လံာ်ယိၤဟၣ် 19:17 - Sgaw Karen Common Bible

¹⁷ ယ့ၣ်ၡူးယိးအထူၣ်စုညါဒီးဟးထီၣ်ကွံာ်ဝဲဖဲန့ၣ် ဒီးလဲၤတုၤဝဲလၢတၢ်လီၢ်တတီၤလၢတၢ်ကိးအီၤ, “တၢ်ခိၣ်ဃံအလီၢ်,” (လၢဧ့ၤဘြံၤအကျိာ်တၢ်ကိးအီၤလၢ “ကီၤလၤကီၤသါ”) န့ၣ်လီၤ.

လံာ်ယိၤဟၣ် 19:17 Iomraidhean Croise

လံာ်တၢ်ကဲထီၣ်အခီၣ်ထံး 22:6

စီၤအၤဘြၤဟၣ်ပာ်ထီၣ်သ့ၣ်မုၣ်လၢတၢ်လုၢ်တၢ်ပာ်အဂီၢ်န့ၣ်လၢစီၤ အံၤစဲးအလိၤဒီးအနီၢ်ကစၢ်ဒၣ်ဝဲစိာ်ဒီတဘ့ၣ်ဒီးမ့ၣ်အူအ့ၣ် လၢကစးထီၣ်မ့ၣ်အူအဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 21:13

လၢကမျၢၢ်အမဲာ်ညါန့ၣ်ပှၤအၢပှၤသီခံဂၤအုၣ်အသးထီဒါစီၤနၤ ဘိးလၢအဆိၣ်အၢကစၢ်ယွၤဒီးစီၤပၤန့ၣ်လီၤ. ဒီးလၢတၢ်န့ၣ်အဃိအဝဲဘၣ်တၢ်ထုးထီၣ်ကွံာ်အီၤဆူ ဝ့ၢ်အချၢဒီးကွံာ်သံကွံာ်အီၤလၢလၢၢ်န့ၣ်လီၤ.

လံာ်မးသဲ 10:38

ဒီးပှၤလၢအတယိးအထူၣ်စုညါဒီးပိာ်ယခံဘၣ်န့ၣ်, တကြၢးဘၣ်ဒီးယၤဘၣ်.

လံာ်မးသဲ 16:24

တုၤနုၤတစုယ့ၣ်ၡူးစံးဘၣ်အပျဲၢ်အဘီၣ်တဖၣ်, “ပှၤတဂၤဂၤမ့ၢ်အဲၣ်ဒိးကဲယပျဲၢ်ယဘီၣ်ဒီး, မ်အညိကွံာ်အသးဒၣ်ဝဲ, ဒီးယိးထီၣ်အထူၣ်စုညါ, ဒီးပိာ်ယခံတက့ၢ်.

လံာ်မးသဲ 27:37

လၢထူၣ်စုညါအလိၤဖဲယ့ၣ်ၡူးအခိၣ်ထးန့ၣ်, ပှၤကွဲးလီၤတၢ်ကွဲး, “အဝဲအံၤ မ့ၢ်ယ့ၣ်ၡူး, ပှၤယူဒၤဖိအစီၤပၤ” လၢအမ့ၢ်တၢ်ကမၣ်လၢအဘၣ်တၢ်ပာ်ဝဲလၢ ယ့ၣ်ၡူးအလိၤန့ၣ်လီၤ.

လံာ်မၢ်ကူး 10:21

ယ့ၣ်ၡူးကွၢ်အီၤပှဲၤဒီးတၢ်အဲၣ်တၢ်ကွံဒီးစံးဘၣ်အီၤ, “တၢ်လၢနမၤတလၢတပှဲၤဒံးဘၣ်န့ၣ်အိၣ်တမံၤလီၤ. လဲၤဒီးဆါကွံာ်ကယဲၢ်တၢ်လၢအအိၣ်ဒီးနၤန့ၣ် ဒီးကျိၣ်စ့လၢနန့ၢ်ဘၣ်န့ၣ် ဟ့ၣ်နီၤလီၤပှၤဖှီၣ်ဖိယာ်ဖိတ ဖၣ်, ဒီးနကအိၣ်ဒီးတၢ်ထူးတၢ်တီၤလၢမူခိၣ်လီၤ. အန့ၣ်ဝံၤဟဲဒီးကဲဘၣ်ယပျဲၢ်ယဘီၣ်တက့ၢ်.”

လံာ်မၢ်ကူး 15:26

ဒီးလံာ်ပာ်တၢ်ကမၣ်လၢအလိၤန့ၣ်ဘၣ်တၢ်ကွဲးဖျါထီၣ်အီၤလၢတၢ် ကတိၤလၢအစံးဝဲ, “ပှၤယူဒၤဖိအစီၤပၤ” န့ၣ်လီၤ.

လံာ်မၢ်ကူး 15:32

ခရံာ်လၢအမ့ၢ်အံၣ်စရ့လးအစီၤပၤတဂၤအံၤ, မ်အကဟဲက့ၤလီၤလၢထူၣ်စုညါအလိၤခဲအံၤဒ်သိး ပကထံၣ်ဘၣ်တၢ်မၤအသးဒီးနာ်အီၤကသ့အဂီၢ်န့ၣ်တက့ၢ်.” ဒီးပှၤခံဂၤလၢအဘၣ်တၢ်ပျၤထီအီၤတပူၤဃီဒီးယ့ၣ်ၡူးန့ၣ်, ကတိၤစံးအၢစံးသီစ့ၢ်ကီးအီၤလီၤ.

