လံာ်ယိၤဟၣ် 16:17 - Sgaw Karen Common Bible

¹⁷ အပျဲၢ်အဘီၣ်တနီၤသံကွၢ်လိာ်အသး, “တၢ်အံၤအခီပညီမ့ၢ်မနုၤလဲၣ်.” အဝဲစံးဘၣ်တဲဘၣ်ပှၤလၢတစိၢ် ဖိဒီးပတထံၣ်ဘၣ်လၢၤအီၤဘၣ်. ဒီးမၤကဒီးလၢခံတစိၢ်ဖိဒီးပကထံၣ် ဘၣ်အီၤလီၤ. ဒီးအဝဲစံးစ့ၢ်ကီးဝဲ, ‘အဂ့ၢ်ဒ်အံၤမ့ၢ်လၢယလဲၤဆူပၢ်အအိၣ်အဃိန့ၣ်လီၤ.’

လံာ်ယိၤဟၣ် 16:17 Iomraidhean Croise

လံာ်မၢ်ကူး 9:10

အဝဲသ့ၣ်မၤဝဲဒ်အဝဲဒၣ်မၤလိာ်အီၤအသိး, ဘၣ်ဆၣ်ဒီးသံကွၢ်လိာ်အသးကဒဲကဒဲဒီးကတိၤလိာ်အသး ဘၣ်ဃးတၢ်ဂ့ၢ်တထံၣ်လၢအစံးဝဲကဂဲၤဆၢထၢၣ်သမူထီၣ် က့ၤလၢတၢ်သံန့ၣ်အခီပညီမ့ၢ်တၢ်ဒ်လဲၣ်န့ၣ်လီၤ.

လံာ်မၢ်ကူး 9:32

ဘၣ်ဆၣ်ဒီးအတၢ်သိၣ်လီၤသီလီၤတၢ်အံၤ အဝဲသ့ၣ်တနၢ်ပၢၢ်ဝဲအခီပညီဘၣ်ဒီးကသံကွၢ်အီၤအဂီၢ် အဝဲသ့ၣ်ပျံၤတၢ်န့ၣ်လီၤ.

လံာ်လူၤကၣ် 18:34

ဘၣ်ဆၣ်အပျဲၢ်အဘီၣ်တဖၣ်တနၢ်ပၢၢ်တၢ်ကတိၤသ့ၣ်တဖၣ်အံၤနီ တဘီဘၣ်. တၢ်ကတိၤတဖၣ်အခီပညီအိၣ်လီၤသဒၢအသးလၢအဝဲသ့ၣ် အမဲာ်ညါ, ဒီးယ့ၣ်ၡူးစံးကတိၤတၢ်ဘၣ်ဃးမနုၤအဂ့ၢ်န့ၣ်, အဝဲသ့ၣ်တသ့ၣ်ညါဝဲဘၣ်.

လံာ်လူၤကၣ် 9:45

ဘၣ်ဆၣ်ဒီးတၢ်ကတိၤတထံၣ်အံၤအခီပညီမ့ၢ်တၢ်ဒ်လဲၣ်န့ၣ်, အဝဲသ့ၣ်တသ့ၣ်ညါဝဲဘၣ်. အခီပညီဘၣ်တၢ်ပာ်တဒၢတ့ၢ်အီၤလၢအဝဲသ့ၣ်အမဲာ်ညါ ဒ်သိးအသုတနၢ်ပၢၢ်ဝဲတဂ့ၤအဂီၢ်လီၤ. ဒီးအဝဲသ့ၣ်ကသံကွၢ်အီၤဘၣ်ဃးတၢ်ဂ့ၢ်တမံၤအံၤန့ၣ်, သံကွၢ်ဝဲတဘူၣ်ဘၣ်.

