လံာ်ယိၤဟၣ် 18:17 - Sgaw Karen Common Bible

¹⁷ ပိာ်မုၣ်လၢအပၢၤကျဲစၢၤတဂၤအံၤစံးဘၣ်စီၤပ့းတရူး, “နမ့ၢ်စ့ၢ်ကီးပှၤအဝဲန့ၣ်အပျဲၢ်အဘီၣ်တဂၤတမ့ၢ်ဘၣ်ဧါ.” စီၤပ့းတရူးစံးဆၢတၢ်ဒီးစံးဝဲ, “တမ့ၢ်ဘၣ်.”

လံာ်ယိၤဟၣ် 18:17 Iomraidhean Croise

လံာ်မးသဲ 26:33

စီၤပ့းတရူးစံးဘၣ်ယ့ၣ်ၡူး, “ပှၤအဂၤခဲလၢာ်မ့ၢ်သးဟးဂီၤဒီးပာ်တ့ၢ်ကွံာ်နၤဘၣ်ဆၣ်, ယတပာ်တ့ၢ်နၤနီတဘျီဘၣ်.”

လံာ်လူၤကၣ် 22:54

တုၤနုၤတစုအဝဲသ့ၣ်ဖီၣ်ယ့ၣ်ၡူးဒီးစိာ်ကွံာ်အီၤဆူပှၤလုၢ်တၢ် အခိၣ်အဒိၣ်ကတၢၢ်အဟံၣ်ပူၤ, ဒီးစီၤပ့းတရူးပိာ်ထီၣ်သကွ့ၤအခံလီၤ.

လံာ်ယိၤဟၣ် 18:16

ဖဲန့ၣ်အခါ, စီၤပ့းတရူးအိၣ်လၢတၢ်ချၢလၢကျဲစၢၤအဃၢၤ န့ၣ်လီၤ. အန့ၣ်ဝံၤဒီး, အပျဲၢ်အဘီၣ်လၢပှၤလုၢ်တၢ်အခိၣ်အဒိၣ် ကတၢၢ်သ့ၣ်ညါအီၤဂ့ၤဒိၣ်မးတဂၤန့ၣ်, က့ၤဟးထီၣ်က့ၤဝဲ, ကတိၤတၢ်ဒီးပိာ်မုၣ်လၢအပၢၤကျဲစၢၤတဂၤဝံၤဒီး, ဟဲက့ၤကိးနုာ်စီၤပ့းတရူးဆူကရၢၢ်ပူၤန့ၣ်လီၤ.

လံာ်ယိၤဟၣ် 18:25

စီၤပ့းတရူးအိၣ်ဆၢထၢၣ်ဒံးဖဲန့ၣ်ဒီးဆူးမ့ၣ်အူန့ၣ်လီၤ. အဃိ, ပှၤအဂၤတဖၣ်သံကွၢ်အီၤ, “နမ့ၢ်စ့ၢ်ကီးပှၤအဝဲန့ၣ် အပျဲၢ်အဘီၣ်တဂၤတမ့ၢ်ဘၣ်ဧါ.” ဘၣ်ဆၣ် စီၤပ့းတရူးသမၢတၢ်ဒီးစံးဝဲဒၣ်, “တမ့ၢ်ဘၣ်.”

လံာ်ယိၤဟၣ် 18:5

အဝဲသ့ၣ်စံးဆၢဝဲ, “ပှၤနစၤရ့းဖိယ့ၣ်ၡူးန့ၣ်လီၤ.” ဒီးယ့ၣ်ၡူးစံးဘၣ်အီၤ, “ယမ့ၢ်ပှၤအဝဲန့ၣ်လီၤ.” စီၤယူဒၤလၢအကဟ့ၣ်လီၤကွံာ်အီၤန့ၣ်, အိၣ်ဆၢထၢၣ်ဖဲန့ၣ်ဃုာ်ဒီးပှၤတဖၣ်န့ၣ်လီၤ.

လံာ်ယိၤဟၣ် 18:8

ယ့ၣ်ၡူးစံးဘၣ်အဝဲသ့ၣ်, “ယစံးဘၣ်တဲဘၣ်တ့ၢ်သုလၢ ယမ့ၢ်ပှၤအဝဲန့ၣ်လံ. သုမ့ၢ်ဃုယၤဒီး, ပျဲက့ၤပှၤအဂၤတဖၣ် အံၤန့ၣ်တက့ၢ်.”

လံာ်ယိၤဟၣ် 21:15

အဝဲသ့ၣ်အီၣ်ဂီၤတၢ်အီၣ်ဝံၤဒီး, ယ့ၣ်ၡူးစံးဘၣ်စီၤၡံမိၣ် ပ့းတရူး, “စီၤယိၤနါအဖိခွါစီၤၡံမိၣ်ဧၢ, မ့ၢ်နအဲၣ်ယၤအါန့ၢ်ဒံးအဝဲသ့ၣ်တဖၣ်အဲၣ်ယၤန့ၣ်ဧါ.” အဝဲစံးဆၢဝဲ, “ကစၢ်ဧၢ, မ့ၢ်လီၤ, နသ့ၣ်ညါလၢယအဲၣ်နၤလီၤ.” ယ့ၣ်ၡူးစံးဘၣ်အီၤ “လုၢ်အီၣ်လုၢ်အီယသိဖိတဖၣ်တက့ၢ်.”

မၤတၢ် 12:13

ဒီးစီၤပ့းတရူးဒိတကျိာ်ဟံၣ်မဲာ်ညါအတြဲၤ, ဒီးတၢ်ခ့တၢ်ပှၤပိာ်မုၣ်လၢအမံၤမ့ၢ်နီၢ်ရိဒ့ၤဟဲဒ်သိး အကကွၢ်မတၤဒိတကျိာ်တြဲၤလဲၣ်န့ၣ်လီၤ.