လံာ်ယိၤဟၣ် 16:5 - Sgaw Karen Common Bible

⁵ ဘၣ်ဆၣ်ဒီးခဲအံၤယကလဲၤဆူပှၤလၢအမၢလီၤတ့ၢ်ယၤတဂၤ အအိၣ်လီၤ. သနာ်က့သုတသံကွၢ်ယၤလၢမ့ၢ်ယကလဲၤဆူလဲၣ်, နီတဂၤဒံးဘၣ်.

လံာ်ယိၤဟၣ် 16:5 Iomraidhean Croise

လံာ်ယိၤဟၣ် 13:3

ယ့ၣ်ၡူးသ့ၣ်ညါဝဲလၢပၢ်ဟ့ၣ်လံအီၤတၢ်စိတၢ်ကမီၤလၢာ်လၢာ် ဆ့ဆ့, ဒီးသ့ၣ်ညါစ့ၢ်ကီးဝဲလၢအဝဲဟဲလၢကစၢ်ယွၤအအိၣ် ဒီးကက့ၤဆူကစၢ်ယွၤအအိၣ်န့ၣ်လီၤ.

လံာ်ယိၤဟၣ် 13:36

စီၤၡံမိၣ်ပ့းတရူးသံကွၢ်ယ့ၣ်ၡူး, “ကစၢ်ဧၢ, နကလဲၤဆူလဲၣ်.” ယ့ၣ်ၡူးစံးဆၢအီၤ, “တၢ်လီၢ်လၢယကလဲၤန့ၣ်, နလဲၤပိာ်ယခံ ခဲအံၤတသ့ဘၣ်. ဘၣ်ဆၣ်လၢခံန့ၣ်နကဟဲပိာ်ယခံလီၤ.”

လံာ်ယိၤဟၣ် 14:28

သုနၢ်ဟူလံယစံးဘၣ်သု, ‘ယကလဲၤတၢ်ဘၣ်ဆၣ် ယကဟဲက့ၤကဒါက့ၤဆူသုအိၣ်လီၤ.’ သုမ့ၢ်အဲၣ်ယၤဒီး, သုကသးခုလၢယကလဲၤဆူပၢ်အအိၣ် အဃိလီၤ. အဂ့ၢ်ဒ်အံၤ, ပၢ်ဒိၣ်န့ၢ်ယၤတက့ၢ်လီၤ.

လံာ်ယိၤဟၣ် 16:10

လၢတၢ်အမ့ၢ်အတီအဂ့ၢ်, မ့ၢ်လၢယလဲၤဆူပၢ်အအိၣ်ဒီး သုတထံၣ်ဘၣ်လၢၤယၤဘၣ်အဃိန့ၣ်လီၤ.

လံာ်ယိၤဟၣ် 16:16

တစိၢ်ဖိဒီး, သုတထံၣ်ဘၣ်လၢၤယၤဘၣ်. ဒီးမၤကဒီးလၢခံတစိၢ်ဖိဒီး သုကထံၣ်ဘၣ်ယၤလီၤ.”

လံာ်ယိၤဟၣ် 16:17

အပျဲၢ်အဘီၣ်တနီၤသံကွၢ်လိာ်အသး, “တၢ်အံၤအခီပညီမ့ၢ်မနုၤလဲၣ်.” အဝဲစံးဘၣ်တဲဘၣ်ပှၤလၢတစိၢ် ဖိဒီးပတထံၣ်ဘၣ်လၢၤအီၤဘၣ်. ဒီးမၤကဒီးလၢခံတစိၢ်ဖိဒီးပကထံၣ် ဘၣ်အီၤလီၤ. ဒီးအဝဲစံးစ့ၢ်ကီးဝဲ, ‘အဂ့ၢ်ဒ်အံၤမ့ၢ်လၢယလဲၤဆူပၢ်အအိၣ်အဃိန့ၣ်လီၤ.’

