လံာ်ယိၤဟၣ် 17:11 - Sgaw Karen Common Bible

¹¹ ဒီးခဲအံၤယကက့ၤဆူနအိၣ်လီၤ. တယံာ်ဘၣ်ဒီးယတအိၣ်လၢဟီၣ်ခိၣ်ချၢအံၤလၢၤဘၣ်. ဘၣ်ဆၣ်ဒီးအဝဲသ့ၣ်အိၣ်ဒံးလၢဟီၣ်ခိၣ်ချၢန့ၣ်လီၤ. ပၢ်စီဆှံဧၢ, ပှၤလၢနဟ့ၣ်လီၤယၤတဖၣ်န့ၣ်, ဒ်သိးအကမ့ၢ်တၢ်တမံၤ ဃီဒ်နၤဒီးယၤပမ့ၢ်တၢ်တမံၤဃီအသိးန့ၣ်ဒီး, အံးကွၢ်ကဟု ကယာ်က့ၤအီၤလၢနမံၤ, မံၤလၢနဟ့ၣ်ယၤအစိကမီၤ အပူၤန့ၣ်တက့ၢ်.

လံာ်ယိၤဟၣ် 17:11 Iomraidhean Croise

စံးထီၣ်ပတြၢၤ 79:9

တၢ်အုၣ်က့ၤခီၣ်က့ၤပှၤကစၢ်ယွၤဧၢ, မၤစၢၤပှၤ, လၢနမံၤအလၤကပီၤအဃိန့ၣ်တက့ၢ်. မၤပူၤမၤဖျဲးပှၤဒီးပျၢ်လၢ်ကွံာ်ပတၢ်ဒဲးဘး တဖၣ်န့ၣ်တက့ၢ်.

တၢ်ကတိၤဒိ. 18:10

ယွၤလီၤဂာ်ဒီးတၢးထီခၢၣ်သနၢၣ်တဖျၢၣ်ဖဲပှၤအတီအလိၤလဲၤနုာ် ဒီးအိၣ်ပူၤဖျဲးဝဲသ့န့ၣ်လီၤ.

လံာ်ယၡါယၤ 27:3

“ယကွၢ်ထွဲအီၤဒီးလူအီၤလၢထံတပယူာ်ဃီလီၤ. ယပၢၤအီၤမုၢ်ဆါဆဲးလၢမုၢ်နၤဒ်သိးပှၤသုတမၤဘၣ်ဒိဘၣ်ထံး အီၤနီတဂၤတဂ့ၤအဂီၢ်လီၤ.

လံာ်ယၡါယၤ 64:2

အဝဲသ့ၣ်ဟူးဝးဝဲဒ်ထံကလာ်ထီၣ်ဝဲလၢမ့ၣ်အူကိၢ်အဖီခိၣ် အသိးန့ၣ်လီၤ. ဟဲဒီးလီၣ်ဖျါထီၣ်နစိနကမီၤဆူနဒုၣ်နဒါတဖၣ်, ဒီးဒုးကနိးကစုာ်ပှၤကလုာ်တဖၣ်လၢနမဲာ်ညါန့ၣ်တက့ၢ်.

လံာ်ယံးရမံယၤ 14:21

သ့ၣ်နီၣ်ထီၣ်က့ၤနတၢ်အၢၣ်လီၤအီလီၤတဖၣ်ဒီးသးဘၣ်အၢပှၤတဂ့ၤ. ဟဲစိာ်တၢ်မဲာ်ဆှးဆူဝ့ၢ်ယရူၤၡလ့ၣ်, တၢ်လီၢ်လၢအမ့ၢ်နတၢ်လၤကပီၤအလီၢ်ပစိာ် အဖီခိၣ်တဂ့ၤ. မၤဟးဂီၤကွံာ်တၢ်အၢၣ်လီၤအီလီၤလၢနမၤတ့ၢ်ဒီး ပှၤန့ၣ်တဂ့ၤ.

လံာ်ယံးရမံယၤ 14:7

ယပှၤဂီၢ်မုၢ်ကိးထီၣ်ယၤ, ယွၤဧၢ, ဒ်နအၢၣ်လီၤတ့ၢ်ပှၤအသိး, မၤစၢၤပှၤတက့ၢ်. ပဃၣ်ကွံာ်ပသးလၢနၤအါဘျီလံ. ပမၤတ့ၢ်တၢ်ဒဲးဘးထီဒါနၤလီၤ.

