လံာ်ယိၤဟၣ် 18:12 - Sgaw Karen Common Bible

¹² မၤသးဒ်န့ၣ်ဒီး, ပှၤရိမ့ၤသုးဖိတဖၣ်ဃုာ်ဒီးအသုးခိၣ်ဒီး ယူဒၤအပှၤပၢၤတၢ်လုၢ်ဟံၣ်တဖၣ်, ဖီၣ်ယ့ၣ်ၡူးဒီးစၢဃာ်အီၤ,

လံာ်ယိၤဟၣ် 18:12 Iomraidhean Croise

လံာ်တၢ်ကဲထီၣ်အခီၣ်ထံး 22:9

အကတီၢ်ဖဲန့ၣ်အဝဲသ့ၣ်ဟဲတုၤတၢ်လီၢ်လၢကစၢ်ယွၤစံးဘၣ်တ့ၢ်အီၤ လၢအဂ့ၢ်န့ၣ်, စီၤအၤဘြၤဟၣ်မၤထီၣ်ဝဲတၢ်လုၢ်တခါဒီးကျဲၤလီၤသ့ၣ်မုၣ်လၢ အဖီခိၣ်န့ၣ်လီၤ. အဝဲစၢဃာ်အဖိခွါဒီးပာ်ထီၣ်ဝဲလၢတၢ်လုၢ်လီၢ်အဖီခိၣ်လၢသ့ၣ် မုၣ်အဖီခိၣ်လီၤ.

စံးထီၣ်ပတြၢၤ 118:27

ယွၤမ့ၢ်ကစၢ်ယွၤလီၤ. အဝဲမ့ၢ်တၢ်ဂ့ၤလၢပဂီၢ်လီၤ. စးထီၣ်တၢ်သးခုအဘူၣ်လၢသုစုပူၤ, ဒီးလဲၤတရံးတၢ်လုၢ်လီၢ်န့ၣ်တက့ၢ်.

လံာ်မးသဲ 26:57

ပှၤလၢအဖီၣ်န့ၢ်ယ့ၣ်ၡူးတဖၣ်န့ၣ်, က့ၤကိးအီၤဆူပှၤလုၢ်တၢ်အခိၣ် အဒိၣ်ကတၢၢ်လၢအမ့ၢ်စီၤကၤယါဖၤအဟံၣ်, ဖဲပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီး ပှၤယူဒၤဖိကရၢအခိၣ်အနၢ်တဖၣ် အိၣ်ဖှိၣ်ရိဖှိၣ်သကိးဝဲအလီၢ် န့ၣ်လီၤ.

လံာ်မးသဲ 27:2

အဝဲသ့ၣ်စၢဃာ်ယ့ၣ်ၡူးအစုလၢပျံၤထးတဖၣ်, မိၤထီၣ်အီၤဒီးဟ့ၣ်လီၤအီၤဆူရိမ့ၤအပဒိၣ်ဖးဒိၣ်စီၤပံၤလးအစုပူၤလီၤ.

လံာ်မးသဲ 27:27

တုၤနုၤတစုစီၤပံၤလးအသုးဖိတဖၣ် လဲၤဆှၢယ့ၣ်ၡူးဆူပဒိၣ်ဖးဒိၣ်အနီပူၤ, ဒီးသုးမုၢ်ဒီဖုညါဟဲပာ်ဖှိၣ်ထီၣ်အသးဝးတရံးအီၤလီၤ.

လံာ်မၢ်ကူး 14:53

ဒီးအဝဲသ့ၣ်မိၤထီၣ်ယ့ၣ်ၡူးဆူပှၤလုၢ်တၢ်အခိၣ်အဒိၣ်ကတၢၢ်တဂၤ အအိၣ်ဒီးဖဲန့ၣ်, ပှၤလုၢ်တၢ်အခိၣ်အဒိၣ်တဖၣ်, ပှၤယူဒၤဖိကရၢအခိၣ်အနၢ်တဖၣ်, ဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်ဟဲပာ်ဖှိၣ်ထီၣ်အသး န့ၣ်လီၤ.

လံာ်မၢ်ကူး 15:1

လၢဂီၤဂီၤဖဲမုၢ်ဟဲထီၣ်အကတီၢ်န့ၣ်, ပှၤလုၢ်တၢ်အခိၣ်အဒိၣ်တဖၣ်, ဃုာ်ဒီးပှၤယူဒၤဖိကရၢအခိၣ်အနၢ်တဖၣ်ဒီးပှၤသ့တၢ်ဘူၣ်တၢ် ဘါအတၢ်သိၣ်တၢ်သီတဖၣ်, ဒီးကီၣ်ကးဒီဖုညါအိၣ်ဖှိၣ်သကိးဒီးကူၣ်ထီၣ်ဖးလီၤတၢ်လီၤ. အဝဲသ့ၣ်စၢဃာ်ယ့ၣ်ၡူးဝံၤ, မိၤထီၣ်အီၤ, ဒီးလဲၤဟ့ၣ်လီၤအီၤလၢစီၤပံၤလးအစုပူၤလီၤ.

