လံာ်ယိၤဟၣ် 16:7 - Sgaw Karen Common Bible

⁷ နာ်သက့ယစံးဘၣ်တဲဘၣ်သုတၢ်မ့ၢ်တၢ်တီ, ယလဲၤတၢ်အဝဲအံၤန့ၣ်မ့ၢ်တၢ်ဂ့ၤဒၣ်တၢ်တက့ၢ်လၢသုဂီၢ်န့ၣ်လီၤ. အဂ့ၢ်ဒ်အံၤ, ယမ့ၢ်တလဲၤဘၣ်ဒီးပှၤမၤစၢၤတၢ်တဂၤတဟဲ ဆူသုအိၣ်ဘၣ်. ဘၣ်ဆၣ်ယမ့ၢ်လဲၤဒီး, ယကမၢလီၤအီၤဆူ သုအိၣ်န့ၣ်လီၤ.

လံာ်ယိၤဟၣ် 16:7 Iomraidhean Croise

စံးထီၣ်ပတြၢၤ 68:18

အဝဲလဲၤထီၣ်လံဆူတၢ်ထီၣ်ထီတဖၣ်လံ. ဖီၣ်န့ၢ်ကုၢ်တဖၣ်ဒီးဒိးန့ၢ်ဘၣ် တၢ်ဟ့ၣ်တဖၣ်လၢပှၤကညီအကျါ, လၢပှၤပူထီၣ်တၢ်သ့ၣ်တဖၣ်အကျါဒၣ်လဲာ်န့ၣ်လီၤ. ယွၤကစၢ်ယွၤကအိၣ်ဝဲဆိးဝဲဖဲန့ၣ်လီၤ.

လံာ်လူၤကၣ် 24:49

ဒီးယနီၢ်ကစၢ်ဒၣ်ယဲယကဆှၢလီၤတၢ်လၢယပၢ်စံးပာ်တ့ၢ်ဝဲတမံၤန့ၣ် လၢသုလိၤလီၤ. ဘၣ်ဆၣ်ဒီးသုကဘၣ်အိၣ်ခိးလၢဝ့ၢ်ပူၤ တုၤလၢတၢ်စိတၢ်ကမီၤလၢထးဟဲလီၤလၢသုလိၤတစုလီၤ.

လံာ်လူၤကၣ် 4:25

ဒိကနၣ်ယတၢ်ကတိၤတက့ၢ်. လၢဝံအ့ၤလံယၤအစိၤအဆၢ ကတီၢ်, ဖဲမူခိၣ်တစူၤလၢသၢနံၣ်ဃုလါအတီၢ်ပူၤ, ဒီးတၢ်သၣ်ဝံၤလီၤဒိနးမးအိၣ်ထီၣ်ဝဲဒၣ်သကုၤကီၢ်အံၣ်စရ့လး အပူၤန့ၣ်, မုၣ်ကမဲအိၣ်ဝဲအါဒံအါဂၤလၢထံကီၢ်အပူၤလီၤ.

လံာ်လူၤကၣ် 9:27

ယစံးဘၣ်တဲဘၣ်သုတီတီ, ပှၤအိၣ်ဝဲဒၣ်ဖဲအံၤတနီၤလၢအတချုးထံၣ်ဘၣ်ဒံးကစၢ်ယွၤ အဘီအမုၢ်ဘၣ်ဒီးတသံဒံးဝဲဘၣ်လီၤ.”

လံာ်ယိၤဟၣ် 14:26

မ့မ့ၢ်, ပှၤမၤစၢၤတၢ်သးစီဆှံလၢပၢ်ကမၢလီၤအီၤလၢယမံၤ အပူၤန့ၣ်, ကသိၣ်လိသီလိသုတၢ်ခဲလၢာ်ဒီးကဒုးသ့ၣ်နီၣ်ထီၣ် သုတၢ်လၢယစံးဘၣ်တ့ၢ်သုခဲလၢာ်န့ၣ်လီၤ.

လံာ်ယိၤဟၣ် 14:28

သုနၢ်ဟူလံယစံးဘၣ်သု, ‘ယကလဲၤတၢ်ဘၣ်ဆၣ် ယကဟဲက့ၤကဒါက့ၤဆူသုအိၣ်လီၤ.’ သုမ့ၢ်အဲၣ်ယၤဒီး, သုကသးခုလၢယကလဲၤဆူပၢ်အအိၣ် အဃိလီၤ. အဂ့ၢ်ဒ်အံၤ, ပၢ်ဒိၣ်န့ၢ်ယၤတက့ၢ်လီၤ.

