လံာ်ယိၤဟၣ် 19:15 - Sgaw Karen Common Bible

¹⁵ အဝဲသ့ၣ်ကိးပသူထီၣ်ကဒါက့ၤ, “မၤသံအီၤ, မၤသံအီၤ, ပျၤထီအီၤလၢထူၣ်စုညါအလိၤတက့ၢ်.” စီၤပံၤလးသံကွၢ်အဝဲသ့ၣ်, “မ့ၢ်သုအဲၣ်ဒိးလၢယကပျၤထီ သုစီၤပၤလၢထူၣ်စုညါအလိၤန့ၣ်ဧါ.” ပှၤလုၢ်တၢ်အခိၣ်အဒိၣ်တဖၣ်စံးဆၢတၢ်ဒီးစံးဝဲ, “ပစီၤပၤအိၣ်ထဲတဂၤဧိၤလၢအမ့ၢ်ရိမ့ၤအစီၤပၤဖးဒိၣ်န့ၣ်လီၤ.”

လံာ်ယိၤဟၣ် 19:15 Iomraidhean Croise

လံာ်တၢ်ကဲထီၣ်အခီၣ်ထံး 49:10

စီၤယူဒၤကစိာ်စီၤပၤအဘီမုၢ်နီၣ်ထိး, ဒီးအစၢၤအသွဲၣ်ကပၢတၢ် တဘိယူၢ်ဃီလီၤ. ပှၤကလုာ်တဖၣ်ကဟဲစိာ်န့ၢ်အီၤတၢ်ယူးယီၣ်ပာ်ကဲအတၢ်ဟ့ၣ်ဒီးတီၤ လီၤလၢအမဲာ်ညါအိၣ်ဒီးတၢ်စူၢ်အကလုၢ်န့ၣ်လီၤ.

လံာ်မးသဲ 22:17

လၢတၢ်န့ၣ်အဃိ, ပဟ့ၣ်ရိမ့ၤအစီၤပၤဖးဒိၣ်လၢတၢ်ခိတၢ်သွဲ န့ၣ်, မ့ၢ်တၢ်လၢအထီဒါပတၢ်သိၣ်တၢ်သီဧါ. တထီဒါလဲၣ်န့ၣ်, စံးဘၣ်တဲဘၣ်ပှၤလၢနတၢ်ပာ်နသးတက့ၢ်.”

လံာ်လူၤကၣ် 23:18

ပှၤဂီၢ်မုၢ်ဒီဖုညါကိးထီၣ်ဝဲ, “မၤသံအီၤတက့ၢ်. ပျၢ်ဖျဲးကွံာ်စီၤဘၤရးဘါလၢပဂီၢ်တက့ၢ်.”

လံာ်ယိၤဟၣ် 18:31

စီၤပံၤလးစံးဘၣ်အဝဲသ့ၣ်, “မ့မ့ၢ်ဒ်န့ၣ်ဒီး, သုဝဲသ့ၣ်သုကစၢ် ဒၣ်ဝဲက့ၤကိးအီၤ, ဒီးစံၣ်ညီၣ်အီၤဒ်သုတၢ်ဘူၣ်တၢ်ဘါအတၢ်သိၣ်တၢ်သီအိၣ်ဝဲ အသိးန့ၣ်တက့ၢ်.” အဝဲသ့ၣ်စံးဆၢတၢ်ဒီးစံးဝဲ, “တၢ်တဟ့ၣ်ပှၤအခွဲးလၢ ပကမၤသံပှၤတဂၤဂ့ၤတဂၤဂ့ၤန့ၣ်ဘၣ်.”

လံာ်ယိၤဟၣ် 19:6

တုၤပှၤလုၢ်တၢ်အခိၣ်အဒိၣ်တဖၣ်ဒီးတၢ်လုၢ်ဟံၣ်အပှၤပၢၤတၢ် တဖၣ်ထံၣ်ယ့ၣ်ၡူးဒီး, အဝဲသ့ၣ်ကိးပသူထီၣ်ဒီးစံးဝဲဒၣ်, “ပျၤထီအီၤလၢထူၣ်စုညါအလိၤ, ပျၤထီအီၤလၢထူၣ်စုညါ အလိၤတက့ၢ်.” စီၤပံၤလးစံးဘၣ်အဝဲသ့ၣ်, “မ့မ့ၢ်ဒ်န့ၣ်ဒီး, ဟဲဟံးန့ၢ်အီၤ ဒီးပျၤထီကွံာ်အီၤလၢထူၣ်စုညါအလိၤလၢသုကစၢ်ဒၣ်သုဝဲ တက့ၢ်. ယဲယတထံၣ်န့ၢ်တၢ်အဂ့ၢ်အခၢးလၢယကစံၣ်ညီၣ်အီၤ အဂီၢ်နီတမံၤဘၣ်.”

မၤတၢ် 13:28

ဒီးအဝဲသ့ၣ်တထံၣ်န့ၢ်တၢ်ဂ့ၢ်တၢ်ကျိၤလၢအကစံၣ်ညီၣ် သံယ့ၣ်ၡူးအဂီၢ်နီတမံၤသနာ်က့, မၢဆူၣ်စီၤပံၤလးလၢအကစံၣ်ညီၣ်သံအီၤန့ၣ်လီၤ.

မၤတၢ် 21:36

ကမျၢၢ်အၢသီဒီဖုညါဟဲလူၤအီၤဒီးကိးပသူထီၣ်ဝဲ, “မၤသံအီၤ တက့ၢ်.”

မၤတၢ် 22:22

တုၤဖဲအံၤန့ၣ်, ပှၤဂီၢ်မုၢ်ဒိကနၣ်တၢ်လၢစီၤပီလူးစံးဝဲလီၤ. ဘၣ်ဆၣ်ဒီးအဝဲအံၤဝံၤအလီၢ်ခံ, အဝဲသ့ၣ်ကိးပသူထီၣ်လၢ အကလုၢ်ဖးဒိၣ်ဒီးစံးဝဲ, “မၤသံကွံာ်အီၤတက့ၢ်. မၤသံအီၤတက့ၢ်. အဝဲတကြၢးအိၣ်မူလၢၤဘၣ်.”