လံာ်ယိၤဟၣ် 18:25 - Sgaw Karen Common Bible

²⁵ စီၤပ့းတရူးအိၣ်ဆၢထၢၣ်ဒံးဖဲန့ၣ်ဒီးဆူးမ့ၣ်အူန့ၣ်လီၤ. အဃိ, ပှၤအဂၤတဖၣ်သံကွၢ်အီၤ, “နမ့ၢ်စ့ၢ်ကီးပှၤအဝဲန့ၣ် အပျဲၢ်အဘီၣ်တဂၤတမ့ၢ်ဘၣ်ဧါ.” ဘၣ်ဆၣ် စီၤပ့းတရူးသမၢတၢ်ဒီးစံးဝဲဒၣ်, “တမ့ၢ်ဘၣ်.”

လံာ်ယိၤဟၣ် 18:25 Iomraidhean Croise

လံာ်တၢ်ကဲထီၣ်အခီၣ်ထံး 18:15

မ့ၢ်လၢနီၢ်စၤရါပျံၤတၢ်အဃိသမၢတၢ်ဒီးစံး, “ယတနံၤဘၣ်” ဘၣ်ဆၣ်ဒီးကလူးစံးဝဲ, “နနံၤတ့ၢ်လီၤ. နနံၤသပှၢ်တၢၢ်လီၤ.”

တၢ်ကတိၤဒိ. 29:25

နသးမ့ၢ်စၢၢ်ဆၢဒၣ်ထဲလၢပှၤဂုၤပှၤဂၤတဖၣ်အတၢ်ဆိကမိၣ်လၢ နဖီခိၣ်န့ၣ်, မ့ၢ်တၢ်လီၤပျံၤဒိၣ်မးလီၤ. ဘၣ်ဆၣ်နမ့ၢ်နာ်ယွၤဒီးနကအိၣ်ခၢၣ် သနၢၣ်လီၤ.

လံာ်မးသဲ 26:69

ဖဲစီၤပ့းတရူးဆ့ၣ်နီၤလၢတၢ်ချၢလၢတၢ်လီၢ်လီၤပျီအပူၤအဖၢ မုၢ်န့ၣ်, ပှၤလုၢ်တၢ်အခိၣ်အဒိၣ်ကတၢၢ်အကုၢ်ပိာ်မုၣ်ဖိတဖၣ် အကျါတဂၤဟဲဆူအအိၣ်ဒီးစံး, “နၤစ့ၢ်ကီး, နမ့ၢ်ပှၤလၢအအိၣ်သကိးတ့ၢ်ဒီးပှၤကၤလံၤလါဖိယ့ၣ်ၡူး လီၤ.”

လံာ်မၢ်ကူး 14:66

ဖဲစီၤပ့းတရူးအိၣ်ဒံးဒၣ်လၢတၢ်ဖီလာ်လၢတၢ်လီၢ်လီၤပျီတကဝီၤ အပူၤအကတီၢ်န့ၣ်, ပှၤလုၢ်တၢ်အခိၣ်အဒိၣ်ကတၢၢ်အခ့အပှၤပိာ်မုၣ်အကျါတဂၤဟဲဃီၤ ဝဲဖဲတၢ်ကပၤထံးန့ၣ်လီၤ.

လံာ်လူၤကၣ် 22:55

ပှၤမၤကဲၤထီၣ်မ့ၣ်အူလၢကွီၢ်ဘျီၣ်အဂၢၤအခၢၣ်သး, ဒီးစီၤပ့းတရူးလဲၤဆ့ၣ်နီၤဃုာ်ဒီးပှၤလၢအဆ့ၣ်နီၤဝးတရံးမ့ၣ်အူ တဖၣ်န့ၣ်လီၤ.

လံာ်လူၤကၣ် 22:56

ဖဲတၢ်ခ့တၢ်ပှၤပိာ်မုၣ်အကျါတဂၤထံၣ်အဝဲဒၣ်ဆ့ၣ်နီၤဖဲမ့ၣ်အူ အမဲာ်ညါန့ၣ်, အဝဲဒၣ်ကွၢ်ဃီၤအီၤလိၤလိၤဒီးစံးဝဲ, “ပှၤတဂၤအံၤစ့ၢ်ကီးပိာ်ယ့ၣ်ၡူးအခံလီၤ.”

လံာ်လူၤကၣ် 22:57

ဘၣ်ဆၣ်ဒီး, စီၤပ့းတရူးသမၢဝဲဒီးစံး, “ပိာ်မုၣ်ဧၢ, ယတသ့ၣ်ညါဒၣ်လဲာ်အီၤဘၣ်.”