လံာ်ယိၤဟၣ် 16:27 - Sgaw Karen Common Bible

²⁷ အဂ့ၢ်ဒ်လဲၣ်န့ၣ်, ပၢ်အကစၢ်ဒၣ်ဝဲအဲၣ်သုလီၤ. အဝဲဒၣ်အဲၣ် သုမ့ၢ်လၢသုအဲၣ်ယၤဒီးနာ်တ့ၢ်လၢယဟဲလၢပၢ်ကစၢ်ယွၤ အအိၣ်အဃိန့ၣ်လီၤ.

လံာ်ယိၤဟၣ် 16:27 Iomraidhean Croise

လံာ်စဖါနယၤ 3:17

ယွၤ, နကစၢ်ယွၤန့ၣ်အိၣ်ဒီးနၤလီၤ. အစိအကမီၤဟ့ၣ်နၤတၢ်မၤနၢၤလီၤ. ယွၤကသးခုလၢနဃိ ဒီးလၢအတၢ်အဲၣ်အဝဲကဟ့ၣ်နၤတၢ်အိၣ်မူအသီလီၤ. အဝဲကသးဝံၣ်တၢ်ဒီးသူၣ်ဖှံနသးညီလၢနဃိ,

လံာ်မးသဲ 10:37

ပှၤတဂၤလၢ်လၢ်လၢအအဲၣ်အမိၢ်မ့တမ့ၢ်အပၢ်အါန့ၢ်အအဲၣ်ယၤန့ၣ်, တကြၢးဘၣ်ဒီးယၤဘၣ်. ဒီးပှၤလၢအအဲၣ်အဖိခွါမ့တမ့ၢ်အဖိမုၣ်အါန့ၢ်အအဲၣ်ယၤန့ၣ်, တကြၢးဘၣ်ဒီးယၤဘၣ်.

လံာ်ယိၤဟၣ် 14:21

ပှၤတဂၤလၢ်လၢ်လၢအတူၢ်လိာ်ယတၢ်မၤလိာ်တဖၣ် ဒီးတိၢ်န့ၢ်ဒီးမၤထွဲဝဲန့ၣ်, မ့ၢ်ပှၤတဂၤလၢအအဲၣ်ယၤလီၤ. ယပၢ်ကအဲၣ်ပှၤတဂၤလၢ်လၢ်လၢအအဲၣ်ယၤ, ဒီးယဲဒၣ်စ့ၢ်ကီး ယကအဲၣ်အီၤဒီးလီၣ်ဖျါထီၣ်ယသးလၢအီၤလီၤ.”

လံာ်ယိၤဟၣ် 14:23

ယ့ၣ်ၡူးစံးဆၢတၢ်ဒီးစံးဘၣ်အီၤ, “ပှၤတဂၤလၢ်လၢ်လၢ အအဲၣ်ယၤန့ၣ်, ကတိၢ်န့ၢ်ဒီးမၤထွဲယကလုၢ်ကထါလီၤ. ယပၢ်ကအဲၣ်အီၤ, ဒီးယပၢ်ဒီးယၤပကဟဲဆူအအိၣ် ဒီးအိၣ်ဆိးဒီးအီၤန့ၣ်လီၤ.

လံာ်ယိၤဟၣ် 16:30

ခဲကနံၣ်အံၤ, ပသ့ၣ်ညါလၢနသ့ၣ်ညါတၢ်ခဲလၢာ် ဒီးပှၤကသံကွၢ်နၤတၢ်သံကွၢ်တဖၣ်အလီၢ်တအိၣ်လၢၤနီ တဂၤဘၣ်န့ၣ်လီၤ. တၢ်အဝဲအံၤဒုးနာ်ပှၤလၢနဟဲလၢပၢ် အအိၣ်န့ၣ်လီၤ.”

လံာ်ယိၤဟၣ် 17:23

ယအိၣ်လၢအဝဲသ့ၣ်အပူၤဒီးနအိၣ်လၢယပူၤ, ဒ်သိးအဝဲသ့ၣ်ကမ့ၢ်တၢ်တမံၤဃီလၢလၢပှဲၤပှဲၤ, ဒီးဒ်သိး ဟီၣ်ခိၣ်ကသ့ၣ်ညါလၢနမၢလီၤယၤဒီးနအဲၣ်အဝဲသ့ၣ်ဒ် နအဲၣ်ယၤအသိးန့ၣ်လီၤ.

