လံာ်ယိၤဟၣ် 19:13 - Sgaw Karen Common Bible

¹³ တုၤစီၤပံၤလးနၢ်ဟူတၢ်ကတိၤတဖၣ်အံၤဒီး, အဝဲဆှၢထီၣ် ယ့ၣ်ၡူးဆူတၢ်ချၢဒီးဆ့ၣ်နီၤဝဲလၢပှၤစံၣ်ညီၣ်ကွီၢ်အလီၢ် ဆ့ၣ်နီၤအလိၤ, ဖဲတၢ်လီၢ်တတီၤလၢတၢ်ကိးအီၤလၢ, “လၢၢ်ဘ့ၣ်ဘၣ်လၢအဒါလီၤအသး” န့ၣ်လီၤ. (လၢဧ့ၤဘြံၤအကျိာ် တခီတၢ်ကိးအီၤလၢ “ကၤဘၤသါ” လီၤ.)

လံာ်ယိၤဟၣ် 19:13 Iomraidhean Croise

တၢ်ကတိၤဒိ. 29:25

နသးမ့ၢ်စၢၢ်ဆၢဒၣ်ထဲလၢပှၤဂုၤပှၤဂၤတဖၣ်အတၢ်ဆိကမိၣ်လၢ နဖီခိၣ်န့ၣ်, မ့ၢ်တၢ်လီၤပျံၤဒိၣ်မးလီၤ. ဘၣ်ဆၣ်နမ့ၢ်နာ်ယွၤဒီးနကအိၣ်ခၢၣ် သနၢၣ်လီၤ.

လံာ်ပှၤစံၣ်တဲၤတဲလီၤတၢ် 5:8

ဖဲလၢနထံၣ်ဘၣ်ထံကီၢ်ပဒိၣ်ပပှၢ်မၤနးမၤဖှီၣ်ပှၤဖှီၣ်ဖိယာ်ဖိဒီးတပျဲ ဘၣ်အဝဲသ့ၣ်ဒိးန့ၢ်တၢ်စံၣ်ညီၣ်တီဒီးအခွဲးအယာ်တဖၣ်ဘၣ်န့ၣ်, ကမၢကမၣ်တဂ့ၤ. ပဒိၣ်ပပှၢ်ကိးဂၤဒဲးန့ၣ်ဘၣ်တၢ်ဒီဒၣ်အိၣ်ပှိၤ အီၤလၢပှၤလၢအဖီခိၣ်တဂၤ, ဒီးအဝဲသ့ၣ်ခံဂၤလိာ်န့ၣ်ဘၣ်တၢ်ဒီဒၣ်အိၣ်ပှိၤဒံးအီၤလၢ ပဒိၣ်ပပှၢ်တဖၣ်လၢအဒိၣ်န့ၢ်ထီန့ၢ်အဝဲသ့ၣ်န့ၣ်လီၤ.

လံာ်ယၡါယၤ 57:11

ယွၤစံးဝဲ, “တုၤဒၣ်လဲာ်သုဘၣ်တဲယၤတၢ်လီတၢ်ဝ့ၤတဖၣ် ဒီးသးပ့ၤနီၣ်ကွံာ်ယၤလၢာ်လၢာ်ဆ့ဆ့န့ၣ်, မ့ၢ်ကစၢ်မတၤတဖၣ်မၤပျံၤမၤဖုးသုန့ၣ်လဲၣ်. မ့ၢ်သုဆိကတီၢ်ကွံာ်သု တၢ်ယူးယီၣ်ယၤ, မ့ၢ်လၢယအိၣ်ဘှ့ၣ် အိၣ်ဘှီၣ်ကဲၣ်ဆိးအဃိန့ၣ်ဧါ.

လံာ်ယံးရမံယၤ 38:19

ဘၣ်ဆၣ်ဒီး စီၤပၤစံးဆၢဝဲ, “ယပျံၤဘၣ်ယပှၤထံဖိကီၢ်ဖိတဖၣ်လၢ အဟးသဒၣ်ကွံာ် ပှၤဒီးလဲၤခီဃီၤဆူ ပှၤဘၤဘူၤလိၣ်ဖိတဖၣ် အအိၣ်န့ၣ်လီၤ. ယကဘၣ်တၢ်ဟ့ၣ်လီၤကွံာ်ဘၣ်ဖုးယၤဆူ အဝဲသ့ၣ်အစုပူၤဒီး အဝဲသ့ၣ်ကမၤဆူး မၤဆါဘၣ် ဖုးယၤန့ၣ်လီၤ.”

လံာ်ဧၤမိၣ် 4:7

ယတြီဃာ်တၢ်ဟဲစူၤဖဲသုတၢ်မုၢ်တၢ်ဘိတဖၣ်လိၣ်ဘၣ်အီၤ အဒိၣ်ကတၢၢ်အကတီၢ်န့ၣ်လီၤ. ယဒုးဟဲစူၤလီၤတၢ်လၢဝ့ၢ်တ ဖျၢၣ်အဖီခိၣ်ဘၣ်ဆၣ်တြီဃာ်တၢ်စူၤလၢဝ့ၢ်အဂၤတဖျၢၣ်အဖီခိၣ် လီၤ. တၢ်ဟဲစူၤလီၤလၢဟီၣ်ခိၣ်တကဝီၤအဖီခိၣ်ဘၣ်ဆၣ်ဟီၣ်ခိၣ်အဂၤ တကဝီၤလၢတၢ်တဟဲစူၤဘၣ်န့ၣ်ဃ့ထီကွံာ်ဝဲလီၤ.