လံာ်လူၤကၣ် 22:54

တုၤနုၤတစုအဝဲသ့ၣ်ဖီၣ်ယ့ၣ်ၡူးဒီးစိာ်ကွံာ်အီၤဆူပှၤလုၢ်တၢ် အခိၣ်အဒိၣ်ကတၢၢ်အဟံၣ်ပူၤ, ဒီးစီၤပ့းတရူးပိာ်ထီၣ်သကွ့ၤအခံလီၤ.

လံာ်ယိၤဟၣ် 18:3

စီၤယူဒၤလဲၤဆူတၤသၣ်လီၢ်အံၤဒီးလဲၤကိးဃုာ်ပှၤရိမ့ၤသုးဖိ တဖုဒီးပှၤပၢၤတၢ်လုၢ်ဟံၣ်ဖိတနီၤလၢပှၤလုၢ်တၢ်အခိၣ်အဒိၣ် တဖၣ်ဒီးပှၤဖၤရံၤၡဲတဖၣ်မၢလီၤအီၤန့ၣ်လီၤ. အဝဲသ့ၣ်အိၣ်ဒီး စုကဝဲၤဒီးစိာ်ဃုာ်မ့ၣ်အူဒၢဒီးဆှိတဖၣ်န့ၣ်လီၤ.

မၤတၢ် 10:1

ဖဲဝ့ၢ်ကဲၤစါရံၤန့ၣ်, ပှၤအိၣ်ဝဲဒၣ်တဂၤလၢအမံၤမ့ၢ်စီၤကန့လံး, ပှၤရိမ့ၤသုးဖိတကယၤအခိၣ်, ဘၣ်ဃးဒီးသုးမုၢ်တဖုလၢပှၤကိးအီၤလၢ “အံၤတလံအသုးမုၢ်” န့ၣ်လီၤ.

မၤတၢ် 21:31

ဖဲကမျၢၢ်အအၢအသီတဖုအံၤ ဂုာ်မၤသံစီၤပီလူးအဆၢကတီၢ်န့ၣ်, တၢ်ကစီၣ်ဘၣ်တၢ်ဆှၢထီၣ်အီၤဆူ ပှၤရိမ့ၤသုးဖိတကထိအခိၣ်အအိၣ်, လၢယရူၤၡလ့ၣ်ဒီဝ့ၢ်ညါတၢထီၣ်တၢလီၤဝဲဒၣ်လံန့ၣ်လီၤ.

မၤတၢ် 21:37

ဖဲပှၤသုးဖိတဖၣ်သါကဒုးနုာ်လီၤစီၤပီလူးဆူတိာ်အပူၤန့ၣ်, အဝဲဒၣ်ကတိၤတၢ်ဒီးပှၤသုးဖိတကထိအခိၣ်တဂၤဒီးစံး, “ယကတိၤတၢ်ဒီးနၤသ့ကစီဒီဧါ.” ပှၤသုးဖိတကထိအခိၣ် သံကွၢ်အီၤ, “နကတိၤကြံးခ်အကျိာ်ဘၣ်ဧါ.

မၤတၢ် 23:10

တၢ်ကတိၤဂ့ၢ်လိာ်ဘှီလိာ်ယံာ်ထီၣ်ဆူၣ်ထီၣ်တုၤဒၣ်လဲာ်ပှၤ သုးဖိတကထိအခိၣ်ဘၣ်ယိၣ်လၢစီၤပီလူးကဘၣ်တၢ်မၤလီၤကလဲကွံာ်အီၤ လၢပှၤသ့ၣ်တဖၣ်န့ၣ်အဃိ, ဟ့ၣ်လီၤအကလုၢ်ဆူပှၤသုးဖိတဖၣ်အအိၣ်ဒ်သိးအကလဲၤ လီၤဆူပှၤဂီၢ်မုၢ်သ့ၣ်တဖၣ်န့ၣ်အကျါ, ဂုာ်ထုးထီၣ်က့ၤဒီးဆှၢစီၤပီလူးဆူသုးဖိအိၣ်တၢ်အလီၢ်တိာ် ပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 16:21

ပှၤဖလ့ၡသးဖိတဖၣ်ဖီၣ်န့ၢ်အီၤဒီးထုးထီၣ်ကွံာ်အမဲာ်ချံလီၤ. ဒီးအဝဲသ့ၣ်လဲၤစိာ်အီၤဆူဝ့ၢ်ဂါစၤ, စၢအီၤလၢထးသွဲတိၢ်ဘီတဖၣ်ဒီးမၢအဂူာ်ဆၢၣ်ဂူာ်လၢဃိာ်ပူၤန့ၣ်လီၤ.