လံာ်ယိၤဟၣ် 15:5 - Sgaw Karen Common Bible

⁵ ယဲဒၣ်အံၤယမ့ၢ်စပံးမုၢ်, ဒီးသုဝဲသ့ၣ်အံၤသုမ့ၢ်အဒ့တဖၣ် လီၤ. ပှၤတဂၤလၢ်လၢ်လၢအအိၣ်ဆိးလၢယပူၤဒီးယအိၣ် ဆိးလၢအပူၤန့ၣ်, ကသၣ်ထီၣ်ဝဲဒၣ်အါဖျၢၣ်လီၤ. မ့တမ့ၢ် ဘၣ်လၢယၤဘၣ်ဒီး, သုမၤတၢ်တသ့ဘၣ်နီတမံၤဘၣ်.

လံာ်ယိၤဟၣ် 15:5 Iomraidhean Croise

တၢ်ကတိၤဒိ. 11:30

တၢ်တီတၢ်လိၤဟ့ၣ်တၢ်မူ, မ့မ့ၢ်တၢ်မၤတၢ်လၢတၢ်စုဆူၣ်ခီၣ်တကး အပူၤဟံးထီၣ်ကွံာ်အီၤလီၤ.

လံာ်ဟိၤၡ့ 4:8

သုကဲဒိၣ်ထီၣ်လၢယပှၤဂီၢ်မုၢ်အတၢ်ဒဲးဘးတဖၣ်အဃိ, ဒီးလၢတၢ်န့ၣ်အဃိသုအဲၣ်ဒိးလၢအဝဲသ့ၣ်ကမၤတၢ်ဒဲးဘးအါထီၣ်အါ ထီၣ်န့ၣ်လီၤ.

လံာ်မးသဲ 13:21

ဘၣ်ဆၣ်ဒီး, အဂံၢ်တယိာ်ဘၣ်သတးဒီး, တမူယံာ်ယံာ်ဘၣ်. တုၤတၢ်နးတၢ်ဖှီၣ်ဒီး တၢ်မၤအၢမၤနးအိၣ်ထီၣ်လၢတၢ်ကစီၣ် အဃိဒီး, အဝဲသ့ၣ်အသးဟးဂီၤတဘျီဃီလီၤ.

လံာ်ယိၤဟၣ် 12:24

ယစံးဘၣ်တဲဘၣ်သုတၢ်မ့ၢ်တၢ်တီလီၤ. မ့တမ့ၢ်ဘၣ်လၢဘုချံတဖျၢၣ်ဘၣ်တၢ်တ့ၢ်လီၤကွံာ်အီၤဆူဟီၣ်ခိၣ် အလိၤဒီးအုၣ်သံကွံာ်ဘၣ်န့ၣ်, ဘုချံအံၤကအိၣ်ဒၣ်ထဲတဖျၢၣ်ဧိၤဒ်လီၢ်လီၢ်န့ၣ်လီၤ. မ့မ့ၢ်တုၤအအုၣ်သံကွံာ်ဒီးကမဲထီၣ်ဒီးသၣ်ထီၣ်ဝဲအါဖျၢၣ်လီၤ.

လံာ်ယိၤဟၣ် 15:16

သုတဃုထၢယၤဘၣ်. မ့မ့ၢ်ယဃုထၢသုဒီးပာ်လီၤသုလၢသု ကလဲၤဒီးသၣ်ထီၣ်ဝဲဒၣ်အါဖျၢၣ်, တၤသၣ်တကလုာ်လၢ အအိၣ်ဂၢၢ်ဆိးကျၢၤလီၤ. ဒီးပၢ်ကဟ့ၣ်လီၤသုတၢ်တမံၤဂ့ၤ တမံၤဂ့ၤလၢသုဃ့အီၤလၢယမံၤအပူၤန့ၣ်လီၤ.

