လံာ်ယိၤဟၣ် 15:6 - Sgaw Karen Common Bible

⁶ ပှၤတဂၤလၢ်လၢ်လၢအတအိၣ်ဆိးလၢယပူၤန့ၣ်, ကဘၣ်တၢ်စူးကွံာ်အီၤဒ်သ့ၣ်ဒ့အသိးဒီးကဃ့ထီကွံာ် ဝဲလီၤ. သ့ၣ်ဒ့ဒ်န့ၣ်အသိးတဖၣ်ကဘၣ်တၢ်ထၢဖှိၣ်အီၤ ဒီးကွံာ်နုာ်အီၤဆူမ့ၣ်အူပူၤဒီးမ့ၣ်အူကအီၣ်ကွံာ်အီၤဖဲ န့ၣ်လီၤ.

လံာ်ယိၤဟၣ် 15:6 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 23:7

နကဘၣ်သူထးတၢ်အပီးအလီတမံၤမ့ၢ်ဂ့ၤ ဘီတဘ့ၣ်မ့ၢ်ဂ့ၤန့ၣ်လီၤ. အဝဲသ့ၣ်ကဘၣ်တၢ်ဆူးကဲၤကွံာ်အီၤလၢာ်လၢာ်ဆ့ဆ့န့ၣ်လီၤ.

လံာ်စီၤယိၤဘး 15:30

အဝဲတပူၤဖျဲးဝဲလၢတၢ်ခံးတၢ်နၤန့ၣ်ဘၣ်. အဝဲကလီၤဂာ်ဒီးသ့ၣ် တထံးအဒ့လၢတဖၣ်မ့ၣ်အူအီၣ်ကွံာ်အီၤ, ဒီးအဒိးစၢ်တဖၣ်ကလံၤအူဒံကွံာ်အီၤအသိးန့ၣ်လီၤ.

စံးထီၣ်ပတြၢၤ 80:15

ဟဲဒီးအုၣ်က့ၤခီၣ်က့ၤ စပံးမုၢ်လၢ နသူၣ်လီၤတ့ၢ်အီၤ, စပံးမုၢ်ဖိလၢနဒုးဒိၣ်ထီၣ်ဆူၣ်ထီၣ်အီၤအံၤတက့ၢ်.

လံာ်ယၡါယၤ 14:19

မ့မ့ၢ်နဲ, နတၢ်သွၣ်ခိၣ်ပူၤတအိၣ်ဘၣ်. ဒီးနစိၣ်ဘၣ်တၢ်ကွံာ်လီၤ အီၤဆူတၢ်အုၣ်တၢ်ကျၣ်အပူၤလီၤ. ဘၣ်တၢ်ကးဘၢအီၤလၢ သုးဖိတဖၣ်အနီၢ်ခိလၢအသံလၢတၢ်ဒုးတၢ်ယၤအပူၤဒီးဘၣ်တၢ် စူးကွံာ်ဃုာ်အီၤဒီးအဝဲသ့ၣ်ဆူလၢၢ်လ့အပူၤတပူၤဒီးဘၣ်တၢ်ယီၢ်တံၢ် အီၤန့ၣ်လီၤ.

လံာ်ယၡါယၤ 27:10

ဝ့ၢ်ခိၣ်ဒူလၢအဂၢၢ်အကျၢၤန့ၣ်ဒါလီၤအသးလၢတၢ်ဟးဂီၤ တဖၣ်အပူၤလံ. အိၣ်သယုၢ်သညိလီၤဂာ်ဒ်ပှၢ်မုၢ်ကနၢလၢ တၢ်တအိၣ်နီတမံၤဘၣ်အသိးလီၤ. ကဲထီၣ်ဂီၤဘုၣ်ဂီၤဖံး အီၣ်ဆၣ်အလီၢ်တတီၤဖဲအဝဲသ့ၣ်အိၣ်ဘှံးဒီးအီၣ်အဆၣ်သ့ဝဲ န့ၣ်လီၤ.

