လံာ်ယိၤဟၣ် 19:26 - Sgaw Karen Common Bible

²⁶ ယ့ၣ်ၡူးထံၣ်ဘၣ်အမိၢ်ဒီးအပျဲၢ်အဘီၣ်လၢအအဲၣ်ဝဲတဂၤဆၢထၢၣ် ဖဲန့ၣ်, သတးဒီးအဝဲစံးဘၣ်အမိၢ် “ပိာ်မုၣ်ဧၢ, အဝဲမ့ၢ်နဖိခွါလီၤ.”

လံာ်ယိၤဟၣ် 19:26 Iomraidhean Croise

လံာ်ယိၤဟၣ် 13:23

အပျဲၢ်အဘီၣ်အကျါတဂၤလၢယ့ၣ်ၡူးအဲၣ်အီၤန့ၣ်, သန့ၤလီၤတၢ်သဃဲၤလိာ်အသးဒီးယ့ၣ်ၡူးန့ၣ်လီၤ.

လံာ်ယိၤဟၣ် 2:4

ဒီးယ့ၣ်ၡူးစံးဘၣ်အီၤ, “ပိာ်မုၣ်ဧၢ, ဘၣ်မနုၤအဃိနမၢယမၤဘၣ်ဃး ယသးလဲၣ်. တၢ်ဆၢကတီၢ်လၢယဂီၢ်တဘၣ်ဒံးဘၣ်.”

လံာ်ယိၤဟၣ် 20:2

အန့ၣ်ဒီး, အဝဲလဲၤဃ့ၢ်ဆူစီၤၡံမိၣ်ပ့းတရူးဒီးအပျဲၢ် အဘီၣ်အဂၤတဂၤလၢယ့ၣ်ၡူးအဲၣ်အီၤအအိၣ်ဒီးစံးဘၣ် အဝဲသ့ၣ်, “ပှၤစိာ်ကွံာ်ကစၢ်အစိၣ်လၢတၢ်သွၣ်ခိၣ် အပူၤလံ. ဒီးပှၤပာ်အီၤဖဲလဲၣ်န့ၣ်ပတသ့ၣ်ညါဘၣ်.”

လံာ်ယိၤဟၣ် 21:20

ဒီးစီၤပ့းတရူးဃၣ်ဃီၤအသးဒီးထံၣ်အပျဲၢ်အဘီၣ်အဂၤတဂၤလၢ ယ့ၣ်ၡူးအဲၣ်အီၤအိၣ်လၢအလီၢ်ခံန့ၣ်လီၤ. မ့ၢ်ပှၤတဂၤဃီလၢအသန့ၤလီၤအသးသဃဲၤဒီးယ့ၣ်ၡူး, ဖဲအဝဲသ့ၣ်အီၣ်ဟါတၢ်အီၣ်အခါဒီးသံကွၢ်ယ့ၣ်ၡူး, “ကစၢ်ဧၢ, မ့ၢ်မတၤကဟ့ၣ်လီၤကွံာ်နၤန့ၣ်လဲၣ်.”

လံာ်ယိၤဟၣ် 21:24

အဝဲမ့ၢ်အပျဲၢ်အဘီၣ်တဂၤလၢအကတိၤဖျါထီၣ်တၢ်ဂ့ၢ်တဖၣ် အံၤ, မ့ၢ်ပှၤတဂၤဃီလၢအကွဲးနီၣ်ကွဲးဃါတၢ်သ့ၣ်တဖၣ် အံၤ, ဒီးပသ့ၣ်ညါလၢတၢ်လၢအဝဲအုၣ်အသးတဖၣ်န့ၣ်, မ့ၢ်တၢ်မ့ၢ်တၢ်တီလီၤ.

လံာ်ယိၤဟၣ် 21:7

အပျဲၢ်အဘီၣ်လၢယ့ၣ်ၡူးအဲၣ်အီၤတဂၤစံးဘၣ် စီၤပ့းတရူး, “မ့ၢ်ကစၢ်န့ၣ်လီၤ.” ဖဲစီၤပ့းတရူးနၢ်ဟူလၢ အမ့ၢ်ကစၢ်လီၤန့ၣ်, မ့ၢ်လၢအဝဲအိၣ်ဘ့ၣ်ဆ့အဃိအဝဲ သိးထီၣ်က့ၤအဆ့ကၤအဖီခိၣ်ဒီးကံၢ်တူာ်ဃာ်ဝဲဒီးစံၣ်လီၤ ဆူထံကျါန့ၣ်လီၤ.