လံာ်ယိၤဟၣ် 18:18 - Sgaw Karen Common Bible

¹⁸ တၢ်ဂိၢ်ဒိၣ်မးအဃိ, ပှၤလုၢ်တၢ်အခိၣ်အဒိၣ်ကတၢၢ် အခ့အပှၤတဖၣ်ဒီးပှၤပၢၤတၢ်လုၢ်ဟံၣ်တဖၣ်မၤကဲၤထီၣ် မ့ၣ်အူလၢသွဲၣ်လး, အိၣ်ဆၢထၢၣ်ဝးတရံးဒီးဆူးမ့ၣ်အူဖဲ န့ၣ်လီၤ. စီၤပ့းတရူးစ့ၢ်ကီးအိၣ်ဆၢထၢၣ်ဆူးမ့ၣ်အူလၢ အဝဲသ့ၣ်အကျါန့ၣ်လီၤ.

လံာ်ယိၤဟၣ် 18:18 Iomraidhean Croise

လံာ်တၢ်ကဲထီၣ်အခီၣ်ထံး 49:6

ယတမၤဃုာ်တၢ်လၢအဝဲသ့ၣ်အတၢ်ကတိၤခူသူၣ်တဖၣ်အပူၤမ့ၢ်ဂ့ၤ, ယတအိၣ်ဖှိၣ်ရိဖှိၣ်ဃုာ်ဒီးအဝဲသ့ၣ်လၢအတၢ်ထံၣ်လိာ်သးတဖၣ် အပူၤမ့ၢ်ဂ့ၤဘၣ်. အဂ့ၢ်ဒ်အံၤ, အဝဲသ့ၣ်မၤသံ တ့ၢ်ပှၤကညီတဖၣ်လၢတၢ်သးဒိၣ်အပူၤဒီးမၤဟးဂီၤကွံာ်ကျီၢ်ဖါ တဖၣ်အခီၣ်လၢတၢ်လိာ်ကွဲအဂီၢ်လီၤ.

လံာ်စီၤပၤအခီၣ်ထံးတဘ့ၣ် 19:9

ဖဲန့ၣ်အဝဲလဲၤနုာ်ဆူလၢၢ်ကအိတခါအပူၤလၢကမံဝဲလၢတနၤအဂီၢ် လီၤ. သတူၢ်ကလာ်ယွၤကတိၤဃီၤတၢ်ဒီးအီၤစံးဝဲ, “စီၤအ့ၤလံယၤဧၢ, နမၤတၢ်မနုၤဖဲအံၤန့ၣ်လဲၣ်.”

စံးထီၣ်ပတြၢၤ 1:1

ပှၤလၢအတတူၢ်လိာ်ပှၤတတီတလိၤသ့ၣ်တဖၣ် အတၢ်ဟ့ၣ်ကူၣ်ဟ့ၣ်ဖး, ပှၤလၢအတလူၤပိာ်ထွဲပှၤတၢ်ဒဲးဘးဖိသ့ၣ်တဖၣ် အတၢ်သိၣ်လိသီလိအခံ, ဒီးပှၤလၢအတမၤဘၣ်ထွဲလိာ်အသးဒီး ပှၤလၢအဒုၣ်ဒွဲၣ်ကစၢ်ယွၤတဖၣ်န့ၣ်, မ့ၢ်ပှၤဘၣ်ဆိၣ်ဂ့ၤနီၢ်နီၢ်လီၤ.

တၢ်ကတိၤဒိ. 13:20

လဲၤတၢ်ဒီးပှၤကူၣ်သ့ဒီးနကကဲထီၣ်ပှၤကူၣ်သ့န့ၣ်လီၤ. နမ့ၢ်မၤတံၤမၤသကိးဒီးပှၤဟးဂီၤဖိတဖၣ်န့ၣ်နကဟးဂီၤလီၤ.

လံာ်မၢ်ကူး 14:54

စီၤပ့းတရူးလဲၤပိာ်ဝဲယ့ၣ်ၡူးအခံလၢအယံၤ, ဒီးလဲၤနုာ်ဝဲဆူတၢ်လီၢ်လီၤပျီတကဝီၤလၢပှၤလုၢ်တၢ်အခိၣ် အဒိၣ်ကတၢၢ်တဂၤအဟံၣ်အဂၢၤပူၤလီၤ. ဆ့ၣ်နီၤဝဲဖဲန့ၣ်ဒီးဆူးမ့ၣ်အူလၢပှၤပၢၤတၢ်ဖိတဖၣ်အသကိးလီၤ.

