လံာ်ယိၤဟၣ် 16:32 - Sgaw Karen Common Bible

³² တၢ်ဆၢကတီၢ်ဟဲဝဲဒီးဟဲတုၤလံ, ဖဲသုဝဲခဲလၢာ်သုကလီၤပြံလီၤပြါတဂၤဆူအဟံၣ်ဒၣ်ဝဲ, ဒီးယကဘၣ်တၢ်ပာ်တီၢ်ယၤထဲတဂၤဧိၤန့ၣ်လီၤ. ဘၣ်ဆၣ်ဒီးနီၢ်နီၢ်န့ၣ်ယတအိၣ်ထဲတဂၤဧိၤဘၣ်. အဂ့ၢ်မ့ၢ်လၢပၢ်အိၣ်ဒီးယၤအဃိလီၤ.

လံာ်ယိၤဟၣ် 16:32 Iomraidhean Croise

လံာ်စကၤရယၤ 13:7

သ့တၢ်လၢာ်အယွၤစံးဝဲဒၣ်, “ဖုးသံနီၣ်ထီၣ်နးဧၢ, ဒီးဒုးတၢ်ထီဒါပှၤကွၢ်သိလၢအမၤတၢ်လၢယဂီၢ်တက့ၢ်. မၤသံအီၤတက့ၢ်. ဒီးသိတဖၣ်ကလီၤပြံလီၤပြါကွံာ်လီၤ.

လံာ်မးသဲ 26:31

တုၤနုၤတစု, ယ့ၣ်ၡူးစံးဘၣ်အဝဲသ့ၣ်, “တနၤအံၤ, သုဝဲခဲလၢာ် သုကဃ့ၢ်သဒၣ်ကွံာ်ဒီးပာ်တ့ၢ်ယၤလီၤ. အဂ့ၢ်ဒ်အံၤ, တၢ်ကွဲးအသးစံးဝဲ, ‘ကစၢ်ယွၤကမၤသံပှၤကွၢ်သိ, ဒီးသိလၢသိကရၢၢ်အပူၤတဖၣ်ကလီၤပြံလီၤပြါလီၤ.’

လံာ်မးသဲ 26:56

ဘၣ်ဆၣ်ဒီး, တၢ်တဖၣ်အံၤမၤတ့ၢ်အသး, ဒ်သိးဒီးတၢ်လၢဝံတဖၣ်ကွဲးတ့ၢ်ဝဲလၢတၢ်ကွဲးအသးစီဆှံတဖၣ်အပူၤ, ကလၢထီၣ်ပှဲၤထီၣ်ဝဲအဂီၢ်လီၤ.” တုၤနုၤတစု, အပျဲၢ်အဘီၣ်ခဲလၢာ်ပာ်တ့ၢ်ဒီးဃ့ၢ်သဒၣ်ကွံာ်အီၤ လီၤ.

လံာ်မၢ်ကူး 14:27

ယ့ၣ်ၡူးစံးဘၣ်အဝဲသ့ၣ်, “သုဝဲသ့ၣ်ကိးဂၤဒဲးသုသးကဟး ဂီၤကွံာ်လၢယပူၤ, အဂ့ၢ်ဒ်အံၤတၢ်ကွဲးအသးစံးဝဲ, ‘ယကမၤသံကွံာ်ပှၤကွၢ်သိ, ဒီးသိတဖၣ်ကလီၤပြံလီၤပြါကွံာ်ဝဲလီၤ.’

လံာ်မၢ်ကူး 14:50

အန့ၣ်ဒီးအပျဲၢ်အဘီၣ်ခဲလၢာ်ဟးသဒၣ်ကွံာ်အီၤဒီးဃ့ၢ်ပူၤဖျဲး ကွံာ်အသးန့ၣ်လီၤ.