လံာ်ယဃ့းစက့လး 17:9

လၢတၢ်န့ၣ်အဃိ, ယၤ, ယွၤပၢဘၣ်တၢ်ခဲလၢာ်ကစၢ်သံကွၢ် တၢ်န့ၣ်လီၤ. မ့ၢ်စပံးမုၢ်အံၤကဒီးဒိၣ်ထီၣ်စ့ၢ်ကီးဧါ. လံာ်ကြီကြာ်အဆိကတၢၢ်တဘ့ၣ်တထဲးထီၣ်ကွံာ်အီၤလၢအဂံၢ်, ဒ့ကွံာ်အစပံးသၣ်တဖၣ်, ဒီးမၤကၢ်ကွံာ်အဒ့တဖၣ်ဒီးပျဲအဃ့ ထီကွံာ်ဘၣ်န့ၣ်ဧါ. လၢတၢ်ကထဲးထီၣ်ကွံာ်အီၤအဂီၢ်န့ၣ်, တလိၣ်တၢ်ဂံၢ်တၢ်ဘါအါအါကဲာ်ဆိးမ့ၢ်ဂ့ၤ, ပှၤတကလုာ်လၢအဂံၢ် ဆူၣ်အဘါဆူၣ်မ့ၢ်ဂ့ၤန့ၣ်ဘၣ်.

လံာ်မးသဲ 13:41

ပှၤကညီအဖိခွါကဆှၢလီၤအကလူးတဖၣ်, ဒ်သိးအဝဲသ့ၣ်ကထၢဖှိၣ်ပှၤလၢအဒုးမၤပှၤဂၤလၢတၢ်ဒဲးဘး ဒီးပှၤလၢအမၤတၢ်အၢတၢ်သီတဖၣ်ခဲလၢာ် ဒီးထုးထီၣ်ကွံာ်အီၤလၢအဘီအမုၢ်အပူၤလီၤ.

လံာ်မးသဲ 27:5

စီၤယူဒၤကွံာ်လီၤအစ့အဘ့ၣ်တဖၣ်လၢတၢ်လုၢ်ဟံၣ်အပူၤ, ဒီးဟးထီၣ်ကွံာ်ဖဲန့ၣ်လီၤ. တုၤနုၤတစုအဝဲဟးထီၣ်ကွံာ်ဝဲဆူတၢ်ချၢ, ဒီးလဲၤစၢသံလီၤအသးလီၤ.

လံာ်မးသဲ 3:10

အခဲအံၤဒၣ်လဲာ်ကွါအိၣ်ပာ်လီၤအသးလၢသ့ၣ်အဂံၢ်တဖၣ်အခီၣ်ထံးလံ. သ့ၣ်တထံးလၢ်လၢ်လၢအတသူထီၣ်သၣ်ထီၣ်တၤသၣ်လၢအဂ့ၤန့ၣ် ကဘၣ်တၢ်ကူာ်လီၤဒီးတ့ၢ်လီၤကွံာ်အီၤဆူမ့ၣ်အူအပူၤလီၤ.

လံာ်မးသဲ 7:19

သ့ၣ်တထူၣ်လၢ်လၢ်လၢအတသၣ်ထီၣ်တၤသၣ်လၢအဂ့ၤန့ၣ်, ကဘၣ်တၢ်ကူာ်လီၤကွံာ်အီၤဒီး တ့ၢ်လီၤကွံာ်အီၤဆူမ့ၣ်အူအပူၤလီၤ.

လံာ်ယိၤဟၣ် 15:2

ကယဲၢ်ဒ့လၢယလိၤလၢအတသၣ်ထီၣ်ဘၣ်ဝဲန့ၣ်, အဝဲကျီကွံာ်ဝဲ, ဒီးကယဲၢ်ဒ့လၢအသၣ်ထီၣ်ဝဲန့ၣ်, အဝဲပဲာ်ဟိကဆှီထီၣ်ဝဲဒ်သိးအကကဆှီထီၣ်ဒီး ကသၣ်အါထီၣ်ဝဲအဂီၢ်လီၤ.