လံာ်ယဃ့းစက့လး 20:22

ဘၣ်ဆၣ်ယတမၤတ့ၢ်ယဲဘၣ်. အဂ့ၢ်ဒ်အံၤတၢ်န့ၣ်ကဟဲစိာ်တၢ်မၤဘၣ်ဒိ ယမံၤအလၤကပီၤလၢပှၤကလုာ်တဖၣ်အကျါ, ပှၤတဖၣ်လၢအထံၣ်တ့ၢ်ယထုးထီၣ်ကွံာ်အံၣ်စရ့လးလၢကီၢ်အဲၤကူပတူး အပူၤန့ၣ်လီၤ.

လံာ်ယဃ့းစက့လး 20:44

ဖဲယမၤတၢ်လၢ, တၢ်ဒီဒၣ်အိၣ်ပှိၤက့ၤယလၤကပီၤအဂီၢ်န့ၣ် သုဝဲပှၤအံၣ်စရ့လးဖိတဖၣ်သုကသ့ၣ်ညါလၢယမ့ၢ်ယွၤန့ၣ်လီၤ. အဂ့ၢ်ဒ်အံၤ, ယတမၤဘၣ်သုဒ်သုတၢ်အၢတၢ်သီ, တၢ်ဟူးတၢ်ဂဲၤအအၢအသီတဖၣ်ကြၢးတူၢ်ဘၣ်ဝဲအသိးန့ၣ်ဘၣ်.” ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 20:9

ဘၣ်ဆၣ်ယတမၤတ့ၢ်ယဲဘၣ်. အဂ့ၢ်ဒ်အံၤတၢ်န့ၣ်ကဟဲစိာ်တၢ်မၤဘၣ်ဒိယမံၤအလၤကပီၤ, မ့ၢ်လၢ, လၢပှၤဂီၢ်မုၢ်လၢအဝဲသ့ၣ်အိၣ်ဝဲဆိးဝဲအကျါ, အမဲာ်ညါန့ၣ်ယဘိးဘၣ်သ့ၣ်ညါတ့ၢ်အံၣ်စရ့လးလၢ, ယကဒုးဟးထီၣ်အဝဲသ့ၣ်လၢကီၢ်အဲၤကူပတူးအပူၤအဃိန့ၣ်လီၤ.

လံာ်မးသဲ 10:16

ကနၣ်တက့ၢ်. ယဆှၢလီၤသုဒ်သိအသိး ဆူထွံၣ်မံၤတဖၣ်အကျါလီၤ. လၢတၢ်န့ၣ်အဃိသုကဘၣ်ကူၣ်သ့ဒ်ဂုၢ် ဒီးတကူၣ်အၢဘၣ်တၢ်ဒ်ထိၣ်လွံၢ်အသိးလီၤ.

လံာ်မးသဲ 5:48

လၢတၢ်န့ၣ်အဃိ, ဒ်သုပၢ်လၢမူခိၣ်လၢပှဲၤဝဲအသိးန့ၣ် လၢထီၣ်ပှဲၤထီၣ်သုဝဲဒ်န့ၣ်အသိးတက့ၢ်.

လံာ်မးသဲ 6:9

ဃ့ဘါထုကဖၣ်သုဝဲဒ်အံၤတက့ၢ်. ‘အိၣ်လၢမူခိၣ်ပပၢ်ဧၢ, မ်နမံၤဘၣ်တၢ်ပာ်စီဆှံအီၤတက့ၢ်.

လံာ်ယိၤဟၣ် 13:1

ဖဲဘူၣ်လဲၤကပာ်တချုးဘၣ်တနံၤန့ၣ်, ယ့ၣ်ၡူးသ့ၣ်ညါဝဲလၢ တၢ်ဆၢကတီၢ်နၣ်ရံၣ်တုၤအိၣ်အီၤလၢအဝဲကဘၣ်ဟးထီၣ် ကွံာ်လၢဟီၣ်ခိၣ်အံၤဒီးက့ၤဆူပၢ်အအိၣ်န့ၣ်လီၤ. အဝဲအဲၣ်ဘၣ်ပှၤတဖၣ်လၢဟီၣ်ခိၣ်အံၤလၢအမ့ၢ်အတၢ် ဒၣ်ဝဲ, ဒီးအဲၣ်အီၤတုၤအကတၢၢ်န့ၣ်လီၤ.