လံာ်မၢ်ကူး 8:34

ဝံၤဒီးယ့ၣ်ၡူးကိးဃီၤပှၤဂီၢ်မုၢ်ဃုာ်ဒီးအပျဲၢ်အဘီၣ်တဖၣ် ဆူအအိၣ်ဒီးစံးဘၣ်အဝဲသ့ၣ်, “ပှၤတဂၤလၢ်လၢ်လၢအသးအိၣ်ကဲထီၣ်ယပျဲၢ်ယဘီၣ်န့ၣ်, ကဘၣ်ညိကွံာ်အသးဒၣ်ဝဲ, ဟံးထီၣ်ဒီးယိးထီၣ်အထူၣ်စုညါ, ဒီးပိာ်ထီၣ်ယခံန့ၣ်လီၤ.

လံာ်လူၤကၣ် 14:27

ပှၤတဂၤလၢ်လၢ်လၢအတယိးအထူၣ်စုညါဒၣ်ဝဲဒီးပိာ်ယခံန့ၣ်, ကဲယပျဲၢ်ယဘီၣ်တသ့ဘၣ်.

လံာ်လူၤကၣ် 23:26

ဖဲအဝဲသ့ၣ်ဆှၢယ့ၣ်ၡူးဒီးလဲၤတၢ်အဖၢမုၢ်န့ၣ်, ဘၣ်သဂၢၢ်ဒီးပှၤတဂၤလၢအမံၤမ့ၢ်စီၤၡံမိၣ်ဘၣ်ဃးဒီးကီၢ်ကူၤရ့ၤန့, လၢအဟဲလၢခိဒီးဟဲနုာ်လီၤဆူဝ့ၢ်ပူၤန့ၣ်လီၤ. အဝဲသ့ၣ်ဖီၣ်အီၤ, ပာ်ထီၣ်ထူၣ်စုညါလၢအလိၤဒီးမၢအစိာ်ဝဲဒီးလဲၤတၢ်လၢ ယ့ၣ်ၡူးအလီၢ်ခံန့ၣ်လီၤ.

လံာ်လူၤကၣ် 23:33

ဖဲအဝဲသ့ၣ်တုၤတၢ်လီၢ်တတီၤလၢအဘၣ်တၢ်ကိးအီၤလၢ, “ကီၤလၤကီၤသါ” လၢအခီပညီမ့ၢ်, “တၢ်ခိၣ်ဃံ” န့ၣ်, အဝဲသ့ၣ်ပျၤထီ ယ့ၣ်ၡူးလၢထူၣ်စုညါအလိၤဖဲန့ၣ်, ဒီးပှၤအၢပှၤသီခံဂၤစ့ၢ်ကီး, တဂၤလၢအစုထွဲ, ဒီးတဂၤလၢအစုစ့ၣ်န့ၣ်လီၤ.

လံာ်လူၤကၣ် 23:38

လၢအဝဲဒၣ်အခိၣ်ထးန့ၣ်, တၢ်ကတိၤ ‘အဝဲအံၤမ့ၢ်ပှၤယူဒၤဖိတဖၣ် အစီၤပၤ’ ဘၣ်တၢ်ကွဲးလီၤအီၤလီၤ.

လံာ်လူၤကၣ် 9:23

ဒီးအဝဲဒၣ်စံးဘၣ်ပှၤကိးဂၤဒဲး, “ပှၤမ့ၢ်သးအိၣ်ပိာ်ယခံတဂၤဂၤန့ၣ်, အဝဲဒၣ်ကဘၣ်ညိကွံာ်အသး, ဟံးထီၣ်အထူၣ်စုညါကိးနံၤဒဲးဒီးကဲထီၣ်ယပျဲၢ်ယဘီၣ်လီၤ.

လံာ်ယိၤဟၣ် 19:13

တုၤစီၤပံၤလးနၢ်ဟူတၢ်ကတိၤတဖၣ်အံၤဒီး, အဝဲဆှၢထီၣ် ယ့ၣ်ၡူးဆူတၢ်ချၢဒီးဆ့ၣ်နီၤဝဲလၢပှၤစံၣ်ညီၣ်ကွီၢ်အလီၢ် ဆ့ၣ်နီၤအလိၤ, ဖဲတၢ်လီၢ်တတီၤလၢတၢ်ကိးအီၤလၢ, “လၢၢ်ဘ့ၣ်ဘၣ်လၢအဒါလီၤအသး” န့ၣ်လီၤ. (လၢဧ့ၤဘြံၤအကျိာ် တခီတၢ်ကိးအီၤလၢ “ကၤဘၤသါ” လီၤ.)

လံာ်ယိၤဟၣ် 5:2

ဖဲတၢ်လီၢ်ကိးဝဲလၢသိတြဲၤအဃၢၤလၢဝ့ၢ်ယရူၤၡလ့ၣ် အပူၤန့ၣ်, နိၣ်အိၣ်ဝဲတနိၣ်အိၣ်ဒီးအတၢ်ဒုးခိၣ်ယဲၢ်ဖျၢၣ်ဒီး နိၣ်အံၤတၢ်ကိးအီၤလၢဧ့ၤဘြံၤအကျိာ်လၢဘ့ၤသ့းစဒါန့ၣ်လီၤ.

မၤတၢ် 7:58

ဟီထီၣ်ကွံာ်အီၤဆူဝ့ၢ်အချၢ, ဒီးကွံာ်အီၤလၢလၢၢ်လီၤ. ပှၤအုၣ်အသးတဖၣ်ပာ်လီၤအဆ့ကၤဖီခိၣ်ဖဲပိာ်ခွါသးစၢ်လၢ အမံၤမ့ၢ်စီၤစီလူးတဂၤအခီၣ်ထံးလၢအကကွၢ်ထွဲပာ်ဝဲအဂီၢ် လီၤ.