လံာ်ယိၤဟၣ် 16:14 - Sgaw Karen Common Bible

¹⁴ အဝဲကဟ့ၣ်ယၤတၢ်လၤကပီၤ, မ့ၢ်လၢအဝဲကဟံးန့ၢ်တၢ်လၢယအိၣ် ဒီးကစံးဘၣ်တဲဘၣ်သုအဃိန့ၣ်လီၤ.

လံာ်ယိၤဟၣ် 16:14 Iomraidhean Croise

လံာ်စကၤရယၤ 12:10

ဒီးယကမၤပှဲၤစီၤဒၤဝံးအစၢၤအသွဲၣ်တဖၣ်ဒီးဝ့ၢ် ယရူၤၡလ့ၣ်အပှၤဂီၢ်မုၢ်ဒီးသးလၢအသးကညီၤတၢ်ဒီး သးလၢအအိၣ်ဒီးတၢ်ထုကဖၣ်န့ၣ်လီၤ. အဝဲသ့ၣ်ကကွၢ်ဃီၤတၢ်ဆူပှၤတဂၤလၢအဝဲသ့ၣ်ဆဲးသံကွံာ်ဝဲ, ဒီးအဝဲသ့ၣ်ကဟီၣ်ဝဲယၢၤဝဲလၢအဃိဒ်ပှၤတဖၣ်လၢအဟီၣ်ဝဲယၢၤဝဲ လၢအဖိခွါတဂၤဃီအဃိအသိးန့ၣ်လီၤ. အဝဲသ့ၣ်ကဟီၣ်ဝဲနးနးကလဲာ်ဒ်ပှၤတဖၣ်လၢအဟီၣ်ဝဲယၢၤဝဲလၢ အဖိခွါဝဲၢ်ကိလီၤမၢ်ကွံာ်အဃိအသိးန့ၣ်လီၤ.

လံာ်ယိၤဟၣ် 14:21

ပှၤတဂၤလၢ်လၢ်လၢအတူၢ်လိာ်ယတၢ်မၤလိာ်တဖၣ် ဒီးတိၢ်န့ၢ်ဒီးမၤထွဲဝဲန့ၣ်, မ့ၢ်ပှၤတဂၤလၢအအဲၣ်ယၤလီၤ. ယပၢ်ကအဲၣ်ပှၤတဂၤလၢ်လၢ်လၢအအဲၣ်ယၤ, ဒီးယဲဒၣ်စ့ၢ်ကီး ယကအဲၣ်အီၤဒီးလီၣ်ဖျါထီၣ်ယသးလၢအီၤလီၤ.”

လံာ်ယိၤဟၣ် 15:26

ပှၤမၤစၢၤတၢ်တဂၤလၢအမ့ၢ်ယွၤအသးလၢ အလီၣ်ဖျါထီၣ်တၢ်မ့ၢ်တၢ်တီဘၣ်ဃးဒီးကစၢ်ယွၤန့ၣ်, ကဟဲဝဲလၢပၢ်အအိၣ်န့ၣ်လီၤ. ယကမၢလီၤအီၤလၢပၢ် အအိၣ်ဆူသုအိၣ်ဒီးအဝဲဒၣ်ကအုၣ်အသးလၢယဂ့ၢ် ယကျိၤလီၤ.

လံာ်ယိၤဟၣ် 7:39

ယ့ၣ်ၡူးစံးတၢ်အံၤဘၣ်ဃးဒီးယွၤအသးလၢ ပှၤလၢအစူၢ်က့ၤနာ်က့ၤအီၤတဖၣ်ကဒိးန့ၢ်ဘၣ်ဝဲန့ၣ်လီၤ. အကတီၢ်ဖဲန့ၣ်, ယွၤအသးတဘၣ်တၢ်ဟ့ၣ်လီၤအီၤဒံးဘၣ်န့ၣ်, မ့ၢ်လၢယ့ၣ်ၡူးတဘၣ်တၢ်ဒုးဂဲၤထၢၣ်အီၤဆူတၢ်လၤ ကပီၤဒံးဘၣ်အဃိလီၤ.

1 ကရံၣ်သူး 12:3

ယအဲၣ်ဒိးသုကသ့ၣ်ညါလၢပှၤလၢယွၤအသးစီဆှံဆှၢအီၤ တဂၤန့ၣ်ကစံးဝဲ, “မ်ယ့ၣ်ၡူးဘၣ်တၢ်ဆိၣ်အၢတက့ၢ်” န့ၣ် တသ့ဘၣ်. ဒီးမ့တမ့ၢ်လၢပှၤတဂၤဘၣ်တၢ်ဆှၢအီၤလၢသးစီဆှံန့ၣ်, ပှၤအဝဲန့ၣ်အၢၣ်လီၤအီလီၤလၢ “ယ့ၣ်ၡူးမ့ၢ်ကစၢ်” န့ၣ်တသ့ဘၣ်.

၂ ကရံၣ်သူး 4:6

ကစၢ်ယွၤလၢအစံးဝဲ, “လၢတၢ်ခံးတၢ်နၤအပူၤန့ၣ်, တၢ်ကပီၤ ကကပီၤထီၣ်ဝဲ” န့ၣ်မ့ၢ်ကစၢ်ယွၤတဂၤဃီလၢအဒုးကပီၤလီၤအတၢ်ကပီၤလၢပသူၣ် ပသးတဖၣ်အပူၤ, ဒ်သိးအကဟဲစိာ်န့ၢ်ပှၤတၢ်သ့ၣ်ညါဘၣ်ဃး ဒီးယွၤအလၤကပီၤလၢအကပီၤထီၣ်လၢခရံာ်အမဲာ်အလိၤန့ၣ်လီၤ.