လံာ်ယိၤဟၣ် 12:23

ယ့ၣ်ၡူးစံးဆၢအဝဲသ့ၣ် “တၢ်ဆၢကတီၢ်နၣ်ရံၣ်ဘၣ်လံဝဲလၢ ယွၤကမၤလၤကပီၤပှၤကညီဖိခွါအဂီၢ်လီၤ.

လံာ်ယိၤဟၣ် 16:2

သုကဘၣ်တၢ်ဟီထီၣ်ကွံာ်သုလၢဘူၣ်ဘျီၣ်လၢအမ့ၢ် တၢ်ဘါလီၢ်တဖၣ်အပူၤ, ဒီးတၢ်ဆၢကတီၢ်ကတုၤဝဲဖဲ ပှၤတဂၤလၢ်လၢ်လၢအမၤသံသုန့ၣ်, ကဆိကမိၣ်ဝဲလၢအမၤတၢ်ဒ်အံၤအဃိဒီး မ့ၢ်အမၤကစၢ်ယွၤအတၢ်မၤန့ၣ်လီၤ.

လံာ်ယိၤဟၣ် 16:25

ယစံးဘၣ်တဲဘၣ်သုတၢ်သ့ၣ်တဖၣ်အံၤလၢတၢ်ကတိၤ အဒိန့ၣ်လီၤ. ဘၣ်ဆၣ်ဒီးတၢ်ဆၢကတီၢ်ကတုၤဝဲဖဲ ယတသူလၢၤတၢ်ကတိၤအဒိဘၣ်. မ့မ့ၢ်ယကကတိၤတၢ်ဒီး သုဖျါဖျါဘၣ်ဃးဒီးပၢ်အဂ့ၢ်န့ၣ်လီၤ.

လံာ်ယိၤဟၣ် 16:31

ယ့ၣ်ၡူးစံးဆၢအဝဲသ့ၣ်, “အခဲအံၤသုနာ်တၢ်လံဧါ.

လံာ်ယိၤဟၣ် 19:27

ဝံၤဒီးစံးဘၣ်အပျဲၢ်အဘီၣ်အဝဲန့ၣ်, “အဝဲမ့ၢ်နမိၢ်လီၤ.” ဒီးစးထီၣ်ဖဲန့ၣ်ဒီးဆူညါအပျဲၢ်အဘီၣ် တဂၤအံၤတူၢ်လိာ်ကွၢ်ထွဲက့ၤယ့ၣ်ၡူးအမိၢ်လၢအဟံၣ်ဒၣ်ဝဲ န့ၣ်လီၤ.

လံာ်ယိၤဟၣ် 20:10

အန့ၣ်ဝံၤ, အပျဲၢ်အဘီၣ်တဖၣ်က့ၤကဒါက့ၤဆူအဟံၣ်ဒၣ် ဝဲန့ၣ်လီၤ.

လံာ်ယိၤဟၣ် 4:21

ယ့ၣ်ၡူးစံးဘၣ်အီၤ, “နာ်ယၤတက့ၢ်ပိာ်မုၣ်ဧၢ, တၢ်ဆၢကတီၢ် ကတုၤဝဲဖဲပှၤတဘူၣ်ထီၣ်ဘါထီၣ်ဘၣ်ပၢ်ယွၤလၢကစၢၢ်အံၤ အလိၤမ့ၢ်ဂ့ၤ, လၢဝ့ၢ်ယရူၤၡလ့ၣ်အပူၤမ့ၢ်ဂ့ၤန့ၣ်လၢၤဘၣ်.

လံာ်ယိၤဟၣ် 4:23

မ့မ့ၢ်အဆၢကတီၢ်နၣ်ရံၣ်ကဘၣ်ဝဲ, ဒီးဘၣ်ခဲကနံၣ်အံၤဒၣ် လဲာ်ဖဲပှၤလၢအဘူၣ်ထီၣ်ဘါထီၣ်တၢ်နီၢ်နီၢ်တဖၣ် ကဘူၣ်ထီၣ်ဘါထီၣ်ပၢ်ယွၤလၢသူၣ်လၢသးဒီးလၢတၢ်မ့ၢ် တၢ်တီလီၤ. အဂ့ၢ်ဒ်အံၤ, ပၢ်ယွၤအဲၣ်ဒိးပှၤလၢအဘူၣ်ထီၣ်ဘါထီၣ်အီၤဒ်န့ၣ်အသိး တဖၣ်လီၤ.