လံာ်ယိၤဟၣ် 5:19

မၤသးဒ်န့ၣ်ဒီး, ယ့ၣ်ၡူးစံးဆၢအဝဲသ့ၣ်, “ယစံးဘၣ်တဲဘၣ်သုတၢ်မ့ၢ်တၢ်တီလီၤ. ဖိခွါမၤဒၣ်အတၢ်တသ့နီတမံၤဘၣ်. မၤဝဲသ့ထဲတၢ်လၢအဝဲထံၣ်အပၢ်မၤဝဲန့ၣ်လီၤ. တၢ်လၢပၢ်မၤတမံၤလၢ်လၢ်န့ၣ်, ဖိခွါမၤစ့ၢ်ကီးဝဲလီၤ.

လံာ်ယိၤဟၣ် 9:33

မ့တမ့ၢ်ဘၣ်လၢပှၤတဂၤအံၤဟဲလၢကစၢ်ယွၤအအိၣ်ဘၣ်ဒီး, အဝဲမၤတၢ်တသ့နီတမံၤဘၣ်.”

မၤတၢ် 4:12

ပှၤလၢအအုၣ်က့ၤခီၣ်က့ၤပှၤသ့မ့ၢ်ထဲအဝဲဒၣ်တဂၤဧိၤလီၤ. လၢဟီၣ်ခိၣ်ဒီဘ့ၣ်ညါအပူၤ, မံၤအဂၤလၢကစၢ်ယွၤဟ့ၣ်လီၤဝဲလၢတၢ်အုၣ်က့ၤခီၣ်က့ၤအဂီၢ် န့ၣ်တအိၣ်နီတဖျၢၣ်ဘၣ်.”

ရိမ့ၤ 12:5

ဒ်န့ၣ်အသိး, ပအိၣ်အါဂၤသနာ်က့ပမ့ၢ်နီၢ်တဂၤဃီလၢခရံာ် အပူၤဒီးပဘၣ်တၢ်ဒုးစဲဘူးပှၤတဂၤဒီးတဂၤဒ်နီၢ်ခိတဂၤဃီ အက့ၢ်အဂီၤလၢအလီၤဆီတဖၣ်အသိးန့ၣ်လီၤ.

ရိမ့ၤ 6:22

ဘၣ်ဆၣ်ဒီး, ခဲအံၤသုဘၣ်တၢ်မၤထူၣ်ဖျဲးထီၣ်ကွံာ်သုလၢတၢ် ဒဲးဘးအပူၤဒီးသုကဲထီၣ်ကစၢ်ယွၤအကုၢ်တဖၣ်လံ. တၢ်ဘျုးလၢသုဂီၢ်မ့ၢ်တၢ်အိၣ်မူလၢအဘၣ်တၢ်ပာ်စီဆှံ အီၤလၢာ်လၢာ်ဆ့ဆ့လၢကစၢ်ယွၤအဂီၢ်, ဒီးအကတၢၢ် မ့ၢ်တၢ်မူအထူအယိာ်လီၤ.

ရိမ့ၤ 7:4

ဒီပုၢ်ဝဲၢ်သးဘိသ့ၣ်ဧၢ, တၢ်အဝဲန့ၣ်မ့ၢ်တၢ်တမံၤဃီလၢအမၤ အသးဒီးသုန့ၣ်လီၤ. သုသံသဒၣ်ကွံာ်စ့ၢ်ကီးတၢ်သိၣ်တၢ် သီမ့ၢ်လၢသုဘၣ်ဃးဒီးခရံာ်အနီၢ်ခိအဃိ, ဒီးခဲအံၤသုဘၣ်ဃးဒီးယ့ၣ်ၡူးလၢအဘၣ်တၢ်ဒုးဂဲၤဆၢ ထၢၣ်က့ၤအီၤလၢတၢ်သံတဂၤ, ဒ်သိးပကကဲဘျုးလၢကစၢ်ယွၤအတၢ်မၤအဂီၢ်လီၤ.

1 ကရံၣ်သူး 10:16

လီခီလၢပသူအီၤလၢတၢ်အီၣ်ကိၣ်အီစပံးထံအဂီၢ်ဒီးလၢ ပစံးဘျုးကစၢ်ယွၤလၢအဃိန့ၣ်, ဖဲပအီတၢ်လၢအပူၤ, မ့ၢ်ပနီၤဟံးန့ၢ်သကိးခရံာ်အသွံၣ်န့ၣ်လီၤ. ဒီးကိၣ်လၢပစိၢ်ဘျဲးအီၤတဖျၢၣ်ဖဲပဟံးန့ၢ်အီၣ်အီၤန့ၣ်, မ့ၢ်ပနီၤဟံးန့ၢ်သကိးခရံာ်အနီၢ်ခိန့ၣ်လီၤ.

