လံာ်ယိၤဟၣ် 17:5 - Sgaw Karen Common Bible

⁵ ပၢ်ဧၢ, ခဲအံၤဟ့ၣ်ယၤတၢ်လၤကပီၤဖဲနအိၣ်အလီၢ်, တၢ်လၤကပီၤတမံၤဃီလၢအအိၣ်ဒီးယၤဖဲယအိၣ်ဒီးနၤ တချုးဟီၣ်ခိၣ်ဘၣ်တၢ်တ့လီၤအီၤဒံးဘၣ်န့ၣ်တက့ၢ်.

လံာ်ယိၤဟၣ် 17:5 Iomraidhean Croise

လံာ်မးသဲ 25:34

တုၤနုၤတစု, စီၤပၤကစံးဘၣ်ပှၤအိၣ်လၢအစုထွဲတဖၣ်ဒ်အံၤ, ‘ဟဲ, သုလၢအဘၣ်ဆိၣ်ဂ့ၤလၢယပၢ်သ့ၣ်ဧၢ, ဟဲဒီးန့ၢ်သါဘၣ်ဘီမုၢ်လၢအဘၣ်တၢ်ကတဲာ်ကတီၤပာ်န့ၢ်လၢသု ဂီၢ်, စးထီၣ်လၢဟီၣ်ခိၣ်ဘၣ်တၢ်တ့လီၤအီၤလံၤလံၤန့ၣ်တက့ၢ်.

လံာ်ယိၤဟၣ် 1:18

ပှၤတထံၣ်ဘၣ်ကစၢ်ယွၤနီတခီၣ်နီတဂၤဘၣ်. အဖိခွါထဲတဂၤဧိၤလၢအမ့ၢ်တၢ်တမံၤဃီဒီးအီၤ ဒီးအိၣ်ဘူးဒီးအီၤန့ၣ်, လီၣ်ဖျါထီၣ်အီၤလံန့ၣ်လီၤ.

လံာ်ယိၤဟၣ် 10:30

ယပၢ်ဒီးယၤန့ၣ်မ့ၢ်တၢ်တမံၤဃီလီၤ.”

လံာ်ယိၤဟၣ် 14:9

ယ့ၣ်ၡူးစံးဆၢတၢ်ဒီးစံးဝဲ, “စီၤဖံလံးပူးဧၢ, ယအိၣ်ဒီးသုယံာ်တ့ၢ်ထဲအံၤညါ, အန့ၣ်ဒၣ်လဲာ်သုတသ့ၣ်ညါ ယၤဘၣ်ဧါ. ပှၤလၢအထံၣ်ယၤန့ၣ်, မ့ၢ်အထံၣ်လံပၢ်န့ၣ်လီၤ. မ့မ့ၢ်ဒ်န့ၣ်ဒီး, ဘၣ်မနုၤအဃိလၢနစံး, ‘ဒုးထံၣ်ပှၤလၢပၢ်န့ၣ်လဲၣ်.’

လံာ်ယိၤဟၣ် 17:1

ယ့ၣ်ၡူးကတိၤတၢ်အံၤဝံၤဒီး, အဝဲကွၢ်ထီၣ်တၢ်ဆူမူခိၣ်ဒီးစံးဝဲဒၣ်, “ပၢ်ဧၢ, တၢ်ဆၢကတီၢ်နၣ်ရံၣ်တုၤဃီၤဝဲဒၣ်လံ. မၤလၤကပီၤ နဖိခွါ, ဒ်သိးဖိခွါကမၤလၤကပီၤနၤအဂီၢ်န့ၣ်တက့ၢ်.

လံာ်ယိၤဟၣ် 17:24

ပၢ်ဧၢ, နဟ့ၣ်လီၤယၤလၢအဝဲသ့ၣ်ဒီးယသးအိၣ်လၢအဝဲသ့ၣ် ကအိၣ်ဒီးယၤဖဲယအိၣ်တပူၤလၢ်လၢ်, ဒ်သိးအဝဲသ့ၣ်ကထံၣ်ဘၣ် ယလၤကပီၤ, တၢ်လၤကပီၤလၢနဟ့ၣ်လီၤယၤန့ၣ်လီၤ. အဂ့ၢ်ဒ်အံၤ, နအဲၣ်တ့ၢ်ယၤတချုးလၢဟီၣ်ခိၣ်ဘၣ်တၢ်တ့လီၤအီၤဒံးဘၣ်န့ၣ်လီၤ.

လံာ်ယိၤဟၣ် 3:13

မ့တမ့ၢ်ဘၣ်လၢပှၤကညီဖိခွါယၤအံၤလၢအဟဲလီၤလၢမူခိၣ် ဘၣ်ဒီး, ပှၤတလဲၤထီၣ်ဘၣ်ဆူမူခိၣ်နီတဂၤဒံးဘၣ်.

လံာ်ယိၤဟၣ် 8:58

ယ့ၣ်ၡူးစံးဆၢတၢ်ဒီးစံးဝဲ, “ယစံးဘၣ်တဲဘၣ်သုတီတီလိၤ လိၤ, တချုးလၢစီၤအၤဘြၤဟၣ်အိၣ်ဖျဲၣ်ထီၣ်ဒံးဘၣ်ဒီးယမ့ၢ် တၢ်လၢယမ့ၢ်လီၤ.”