လံာ်မၢ်ကူး 14:67

တုၤအထံၣ်စီၤပ့းတရူးဆူးမ့ၣ်အူန့ၣ်ဒီး, ကွၢ်ထံကွၢ်ဆးအီၤဒီးစံးဝဲ, “နဲစ့ၢ်ကီး, နမ့ၢ်တ့ၢ်ပှၤအိၣ်တပူၤဃီဒီးပှၤနစၤရ့းဖိယ့ၣ်ၡူးန့ၣ်လီၤ.”

လံာ်လူၤကၣ် 22:44

လၢတၢ်သူၣ်ကိၢ်သးဂီၤဖးဒိၣ်အပူၤ, အဝဲဃ့ဘါထုကဖၣ်တၢ်လၢတၢ်ပာ်အသးသပှၢ်ပှၢ်အပူၤ, ဒိၣ်န့ၢ်အလီၢ်လီၤ. အဝဲဒၣ်အကပၢၤယွၤလီၤဒ်တၢ်သွံၣ်အလီၤစီၤ တဖၣ်အသိး, လၢဟီၣ်ခိၣ်လိၤလီၤ.

လံာ်ယိၤဟၣ် 18:25

စီၤပ့းတရူးအိၣ်ဆၢထၢၣ်ဒံးဖဲန့ၣ်ဒီးဆူးမ့ၣ်အူန့ၣ်လီၤ. အဃိ, ပှၤအဂၤတဖၣ်သံကွၢ်အီၤ, “နမ့ၢ်စ့ၢ်ကီးပှၤအဝဲန့ၣ် အပျဲၢ်အဘီၣ်တဂၤတမ့ၢ်ဘၣ်ဧါ.” ဘၣ်ဆၣ် စီၤပ့းတရူးသမၢတၢ်ဒီးစံးဝဲဒၣ်, “တမ့ၢ်ဘၣ်.”

လံာ်ယိၤဟၣ် 18:3

စီၤယူဒၤလဲၤဆူတၤသၣ်လီၢ်အံၤဒီးလဲၤကိးဃုာ်ပှၤရိမ့ၤသုးဖိ တဖုဒီးပှၤပၢၤတၢ်လုၢ်ဟံၣ်ဖိတနီၤလၢပှၤလုၢ်တၢ်အခိၣ်အဒိၣ် တဖၣ်ဒီးပှၤဖၤရံၤၡဲတဖၣ်မၢလီၤအီၤန့ၣ်လီၤ. အဝဲသ့ၣ်အိၣ်ဒီး စုကဝဲၤဒီးစိာ်ဃုာ်မ့ၣ်အူဒၢဒီးဆှိတဖၣ်န့ၣ်လီၤ.

လံာ်ယိၤဟၣ် 21:9

ဖဲအဝဲသ့ၣ်ဟဲက့ၤထီၣ်ဆူထံကၢၢ်ခိၣ်န့ၣ်, ထံၣ်ဝဲသွဲၣ်လးမ့ၣ်အူ ကဖးတပူၣ်ဒီးညၣ်ကၣ်အိၣ်လၢအဖီခိၣ်ဒီးကိၣ်အိၣ်တနီၤ စ့ၢ်ကီးန့ၣ်လီၤ.

မၤတၢ် 4:23

တုၤတၢ်ပျၢ်ထူၣ်ဖျဲးကွံာ်စီၤပ့းတရူးဒီးစီၤယိၤဟၣ်ဝံၤတဘျီဃီဒီး, အဝဲသ့ၣ်က့ၤက့ၤဆူအတံၤသကိးတဖၣ်အအိၣ်ဒီးစံးဘၣ်တဲဘၣ်အဝဲ သ့ၣ်တၢ်လၢပှၤလုၢ်တၢ်အခိၣ်အဒိၣ်တဖၣ်ဒီးပှၤသူၣ်က့သးပှၢ် တဖၣ်စံးဘၣ်တ့ၢ်အဝဲသ့ၣ်န့ၣ်လီၤ.

1 ကရံၣ်သူး 15:33

သုတဘၣ်တၢ်လီန့ၢ်သုတဂ့ၤ. “တံၤသကိးအအၢအသီတဖၣ်န့ၣ်မၤဟးဂီၤလုၢ်လၢ်သကဲာ်ပဝး အဂ့ၤအဝါလီၤ.”