လံာ်ယိၤဟၣ် 15:25 - Sgaw Karen Common Bible

²⁵ ဘၣ်ဆၣ်ဒီး, တၢ်အံၤကဘၣ်မၤအသးဒ်သိးတၢ်လၢ အဘၣ်တၢ်ကွဲးဃာ်အီၤလၢအဝဲသ့ၣ်အတၢ်သိၣ်တၢ်သီ အပူၤကလၢထီၣ်ပှဲၤထီၣ်ဝဲအဂီၢ်လီၤ. တၢ်ကွဲးဃာ် အသးလၢအစံးဝဲ, ‘အဝဲသ့ၣ်သးဟ့ယၤလၢတၢ်အဂ့ၢ် အခၢးတအိၣ်နီတမံၤဘၣ်အပူၤန့ၣ်လီၤ’ (စံး ၆၉:၄).

လံာ်ယိၤဟၣ် 15:25 Iomraidhean Croise

စံးထီၣ်ပတြၢၤ 109:3

အဝဲသ့ၣ်ကတိၤအၢကတိၤသီတၢ်လၢ ယဂ့ၢ်ယကျိၤ ဒီးထီဒါယၤလၢ တၢ်ဂ့ၢ်တအိၣ်နီတမံၤဘၣ်အပူၤန့ၣ်လီၤ.

စံးထီၣ်ပတြၢၤ 35:19

တဘၣ်ပျဲယဒုၣ်ယဒါလၢအလီတၢ်သ့ၣ်တဖၣ် သူၣ်ခုသးခုလၢ ယဘၣ်တၢ်မၤနၢၤယၤအဃိန့ၣ်တဂ့ၤ. တဘၣ်ပျဲပှၤလၢအသးဟ့ယၤကွၢ်တကျ့ယၤလၢ တၢ်ဂ့ၢ်တအိၣ်ဘၣ်နီတမံၤအပူၤန့ၣ်တဂ့ၤ.

စံးထီၣ်ပတြၢၤ 69:4

ပှၤလၢအသးဟ့ယၤကလီကလီတဖၣ်န့ၣ် အိၣ်ဝဲအါန့ၢ်ယခိၣ်သူအဘိတက့ၢ်လီၤ. ပှၤလၢကမၤဟးဂီၤယၤ, ပှၤလၢအထီဒါယၤ လၢတၢ်လီတၢ်ဝ့ၤအပူၤတဖၣ်န့ၣ် အိၣ်ဝဲအါမးန့ၣ်လီၤ. အဝဲသ့ၣ်မၢ ယဟ့ၣ်ကဒါက့ၤတၢ်လၢ ယတဟုၣ်န့ၢ်အီၤဘၣ်လီၤ.

စံးထီၣ်ပတြၢၤ 7:4

ယမ့ၢ်မၤဆၢက့ၤယတံၤသကိးလၢ တၢ်အၢတၢ်သီမ့တမ့ၢ်မၤတရီတပါယဒုၣ်ယဒါလၢ တၢ်ကလီကလီအပူၤဒီး,

လံာ်မးသဲ 10:8

မၤဘျါပှၤဆူးပှၤဆါ, မၤမူထီၣ်က့ၤပှၤသံ, မၤကဆှီထီၣ်က့ၤပှၤလိၤတဂ့ၤတဖၣ်, ဒီးဟီထီၣ်ကွံာ်တၢ်နါတဖၣ်န့ၣ်တက့ၢ်. သုဒိးန့ၢ်ကလီလံတၢ်လံ, ဟ့ၣ်ကလီတၢ်သုဝဲတက့ၢ်.

လံာ်လူၤကၣ် 24:44

အန့ၣ်ဝံၤဒီး စံးဘၣ်အဝဲသ့ၣ်, “တၢ်သ့ၣ်တဖၣ်အံၤမ့ၢ်ဒၣ်တၢ်တဖၣ်လၢ ယစံးဘၣ်တ့ၢ်သုဖဲယအိၣ်ဒံးယဲဒီးသုအဆၢကတီၢ်န့ၣ်လီၤ. တၢ်ခဲလၢာ်လၢအဘၣ်တၢ်ကွဲးတ့ၢ်အသးလၢယဂ့ၢ်ဖဲစီၤမိၤၡ့အတၢ်သိၣ်တၢ်သီ အလံာ်တဖၣ်အပူၤ, ဝံအတၢ်ကွဲးတဖၣ်, ဒီးလံာ်စံးထီၣ်ပတြၢၤတဖၣ်အပူၤန့ၣ်, ကဘၣ်လၢထီၣ်ပှဲၤထီၣ်ဝဲဒၣ်လီၤ.”

လံာ်ယိၤဟၣ် 10:34

ယ့ၣ်ၡူးစံးဆၢအဝဲသ့ၣ်, “တၢ်ကွဲးအသးလၢသုတၢ်သိၣ် တၢ်သီဒၣ်ဝဲအပူၤလၢကစၢ်ယွၤစံးဝဲ, ‘သုမ့ၢ်ယွၤတဖၣ်လီၤ’ (စံး ၈၂:၆).

လံာ်ယိၤဟၣ် 13:18

ယတကတိၤတၢ်လၢသုဝဲခဲလၢာ်အဂ့ၢ်ဘၣ်. ယသ့ၣ်ညါပှၤလၢ ယဃုထၢအီၤတဖၣ်လီၤ. ဘၣ်ဆၣ်တၢ်ကွဲးအသးကဘၣ် လၢထီၣ်ပှဲၤထီၣ်လၢအစံးဝဲ, ‘ပှၤလၢအအီၣ်တၢ်ဒီးယၤတဂၤ န့ၣ်ထီဒါယၤလီၤ’ (စံး. ၄၁:၉).