လံာ်ယိၤဟၣ် 13:3

ယ့ၣ်ၡူးသ့ၣ်ညါဝဲလၢပၢ်ဟ့ၣ်လံအီၤတၢ်စိတၢ်ကမီၤလၢာ်လၢာ် ဆ့ဆ့, ဒီးသ့ၣ်ညါစ့ၢ်ကီးဝဲလၢအဝဲဟဲလၢကစၢ်ယွၤအအိၣ် ဒီးကက့ၤဆူကစၢ်ယွၤအအိၣ်န့ၣ်လီၤ.

လံာ်ယိၤဟၣ် 14:20

တုၤမုၢ်နံၤအဝဲန့ၣ်ဟဲတုၤဃီၤဒီး, သုကသ့ၣ်ညါလၢယအိၣ် လၢယပၢ်အပူၤ, ဒီးသုအိၣ်လၢယပူၤ, ဒ်ယအိၣ်လၢသုပူၤ အသိးန့ၣ်လီၤ.

လံာ်ယိၤဟၣ် 16:28

ယဟဲတ့ၢ်လၢပၢ်အအိၣ်, ဒီးယဟဲနုာ်လီၤဆူဟီၣ်ခိၣ်ချၢအံၤ လီၤ. ဒီးခဲအံၤယကဟးထီၣ်ကွံာ်လၢဟီၣ်ခိၣ်အံၤဒီးလဲၤ ဆူပၢ်အအိၣ်န့ၣ်လီၤ.”

လံာ်ယိၤဟၣ် 16:33

ယစံးဘၣ်တ့ၢ်သုတၢ်အံၤဒ်သိးသုကအိၣ်ဒီးတၢ်ဃူတၢ်ဖိးလၢ ယပူၤအဂီၢ်လီၤ. ဟီၣ်ခိၣ်ကမၤနးမၤဖှီၣ်သုလီၤ. ဘၣ်ဆၣ်ဒီး, ပာ်သုသးဒူဒူတက့ၢ်. ယမၤနၢၤလံဟီၣ်ခိၣ်လံ.

လံာ်ယိၤဟၣ် 17:23

ယအိၣ်လၢအဝဲသ့ၣ်အပူၤဒီးနအိၣ်လၢယပူၤ, ဒ်သိးအဝဲသ့ၣ်ကမ့ၢ်တၢ်တမံၤဃီလၢလၢပှဲၤပှဲၤ, ဒီးဒ်သိး ဟီၣ်ခိၣ်ကသ့ၣ်ညါလၢနမၢလီၤယၤဒီးနအဲၣ်အဝဲသ့ၣ်ဒ် နအဲၣ်ယၤအသိးန့ၣ်လီၤ.

လံာ်ယိၤဟၣ် 17:25

ပၢ်လၢအတီအလိၤတဂၤဧၢ, ဟီၣ်ခိၣ်တသ့ၣ်ညါနၤဘၣ်. ဘၣ်ဆၣ်ယသ့ၣ်ညါနၤဒီးအဝဲသ့ၣ်, သ့ၣ်ညါလၢနမၢလီၤ ယၤန့ၣ်လီၤ.

လံာ်ယိၤဟၣ် 17:6

ပှၤလၢနဟ့ၣ်လီၤယၤလၢဟီၣ်ခိၣ်ချၢအံၤန့ၣ်, ယဒုးသ့ၣ်ညါလံ အီၤလၢနၤလံ. အဝဲသ့ၣ်မ့ၢ်နတၢ်ဒီးနဟ့ၣ်လီၤယၤလၢ အဝဲသ့ၣ်လီၤ. အဝဲသ့ၣ်တိၢ်န့ၢ်တ့ၢ်လံနကလုၢ်ကထါ,

လံာ်ယိၤဟၣ် 7:33

ယ့ၣ်ၡူးစံးဝဲဒၣ်, “ယကအိၣ်ဒီးသုတစိၢ်တလီၢ်ဝံၤဒီး ယကက့ၤက့ၤဆူပှၤလၢအမၢလီၤယၤတဂၤအအိၣ်န့ၣ်လီၤ.