လံာ်ယိၤဟၣ် 12:16

အကတီၢ်ဖဲန့ၣ်, အပျဲၢ်အဘီၣ်တဖၣ်တနၢ်ပၢၢ်တၢ်အံၤဘၣ်. ဘၣ်ဆၣ်တုၤယ့ၣ်ၡူးဘၣ်တၢ်ဒုးဂဲၤဆၢထၢၣ်က့ၤအီၤအိၣ်ဒီး အလၤကပီၤန့ၣ်, အဝဲသ့ၣ်သ့ၣ်နီၣ်ထီၣ်က့ၤဝဲလၢတၢ်ကွဲးအသး စံးတ့ၢ်လၢတၢ်အံၤအဂ့ၢ်ဘၣ်ထွဲဒီးယ့ၣ်ၡူးဒီးလၢအဝဲသ့ၣ် မၤတ့ၢ်လံဝဲတၢ်အံၤလၢယ့ၣ်ၡူးအဂီၢ်န့ၣ်လီၤ.

လံာ်ယိၤဟၣ် 14:22

စီၤယူဒၤ (လၢအတမ့ၢ်စီၤယူဒၤအံၣ်စကၤရံၤအိာ်တဂၤ) စံးဝဲဒၣ်, “ကစၢ်ဧၢ, နကဒုးနဲၣ်နသးလၢပဝဲဒၣ်တဖၣ်အံၤဒီး တမ့ၢ်ဘၣ်လၢပှၤဟီၣ်ခိၣ်ဖိဘၣ်န့ၣ်, မၤအသးကသ့ဒ်လဲၣ်.”

လံာ်ယိၤဟၣ် 14:5

စီၤသိၤမါစံးဘၣ်ယ့ၣ်ၡူး, “ကစၢ်ဧၢ, နကလဲၤဆူလဲၣ်ဆူလဲၣ်န့ၣ် ပတသ့ၣ်ညါဘၣ်အဃိ, ကျဲလၢပကလဲၤတုၤလၢတၢ်လီၢ်န့ၣ် ပသ့ၣ်ညါကသ့ဒ်လဲၣ်.”

လံာ်ယိၤဟၣ် 16:1

ယစံးဘၣ်တဲဘၣ်တ့ၢ်သုတၢ်ခဲလၢာ်အံၤ, ဒ်သိးသုသုတညိကွံာ်သုတၢ်စူၢ်တၢ်နာ်တဂ့ၤအဂီၢ်န့ၣ်လီၤ.

လံာ်ယိၤဟၣ် 16:16

တစိၢ်ဖိဒီး, သုတထံၣ်ဘၣ်လၢၤယၤဘၣ်. ဒီးမၤကဒီးလၢခံတစိၢ်ဖိဒီး သုကထံၣ်ဘၣ်ယၤလီၤ.”

လံာ်ယိၤဟၣ် 16:18

တၢ်ကတိၤ ‘တစိၢ်ဖိ’ စံးတၢ်အံၤအခီပညီမ့ၢ်တၢ်မနုၤလဲၣ်. အဝဲအဲၣ်ဒိးစံးတၢ်မနုၤလဲၣ်န့ၣ်ပတသ့ၣ်ညါဘၣ်.”

လံာ်ယိၤဟၣ် 16:19

ယ့ၣ်ၡူးသ့ၣ်ညါဝဲလၢအဝဲသ့ၣ်သးအိၣ်သံကွၢ်အီၤတၢ်အံၤ သတးဒီးအဝဲဒၣ်စံးဘၣ်တဲဘၣ်အဝဲသ့ၣ်, “မ့ၢ်သုသံကွၢ်လိာ်သုသးဘၣ်ဃးတၢ်လၢယစံးတ့ၢ်, ‘တစိၢ်ဖိဒီးသုတထံၣ်ဘၣ်လၢၤယၤဘၣ်. မၤကဒီးလၢခံတစိၢ်ဖိဒီးသုကထံၣ်ဘၣ်ယၤလီၤ’ အဂ့ၢ်န့ၣ်ဧါ.

လံာ်ယိၤဟၣ် 16:5

ဘၣ်ဆၣ်ဒီးခဲအံၤယကလဲၤဆူပှၤလၢအမၢလီၤတ့ၢ်ယၤတဂၤ အအိၣ်လီၤ. သနာ်က့သုတသံကွၢ်ယၤလၢမ့ၢ်ယကလဲၤဆူလဲၣ်, နီတဂၤဒံးဘၣ်.