ဖံလံးပံၤ 2:6

အဝဲဒၣ်အိၣ်ဒီးကစၢ်ယွၤအက့ၢ်အဂီၤထီဘိ, ဘၣ်ဆၣ်ဒီးတဆိကမိၣ်ဝဲလၢအကြၢးဂုာ်ကျဲးစၢး ဟံးဃာ်တၢ်မ့ၢ်တၢ်ထဲသိးဒီးကစၢ်ယွၤန့ၣ်ဘၣ်.

ဧ့ၤဘြံၤ 1:10

အဝဲစံးစ့ၢ်ကီးဝဲ, “ကစၢ်ဧၢ, လၢထံးလၢသီန့ၣ်နတ့လီၤဟီၣ်ခိၣ် ဒီးလၢနစုဒၣ်နဲနဒုးအိၣ်ထီၣ်မူခိၣ်တဖၣ်န့ၣ်လီၤ.

ဧ့ၤဘြံၤ 1:3

အဝဲလီၣ်ဖျါထီၣ်န့ၢ်ပှၤလၢကစၢ်ယွၤအလၤကပီၤဒီးစိာ်မူ ဝဲကစၢ်ယွၤအက့ၢ်အဂီၤအန့ဆၢၣ်လီၤတံၢ်လီၤဆဲးဒီးဟံး ဃာ်ပၢၤဃာ်ဟီၣ်ခိၣ်မူခိၣ်လၢအကလုၢ်အစိအကမီၤလီၤ. တုၤအမၤကဆှီထီၣ်ပှၤလၢပတၢ်ဒဲးဘးလၢအကစၢ် ဒၣ်ဝဲဝံၤဒီး, ဆ့ၣ်နီၤဝဲလၢတၢ်စိဒိၣ်ကမီၤထီကစၢ်ယွၤ အစုထွဲတခီလီၤ.

၁ ပ့းတရူး 1:20

အဝဲဒၣ်ဘၣ်တၢ်ဃုထၢအီၤလၢကစၢ်ယွၤတချုးဒံးဘၣ်လၢဟီၣ် ခိၣ်ဘၣ်တၢ်တ့လီၤအီၤ, ဒီးဘၣ်တၢ်လီၣ်ဖျါထီၣ်အီၤလၢသုဂီၢ်လၢမုၢ်နံၤလၢခံကတၢၢ် တဖၣ်အံၤအပူၤန့ၣ်လီၤ.

၁ ပ့းတရူး 1:21

ခီဖျိအီၤန့ၣ်သုစူၢ်က့ၤနာ်က့ၤကစၢ်ယွၤ, လၢအဒုးဂဲၤဆၢထၢၣ်က့ၤအီၤလၢတၢ်သံအပူၤဒီးဟ့ၣ် အီၤတၢ်လၤကပီၤန့ၣ်လီၤ. သတးဒီးသုတၢ်စူၢ်တၢ်နာ် ဒီးတၢ်မုၢ်လၢ်န့ၣ်, အိၣ်စဲထီဃာ်အသးဒီးကစၢ်ယွၤန့ၣ်လီၤ.

၁ ယိၤဟၣ် 1:2

ဖဲတၢ်မူအံၤအိၣ်ဖျါထီၣ်ဝဲန့ၣ်, ပထံၣ်ဘၣ်အီၤသတးဒီးပကတိၤတၢ်လၢအဂ့ၢ် ဒီးစံးဘၣ်တဲဘၣ်သုဘၣ်ဃးတၢ်မူအထူအယိာ် လၢအအိၣ်ဒီးပၢ်, လၢအဘၣ်တၢ်ဒုးသ့ၣ်ညါပှၤအံၤန့ၣ်လီၤ.

လံာ်လီၣ်ဖျါ 13:8

ပှၤကိးဂၤဒဲးလၢအအိၣ်ဝဲဆိးဝဲလၢဟီၣ်ခိၣ်ချၢကဘူၣ် ထီၣ်ဘါထီၣ်အီၤ, ဒီးပှၤလၢအတဘါထီၣ်အီၤန့ၣ်, မ့ၢ်ထဲပှၤလၢအမံၤအိၣ်ကွဲးအသးလၢလံာ်မူအပူၤ, တချုးတၢ်တ့လီၤပာ်လီၤဟီၣ်ခိၣ်ဒံးဘၣ်, လံာ်မူလၢအမ့ၢ်သိဖိလၢအဘၣ်တၢ်မၤသံအီၤတဒုန့ၣ် အတၢ်လီၤ.

လံာ်လီၣ်ဖျါ 3:21

ပှၤလၢအဒိးန့ၢ်ဘၣ်တၢ်မၤနၢၤတဖၣ်န့ၣ်, ယကဟ့ၣ်အီၤတၢ်ခွဲးတၢ်ယာ်လၢအကဆ့ၣ်နီၤလၢယကပၤလၢ ယလီၢ်ပစိာ်အလိၤ, ဒ်ယမၤနၢၤတ့ၢ်လံတၢ်ဒီးဆ့ၣ်နီၤဘၣ်ယဲခဲ ကနံၣ်အံၤ, လၢယပၢ်အကပၤ, လၢအဝဲဒၣ်အလီၢ်ပစိာ်အလိၤ အသိးန့ၣ်လီၤ.