မၤတၢ် 3:21

အဝဲဒၣ်ကဘၣ်အိၣ်ဝဲလၢမူခိၣ်တုၤလီၤလၢအကတီၢ်ဖဲယွၤမၤ က့ၤတၢ်အသီခဲလၢာ်တစု, ဒ်ကစၢ်ယွၤဘိးဘၣ်သ့ၣ်ညါဆိပာ်စၢၤခီဖျိဝံစီဆှံလၢပျၢၤ တဖၣ်န့ၣ်လီၤ.

ရိမ့ၤ 12:5

ဒ်န့ၣ်အသိး, ပအိၣ်အါဂၤသနာ်က့ပမ့ၢ်နီၢ်တဂၤဃီလၢခရံာ် အပူၤဒီးပဘၣ်တၢ်ဒုးစဲဘူးပှၤတဂၤဒီးတဂၤဒ်နီၢ်ခိတဂၤဃီ အက့ၢ်အဂီၤလၢအလီၤဆီတဖၣ်အသိးန့ၣ်လီၤ.

ရိမ့ၤ 9:17

အဂ့ၢ်ဒ်လဲၣ်န့ၣ်, တၢ်ကွဲးအသးစီဆှံစံးဘၣ်ဖၤရိၤ, “ယဒုးကဲထီၣ်နၤစီၤပၤလၢယကသူနၤလၢယကဒုးနဲၣ် ယစိကမီၤအဂီၢ်, ဒီးလၢယမံၤကဘၣ်တၢ်သ့ၣ်ညါအီၤလၢ ဟီၣ်ခိၣ်ဒီဘ့ၣ်အဂီၢ်န့ၣ်လီၤ.”

1 ကရံၣ်သူး 1:10

လၢပကစၢ်ယ့ၣ်ၡူးခရံာ်အမံၤအဃိန့ၣ်, ယဃ့ကညးသုဝဲကိးဒံကိးဂၤဒဲး, ပုၢ်သ့ၣ်ဝဲၢ်သ့ၣ်ဧၢ, ဒ်သိးသုကအၢၣ်လီၤတူၢ်လိာ်တဂၤဒီးတဂၤအတၢ်စံးတၢ်ကတိၤ, ဒီးသုတအိၣ်ဒီးတၢ်လီၤမုၢ်လီၤဖးလၢသုသိးသုကျါတဂ့ၤန့ၣ်လီၤ. ပာ်ဖှိၣ်ထီၣ်သုသးတဖျၢၣ်ဃီလၢာ်လၢာ်ဆ့ဆ့, အိၣ်ဒီးတၢ်ဆိကမိၣ်တမံၤဃီ, ဒီးတၢ်တိာ်ပာ်တမံၤဃီန့ၣ်တက့ၢ်.

ကလၤတံ 3:28

အဃိ, တၢ်လီၤဆီလိာ်သးတအိၣ်ဘၣ်လၢပှၤယူဒၤဖိဒီးပှၤ ကလုာ်ဂၤတဖၣ်အဘၢၣ်စၢၤ, ပှၤကုၢ်ဖိဒီးပှၤသဘျ့ဖိတဖၣ် အဘၢၣ်စၢၤ, ပှၤပိာ်ခွါဒီးပှၤပိာ်မုၣ်တဖၣ်အဘၢၣ်စၢၤန့ၣ်ဘၣ်. သုဝဲခဲလၢာ်န့ၣ်သုမ့ၢ်တၢ်တမံၤဃီလၢယ့ၣ်ၡူးခရံာ်အပူၤ န့ၣ်လီၤ.

အ့းဖ့းစူး 4:4

ပမ့ၢ်နီၢ်တဂၤဃီ, အိၣ်ဒီးယွၤအသးတမံၤဃီ, ဒ်ကစၢ်ယွၤကိးန့ၢ်ပှၤလၢတၢ်မုၢ်လၢ်တမံၤဃီအဂီၢ်အသိးန့ၣ်လီၤ.

