လံာ်ယိၤဟၣ် 16:3 - Sgaw Karen Common Bible

³ ပှၤကမၤသုဒ်သိးအံၤမ့ၢ်လၢအဝဲသ့ၣ်တသ့ၣ်ညါတ့ၢ်ပၢ်မ့ၢ်ဂ့ၤ, ယၤမ့ၢ်ဂ့ၤအဃိန့ၣ်လီၤ.

လံာ်ယိၤဟၣ် 16:3 Iomraidhean Croise

လံာ်လူၤကၣ် 10:22

ယပၢ်ဟ့ၣ်လီၤလံယၤလၢတၢ်ကိးမံၤဒဲးလံ. ဖိခွါမ့ၢ်မတၤလဲၣ်န့ၣ်ပှၤတသ့ၣ်ညါနီတဂၤဘၣ်. ပှၤသ့ၣ်ညါမ့ၢ်ထဲပၢ်တဂၤဧိၤလီၤ. ဒီးပၢ်မ့ၢ်မတၤလဲၣ်န့ၣ်ပှၤတသ့ၣ်ညါနီတဂၤဘၣ်. ပှၤသ့ၣ်ညါမ့ၢ်ဝဲထဲဖိခွါဒီးပှၤသ့ၣ်တဖၣ်လၢဖိခွါသးအိၣ် ပာ်ဖျါထီၣ်ပၢ်လၢအီၤန့ၣ်လီၤ.”

လံာ်ယိၤဟၣ် 15:21

ဘၣ်ဆၣ်ဒီး, အဝဲသ့ၣ်ကမၤသုလၢတၢ်အံၤတဖၣ်ခဲလၢာ်မ့ၢ်လၢ သုမ့ၢ်ယတၢ်ဒီးအဝဲသ့ၣ်တသ့ၣ်ညါပှၤလၢအမၢလီၤယၤတဂၤ အဃိလီၤ.

လံာ်ယိၤဟၣ် 15:23

ပှၤတဂၤလၢ်လၢ်လၢအသးဟ့ယၤန့ၣ်, သးဟ့ယပၢ်စ့ၢ်ကီးလီၤ.

လံာ်ယိၤဟၣ် 17:25

ပၢ်လၢအတီအလိၤတဂၤဧၢ, ဟီၣ်ခိၣ်တသ့ၣ်ညါနၤဘၣ်. ဘၣ်ဆၣ်ယသ့ၣ်ညါနၤဒီးအဝဲသ့ၣ်, သ့ၣ်ညါလၢနမၢလီၤ ယၤန့ၣ်လီၤ.

လံာ်ယိၤဟၣ် 17:3

ဒီးတၢ်မူအထူအယိာ်အခီပညီမ့ၢ်ဝဲတၢ်သ့ၣ်ညါနၤ, ကစၢ်ယွၤ အမ့ၢ်အတီတဂၤဧိၤ, ဒီးတၢ်သ့ၣ်ညါယ့ၣ်ၡူးခရံာ်လၢနမၢလီၤ အီၤန့ၣ်လီၤ.

လံာ်ယိၤဟၣ် 8:19

အဝဲသ့ၣ်သံကွၢ်အီၤ, “နပၢ်အိၣ်ဖဲလဲၣ်.” ယ့ၣ်ၡူးစံးဆၢတၢ်ဒီးစံးဝဲ, “သုတသ့ၣ်ညါယၤမ့ၢ်ဂ့ၤယပၢ်မ့ၢ်ဂ့ၤန့ၣ်ဘၣ်. သုမ့ၢ်သ့ၣ်ညါယၤန့ၣ် သုကသ့ၣ်ညါယပၢ်စ့ၢ်ကီးလီၤ.”

လံာ်ယိၤဟၣ် 8:55

သုတသ့ၣ်ညါတ့ၢ်အီၤနီတစုဘၣ်. မ့မ့ၢ်ယဲဒၣ်ယသ့ၣ်ညါ အီၤလီၤ. ယမ့ၢ်စံးလၢယတသ့ၣ်ညါအီၤဘၣ်ဒီး, ယကကဲထီၣ်ပှၤလီတၢ်ဒ်သုဝဲအသိးလီၤ. ဘၣ်ဆၣ်ယသ့ၣ်ညါ အီၤဒီးယဒိကနၣ်အကလုၢ်ကထါလီၤ.

မၤတၢ် 3:17

ဒီးခဲကနံၣ်အံၤယဒီပုၢ်ဝဲၢ်သ့ၣ်ဧၢ, ယသ့ၣ်ညါလၢတၢ်လၢသုဝဲဒီးသုခိၣ်သုနၢ်တဖၣ်မၤဘၣ်ယ့ၣ်ၡူး န့ၣ်, မ့ၢ်ဒၣ်လၢသုတသ့ၣ်ညါဘၣ်အဃိလီၤ.

