လံာ်ယိၤဟၣ် 15:7 - Sgaw Karen Common Bible

⁷ သုမ့ၢ်အိၣ်ဆိးလၢယပူၤဒီးယကလုၢ်ကထါမ့ၢ်အိၣ်ဆိး လၢသုပူၤန့ၣ်, သုကဃ့တၢ်တမံၤဂ့ၤတမံၤဂ့ၤလၢသုသး လီဒီးသုကဒိးန့ၢ်ဘၣ်အီၤလီၤ.

လံာ်ယိၤဟၣ် 15:7 Iomraidhean Croise

လံာ်စီၤပၤအခီၣ်ထံးတဘ့ၣ် 3:5

မုၢ်တနၤဃီန့ၣ်, ယွၤလီၣ်ဖျါထီၣ်အသးလၢအီၤလၢတၢ်မံမီၢ်တခါ အပူၤဒီးသံကွၢ်အီၤ, “နအဲၣ်ဒိးလၢယကဟ့ၣ်နၤတၢ်မနုၤလဲၣ်.”

လံာ်စီၤယိၤဘး 22:26

တုၤနုၤတစုနကထံၣ်န့ၢ်တၢ်သးမုာ်လၢသ့တၢ်လၢာ်ကစၢ်ယွၤ အပူၤသပှၢ်တၢၢ်ဒီးနကမိာ်ထီၣ်နခိၣ်ဆူယွၤအအိၣ်န့ၣ်လီၤ.

လံာ်စီၤယိၤဘး 23:12

တၢ်လၢကစၢ်ယွၤမၤလိာ်ဝဲတဖၣ်န့ၣ်ယမၤယဲထီဘိလီၤ. ယပိာ်ထွဲယဲတၢ်ဘၣ်အသး, တမ့ၢ်ဘၣ်ယသးအတၢ်ဆၢန့ၢ် တဖၣ်န့ၣ်ဘၣ်.

စံးထီၣ်ပတြၢၤ 119:11

ယပာ်ဖှိၣ်နကလုၢ်နကထါလၢယသးကံၢ်ပူၤ ဒ်သိးယသုတမၤကမၣ်ဘၣ်နၤတဂ့ၤလီၤ.

စံးထီၣ်ပတြၢၤ 37:4

ဃုနတၢ်သးခုလၢယွၤအပူၤတက့ၢ်. ဒီးအဝဲကဟ့ၣ်နၤတၢ်လၢ နသးဆၢန့ၢ်ဘၣ်အီၤန့ၣ်လီၤ.

တၢ်ကတိၤဒိ. 10:24

ပှၤတီပှၤလိၤမၤန့ၢ်တၢ်လၢအဆၢန့ၢ်ဘၣ်ဝဲလီၤ. မ့မ့ၢ်, ပှၤတတီတလိၤကဒိးန့ၢ်ဘၣ်တၢ်လၢအပျံၤဝဲအဒိၣ်ကတၢၢ်န့ၣ် လီၤ.

တၢ်ကတိၤဒိ. 4:4

ယပၢ်သိၣ်လိသီလိယၤလီၤ. အဝဲစံးဝဲ, “သ့ၣ်နီၣ်ထီၣ်တၢ်လၢ ယစံးဘၣ်နၤဒီးသးပ့ၤနီၣ်အီၤနီတစုတဂ့ၤ. မၤဒ်ယစံးဘၣ်နၤအသိးဒီးနကမူလီၤ.

လံာ်ယၡါယၤ 58:8

အန့ၣ်ဒီး, ယတၢ်ကွၢ်မဲာ်ကကပီၤထီၣ်လၢသုဖီခိၣ်ဒ်မုၢ်ဂီၤ အတၢ်ကပီၤအသိး, ဒီးသုပူၤလီၢ်ပူၤကျဲတဖၣ်ကဘၣ်တၢ် မၤဘျါက့ၤအီၤချ့သဒံးလီၤ. ယကအိၣ်ဒီးသုထီဘိလၢ တၢ်အုၣ်က့ၤခီၣ်က့ၤအဂီၢ်, ဒီးယမဲာ်ကဒီဒၣ်အိၣ်ပှိၤသုလၢတၢ် ကိးကပၤဒဲးလီၤ.