ဧ့ၤဘြံၤ 10:27

မ့မ့ၢ်အိၣ်တ့ၢ်ဒၣ်ထဲတၢ်အိၣ်ခိးကွၢ်လၢ်, လၢတၢ်ပျံၤတၢ်ဖုးအပူၤ, တၢ်စံၣ်ညီၣ်လၢအကဟဲဝဲဒီးမ့ၣ်အူဖးဒိၣ်လၢအကအီၣ်ကွံာ် ကစၢ်ယွၤအဒုၣ်အဒါတဖၣ်န့ၣ်လီၤ.

၂ ပ့းတရူး 2:20

ပှၤမ့ၢ်ထူၣ်ဖျဲးထီၣ်ကွံာ်လၢဟီၣ်ခိၣ်အတၢ်သံၣ်သူမီၢ်ကျာ် တဖၣ်ခီဖျိအတၢ်သ့ၣ်ညါပကစၢ်ဒီးပှၤအုၣ်က့ၤခီၣ်က့ၤပှၤ ယ့ၣ်ၡူးခရံာ်ဝံၤဒီး, မ့ၢ်ဘၣ်တၢ်ဖီၣ်န့ၢ်ဒီးမၤနၢၤက့ၤကဒီး အီၤလၢအဝဲသ့ၣ်န့ၣ်, ပှၤဒ်သိးအံၤတဖၣ်အတၢ်မ့ၢ်တၢ်လၢ အကတၢၢ်န့ၣ်, အၢဒိၣ်န့ၢ်ဒံးအတၢ်မ့ၢ်တၢ်လၢအခီၣ်ထံး တက့ၢ်န့ၣ်လီၤ.

၁ ယိၤဟၣ် 2:19

ပှၤတဖၣ်အံၤတဘၣ်ဃးဒီးပတၢ်ရ့လိာ်မုာ်လိာ်နီၢ်နီၢ်ဘၣ် အဃိ, ဟးထီၣ်ကွံာ်လၢပကျါန့ၣ်လီၤ. အဝဲသ့ၣ်မ့ၢ်ဘၣ်ဃး တ့ၢ်လံဒီးပှၤနီၢ်နီၢ်ဒီး, ကအိၣ်ကဆိးတ့ၢ်ဒီးပှၤန့ၣ်လီၤ. ဘၣ်ဆၣ်ဒီး, အဝဲသ့ၣ်ဟးထီၣ်ကွံာ်လၢပကျါဒ်သိးအကအိၣ်ဖျါဝဲဒၣ်လၢအဝဲသ့ၣ် တဘၣ်ဃးဒီးပှၤနီၢ်နီၢ်နီတဂၤဘၣ် အဂီၢ်န့ၣ်လီၤ.

လံာ်လီၣ်ဖျါ 20:15

ပှၤတဂၤလၢ်လၢ်လၢအမံၤတအိၣ်ကွဲးအသးလၢလံာ်မူ အပူၤန့ၣ်, ဘၣ်တၢ်တ့ၢ်လီၤကွံာ်အီၤဆူနိၣ်မ့ၣ်အူအပူၤလီၤ.

လံာ်လီၣ်ဖျါ 21:8

မ့မ့ၢ်ပှၤလၢအသးသုၣ်, ပှၤသးတတီတဖၣ်, ပှၤတဖၣ်လၢအသးဘၣ်တၢ်ဘိးဃၣ်ကွံာ်အီၤဆူတၢ် အၢတၢ်သီ, ပှၤမၤသံတၢ်ဖိတဖၣ်, ပှၤမၤကမၣ်မုၣ်ကမၣ်ခွါ တဖၣ်, ပှၤသ့ၣ်တဖၣ်လၢအဟိၣ်တၢ်ယီတၢ်, ပှၤသ့ၣ်တဖၣ်လၢအဘါတၢ်ဂီၤတၢ်ဖီၣ်, ဒီးပှၤလီတၢ်ဖိကိးဂၤ ဒဲးတၢ်လီၢ်တၢ်ကျဲလၢအဝဲသ့ၣ်အဂီၢ်မ့ၢ်ဝဲနိၣ်မ့ၣ် အူအီၣ်ဃုာ်တၢ်ဒီးကး, လၢအမ့ၢ်ဝဲတၢ်သံခံစုတစုန့ၣ်လီၤ.”