ဖံလံးပံၤ 2:9

လၢတၢ်န့ၣ်အဃိ, ကစၢ်ယွၤပာ်ထီၣ်ထီအီၤဆူ တၢ်လီၢ်အထီကတၢၢ်လၢထး, ဒီးဟ့ၣ်အီၤမံၤတဖျၢၣ်လၢအဒိၣ်န့ၢ် ကယဲၢ်တၢ်အမံၤအဂၤခဲလၢာ်,

ဧ့ၤဘြံၤ 1:3

အဝဲလီၣ်ဖျါထီၣ်န့ၢ်ပှၤလၢကစၢ်ယွၤအလၤကပီၤဒီးစိာ်မူ ဝဲကစၢ်ယွၤအက့ၢ်အဂီၤအန့ဆၢၣ်လီၤတံၢ်လီၤဆဲးဒီးဟံး ဃာ်ပၢၤဃာ်ဟီၣ်ခိၣ်မူခိၣ်လၢအကလုၢ်အစိအကမီၤလီၤ. တုၤအမၤကဆှီထီၣ်ပှၤလၢပတၢ်ဒဲးဘးလၢအကစၢ် ဒၣ်ဝဲဝံၤဒီး, ဆ့ၣ်နီၤဝဲလၢတၢ်စိဒိၣ်ကမီၤထီကစၢ်ယွၤ အစုထွဲတခီလီၤ.

ဧ့ၤဘြံၤ 9:24

အဂ့ၢ်ဒ်အံၤ, ခရံာ်တလဲၤနုာ်ဘၣ်ဆူတၢ်လီၢ်စီဆှံလၢပှၤကညီ သူၣ်ထီၣ်အီၤလၢအမ့ၢ်တၢ်နီၢ်နီၢ်အဒိန့ၣ်ဘၣ်. အဝဲလဲၤနုာ်ဝဲဆူမူခိၣ်နီၢ်နီၢ်ဒၣ်ဝဲအပူၤ, ဒီးဖဲန့ၣ်အဝဲဒၣ်အိၣ်ဖျါထီၣ်လၢကစၢ်ယွၤအမဲာ်ညါလၢပခၢၣ်စး ခဲကနံၣ်အံၤန့ၣ်လီၤ.

ယၤကိာ် 4:4

ပှၤလၢအသးတတီဒီးကစၢ်ယွၤသ့ၣ်ဧၢ, မ့ၢ်သုတသ့ၣ်ညါဘၣ်လၢတၢ်ကဲဟီၣ်ခိၣ်အတံၤသကိး န့ၣ်အခီပညီမ့ၢ်တၢ်ကဲကစၢ်ယွၤအဒုၣ်အဒါန့ၣ်ဘၣ်ဧါ. ပှၤတဂၤဂ့ၤတဂၤဂ့ၤလၢသးအိၣ်ကဲဟီၣ်ခိၣ်အတံၤ သကိးန့ၣ်, ဒုးကဲထီၣ်အသးလၢကစၢ်ယွၤအဒုၣ်အဒါ တဖၣ်န့ၣ်လီၤ.

၁ ပ့းတရူး 1:5

တၢ်သ့ၣ်တဖၣ်အံၤမ့ၢ်လၢသုဂီၢ်, သုဝဲလၢခီဖျိတၢ်စူၢ်တၢ်နာ်န့ၣ် ဘၣ်တၢ်ပၢၤဃာ်အီၤလၢကစၢ်ယွၤအစိအကမီၤလၢတၢ် အုၣ်က့ၤခီၣ်က့ၤလၢအအိၣ်ကတဲာ်ကတီၤအသးလၢ အကဘၣ်တၢ်လီၣ်ဖျါထီၣ်အီၤဖဲတၢ်အကတၢၢ်အဆၢ ကတီၢ်န့ၣ်လီၤ.

၁ ယိၤဟၣ် 3:12

ပတဘၣ်လီၤဂာ်ဒီးစီၤကၤယံၣ်, လၢအဘၣ်ဃးဒီးတၢ်အၢတၢ်သီ တဂၤ, လၢအမၤသံအဒီပုၢ်ဝဲၢ်ဒၣ်ဝဲန့ၣ်ဘၣ်. ဘၣ်မနုၤအဃိစီၤကၤယံၣ်မၤသံအီၤလဲၣ်. မ့ၢ်လၢအတၢ်မၤဒၣ်ဝဲတဖၣ်မ့ၢ်အအၢအသီ, ဒီးအဒီပုၢ်ဝဲၢ် အတၢ်မၤတဖၣ်န့ၣ်, မ့ၢ်အတီအလိၤအဃိလီၤ.

၁ ယိၤဟၣ် 5:19

ပသ့ၣ်ညါလၢပဘၣ်ဃးဒီးကစၢ်ယွၤ, ဘၣ်ဆၣ်ဒီးဟီၣ်ခိၣ်ဒီဘ့ၣ်ညါအိၣ်လၢတၢ်အၢတၢ်သီတဂၤ အတၢ်ပၢအဖီလာ်န့ၣ်လီၤ.