လံာ်ယံးရမံယၤ 15:16

နကတိၤတ့ၢ်တၢ်ဒီးယၤ, ဒီးယဒိကနၣ်နတၢ်ကတိၤကိးထံၣ်ဒဲး န့ၣ်လီၤ. ယွၤ, သ့တၢ်လၢာ်ကစၢ်ယွၤဧၢ, ယဘၣ်ဃးဒီးနၤသတးဒီးနတၢ် ကတိၤတဖၣ်မၤပှဲၤယသးဒီးတၢ်သးခုဒီးတၢ်သူၣ်ဖှံသးညီန့ၣ်လီၤ.

လံာ်မးသဲ 7:7

ဃ့တၢ်လၢယွၤတက့ၢ်ဒီးသုကဒိးန့ၢ်ဘၣ်လီၤ. ဃုတၢ်တက့ၢ်ဒီးသုကထံၣ်န့ၢ်တၢ်လီၤ. ဒိတကျိာ်တၢ်တက့ၢ် ဒီးယွၤကအိးထီၣ်န့ၢ်တၢ်လၢသုဂီၢ်လီၤ.

လံာ်ယိၤဟၣ် 14:13

ဖဲဒၣ်သုဃ့တၢ်တမံၤလၢ်လၢ်လၢယမံၤန့ၣ် ယကမၤယဲ, ဒ်သိးပၢ်အလၤကပီၤကအိၣ်ဖျါထီၣ်ဝဲဒၣ်ခီဖျိဖိခွါအံၤန့ၣ်လီၤ.

လံာ်ယိၤဟၣ် 15:16

သုတဃုထၢယၤဘၣ်. မ့မ့ၢ်ယဃုထၢသုဒီးပာ်လီၤသုလၢသု ကလဲၤဒီးသၣ်ထီၣ်ဝဲဒၣ်အါဖျၢၣ်, တၤသၣ်တကလုာ်လၢ အအိၣ်ဂၢၢ်ဆိးကျၢၤလီၤ. ဒီးပၢ်ကဟ့ၣ်လီၤသုတၢ်တမံၤဂ့ၤ တမံၤဂ့ၤလၢသုဃ့အီၤလၢယမံၤအပူၤန့ၣ်လီၤ.

လံာ်ယိၤဟၣ် 16:23

တုၤမုၢ်နံၤအဝဲန့ၣ်ဟဲတုၤဒီး, သုတသံကွၢ်ယၤလၢတၢ်နီတမံၤ လၢၤဘၣ်. ယစံးဘၣ်တဲဘၣ်သုတၢ်မ့ၢ်တၢ်တီ, ပၢ်ကဟ့ၣ်လီၤသုတၢ်တမံၤဂ့ၤတမံၤဂ့ၤလၢသုဃ့အီၤလၢ ယမံၤန့ၣ်လီၤ.

လံာ်ယိၤဟၣ် 8:31

မၤသးဒ်န့ၣ်ဒီး, ယ့ၣ်ၡူးစံးဘၣ်ပှၤယူဒၤဖိလၢအစူၢ်က့ၤနာ်က့ၤအီၤ တဖၣ်, “သုမ့ၢ်စူၢ်ယတၢ်သိၣ်လိသီလိဒီးသုမ့ၢ်နီၢ်နီၢ်ယပျဲၢ် ယဘီၣ်တဖၣ်လီၤ.

လံာ်ယိၤဟၣ် 8:37

ယသ့ၣ်ညါလၢသုမ့ၢ်စီၤအၤဘြၤဟၣ်အစၢၤအသွဲၣ်တဖၣ် လီၤ. အန့ၣ်ဒၣ်လဲာ်သုဂုာ်ကျဲးစၢးမၤသံယၤအဂ့ၢ်မ့ၢ်လၢ သုတတူၢ်လိာ်ယတၢ်သိၣ်လိသီလိအဃိလီၤ.

ကလၤတံ 4:2

ဖဲအဝဲဒၣ်အသးစၢ်ဒံးအဆၢကတီၢ်န့ၣ်, ပှၤအိၣ်ဝဲဒၣ်လၢကကွၢ်ထွဲပၢဆှၢအီၤဒီးဟံးန့ၢ်မူဒါဘၣ်ဃး အတၢ်စုလီၢ်ခီၣ်ခိၣ်တုၤမုၢ်တနံၤလၢအပၢ်စံၣ်ညီၣ်ပာ်လီၤ တ့ၢ်ဃာ်ဝဲန့ၣ်လီၤ.

ကလၤတံ 5:16

တၢ်လၢယစံးမ့ၢ်တၢ်အံၤလီၤ. ပျဲယွၤအသးပၢဆှၢသုတၢ်အိၣ်မူ တဖၣ်တက့ၢ်. ဒီးသုတမၤလၢထီၣ်ပှဲၤထီၣ်သုဖံးသုညၣ်အတၢ်သူၣ် လီသးကွံတဖၣ်တဂ့ၤ.