လံာ်ယိၤဟၣ် 2:11

ယ့ၣ်ၡူးမၤတၢ်လီၤလးအခီၣ်ထံးကတၢၢ်တဘျီအံၤလၢဝ့ၢ်ကၤ နါလၢကီၢ်ကၤလံၤလါအပူၤဒီးဖဲန့ၣ်အဝဲလီၣ်ဖျါထီၣ်အလၤ ကပီၤ, ဒီးအပျဲၢ်အဘီၣ်တဖၣ်စူၢ်က့ၤနာ်က့ၤအီၤန့ၣ်လီၤ.

လံာ်ယိၤဟၣ် 3:13

မ့တမ့ၢ်ဘၣ်လၢပှၤကညီဖိခွါယၤအံၤလၢအဟဲလီၤလၢမူခိၣ် ဘၣ်ဒီး, ပှၤတလဲၤထီၣ်ဘၣ်ဆူမူခိၣ်နီတဂၤဒံးဘၣ်.

လံာ်ယိၤဟၣ် 7:29

ဘၣ်ဆၣ်ယသ့ၣ်ညါအီၤမ့ၢ်လၢယဟဲလၢအအိၣ်ဒီး အဝဲဒၣ်မၢလီၤယၤအဃိလီၤ.”

လံာ်ယိၤဟၣ် 8:42

ယ့ၣ်ၡူးစံးဘၣ်အဝဲသ့ၣ်, “ကစၢ်ယွၤမ့မ့ၢ်သုပၢ်နီၢ်နီၢ်ဒီးသု ကအဲၣ်ယၤလီၤ. အဂ့ၢ်မ့ၢ်လၢယဟဲလၢကစၢ်ယွၤအအိၣ်ဒီး ခဲအံၤယအိၣ်ဖဲအံၤလီၤ. ယတဟဲဖဲယသးဒၣ်ယဲဘၣ်. မ့မ့ၢ်အဝဲမၢလီၤယၤလီၤ.

ရိမ့ၤ 8:3

မ့ၢ်လၢပှၤကညီအန့ဆၢၣ်အဂံၢ်စၢ်ဘါစၢ်အဃိ, တၢ်လၢတၢ်သိၣ်တၢ်သီမၤတသ့ဘၣ်န့ၣ်ကစၢ်ယွၤမၤဝဲလီၤ. အဝဲစံၣ်ညီၣ်ဃၣ်တၢ်ဒဲးဘးလၢပှၤကညီအန့ဆၢၣ်အပူၤ, ခီဖျိအတၢ်ဆှၢလီၤအဖိခွါဒၣ်ဝဲအိၣ်ဒီးန့ဆၢၣ်လၢအမ့ၢ် ပှၤကညီအတၢ်ဒဲးဘးအန့ဆၢၣ်ဒ်သိးအကတြူာ် ကွံာ်တၢ်ဒဲးဘးအဂီၢ်န့ၣ်လီၤ.

1 ကရံၣ်သူး 15:47

စီၤအၤဒၣ်အဆိကတၢၢ်တဂၤလၢအဘၣ်တၢ်တ့အီၤလၢဟီၣ်ခိၣ်န့ၣ်, ဟဲလၢဟီၣ်ခိၣ်, မ့မ့ၢ်စီၤအၤဒၣ်ခံဂၤတဂၤန့ၣ်ဟဲလၢမူခိၣ်လီၤ.

1 ကရံၣ်သူး 16:22

ပှၤတဂၤလၢ်လၢ်လၢအတအဲၣ်ကစၢ်န့ၣ်, မ်အဘၣ်ဆိၣ်အၢတက့ၢ်. မၤရၤနၤသၤ - ပကစၢ်ဧၢ, ဟဲတက့ၢ်.

၂ ကရံၣ်သူး 5:14

ပဘၣ်တၢ်ပၢၤဃာ်ပှၤလၢခရံာ်အတၢ်အဲၣ်န့ၣ်လီၤ. အဂ့ၢ်မ့ၢ်လၢ, ခဲကနံၣ်အံၤ, ပပာ်သူၣ်ပာ်သးလၢပှၤတဂၤသံလၢပှၤခဲလၢာ် အဂီၢ်, အခီပညီမ့ၢ်ဝဲ, ပှၤကိးဂၤဒဲးသံဃုာ်ဒီးအီၤန့ၣ်လီၤ.