လံာ်ယိၤဟၣ် 14:3

ယကလဲၤကတဲာ်ကတီၤတၢ်လီၢ်လၢသုဂီၢ်ဝံၤအလီၢ်ခံ, ယကဟဲက့ၤကဒါက့ၤဒီးက့ၤကိးသုဆူယအိၣ်, ဒ်သိးဖဲယအိၣ်အလီၢ်န့ၣ်သုကအိၣ်စ့ၢ်ကီးသုဝဲအဂီၢ်န့ၣ်လီၤ.

လံာ်ယိၤဟၣ် 15:26

ပှၤမၤစၢၤတၢ်တဂၤလၢအမ့ၢ်ယွၤအသးလၢ အလီၣ်ဖျါထီၣ်တၢ်မ့ၢ်တၢ်တီဘၣ်ဃးဒီးကစၢ်ယွၤန့ၣ်, ကဟဲဝဲလၢပၢ်အအိၣ်န့ၣ်လီၤ. ယကမၢလီၤအီၤလၢပၢ် အအိၣ်ဆူသုအိၣ်ဒီးအဝဲဒၣ်ကအုၣ်အသးလၢယဂ့ၢ် ယကျိၤလီၤ.

လံာ်ယိၤဟၣ် 16:8

ဒီးတုၤအဟဲဝဲဒီး, အဝဲကဒုးနဲၣ်ဖျါထီၣ်န့ၢ်ပှၤဟီၣ်ခိၣ်ဖိတဖၣ် လၢအဝဲသ့ၣ်အတၢ်ဆိကမိၣ်ကမၣ်တၢ်ဘၣ်ဃးတၢ်ဒဲးဘး အဂ့ၢ်, တၢ်လၢအမ့ၢ်အတီအဂ့ၢ်, ဒီးကစၢ်ယွၤအတၢ်စံၣ်ညီၣ် အဂ့ၢ်တဖၣ်န့ၣ်လီၤ.

လံာ်ယိၤဟၣ် 7:39

ယ့ၣ်ၡူးစံးတၢ်အံၤဘၣ်ဃးဒီးယွၤအသးလၢ ပှၤလၢအစူၢ်က့ၤနာ်က့ၤအီၤတဖၣ်ကဒိးန့ၢ်ဘၣ်ဝဲန့ၣ်လီၤ. အကတီၢ်ဖဲန့ၣ်, ယွၤအသးတဘၣ်တၢ်ဟ့ၣ်လီၤအီၤဒံးဘၣ်န့ၣ်, မ့ၢ်လၢယ့ၣ်ၡူးတဘၣ်တၢ်ဒုးဂဲၤထၢၣ်အီၤဆူတၢ်လၤ ကပီၤဒံးဘၣ်အဃိလီၤ.

မၤတၢ် 10:34

ဒီးစီၤပ့းတရူးအဲးထီၣ်အထးခိၣ်ဒီးစံးဝဲ, “ခဲကနံၣ်အံၤယသ့ၣ်ညါလံတၢ်မ့ၢ်တၢ်တီလၢ ကစၢ်ယွၤတကွၢ်မဲာ်ပှၤနီတဂၤဘၣ်န့ၣ်လီၤ.

မၤတၢ် 2:33

အဝဲဒၣ်ဘၣ်တၢ်ပာ်ထီၣ်ထီအီၤလၢပၢ်ကစၢ်ယွၤအစုထွဲတကပၤ, ဒီးဒိးန့ၢ်သးစီဆှံလၢအအိၣ်ဒ်အအၢၣ်လီၤအီလီၤတ့ၢ်ဝဲအသိး န့ၣ်လီၤ. ဒီးတၢ်လၢသုထံၣ်ဘၣ်ဒီးနၢ်ဟူဘၣ်ခဲကနံၣ်အံၤ, မ့ၢ်ယ့ၣ်ၡူးအတၢ်ဟ့ၣ်လၢအလူလီၤဂၢ်လီၤဝဲလၢပလိၤန့ၣ်လီၤ.

ရိမ့ၤ 8:28

ဒီးပသ့ၣ်ညါလၢပှၤလၢအအဲၣ်ကစၢ်ယွၤ, ပှၤလၢအဘၣ်တၢ် ကိးထီၣ်အီၤဒ်အတၢ်ကူၣ်ပာ်အသိးန့ၣ်, ကစၢ်ယွၤမၤဃုာ်တၢ် ဒီးအီၤလၢတၢ်ခဲလၢာ်အပူၤလၢတၢ်ဂ့ၤအဂီၢ်လီၤ.

၂ ကရံၣ်သူး 4:17

ဒီးတၢ်ကီတၢ်ခဲတဆံးတက့ၢ်လၢပတူၢ်ဘၣ်အီၤတစိၢ် တလီၢ်အံၤကဟဲစိာ်န့ၢ်ပှၤတၢ်လၤကပီၤအဒိၣ်အမုၢ်အထူ အယိာ်လၢအဒိၣ်န့ၢ်တၢ်ကီတၢ်ခဲအဝဲအံၤန့ၣ်လီၤ.