လံာ်ယိၤဟၣ် 18:31 - Sgaw Karen Common Bible

³¹ စီၤပံၤလးစံးဘၣ်အဝဲသ့ၣ်, “မ့မ့ၢ်ဒ်န့ၣ်ဒီး, သုဝဲသ့ၣ်သုကစၢ် ဒၣ်ဝဲက့ၤကိးအီၤ, ဒီးစံၣ်ညီၣ်အီၤဒ်သုတၢ်ဘူၣ်တၢ်ဘါအတၢ်သိၣ်တၢ်သီအိၣ်ဝဲ အသိးန့ၣ်တက့ၢ်.” အဝဲသ့ၣ်စံးဆၢတၢ်ဒီးစံးဝဲ, “တၢ်တဟ့ၣ်ပှၤအခွဲးလၢ ပကမၤသံပှၤတဂၤဂ့ၤတဂၤဂ့ၤန့ၣ်ဘၣ်.”

လံာ်ယိၤဟၣ် 18:31 Iomraidhean Croise

လံာ်တၢ်ကဲထီၣ်အခီၣ်ထံး 49:10

စီၤယူဒၤကစိာ်စီၤပၤအဘီမုၢ်နီၣ်ထိး, ဒီးအစၢၤအသွဲၣ်ကပၢတၢ် တဘိယူၢ်ဃီလီၤ. ပှၤကလုာ်တဖၣ်ကဟဲစိာ်န့ၢ်အီၤတၢ်ယူးယီၣ်ပာ်ကဲအတၢ်ဟ့ၣ်ဒီးတီၤ လီၤလၢအမဲာ်ညါအိၣ်ဒီးတၢ်စူၢ်အကလုၢ်န့ၣ်လီၤ.

လံာ်ယိၤဟၣ် 18:30

အဝဲသ့ၣ်စံးဆၢတၢ်ဒီးစံးဝဲ, “အဝဲမ့ၢ်တမၤကမၣ်ထံကီၢ်တၢ်သိၣ်တၢ်သီ တမံၤမံၤဘၣ်ဒီး, တမ့ၢ်လၢပကဟဲဆှၢအီၤဆူနအိၣ်န့ၣ်ဘၣ်.”

လံာ်ယိၤဟၣ် 18:32

(တၢ်အဝဲအံၤမၤအသးမ့ၢ်ဒ်သိးတၢ်လၢယ့ၣ်ၡူးစံးတ့ၢ်ဝဲဘၣ်ထွဲဒီး အဝဲကဘၣ်သံလၢတၢ်သံဒ်လဲၣ်န့ၣ်, ကလၢထီၣ်ပှဲၤထီၣ်ဝဲအဂီၢ် န့ၣ်လီၤ.)

လံာ်ယိၤဟၣ် 19:15

အဝဲသ့ၣ်ကိးပသူထီၣ်ကဒါက့ၤ, “မၤသံအီၤ, မၤသံအီၤ, ပျၤထီအီၤလၢထူၣ်စုညါအလိၤတက့ၢ်.” စီၤပံၤလးသံကွၢ်အဝဲသ့ၣ်, “မ့ၢ်သုအဲၣ်ဒိးလၢယကပျၤထီ သုစီၤပၤလၢထူၣ်စုညါအလိၤန့ၣ်ဧါ.” ပှၤလုၢ်တၢ်အခိၣ်အဒိၣ်တဖၣ်စံးဆၢတၢ်ဒီးစံးဝဲ, “ပစီၤပၤအိၣ်ထဲတဂၤဧိၤလၢအမ့ၢ်ရိမ့ၤအစီၤပၤဖးဒိၣ်န့ၣ်လီၤ.”