လံာ်ယိၤဟၣ် 18:13 - Sgaw Karen Common Bible

¹³ ဒီးလဲၤဆှၢအီၤအဆိကတၢၢ်ဆူစီၤအၣ်နၣ်အအိၣ်လီၤ. အဝဲမ့ၢ်စီၤကၤယါဖၤလၢအမ့ၢ်နံၣ်အဝဲန့ၣ်အဂီၢ်ပှၤလုၢ်တၢ် အခိၣ်အဒိၣ်ကတၢၢ်တဂၤအမံၤပှၢ်ပိာ်ခွါလီၤ.

လံာ်ယိၤဟၣ် 18:13 Iomraidhean Croise

လံာ်မးသဲ 26:3

အကတီၢ်ဖဲန့ၣ်, ပှၤလုၢ်တၢ်အခိၣ်အဒိၣ်တဖၣ်ဒီးပှၤယူဒၤဖိကရၢ အခိၣ်အနၢ်တဖၣ်ထံၣ်လိာ်အသးလၢပှၤလုၢ်တၢ်အခိၣ်အဒိၣ် ကတၢၢ်စီၤကၤယါဖၤအနီပူၤ,

လံာ်မးသဲ 26:57

ပှၤလၢအဖီၣ်န့ၢ်ယ့ၣ်ၡူးတဖၣ်န့ၣ်, က့ၤကိးအီၤဆူပှၤလုၢ်တၢ်အခိၣ် အဒိၣ်ကတၢၢ်လၢအမ့ၢ်စီၤကၤယါဖၤအဟံၣ်, ဖဲပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီး ပှၤယူဒၤဖိကရၢအခိၣ်အနၢ်တဖၣ် အိၣ်ဖှိၣ်ရိဖှိၣ်သကိးဝဲအလီၢ် န့ၣ်လီၤ.

လံာ်လူၤကၣ် 3:2

ဒီးစီၤအၣ်နၣ်ဒီးစီၤကၤယါဖၤမ့ၢ်ပှၤလုၢ်တၢ်အခိၣ်အဒိၣ်ကတၢၢ်တဖၣ်လီၤ. ဖဲအဆၢကတီၢ်အဝဲန့ၣ်, ကစၢ်ယွၤအကလုၢ်တုၤအိၣ်စီၤစဃၤရံအဖိခွါ စီၤယိၤဟၣ်ဖဲပှၢ်မုၢ်ကနၢန့ၣ်လီၤ.

လံာ်ယိၤဟၣ် 11:49

ဒီးပှၤလၢအဝဲသ့ၣ်အကျါတဂၤလၢအမံၤမ့ၢ်ဝဲစီၤကၤယါဖၤ, လၢအမ့ၢ်ပှၤလုၢ်တၢ်အခိၣ်အဒိၣ်ကတၢၢ်တဂၤလၢနံၣ်အဝဲန့ၣ်အဂီၢ် စံးဝဲ, “သုတသ့ၣ်ညါနၢ်ပၢၢ်တၢ်နီတမံၤဘၣ်.

လံာ်ယိၤဟၣ် 11:51

ဘၣ်ဆၣ်ဒီးတၢ်အံၤတမ့ၢ်စီၤကၤယါဖၤအတၢ်ကတိၤဒၣ်ဝဲဘၣ်. မ့ၢ်လၢအဝဲမ့ၢ်ပှၤလုၢ်တၢ်အခိၣ်အဒိၣ်ကတၢၢ်လၢနံၣ်အဝဲန့ၣ် အဂီၢ်အဃိ, အဝဲကတိၤဆိပာ်တၢ်ဒ်ဝံတဂၤအသိး လၢယ့ၣ်ၡူးကသံလၢပှၤယူဒၤဖိအဂီၢ်,

လံာ်ယိၤဟၣ် 18:24

မၤသးဒ်န့ၣ်ဒီးစီၤအၣ်နၣ်ဆှၢယ့ၣ်ၡူးဒ်အအိၣ်စၢဃာ်ပာ်စၢၤ အသးအသိး, ဆူစီၤကၤယါဖၤလၢအမ့ၢ်ပှၤလုၢ်တၢ်အခိၣ် အဒိၣ်ကတၢၢ်အအိၣ်န့ၣ်လီၤ.

လံာ်ယိၤဟၣ် 18:28

ဖဲမုၢ်ဆ့ၣ်ထီၣ်ဂီၤဂီၤအဆၢကတီၢ်န့ၣ်, ယ့ၣ်ၡူးဘၣ်တၢ်ကိးထီၣ်အီၤလၢစီၤကၤယါဖၤ အဟံၣ်ဒီးဘၣ်တၢ်ဆှၢအီၤဆူရိမ့ၤအပဒိၣ်ဖးဒိၣ် အနီပူၤန့ၣ်လီၤ. ပှၤယူဒၤဖိအခိၣ်အနၢ်တဖၣ် တလဲၤနုာ်ဆူနီအပူၤဘၣ်. မ့ၢ်လၢအဝဲသ့ၣ်အဲၣ်ဒိးအိၣ် ကဆှီအသးဒ်အလုၢ်အလၢ်အိၣ်ဝဲအသိး, ဒ်သိးအီၣ်ဘူၣ်လဲၤကပာ်ကသ့ဝဲအဂီၢ်န့ၣ်လီၤ.

လံာ်ယိၤဟၣ် 19:11

ယ့ၣ်ၡူးစံးဆၢတၢ်ဒီးစံးဝဲ, “နအိၣ်ဒီးတၢ်စိတၢ်ကမီၤလၢ ယဖီခိၣ်မ့ၢ်ဒၣ်လၢကစၢ်ယွၤဟ့ၣ်လီၤနၤတၢ်စိတၢ်ကမီၤအံၤ အဃိန့ၣ်လီၤ. လၢတၢ်န့ၣ်အဃိ, ပှၤလၢအဟ့ၣ်လီၤယၤဆူ နစုပူၤအံၤန့ၣ်, အတၢ်ဒဲးဘးဒိၣ်ဒၣ်တၢ်တက့ၢ်န့ၣ်လီၤ.”

မၤတၢ် 4:6

အဝဲသ့ၣ်ထံၣ်လိာ်အသးဒီးပှၤလုၢ်တၢ်အခိၣ်အဒိၣ်ကတၢၢ်စီၤအၣ် နၣ်, ဃုာ်ဒီးစီၤကၤယါဖၤ, စီၤယိၤဟၣ်, စီၤအလ့းစၣ်ဒြူး, ဒီးပှၤအဂၤတဖၣ်လၢအဘၣ်ဃးဒီးပှၤလုၢ်တၢ်အခိၣ်အဒိၣ်ကတၢၢ် အဒူၣ်န့ၣ်လီၤ.