1 ကရံၣ်သူး 2:8

ပှၤပၢတၢ်ပြးတၢ်လၢဟီၣ်ခိၣ်တဘ့ၣ်အံၤအပူၤတသ့ၣ်ညါ တၢ်ကူၣ်ဘၣ်ကူၣ်သ့အဝဲအံၤနီတဂၤဘၣ်. အဝဲသ့ၣ်မ့ၢ်သ့ၣ်ညါ တ့ၢ်ဝဲန့ၣ်, တမ့ၢ်လၢအဝဲသ့ၣ်ကပျၤထီတၢ်လၤကပီၤအကစၢ် လၢထူၣ်စုညါအလိၤဘၣ်.

၂ သ့းစၤလနံ 1:8

ဒီးဟဲလီၤလၢမ့ၣ်အူလၣ်အပူၤ, ဒ်သိးအကစံၣ်ညီၣ်ပှၤတဖၣ်လၢအတအၢၣ်လီၤအီလီၤ ကစၢ်ယွၤဒီးတတူၢ်လိာ်တၢ်သးခုကစီၣ်ဘၣ်ဃးပကစၢ် ယ့ၣ်ၡူးန့ၣ်လီၤ.

၁ တံၤမသ့း 1:13

ဖဲလၢအပူၤကွံာ်ယကတိၤအၢကတိၤသီအီၤ, မၤနးမၤဖှီၣ်အီၤ, ဒီးကတိၤဒုၣ်ဒွဲၣ်အီၤအခါဒၣ်လဲာ်န့ၣ်လီၤ. ဘၣ်ဆၣ်ဒီး, ကစၢ်ယွၤသးကညီၤယၤမ့ၢ်လၢယတအိၣ်ဒီးတၢ်စူၢ် တၢ်နာ်ဒံးဘၣ်ဒီးယတသ့ၣ်ညါတၢ်လၢယမၤဘၣ်တဖၣ် အဃိလီၤ.

၁ ယိၤဟၣ် 2:23

အဂ့ၢ်ဒ်လဲၣ်န့ၣ်, ပှၤလၢအညိကွံာ်ဖိခွါကစၢ်န့ၣ်ညိကွံာ်စ့ၢ်ကီး ပၢ်ကစၢ်လီၤ. ပှၤလၢအတူၢ်လိာ်ဖိခွါကစၢ်န့ၣ်, ဒိးန့ၢ်စ့ၢ်ကီးပၢ်ကစၢ်န့ၣ်လီၤ.

၁ ယိၤဟၣ် 3:1

ပၢ်ကစၢ်အဲၣ်တ့ၢ်ပှၤထဲထဲလဲၣ်န့ၣ်, ကွၢ်တက့ၢ်. အတၢ်အဲၣ်အံၤဒိၣ်ဝဲတုၤဒၣ်လဲာ်ပဘၣ်တၢ်ကိးပှၤလၢ ကစၢ်ယွၤအဖိတဖၣ်ဒီးပမ့ၢ်တၢ်အဝဲန့ၣ်န့ၣ်လီၤ. လၢတၢ်အံၤအဃိ, ဟီၣ်ခိၣ်တသ့ၣ်ညါပှၤဘၣ်, အဂ့ၢ်မ့ၢ်လၢတသ့ၣ်ညါကစၢ်ယွၤအဃိလီၤ.

၁ ယိၤဟၣ် 4:8

မတၤတဂၤဂ့ၤတဂၤဂ့ၤလၢအတအဲၣ်တၢ်ကွံတၢ်န့ၣ်, တသ့ၣ်ညါကစၢ်ယွၤဘၣ်. အဂ့ၢ်ဒ်လဲၣ်န့ၣ်, ကစၢ်ယွၤမ့ၢ်တၢ်အဲၣ်တၢ်ကွံလီၤ.

၁ ယိၤဟၣ် 5:20

ပသ့ၣ်ညါလၢကစၢ်ယွၤအဖိခွါဟဲဝဲဒီးဟ့ၣ်တ့ၢ်လံ ပှၤတၢ်သ့ၣ်ညါနၢ်ပၢၢ်, ဒ်သိးပကသ့ၣ်ညါကစၢ်ယွၤ အမ့ၢ်အတီတဂၤအဂီၢ်န့ၣ်လီၤ. ပအိၣ်မူလၢကစၢ်ယွၤ အမ့ၢ်အတီတဂၤအံၤအပူၤ, လၢအဖိခွါယ့ၣ်ၡူးခရံာ် အပူၤန့ၣ်လီၤ. အအံၤမ့ၢ်ကစၢ်ယွၤနီၢ်နီၢ်, ဒီးအအံၤမ့ၢ် တၢ်မူအထူအယိာ်လီၤ.