ကလၤတံ 4:4

ဘၣ်ဆၣ်ဒီး, ဖဲတၢ်ဆၢကတီၢ်အဘၣ်တုၤဃီၤဝဲန့ၣ်, ကစၢ်ယွၤဆှၢလီၤအဖိခွါဒၣ်ဝဲလီၤ. အဝဲဒၣ်ဟဲဒ်မိၢ်လၢအမ့ၢ်ပှၤဟီၣ်ခိၣ်ဖိတဂၤအဖိအသိးဒီးအိၣ် မူလၢယူဒၤဖိအတၢ်သိၣ်တၢ်သီအဖီလာ်,

အ့းဖ့းစူး 6:24

မ်ယွၤအဘျုးအဖှိၣ်အိၣ်ဒီးပှၤလၢအအဲၣ်ပကစၢ်ယ့ၣ်ၡူးခရံာ် လၢတၢ်အဲၣ်အထူအယိာ်ခဲလၢာ်န့ၣ်တက့ၢ်.

၁ တံၤမသ့း 1:15

အအံၤမ့ၢ်တၢ်ကတိၤအမ့ၢ်အတီလၢပှၤဂ့ၤတူၢ်လိာ်ဒီးနာ် အီၤလၢာ်လၢာ်ဆ့ဆ့, လၢယ့ၣ်ၡူးခရံာ်ဟဲလီၤဆူဟီၣ်ခိၣ်ချၢဒ်သိးအကအုၣ်က့ၤ ခီၣ်က့ၤပှၤတၢ်ဒဲးဘးဖိတဖၣ်လၢယမ့ၢ်အဒိၣ်ကတၢၢ်တဂၤ န့ၣ်လီၤ.

ဧ့ၤဘြံၤ 12:6

အဂ့ၢ်ဒ်အံၤ, ကစၢ်န့ၣ်သိၣ်ဃီၣ်ကယဲၢ်ပှၤလၢ အအဲၣ်ဝဲကိးဂၤဒဲး ဒီးဖျ့ကယဲၢ်ပှၤလၢအပာ်ဝဲဒ်အဖိအသိးန့ၣ်လီၤ.”

၁ ပ့းတရူး 1:8

သုတထံၣ်ဘၣ်ဒံးအီၤသနာ်က့သုအဲၣ်အီၤ, ဒီးသုတထံၣ်အီၤခဲအံၤသနာ်က့သုနာ်အီၤ န့ၣ်လီၤ. လၢတၢ်န့ၣ်အဃိ, သုသူၣ်ခုသးခုလၢတၢ်သးခုဖးဒိၣ်ဒီးတၢ်သးခုလၢ အပှဲၤဒီးတၢ်လၤကပီၤလၢပစံးကတိၤလၢအဂ့ၢ်တသ့ဘၣ်.

၁ ယိၤဟၣ် 4:19

ပအဲၣ်တၢ်ကွံတၢ်လီၤ. အဂ့ၢ်ဒ်အံၤယွၤအဲၣ်ဆိပှၤလီၤ.

လံာ်လီၣ်ဖျါ 3:19

ပှၤလၢယအဲၣ်န့ၣ်, ယသိၣ်ဃီၣ်သီဃီၣ်, ဒီးစံၣ်ညီၣ်အီၤကိးဂၤဒဲးလီၤ. လၢတၢ်န့ၣ်အဃိ, ပာ်နသးသပှၢ်ပှၢ်, ဒီးဃၣ်ကွံာ်လၢနတၢ်ဒဲးတူာ်ဒဲးဘးတဖၣ်န့ၣ်တက့ၢ်.

လံာ်လီၣ်ဖျါ 3:9

ဒိကနၣ်တက့ၢ်. မ့မ့ၢ်ပှၤတဖုတကရၢလၢအဘၣ်ထွဲဒီးမုၣ် ကီၤလံၢ်, ပှၤလီတၢ်သ့ၣ်တဖၣ်လၢအစံးလီၤအသးလၢအမ့ၢ် ပှၤယူဒၤဖိဘၣ်ဆၣ်တမ့ၢ်ဘၣ်တဖၣ်န့ၣ်, ယကမၤဒ်သိးအဝဲသ့ၣ်ကဟဲဒီးချံးခီၣ်တီၤလီၤလၢသုခီၣ်ထံး န့ၣ်လီၤ. အဝဲသ့ၣ်ကိးဂၤဒဲးကသ့ၣ်ညါလၢယအဲၣ်သုလီၤ.