤဖိအခိၣ်အနၢ်အါဂၤစူၢ် က့ၤနာ်က့ၤယ့ၣ်ၡူးဘၣ်ဆၣ်ဒီးမ့ၢ်လၢအပျံၤဘၣ်ပှၤဖၤရံၤၡဲ တဖၣ်အဃိ, ဒ်သိးဒီးအဝဲသ့ၣ်အသုတဘၣ်တၢ်ဟီထီၣ်ကွံာ်အီၤလၢ ဘူၣ်ဘျီၣ်လၢအမ့ၢ်တၢ်ဘါလီၢ်တဂ့ၤဒီး, အဝဲသ့ၣ်တအၢၣ်လီၤ အီလီၤတၢ်စူၢ်တၢ်နာ်လၢပှၤဂၤအမဲာ်ညါဘၣ်.

လံာ်ယိၤဟၣ် 7:13

ဘၣ်ဆၣ်ပှၤကတိၤတၢ်လၢယ့ၣ်ၡူးအဂ့ၢ်ဖျိဖျိဖျါဖျါ တဘူၣ်နီတဂၤဘၣ်. မ့ၢ်လၢအဝဲသ့ၣ်ပျံၤပှၤယူဒၤဖိ အခိၣ်အနၢ်တဖၣ်အဃိလီၤ.

လံာ်ယိၤဟၣ် 9:22

အမိၢ်အပၢ်တဖၣ်စံးဆၢတၢ်ဒ်အံၤမ့ၢ်လၢအပျံၤပှၤယူဒၤဖိအခိၣ် အနၢ်တဖၣ်လၢအပာ်လီၤတ့ၢ်လံအသးလၢပှၤတဂၤလၢ်လၢ်လၢ အစံးလၢအနာ်ယ့ၣ်ၡူးမ့ၢ်ခရံာ်န့ၣ်, ကဘၣ်တၢ်ဟီထီၣ်ကွံာ်အီၤလၢဘူၣ်ဘျီၣ်ပူၤအဃိန့ၣ်လီၤ.

မၤတၢ် 13:29

ဒီးအဝဲသ့ၣ်မၤတၢ်လၢတၢ်ကွဲးအသးစီဆှံစံးဝဲဘၣ်ဃးဒီး အီၤခဲလၢာ်ဝံၤအလီၢ်ခံန့ၣ်, အဝဲသ့ၣ်စိာ်လီၤကွံာ်အီၤလၢထူၣ်စုညါ အလိၤ, ဒီးဒၢနုာ်လီၤအီၤဆူတၢ်သွၣ်ခိၣ်အပူၤန့ၣ်လီၤ.

ဖံလံးပံၤ 1:14

ဒီးယတၢ်ဘၣ်အိၣ်လၢဃိာ်ပူၤအံၤဟ့ၣ်အါထီၣ်ယဒီပုၢ်ဝဲၢ် တဖၣ်အတၢ်နာ်လၢကစၢ်အပူၤသတးဒီး, အဝဲသ့ၣ်အသးဒူဒိၣ်ထီၣ်ကိးဆၢကိးကတီၢ်ဒဲးလၢအကစံၣ် တဲၤတဲလီၤယွၤအတၢ်ကစီၣ်လၢတၢ်သးဒူအပူၤန့ၣ်လီၤ.