1 ကရံၣ်သူး 12:12

ခရံာ်လီၤဂာ်ဒ်နီၢ်ခိထဲတဂၤဃီလၢအအိၣ်ဒီးက့ၢ်ဂီၤအါမံၤလီၤ. အဝဲဒၣ်ဘၣ်တၢ်ဒုးအိၣ်ထီၣ်အီၤအိၣ်ဒီးက့ၢ်ဂီၤအါမံၤဘၣ်ဆၣ် ဒီး, မ့ၢ်ဒၣ်နီၢ်ခိတဂၤဃီလီၤ.

1 ကရံၣ်သူး 12:27

သုဝဲခဲလၢာ်သုမ့ၢ်ခရံာ်အနီၢ်ခိ, ဒီးသုဝဲတဂၤဘၣ်တဂၤသုမ့ၢ်အက့ၢ်အဂီၤတမံၤစုာ်စုာ်လီၤ.

၂ ကရံၣ်သူး 13:8

အဂ့ၢ်ဒ်အံၤ, တၢ်လၢအထီဒါတၢ်မ့ၢ်တၢ်တီန့ၣ်ပမၤအီၤတသ့နီ တမံၤဘၣ်. ပမၤသ့ဒၣ်ထဲတၢ်လၢအမၤစၢၤအီၤလီၤ.

၂ ကရံၣ်သူး 9:10

ဒီးကစၢ်ယွၤလၢအဟ့ၣ်တၢ်ချံလၢတၢ်ကဖှံလီၤအီၤအဂီၢ်, ဒီးကိၣ်လၢတၢ်ကအီၣ်အီၤအဂီၢ်န့ၣ်, ကဟ့ၣ်စ့ၢ်ကီးသုတၢ်ချံလၢသုလိၣ်ဘၣ်အီၤခဲလၢာ်ဒီးကဒုးမဲ ထီၣ်အီၤဒီးဒုးအိၣ်ထီၣ်အသူအသၣ်အါအါဂီၢ်ဂီၢ်ခီဖျိတၢ်ဟ့ၣ် တၢ်အါအါဂီၢ်ဂီၢ်လၢတၢ်သးအိၣ်အပူၤန့ၣ်လီၤ.

ကလၤတံ 5:22

မ့မ့ၢ်ယွၤအသးန့ၣ်, ဒုးအိၣ်ထီၣ်တၢ်အဲၣ်တၢ်ကွံ, တၢ်သူၣ်ခုသးခု, တၢ်ဃူတၢ်ဖိး, တၢ်ဝံသးစူၤ, တၢ်သူၣ်ကညီၤသးကညီၤ, တၢ်မၤဂ့ၤတၢ်, တၢ်သးတီ,

အ့းဖ့းစူး 5:9

အဂ့ၢ်ဒ်အံၤ, တၢ်ကပီၤမ့ၢ်တၢ်လၢအဟ့ၣ်ထီၣ်ကယဲၢ်မ့ၢ်တၢ် အဂ့ၤ, တၢ်တီတၢ်လိၤဒီးတၢ်အမ့ၢ်အတီခဲလၢာ်လီၤ.

ဖံလံးပံၤ 1:11

သုတၢ်အိၣ်မူတဖၣ်ကဘၣ်တၢ်မၤပှဲၤအီၤဒီးတၢ်ဂ့ၤ တၢ်ဝါနီၢ်နီၢ်တဖၣ်လၢထဲဒၣ်ယ့ၣ်ၡူးခရံာ်ဒုးအိၣ်ထီၣ် အီၤသ့, လၢယွၤလၤကပီၤဒီးတၢ်စံးထီၣ်ပတြၢၤကစၢ်ယွၤ အဂီၢ်န့ၣ်လီၤ.

