လံာ်ယိၤဟၣ် 16:23 - Sgaw Karen Common Bible

²³ တုၤမုၢ်နံၤအဝဲန့ၣ်ဟဲတုၤဒီး, သုတသံကွၢ်ယၤလၢတၢ်နီတမံၤ လၢၤဘၣ်. ယစံးဘၣ်တဲဘၣ်သုတၢ်မ့ၢ်တၢ်တီ, ပၢ်ကဟ့ၣ်လီၤသုတၢ်တမံၤဂ့ၤတမံၤဂ့ၤလၢသုဃ့အီၤလၢ ယမံၤန့ၣ်လီၤ.

လံာ်ယိၤဟၣ် 16:23 Iomraidhean Croise

လံာ်ယၡါယၤ 65:24

တချုးဒံးဒၣ်လဲာ်လၢအဝဲသ့ၣ်ဘါထုကဖၣ်ဆူယအိၣ် ကတၢၢ်ဒံးဘၣ်န့ၣ်, ယကစံးဆၢအဝဲသ့ၣ်အတၢ်ထုက ဖၣ်တဖၣ်န့ၣ်လီၤ.

လံာ်မးသဲ 21:22

သုမ့ၢ်နာ်တၢ်ဒီးတၢ်လၢသုဃ့ယွၤလၢသုတၢ်ထုကဖၣ်အပူၤန့ၣ်, သုကဒိးန့ၢ်ဘၣ်အီၤလီၤ.”

လံာ်မးသဲ 7:7

ဃ့တၢ်လၢယွၤတက့ၢ်ဒီးသုကဒိးန့ၢ်ဘၣ်လီၤ. ဃုတၢ်တက့ၢ်ဒီးသုကထံၣ်န့ၢ်တၢ်လီၤ. ဒိတကျိာ်တၢ်တက့ၢ် ဒီးယွၤကအိးထီၣ်န့ၢ်တၢ်လၢသုဂီၢ်လီၤ.

လံာ်ယိၤဟၣ် 14:20

တုၤမုၢ်နံၤအဝဲန့ၣ်ဟဲတုၤဃီၤဒီး, သုကသ့ၣ်ညါလၢယအိၣ် လၢယပၢ်အပူၤ, ဒီးသုအိၣ်လၢယပူၤ, ဒ်ယအိၣ်လၢသုပူၤ အသိးန့ၣ်လီၤ.

လံာ်ယိၤဟၣ် 14:22

စီၤယူဒၤ (လၢအတမ့ၢ်စီၤယူဒၤအံၣ်စကၤရံၤအိာ်တဂၤ) စံးဝဲဒၣ်, “ကစၢ်ဧၢ, နကဒုးနဲၣ်နသးလၢပဝဲဒၣ်တဖၣ်အံၤဒီး တမ့ၢ်ဘၣ်လၢပှၤဟီၣ်ခိၣ်ဖိဘၣ်န့ၣ်, မၤအသးကသ့ဒ်လဲၣ်.”

လံာ်ယိၤဟၣ် 14:5

စီၤသိၤမါစံးဘၣ်ယ့ၣ်ၡူး, “ကစၢ်ဧၢ, နကလဲၤဆူလဲၣ်ဆူလဲၣ်န့ၣ် ပတသ့ၣ်ညါဘၣ်အဃိ, ကျဲလၢပကလဲၤတုၤလၢတၢ်လီၢ်န့ၣ် ပသ့ၣ်ညါကသ့ဒ်လဲၣ်.”

လံာ်ယိၤဟၣ် 15:7

သုမ့ၢ်အိၣ်ဆိးလၢယပူၤဒီးယကလုၢ်ကထါမ့ၢ်အိၣ်ဆိး လၢသုပူၤန့ၣ်, သုကဃ့တၢ်တမံၤဂ့ၤတမံၤဂ့ၤလၢသုသး လီဒီးသုကဒိးန့ၢ်ဘၣ်အီၤလီၤ.

လံာ်ယိၤဟၣ် 16:19

ယ့ၣ်ၡူးသ့ၣ်ညါဝဲလၢအဝဲသ့ၣ်သးအိၣ်သံကွၢ်အီၤတၢ်အံၤ သတးဒီးအဝဲဒၣ်စံးဘၣ်တဲဘၣ်အဝဲသ့ၣ်, “မ့ၢ်သုသံကွၢ်လိာ်သုသးဘၣ်ဃးတၢ်လၢယစံးတ့ၢ်, ‘တစိၢ်ဖိဒီးသုတထံၣ်ဘၣ်လၢၤယၤဘၣ်. မၤကဒီးလၢခံတစိၢ်ဖိဒီးသုကထံၣ်ဘၣ်ယၤလီၤ’ အဂ့ၢ်န့ၣ်ဧါ.

လံာ်ယိၤဟၣ် 16:26

ဖဲမုၢ်နံၤအဝဲန့ၣ်တုၤဃီၤဝဲဒီး, သုကဃ့တၢ်လၢယမံၤ, ဒီးယတစံးဘၣ်တဲဘၣ်သုလၢယကဃ့န့ၢ်တၢ်လၢ သုဂီၢ်လၢပၢ်န့ၣ်ဘၣ်.

လံာ်ယိၤဟၣ် 16:30

ခဲကနံၣ်အံၤ, ပသ့ၣ်ညါလၢနသ့ၣ်ညါတၢ်ခဲလၢာ် ဒီးပှၤကသံကွၢ်နၤတၢ်သံကွၢ်တဖၣ်အလီၢ်တအိၣ်လၢၤနီ တဂၤဘၣ်န့ၣ်လီၤ. တၢ်အဝဲအံၤဒုးနာ်ပှၤလၢနဟဲလၢပၢ် အအိၣ်န့ၣ်လီၤ.”

အ့းဖ့းစူး 2:18

ခီဖျိခရံာ်န့ၣ်, ပဝဲကိးဂၤဒဲး, ယူဒၤဖိတဖၣ်ဒီးပှၤကလုာ်ဂၤတဖၣ် ပလဲၤနုာ်ဆူပၢ်အမဲာ်ညါလၢသးစီဆှံတဂၤဃီအပူၤသ့ဝဲလီၤ.

၁ ယိၤဟၣ် 2:1

ယဖိယလံၤသ့ၣ်ဧၢ, ယကွဲးန့ၢ်သုတၢ်အံၤဒ်သိးသုသုတမၤတၢ်ဒဲးဘးတဂ့ၤအဂီၢ် လီၤ. ဘၣ်ဆၣ်ဒီး, ပှၤမ့ၢ်မၤတၢ်ဒဲးဘးတဂၤဂၤဒီး, ပအိၣ်ဒီးယ့ၣ်ၡူးခရံာ်ပှၤအတီအလိၤတဂၤလၢအသကွံၢ် ကညးန့ၢ်တၢ်လၢပဂီၢ်လၢပၢ်အအိၣ်န့ၣ်လီၤ.