လံာ်သိၣ်လီၤသီလီၤတၢ် 6:6

သးပ့ၤနီၣ်ကွံာ်တၢ်မၤလိာ်တဖၣ်အံၤလၢယဟ့ၣ်လီၤသုလၢမုၢ်မဆါ တနံၤအံၤနီတစုတဂ့ၤ.

ကလီးစဲ 3:16

ခရံာ်အတၢ်ကစီၣ်မ်အမူလၢသုပူၤထူးထူးတီၤတီၤတက့ၢ်. သိၣ်လိသီလိဒီးသိၣ်က့ၤသီက့ၤလိာ်သုသးလၢတၢ်ကူၣ် သ့ကူၣ်ဘၣ်အပူၤတက့ၢ်. သးဝံၣ်ထါစံးထီၣ်ပတြၢၤဒီးထါသးဝံၣ်, ဒီးတၢ်ဘူၣ်တၢ်ဘါအတၢ်သးဝံၣ်အိၣ်ဒီးတၢ်စံးဘျုးစံးဖှိၣ် ကစၢ်ယွၤလၢသုသူၣ်ကံၢ်သးလဲအပူၤတက့ၢ်.

၁ ယိၤဟၣ် 2:14

ယဖိယလံၤသ့ၣ်ဧၢ, ယကွဲးန့ၢ်သုတၢ်အံၤမ့ၢ်လၢသုသ့ၣ်ညါ ပၢ်ကစၢ်အဃိလီၤ. ပၢ်သ့ၣ်ဧၢ, ယကွဲးန့ၢ်သုတၢ်အံၤမ့ၢ်လၢ သုသ့ၣ်ညါပှၤလၢအအိၣ်တ့ၢ်လံလၢတၢ်အခီၣ်ထံးလံၤလံၤ တဂၤအဃိလီၤ. ပှၤသးစၢ်သ့ၣ်ဧၢ, ယကွဲးန့ၢ်သုတၢ်အံၤမ့ၢ်လၢသုဂံၢ်ဆူၣ်ဘါဆူၣ်အဃိလီၤ. ကစၢ်ယွၤအကလုၢ်ကထါမူလၢသုပူၤ, ဒီးသုမၤနၢၤကွံာ်တၢ် အၢတၢ်သီတဂၤလီၤ.

၁ ယိၤဟၣ် 2:27

မ့မ့ၢ်သုဝဲတခီ, ခရံာ်လူလီၤဂၢ်လီၤတ့ၢ်အသးလၢသုလိၤလံ. ဖဲအသးစီဆှံအိၣ်ဒံးဒီးသုန့ၣ်, သုတလိၣ်ဘၣ်ပှၤနီတဂၤလၢကသိၣ်လိသုအဂီၢ်ဘၣ်. အဂ့ၢ်ဒ်လဲၣ်န့ၣ်, ယွၤအသးသိၣ်လိသုဘၣ်ဃးတၢ်ခဲ လၢာ်ဒီးတၢ်လၢအဝဲသိၣ်လိန့ၣ်, မ့ၢ်တၢ်မ့ၢ်တၢ်တီဒီး တမ့ၢ်တၢ်လီတၢ်ဝ့ၤဘၣ်. မ့မ့ၢ်ဒ်န့ၣ်ဒီး, စူၢ်ယွၤအသး အတၢ်သိၣ်လိသုဒီးအိၣ်ဆိးလၢခရံာ်အပူၤန့ၣ်တက့ၢ်.

၁ ယိၤဟၣ် 3:22

တၢ်လၢပဃ့တမံၤလၢ်လၢ်န့ၣ်ပဒိးန့ၢ်လၢအီၤ, မ့ၢ်လၢပစူၢ် အတၢ်မၤလိာ်တဖၣ်ဒီးမၤတၢ်လၢအဘၣ်အသးအဃိန့ၣ်လီၤ.

၁ ယိၤဟၣ် 5:14

ပအိၣ်ဒီးတၢ်သူၣ်ဒူသးဒူလၢကစၢ်ယွၤအမဲာ်ညါ, မ့ၢ်လၢပနာ်လၢပမ့ၢ်ဃ့တၢ်တမံၤမံၤဒ်အတၢ်ဘၣ်အသး အသိးဒီး, အဝဲဒၣ်ကဒိကနၣ်ပှၤအဃိန့ၣ်လီၤ.