လံာ်ယိၤဟၣ် 19:18 - Sgaw Karen Common Bible

¹⁸ ဒီးဖဲန့ၣ်, အဝဲသ့ၣ်ပျၤထီယ့ၣ်ၡူးလၢထူၣ်စုညါအလိၤ, ဒီးပျၤထီစ့ၢ်ကီးပှၤအဂၤခံဂၤလၢထူၣ်စုညါအလိၤဖဲယ့ၣ်ၡူး အကပၤတခီတဂၤ, ဒီးယ့ၣ်ၡူးအိၣ်ဝဲလၢပှၤခံဂၤန့ၣ်အဘၢၣ် စၢၤလီၤ.

လံာ်ယိၤဟၣ် 19:18 Iomraidhean Croise

စံးထီၣ်ပတြၢၤ 22:16

ပှၤအၢပှၤသီတဖုကဝီၤဃာ်ယၤ, ဖှိၣ်အသးဆူယအိၣ်ဒ်ထွံၣ်တဖၣ်အသိး, အ့ၣ်ဖှီယစုဒီးယခီၣ်လီၤ.

လံာ်ယၡါယၤ 53:12

မၤသးဒ်န့ၣ်ဒီး, ယကဟ့ၣ်အီၤတၢ်လၤတၢ်ကပီၤအလီၢ်တတီၤ, တၢ်လီၢ်တတီၤလၢပှၤအဒိၣ်စိဒိၣ်ကမီၤတဖၣ်အကျါလီၤ. အဝဲဟ့ၣ်လီၤကွံာ်အသးလၢတၢ်သးအိၣ်အပူၤ ဒီးတူၢ်သကိးတၢ်ဒီးတၢ်ဘူၣ်တၢ်တီၢ်လၢအလီၤဘၣ်ပှၤ အၢပှၤသီတဖၣ်န့ၣ်လီၤ. အဝဲဟံးန့ၢ်ပှၤတၢ်ဒဲးဘးဖိအါဂၤအလီၢ်ဒီးဘါထုကဖၣ်ဝဲလၢ အဝဲသ့ၣ်အတၢ်ဒဲးဘးကဘၣ်တၢ်ပျၢ်အီၤအဂီၢ်လီၤ.”

လံာ်မးသဲ 27:44

တမျာ်လၢအဘၣ်တၢ်ပျၤထီဃုာ်ဒီးအီၤခံဂၤစ့ၢ်ကီး, ဒုၣ်ဒွဲၣ်အီၤဒ်န့ၣ်အသိးလီၤ.

လံာ်ယိၤဟၣ် 18:32

(တၢ်အဝဲအံၤမၤအသးမ့ၢ်ဒ်သိးတၢ်လၢယ့ၣ်ၡူးစံးတ့ၢ်ဝဲဘၣ်ထွဲဒီး အဝဲကဘၣ်သံလၢတၢ်သံဒ်လဲၣ်န့ၣ်, ကလၢထီၣ်ပှဲၤထီၣ်ဝဲအဂီၢ် န့ၣ်လီၤ.)

လံာ်ယိၤဟၣ် 19:32

လၢတၢ်န့ၣ်အဃိ, သုးဖိတဖၣ်လဲၤဆူပှၤခံဂၤလၢအဘၣ် တၢ်ပျၤထီအီၤလၢထူၣ်စုညါအလိၤဃုာ်ဒီးယ့ၣ်ၡူးအအိၣ်, ဒီးတီၢ်ကၢ်ကွံာ်ဝဲအခီၣ်တဂၤဝံၤတဂၤလီၤ.

မၤတၢ် 2:23

ဒ်ကစၢ်ယွၤကူၣ်ကျဲၤဒီးသ့ၣ်ညါပာ်ဝဲအသိး, ယ့ၣ်ၡူးဘၣ်တၢ်ဟ့ၣ်လီၤကွံာ်အီၤဆူသုစုပူၤဒီးသုမၤသံအီၤခီ ဖျိသုပျဲပှၤတၢ်ဒဲးဘးဖိတဖၣ်ပျၤထီအီၤလၢထူၣ်စုညါအလိၤန့ၣ်လီၤ.

ကလၤတံ 3:13

ဘၣ်ဆၣ်ဒီး, ခီဖျိခရံာ်ဒိးတၢ်စံၣ်ညီၣ်လၢပဂီၢ်န့ၣ်အဝဲဒၣ်ဒုး ထူၣ်ဖျဲးထီၣ်ကွံာ်ပှၤလၢတၢ်စံၣ်ညီၣ်လၢတၢ်သိၣ်တၢ်သီဒုး အိၣ်ထီၣ်ဝဲန့ၣ်လီၤ. အဂ့ၢ်ဒ်အံၤတၢ်ကွဲးအသးစံးဝဲ, “ပှၤတဂၤလၢ်လၢ်လၢအဘၣ်တၢ်ဘျးထီၣ်အစိၣ် လၢသ့ၣ်ထူၣ်တထူၣ်အလိၤန့ၣ်, အိၣ်လၢကစၢ်ယွၤအတၢ်စံၣ်ညီၣ်အဖီလာ်န့ၣ်လီၤ” (သိၣ်သီ ၂၁:၂၃).

ဧ့ၤဘြံၤ 12:2

ပှၤလၢအဒုးအိၣ်ထီၣ်သီဒီးမၤလၢထီၣ်ပှဲၤထီၣ်ပတၢ်စူၢ်တၢ်နာ်, ယ့ၣ်ၡူးတဂၤန့ၣ် မ်ပကွၢ်ဃီၤတၢ်ဆူအအိၣ်တက့ၢ်. မ့ၢ်လၢတၢ်သးခုအိၣ်ပာ်စၢၤလၢအမဲာ်ညါအဃိ, အဝဲဒၣ်ဒိးထူၣ်စုညါဒီးတၢ်ဘၣ်သံလၢထူၣ်စုညါအလိၤ အတၢ်မဲာ်ဆှးန့ၣ်တပာ်ဘၣ်ဝဲလၢတၢ်နီတမံၤဘၣ်, ဒီးဆ့ၣ်နီၤဝဲလၢကစၢ်ယွၤအလီၢ်ပစိာ်အစုထွဲတခီန့ၣ်လီၤ.