လံာ်ယိၤဟၣ် 19:19 - Sgaw Karen Common Bible

¹⁹ စီၤပံၤလးကွဲးလံာ်ဘိးဘၣ်သ့ၣ်ညါလၢအစံးဝဲ, “ပှၤနစၤရ့းဖိ ယ့ၣ်ၡူး, ပှၤယူဒၤဖိတဖၣ်အစီၤပၤ,” ဒီးမၢပှၤပာ်ထီၣ်အီၤလၢထူၣ်စုညါအလိၤန့ၣ်လီၤ.

လံာ်ယိၤဟၣ် 19:19 Iomraidhean Croise

လံာ်မးသဲ 2:23

ဒီးအိၣ်ဆိးဝဲလၢဝ့ၢ်နစၤရ့းလီၤ. လၢကျဲဒ်အံၤ ဝံတဖၣ်အတၢ်ကတိၤလၢ အစံး, “ခရံာ်ကဘၣ်တၢ်ကိးအီၤလၢပှၤနစၤရ့းဖိ” န့ၣ်လၢထီၣ်ပှဲၤထီၣ်ဝဲလီၤ.

လံာ်မးသဲ 27:37

လၢထူၣ်စုညါအလိၤဖဲယ့ၣ်ၡူးအခိၣ်ထးန့ၣ်, ပှၤကွဲးလီၤတၢ်ကွဲး, “အဝဲအံၤ မ့ၢ်ယ့ၣ်ၡူး, ပှၤယူဒၤဖိအစီၤပၤ” လၢအမ့ၢ်တၢ်ကမၣ်လၢအဘၣ်တၢ်ပာ်ဝဲလၢ ယ့ၣ်ၡူးအလိၤန့ၣ်လီၤ.

လံာ်မၢ်ကူး 15:26

ဒီးလံာ်ပာ်တၢ်ကမၣ်လၢအလိၤန့ၣ်ဘၣ်တၢ်ကွဲးဖျါထီၣ်အီၤလၢတၢ် ကတိၤလၢအစံးဝဲ, “ပှၤယူဒၤဖိအစီၤပၤ” န့ၣ်လီၤ.

လံာ်လူၤကၣ် 18:37

အဝဲသ့ၣ်စံးဘၣ်အီၤ, “ပှၤနစၤရ့းဖိယ့ၣ်ၡူးဟဲခီဂာ်ဖဲအံၤလီၤ.”

လံာ်လူၤကၣ် 23:38

လၢအဝဲဒၣ်အခိၣ်ထးန့ၣ်, တၢ်ကတိၤ ‘အဝဲအံၤမ့ၢ်ပှၤယူဒၤဖိတဖၣ် အစီၤပၤ’ ဘၣ်တၢ်ကွဲးလီၤအီၤလီၤ.

လံာ်ယိၤဟၣ် 1:49

စီၤနၤသန့လးစံးဆၢတၢ်ဒီးစံးဝဲ, “သရၣ်ဧၢ, နဲဒၣ်အံၤနမ့ၢ်ကစၢ်ယွၤ အဖိခွါ, နမ့ၢ်အံၣ်စရ့လးအစီၤပၤန့ၣ်လီၤ.”

လံာ်ယိၤဟၣ် 18:33

အန့ၣ်ဒီး, စီၤပံၤလးက့ၤနုာ်က့ၤဆူနီပူၤဒီးကိးယ့ၣ်ၡူးဒီးသံကွၢ်အီၤ, “နမ့ၢ်ပှၤယူဒၤဖိတဖၣ်အစီၤပၤန့ၣ်ဧါ.”

လံာ်ယိၤဟၣ် 19:12

တုၤစီၤပံၤလးနၢ်ဟူတၢ်အံၤဒီး, အဝဲဃုဝဲကျဲလၢကမၤထူၣ်ဖျဲးယ့ၣ်ၡူးအဂီၢ်န့ၣ်လီၤ. ဘၣ်ဆၣ်ဒီးပှၤယူဒၤဖိတဖၣ်ကိးပသူထီၣ်ဒီးစံးဝဲ, “နမ့ၢ်ပျၢ်ဖျဲးကွံာ်အီၤဒီး, အခီပညီနတမ့ၢ်ရိမ့ၤအစီၤပၤဖးဒိၣ် အတံၤသကိးဘၣ်. ပှၤတဂၤဂ့ၤတဂၤဂ့ၤလၢအစံးလီၤအသး လၢအမ့ၢ်စီၤပၤတဂၤန့ၣ်, မ့ၢ်ပှၤလၢအပူထီၣ်တၢ်ထီဒါရိမ့ၤအစီၤပၤဖးဒိၣ်န့ၣ်လီၤ.”

လံာ်ယိၤဟၣ် 19:14

အကတီၢ်ဝဲန့ၣ်ကဘၣ်ဖဲမုၢ်ထူၣ်ဃၣ်ဃၣ်, တချုးလၢဘူၣ်လဲၤကပာ်တုၤဃီၤဝဲတနံၤ န့ၣ်လီၤ. စီၤပံၤလးစံးဘၣ်ပှၤယူဒၤဖိတဖၣ်, “အအံၤမ့ၢ်သုစီၤပၤလီၤ.”

လံာ်ယိၤဟၣ် 19:21

ပှၤယူဒၤဖိအပှၤလုၢ်တၢ်အခိၣ်အဒိၣ်တဖၣ်စံးဘၣ်စီၤပံၤလး, “တဘၣ်ကွဲးလီၤ ‘ပှၤယူဒၤဖိတဖၣ်အစီၤပၤ’ န့ၣ်တဂ့ၤ. မ့မ့ၢ်ကွဲးလီၤ, ‘ပှၤတဂၤအံၤစံးဝဲ, ယမ့ၢ်ပှၤယူဒၤဖိတဖၣ်အစီၤပၤ’ န့ၣ်တက့ၢ်.”

လံာ်ယိၤဟၣ် 19:3

ဒီးဟဲဆူအအိၣ်ဒီးစံးဝဲ, “ပှၤယူဒၤဖိတဖၣ်အစီၤပၤဧၢ, မ်နအိၣ်ကၢအိၣ်ခိးတက့ၢ်” ဒီးအဝဲသ့ၣ်ဒဲအမဲာ်လီၤ.

မၤတၢ် 26:9

ယနီၢ်ကစၢ်ဒၣ်ယဲယဆိကမိၣ်တ့ၢ်လၢယကဘၣ်ဂုာ်ကျဲးစၢးထီဒါ ပှၤနစၤရ့းဖိယ့ၣ်ၡူးအမံၤဖဲတၢ်သ့အိၣ်ဒီးယၤန့ၣ်လီၤ.

မၤတၢ် 3:6

ဘၣ်ဆၣ်စီၤပ့းတရူးစံးဘၣ်အီၤ, “ယကျိၣ်ယစ့တအိၣ်နီတဘ့ၣ် ဘၣ်. မ့မ့ၢ်ယဟ့ၣ်နၤတၢ်လၢအအိၣ်ဒီးယၤန့ၣ်လီၤ. လၢပှၤနစၤရ့းဖိယ့ၣ်ၡူးခရံာ်အမံၤန့ၣ်ယမၤလိာ်နၤ, ဂဲၤဆၢထၢၣ်ဒီးဟးတက့ၢ်.”