လံာ်ယိၤဟၣ် 19:36

တၢ်အံၤမၤအသးမ့ၢ်ဒ်သိးတၢ်ကွဲးအသးလၢအစံးဝဲ, “အဃံတဘၣ်တၢ်မၤကၢ်ကွံာ်အီၤနီတဘိဘၣ်” (ဟးထီၣ် ၁၂:၄၆). ကလၢထီၣ်ပှဲၤထီၣ်ဝဲအဂီၢ်န့ၣ်လီၤ.

ရိမ့ၤ 3:19

ခဲအံၤပသ့ၣ်ညါလၢတၢ်မၤလိာ်ခဲလၢာ်လၢတၢ်သိၣ်တၢ်သီအပူၤန့ၣ်, ဘၣ်ထွဲဒီးပှၤလၢအအိၣ်လၢတၢ်သိၣ်တၢ်သီအဖီလာ်, ဒ်သိးပှၤဟီၣ်ခိၣ်ဖိအသုတကတိၤပူၤဖျဲးအသးနီတဂၤတဂ့ၤဒီး ဟီၣ်ခိၣ်ဒီဘ့ၣ်ကဒိးဘၣ်ကစၢ်ယွၤအတၢ်စံၣ်ညီၣ်အဂီၢ်န့ၣ်လီၤ.

ရိမ့ၤ 3:24

ဘၣ်ဆၣ်ဒီးအဝဲသ့ၣ်ခဲလၢာ်ဘၣ်တၢ်ပာ်တီပာ်လိၤအီၤလၢ ယွၤအဘျုးအဖှိၣ်လၢအဟ့ၣ်ကလီဝဲ, ခီဖျိယ့ၣ်ၡူးခရံာ်လၢအမၤထူၣ်ဖျဲးကွံာ်အဝဲသ့ၣ်အဃိန့ၣ်လီၤ.

၂ ကရံၣ်သူး 11:7

ဖဲယစံၣ်တဲၤတဲလီၤကစၢ်ယွၤအတၢ်သးခုကစီၣ်ဆူသုအိၣ်န့ၣ်, ယတဃ့သုတၢ်ဘူးတၢ်လဲနီတမံၤဘၣ်. ယဆီၣ်လီၤယသးဒ်သိးသုကကဲထီၣ်ပှၤအကါဒိၣ်တဖၣ်လီၤ. အဝဲအံၤန့ၣ်, မ့ၢ်ယမၤကမၣ်တၢ်ဧါ.

ကလၤတံ 2:21

ယတပာ်ကွံာ်ကစၢ်ယွၤအဘျုးအဖှိၣ်န့ၣ်ဘၣ်. ဘၣ်ဆၣ်ဒီး, ပှၤတဂၤဂၤမ့ၢ်ဘၣ်တၢ်မၤလိၤမၤဘၣ်အီၤဒီးကစၢ်ယွၤ ခီဖျိတၢ်သိၣ်တၢ်သီဒီး, အခီပညီခရံာ်တူၢ်သံအသးမ့ၢ်တၢ် ကလီကလီလီၤ.

၂ သ့းစၤလနံ 3:8

ပတတူၢ်လိာ်စ့ၢ်ကီးပှၤတဂၤဂၤအတၢ်လုၢ်အီၣ်ကလီပှၤ ဘၣ်. မ့မ့ၢ်ပဖံးတၢ်မၤတၢ်လၢမုၢ်ဆါဒီးလၢမုၢ်နၤဒ်သိး ပသုတကဲထီၣ်တၢ်ဝံတၢ်ယိးလၢသုဝဲနီတဂၤအဂီၢ် တဂ့ၤန့ၣ်လီၤ.

လံာ်လီၣ်ဖျါ 21:6

ဒီးအဝဲဒၣ်စံးဝဲ, “တၢ်မၤအသးဝံၤလံ. ယမ့ၢ် က, ဒီး ဧ, တၢ်အခီၣ်ထံးဒီးတၢ်အကတၢၢ်လီၤ. ဆူပှၤတဂၤလၢ်လၢ်လၢတၢ်သူအသးလၢထံန့ၣ်, ယကဟ့ၣ်အီၤအခွဲးအယာ်လၢအကအီထံဖဲတၢ်မူ အထံထီၣ်ပၢၢ်တအိၣ်ဒီးတၢ်ဟ့ၣ်ဘၣ်အပှ့ၤအကလံၤ န့ၣ်ဘၣ်လီၤ.

လံာ်လီၣ်ဖျါ 22:17

ယွၤအသးဒီးတလးမူးပိာ်မုၣ်န့ၣ်စံးဝဲ, “ဟဲတက့ၢ်.” ပှၤတဂၤလၢ်လၢ်လၢအနၢ်ဟူတၢ်အဝဲအံၤန့ၣ်, ကဘၣ်စံးစ့ၢ်ကီးဝဲ, “ဟဲတက့ၢ်” န့ၣ်လီၤ. ဟဲတက့ၢ်, ပှၤလၢတၢ်သူအသးလၢထံတဂၤလၢ်လၢ်ဧၢ, တူၢ်လိာ်ထံမူဒ်တၢ်ဟ့ၣ်တက့ၢ်, ပှၤလၢအဆၢဒိးန့ၢ်ဘၣ်အီၤ တဂၤလၢ်လၢ်ဧၢ.