လံာ်မးသဲ 27:19

ဖဲစီၤပံၤလးဆ့ၣ်နီၤဝဲလၢတၢ်စံၣ်ညီၣ်ကွီၢ်အလီၢ်ဆ့ၣ်နီၤအဖီ ခိၣ်အဖၢမုၢ်န့ၣ်, အမါဆှၢလီၤန့ၢ်အီၤတၢ်ကစီၣ်လၢအစံး, “တဘၣ်မၤဘၣ်ဃးနသးဒီးပှၤလၢအတၢ်ကမၣ်တအိၣ်ဘၣ် တဂၤအံၤတဂ့ၤ. အဂ့ၢ်ဒ်အံၤ, လၢတၢ်မံမီၢ်အဃိန့ၣ်, တနံၤအံၤယသးဘၣ်နးဘၣ်ဖှီၣ် ဒီးဘၣ်တံာ်တာ်ဒိၣ်မးလၢအဝဲဒၣ်အဂ့ၢ်န့ၣ်လီၤ.”

လံာ်လူၤကၣ် 12:5

ယကဒုးနဲၣ်သုပှၤလၢသုကဘၣ်ပျံၤအီၤန့ၣ်လီၤ. ပျံၤကစၢ်ယွၤလၢအမၤသံပှၤဝံၤအလီၢ်ခံအိၣ်ဒီးတၢ်စိတၢ် ကမီၤလၢအကတ့ၢ်လီၤပှၤဆူလရာ်အပူၤတဂၤန့ၣ်တက့ၢ်. မ့ၢ်လီၤ. ယစံးဘၣ်တဲဘၣ်သု, ပျံၤအဝဲဒၣ်န့ၣ်တက့ၢ်.

လံာ်ယိၤဟၣ် 19:17

ယ့ၣ်ၡူးယိးအထူၣ်စုညါဒီးဟးထီၣ်ကွံာ်ဝဲဖဲန့ၣ် ဒီးလဲၤတုၤဝဲလၢတၢ်လီၢ်တတီၤလၢတၢ်ကိးအီၤ, “တၢ်ခိၣ်ဃံအလီၢ်,” (လၢဧ့ၤဘြံၤအကျိာ်တၢ်ကိးအီၤလၢ “ကီၤလၤကီၤသါ”) န့ၣ်လီၤ.

လံာ်ယိၤဟၣ် 19:20

ဒီးပှၤယူဒၤဖိအါဂၤဖးဘၣ်တၢ်အံၤ, မ့ၢ်လၢတၢ်လီၢ်ဖဲ ယ့ၣ်ၡူးဘၣ်တၢ်ပျၤထီအီၤလၢထူၣ်စုညါအလိၤန့ၣ်, တယံၤကဲၣ်ဆိးဒီးဝ့ၢ်ဘၣ်အဃိန့ၣ်လီၤ. လံာ်ဘိးဘၣ်သ့ၣ်ညါအံၤဘၣ်တၢ်ကွဲးဃာ်အီၤလၢဧ့ၤဘြံၤ အကျိာ်, လးတ့ၣ်အကျိာ်ဒီးကြံးခ်အကျိာ်န့ၣ်လီၤ.

လံာ်ယိၤဟၣ် 19:8

တုၤစီၤပံၤလးနၢ်ဟူတၢ်အံၤဒီး, အဝဲပျံၤတၢ်ဒိၣ်န့ၢ်အလီၢ်တက့ၢ်လီၤ.

လံာ်ယိၤဟၣ် 5:2

ဖဲတၢ်လီၢ်ကိးဝဲလၢသိတြဲၤအဃၢၤလၢဝ့ၢ်ယရူၤၡလ့ၣ် အပူၤန့ၣ်, နိၣ်အိၣ်ဝဲတနိၣ်အိၣ်ဒီးအတၢ်ဒုးခိၣ်ယဲၢ်ဖျၢၣ်ဒီး နိၣ်အံၤတၢ်ကိးအီၤလၢဧ့ၤဘြံၤအကျိာ်လၢဘ့ၤသ့းစဒါန့ၣ်လီၤ.

မၤတၢ် 4:19

ဘၣ်ဆၣ်ဒီးစီၤပ့းတရူးဒီးစီၤယိၤဟၣ်စံးဆၢက့ၤအဝဲသ့ၣ်, “လၢကစၢ်ယွၤအမဲာ်ညါန့ၣ်, တၢ်အဘၣ်မ့ၢ်တၢ်ဒ်လဲၣ်န့ၣ်စံၣ်ညီၣ်ဒၣ်သုဝဲတက့ၢ်. မ့ၢ်တၢ်ဒိကနၣ်သုကလုၢ်ဧါ. မ့တမ့ၢ်ဘၣ်ဒီးတၢ်ဒိကနၣ်ကစၢ်ယွၤ အကလုၢ်လဲၣ်.