ဖံလံးပံၤ 4:13

ယအိၣ်ဒီးတၢ်ဂံၢ်တၢ်ဘါလၢယကကွၢ်ဆၢၣ်မဲာ်တၢ်မၤ အသးခဲလၢာ်လၢတၢ်စိကမီၤလၢခရံာ်ဟ့ၣ်လီၤယၤန့ၣ်လီၤ.

ဖံလံးပံၤ 4:17

တၢ်အံၤတမ့ၢ်ယသးအိၣ်ထဲလၢယကဒိးန့ၢ်တၢ်ဟ့ၣ်တဖၣ်န့ၣ်ဘၣ်. မ့မ့ၢ်တခီ, ယသးအိၣ်ထံၣ်ဘၣ်အါထီၣ်သုတၢ်မၤဂ့ၤတဖၣ်အဃိလီၤ.

ကလီးစဲ 1:10

ဒ်သိးသုကအိၣ်မူတၢ်အိၣ်မူလၢအကြၢးဒီးကစၢ်, တၢ်အိၣ်မူလၢအမၤမုာ်အီၤသတးဒီးသုတၢ်အိၣ်မူ ကဟ့ၣ်ထီၣ်တၢ်မၤအဂ့ၤကိးကလုာ်ဒဲး, ဒီးသုကဒိၣ်ထီၣ်လၢတၢ်သ့ၣ်ညါကစၢ်ယွၤအပူၤအဂီၢ်န့ၣ်လီၤ.

ကလီးစဲ 1:6

တၢ်သးခုအကစီၣ်အံၤဟဲစိာ်ဃုာ်ဒီးတၢ်ဆိၣ်ဂ့ၤ, ရၤလီၤအသးသကုၤဟီၣ်ခိၣ်ဒီဘ့ၣ်ညါ, ဒ်အမၤတ့ၢ်လံ အသးလၢသုကျါစးထီၣ်မုၢ်တနံၤဖဲသုနၢ်ဟူတၢ်ဘၣ်ဃး ယွၤအဘျုးအဖှိၣ်အဆိကတၢၢ်တဘျီ, ဒီးသ့ၣ်ညါထံအီၤဒ် အမ့ၢ်တၢ်နီၢ်နီၢ်အသိး,

ယၤကိာ် 1:17

တၢ်ဟ့ၣ်အဂ့ၤဒီးတၢ်ဟ့ၣ်အလၢအပှဲၤကိးမံၤဒဲးန့ၣ်ဟဲလၢမူခိၣ်, လၢကစၢ်ယွၤလၢအတ့လီၤမူခိၣ်အတၢ်ကပီၤတဖၣ်အအိၣ် န့ၣ်လီၤ. ကစၢ်ယွၤတကဒံကဒါဒီးတဒုးအိၣ်ထီၣ်ဘၣ်တၢ်ခံး တၢ်နၤခီဖျိအဃၣ်ဒူချၢအသးန့ၣ်ဘၣ်.

၁ ပ့းတရူး 2:4

ဟဲဆူကစၢ်အအိၣ်, လၢအမ့ၢ်လၢၢ်မူတဖျၢၣ်လၢအဘၣ်တၢ်ညိကွံာ်အီၤလၢပှၤကညီဒ်တၢ် အလုၢ်အပှ့ၤတအိၣ်ဘၣ်အသိး, ဘၣ်ဆၣ်ဘၣ်တၢ်ဃုထၢအီၤလၢကစၢ်ယွၤဒ်တၢ်လုၢ်ဒိၣ်ပှ့ၤဒိၣ် အသိးန့ၣ်တက့ၢ်.

၂ ပ့းတရူး 3:18

မ့မ့ၢ်ဒိၣ်ထီၣ်ဒံးသုဝဲလၢတၢ်ဘျုးတၢ်ဖှိၣ်ဒီးတၢ်သ့ၣ်ညါ ပကစၢ်ဒီးပှၤအုၣ်က့ၤခီၣ်က့ၤပှၤယ့ၣ်ၡူးခရံာ်အပူၤန့ၣ် တက့ၢ်. မ်တၢ်လၤကပီၤဘၣ်လၢ်အီၤအခဲအံၤဒီးဆူညါ အစိၤစိၤအဃၣ်ဃၣ်တက့ၢ်. အၤမ့ၣ်.