လံာ်ယိၤဟၣ် 16:28

ယဟဲတ့ၢ်လၢပၢ်အအိၣ်, ဒီးယဟဲနုာ်လီၤဆူဟီၣ်ခိၣ်ချၢအံၤ လီၤ. ဒီးခဲအံၤယကဟးထီၣ်ကွံာ်လၢဟီၣ်ခိၣ်အံၤဒီးလဲၤ ဆူပၢ်အအိၣ်န့ၣ်လီၤ.”

လံာ်ယိၤဟၣ် 17:13

ဒီးခဲအံၤယကက့ၤဆူနအိၣ်ဒီးယစံးကတိၤတၢ်တဖၣ် အံၤလၢဟီၣ်ခိၣ်ချၢဒ်သိးအဝဲသ့ၣ်ကဒိးန့ၢ်ယတၢ်သူၣ်ခုသးခု လၢအသးကံၢ်ပူၤလၢလၢပှဲၤပှဲၤအဂီၢ်န့ၣ်လီၤ.

လံာ်ယိၤဟၣ် 17:4

ယဒုးနဲၣ်ဖျါထီၣ်နလၤကပီၤလၢဟီၣ်ခိၣ်အံၤ, ဒီးတၢ်မၤလၢနဟ့ၣ်လီၤယၤလၢယကမၤန့ၣ်, ယမၤအီၤဝံၤလံန့ၣ်လီၤ.

လံာ်ယိၤဟၣ် 6:62

သုမ့ၢ်ထံၣ်ဘၣ်ပှၤကညီဖိခွါအံၤက့ၤထီၣ်ဆူအလီၢ် လၢအအိၣ်တ့ၢ်ဝဲလၢအခီၣ်ထံးန့ၣ်ဒီး, သုသးကမၤ အသးဒ်လဲၣ်.

လံာ်ယိၤဟၣ် 7:33

ယ့ၣ်ၡူးစံးဝဲဒၣ်, “ယကအိၣ်ဒီးသုတစိၢ်တလီၢ်ဝံၤဒီး ယကက့ၤက့ၤဆူပှၤလၢအမၢလီၤယၤတဂၤအအိၣ်န့ၣ်လီၤ.

ဧ့ၤဘြံၤ 1:3

အဝဲလီၣ်ဖျါထီၣ်န့ၢ်ပှၤလၢကစၢ်ယွၤအလၤကပီၤဒီးစိာ်မူ ဝဲကစၢ်ယွၤအက့ၢ်အဂီၤအန့ဆၢၣ်လီၤတံၢ်လီၤဆဲးဒီးဟံး ဃာ်ပၢၤဃာ်ဟီၣ်ခိၣ်မူခိၣ်လၢအကလုၢ်အစိအကမီၤလီၤ. တုၤအမၤကဆှီထီၣ်ပှၤလၢပတၢ်ဒဲးဘးလၢအကစၢ် ဒၣ်ဝဲဝံၤဒီး, ဆ့ၣ်နီၤဝဲလၢတၢ်စိဒိၣ်ကမီၤထီကစၢ်ယွၤ အစုထွဲတခီလီၤ.

ဧ့ၤဘြံၤ 12:2

ပှၤလၢအဒုးအိၣ်ထီၣ်သီဒီးမၤလၢထီၣ်ပှဲၤထီၣ်ပတၢ်စူၢ်တၢ်နာ်, ယ့ၣ်ၡူးတဂၤန့ၣ် မ်ပကွၢ်ဃီၤတၢ်ဆူအအိၣ်တက့ၢ်. မ့ၢ်လၢတၢ်သးခုအိၣ်ပာ်စၢၤလၢအမဲာ်ညါအဃိ, အဝဲဒၣ်ဒိးထူၣ်စုညါဒီးတၢ်ဘၣ်သံလၢထူၣ်စုညါအလိၤ အတၢ်မဲာ်ဆှးန့ၣ်တပာ်ဘၣ်ဝဲလၢတၢ်နီတမံၤဘၣ်, ဒီးဆ့ၣ်နီၤဝဲလၢကစၢ်ယွၤအလီၢ်ပစိာ်အစုထွဲတခီန့ၣ်လီၤ.