လံာ်ယိၤဟၣ် 5:25

ယစံးဘၣ်တဲဘၣ်သုတၢ်မ့ၢ်တၢ်တီလၢအဆၢကတီၢ်ကဘၣ်ဝဲ, ဒီးဘၣ်လံခဲကနံၣ်အံၤလၢပှၤအသံတဖၣ်ကနၢ်ဟူကစၢ်ယွၤ အဖိခွါအကလုၢ်, ဒီးပှၤလၢအနၢ်ဟူတဖၣ်န့ၣ်ကမူထီၣ်ဝဲလီၤ.

လံာ်ယိၤဟၣ် 5:28

တဘၣ်ကမၢကမၣ်လၢတၢ်အံၤအဃိတဂ့ၤ. အဂ့ၢ်ဒ်အံၤ, တၢ်ဆၢကတီၢ်ကဟဲဝဲဖဲပှၤအသံခဲလၢာ် ကနၢ်ဟူအကလုၢ်,

လံာ်ယိၤဟၣ် 8:16

ဘၣ်ဆၣ်ယမ့ၢ်ဘၣ်စံၣ်ညီၣ်တၢ်ဒီး, ယတၢ်စံၣ်ညီၣ်ကမ့ၢ်ဝဲတီဝဲလီၤ. အဂ့ၢ်မ့ၢ်လၢယတစံၣ်ညီၣ်တၢ်ထဲတဂၤဧိၤဘၣ်ဒီးပၢ်လၢအမၢလီၤ ယၤအံၤအိၣ်ဒီးယၤအဃိလီၤ.

လံာ်ယိၤဟၣ် 8:29

ဒီးပှၤလၢအမၢလီၤယၤတဂၤန့ၣ်, အိၣ်ဒီးယၤလီၤ. အဝဲတပာ်တ့ၢ်ယၤထဲတဂၤဧိၤဘၣ်. အဂ့ၢ်မ့ၢ်လၢယမၤအတၢ်ဘၣ်အသးထီဘိတထံၣ်ဃီအဃိလီၤ.”

မၤတၢ် 21:6

အန့ၣ်ဝံၤဒီးပဆၢဂ့ၤဆၢဝါလိာ်ပသးတဂၤဒီးတဂၤ, ဒီးပက့ၤထီၣ်က့ၤဆူကဘီတဘ့ၣ်န့ၣ်အဖီခိၣ်ဖဲအဝဲသ့ၣ် တခီက့ၤက့ၤဝဲဆူအဟံၣ်န့ၣ်လီၤ.

မၤတၢ် 8:1

စီၤစီလူးအၢၣ်လီၤထွဲဝဲတၢ်မၤသံစီၤစတ့းဖၣ်န့ၣ်လီၤ. တနံၤဃီအဝဲန့ၣ်, တၢ်အိၣ်ဖှိၣ်လၢဝ့ၢ်ယရူၤၡလ့ၣ်အပူၤဘၣ်တၢ်စးထီၣ်မၤအၢမၤနး အီၤနးမးလီၤ. မ့တမ့ၢ်ဘၣ်လၢပှၤတၢ်မၢဖိတဖၣ်ဘၣ်ဒီး, ပှၤစူၢ်က့ၤနာ်က့ၤတၢ်ခဲလၢာ်လီၤပြံလီၤပြါဝဲသကုၤကီၢ်ယူဒၤ ဒီးကီၢ်ၡၤမရံန့ၣ်လီၤ.