ကလၤတံ 5:5

မ့မ့ၢ်ပဝဲသ့ၣ်တဖၣ်အံၤ, ပတၢ်မုၢ်လၢ်မ့ၢ်ဝဲကစၢ်ယွၤကမၤလိၤ မၤဘၣ်ပှၤဒီးအီၤ, ဒီးတၢ်တမံၤအံၤမ့ၢ်ဝဲတၢ်လၢပခိးပဝဲလၢယွၤ အသးစီဆှံအစိကမီၤမၤတၢ်ခီဖျိပတၢ်စူၢ်တၢ်နာ်န့ၣ်လီၤ.

၁ ပ့းတရူး 2:7

လၢၢ်အံၤအိၣ်ဒီးအလုၢ်အပှ့ၤဖးဒိၣ်လၢသုဝဲလၢအနာ်တၢ် တဖၣ်အဂီၢ်, မ့မ့ၢ်ပှၤလၢအတနာ်တၢ်တဖၣ်အဂီၢ်န့ၣ်, “လၢၢ်လၢပှၤသူၣ်ထီၣ်တၢ်တဖၣ်ညိကွံာ်ဝဲ ဒ်အမ့ၢ်တၢ်လၢအလုၢ်အပှ့ၤတအိၣ်အံၤ ကဲထီၣ်လၢၢ်လၢအကါဒိၣ်ကတၢၢ်တဖျၢၣ်န့ၣ်လီၤ” (စံး ၁၁၈:၂၂, ၂၃).

၁ ယိၤဟၣ် 3:23

တၢ်လၢအဝဲမၤလိာ်မ့ၢ်အအံၤ, လၢပစူၢ်က့ၤနာ်က့ၤတၢ်လၢအဖိခွါယ့ၣ်ၡူးခရံာ်အမံၤအပူၤ, ဒီးအဲၣ်လိာ်ကွံလိာ်ပသးတဂၤဒီးတဂၤဒ်ခရံာ်မၤလိာ်တ့ၢ်ဝဲအသိးန့ၣ်လီၤ.

၁ ယိၤဟၣ် 5:20

ပသ့ၣ်ညါလၢကစၢ်ယွၤအဖိခွါဟဲဝဲဒီးဟ့ၣ်တ့ၢ်လံ ပှၤတၢ်သ့ၣ်ညါနၢ်ပၢၢ်, ဒ်သိးပကသ့ၣ်ညါကစၢ်ယွၤ အမ့ၢ်အတီတဂၤအဂီၢ်န့ၣ်လီၤ. ပအိၣ်မူလၢကစၢ်ယွၤ အမ့ၢ်အတီတဂၤအံၤအပူၤ, လၢအဖိခွါယ့ၣ်ၡူးခရံာ် အပူၤန့ၣ်လီၤ. အအံၤမ့ၢ်ကစၢ်ယွၤနီၢ်နီၢ်, ဒီးအအံၤမ့ၢ် တၢ်မူအထူအယိာ်လီၤ.

၁ ယိၤဟၣ် 5:6

ယ့ၣ်ၡူးခရံာ်မ့ၢ်ပှၤလၢအဟဲဝဲအိၣ်ဒီးအတၢ်ဒိးဘျၢ အသးလၢထံဒီးအတၢ်တူၢ်သံအသးအသွံၣ်န့ၣ်လီၤ. အဝဲတဟဲဝဲထဲလၢထံဧိၤန့ၣ်ဘၣ်. မ့မ့ၢ်, ဟဲဝဲလၢထံဒီးသွံၣ်ခံမံၤလိာ်န့ၣ်လီၤ. ဒီးယွၤအသးအကစၢ်ဒၣ်ဝဲအုၣ်အသးလၢတၢ်အံၤမ့ၢ် တၢ်မ့ၢ်တၢ်တီ, မ့ၢ်လၢယွၤအသးမ့ၢ်တၢ်မ့ၢ်တၢ်တီ အဃိန့ၣ်လီၤ.

လံာ်လီၣ်ဖျါ 19:10

ယထိၣ်လီၤပှီၤယသးလၢအဝဲဒၣ်အမဲာ်ညါဒ်သိးယကဘူၣ် ထီၣ်ဘါထီၣ်အီၤ, ဘၣ်ဆၣ်ဒီးအဝဲဒၣ်စံးဘၣ်ယၤ, “တဘၣ်မၤတဂ့ၤ, ယမ့ၢ်တၢ်ခ့တၢ်ပှၤသကိးတၢ်ခ့တၢ်ပှၤ ဒီးနၤ, ဒီးနဒီပုၢ်ဝဲၢ်တဖၣ်, ကယဲၢ်ပှၤသ့ၣ်တဖၣ်လၢအဟံးဃာ်တၢ်မ့ၢ်တၢ်တီလၢ ယ့ၣ်ၡူးလီၣ်ဖျါဝဲန့ၣ်လီၤ. ဘူၣ်ထီၣ်ဘါထီၣ်ကစၢ်ယွၤတက့ၢ်.” အဂ့ၢ်ဒ်အံၤတၢ်မ့ၢ်တၢ်တီလၢယ့ၣ်ၡူးလီၣ်ဖျါထီၣ်ဝဲန့ၣ် မ့ၢ်တၢ်လၢအထိၣ်ဟူးထိၣ်ဂဲၤဝံတဖၣ်န့ၣ်လီၤ.