ယူဒၤ 1:1

လၢယ့ၣ်ၡူးခရံာ်အခ့အပှၤ, ဒီးစီၤယၤကိာ်အဒီပုၢ်ဝဲၢ် စီၤယူဒၤ, ဆူပှၤလၢကစၢ်ယွၤကိးထီၣ်အီၤလၢအအိၣ်မူဝဲလၢ ပၢ်ကစၢ်ယွၤအတၢ်အဲၣ်တၢ်ကွံဒီးယ့ၣ်ၡူးခရံာ်အတၢ်ကဟုကယာ်အပူၤတဖၣ်အအိၣ်,

ယူဒၤ 1:24

ပှၤလၢအဟံးဃာ်ပၢၤဃာ်သုသ့ဒ်သိးသုသုတလီၤဃံၤတဂ့ၤ, ဒီးပာ်သုလၢအလၤကပီၤအမဲာ်ညါတအိၣ်ဘၣ်ဒီးမဲၣ်သူမဲၣ်ဂီၤဘၣ် လၢတၢ်သူၣ်ခုသးခုဒိၣ်ဒိၣ်ကလဲာ်အပူၤ,

လံာ်လီၣ်ဖျါ 15:4

မတၤကအိၣ်ဝဲတဂၤလၢအတပျံၤ ဒီးတယူးယီၣ်နၤန့ၣ်လဲၣ်, ကစၢ်ယွၤဧၢ. မတၤတဂၤကဂ့ၢ်လိာ်လၢအကဘိးဘၣ်သ့ၣ်ညါ ဒီးတဲဖျါထီၣ်နတၢ်ဒိၣ်တၢ်မုၢ်အဂ့ၢ်န့ၣ်လဲၣ်. ထဲနၤတဂၤဧိၤ နစီဝဲဆှံဝဲလီၤ. ကယဲၢ်ထံဧိၤကီၢ်ဧိၤတဖၣ် ကဟဲဝဲဒီးဘူၣ်ထီၣ်ဘါထီၣ်နၤ, အဂ့ၢ်မ့ၢ်လၢနတၢ်ဖံးတၢ်မၤအတီအလိၤတဖၣ်ဘၣ်တၢ်ထံၣ် အီၤလၢပှၤကိးဂၤဒဲးအဃိန့ၣ်လီၤ.”

လံာ်လီၣ်ဖျါ 19:12

အဝဲအမဲာ်ချံတဖၣ်လီၤဂာ်ဒီးမ့ၣ်အူလၣ်, ဒီးအဝဲဒၣ်ကၢၢ်ခိၣ်သလုးအါဖျၢၣ်လၢအခိၣ်လိၤလီၤ. အဝဲအိၣ်ဒီးအမံၤတဖျၢၣ်အိၣ်ကွဲးအသးလၢအလိၤ, ဘၣ်ဆၣ်ဒီးထဲအဝဲဒၣ်တဂၤဧိၤသ့ၣ်ညါမံၤအဝဲ အံၤလီၤ. ပှၤဂၤတသ့ၣ်ညါနီတဂၤဘၣ်.

လံာ်လီၣ်ဖျါ 4:8

တၢ်အိၣ်ဒီးအသးသမူလွံၢ်ဒုအံၤ, တဒုဒီးတဒုအိၣ်ဒီးအဒံး ဆ့ဃုဘ့ၣ်, ဒီးအဝဲသ့ၣ်အိၣ်ပှဲၤဒီးမဲာ်ချံတဖၣ်လၢအအိပူၤဒီး လၢအချၢတကပၤန့ၣ်လီၤ. ဒီနံၤဒီနၤ, အဝဲသ့ၣ်တဆိကတီၢ် ဘၣ်ဒီးသးဝံၣ်ဝဲဒ်အံၤ, “ကစၢ်ယွၤလၢအသ့တၢ်လၢာ်, လၢအအိၣ်တ့ၢ်လံလၢပျၢၤလံၤလံၤ, အိၣ်ဝဲခဲကနံၣ်အံၤ, ဒီးအကဟဲဝဲတဂၤန့ၣ်, စီဆှံ, စီဆှံ, စီဆှံဝဲလီၤ.”