လံာ်ယိၤဟၣ် 15:24 - Sgaw Karen Common Bible

²⁴ တၢ်မၤတဖၣ်လၢပှၤဂၤတမၤနီတဂၤဘၣ်န့ၣ်, ယမ့ၢ်တမၤဘၣ်လၢအဝဲသ့ၣ်အကျါဘၣ်ဒီး, တမ့ၢ်လၢအဝဲသ့ၣ်အတၢ်ဒဲးဘးကအိၣ်ဘၣ်. မ့မ့ၢ်ခဲအံၤ, အဝဲသ့ၣ်ထံၣ်တၢ်လၢယမၤတ့ၢ်ဒီး အဝဲသ့ၣ်သးဟ့ယၤဒီးယပၢ်, ခံဂၤလၢာ်န့ၣ်လီၤ.

လံာ်ယိၤဟၣ် 15:24 Iomraidhean Croise

စံးထီၣ်ပတြၢၤ 81:15

ပှၤလၢအသးဟ့ယၤတဖၣ်ကဆုးလီၤအခိၣ်လၢ ယမဲာ်ညါလၢတၢ်ပျံၤအပူၤ, တၢ်သိၣ်ဃီၣ်လၢအဂီၢ်ကအိၣ်ဝဲလီၤစိၤလီၤထီလီၤ.

လံာ်တၢ်ဟးထီၣ်ကွံာ် 20:5

သကူးလီၤလၢတၢ်ဂီၤတၢ်ဖီၣ်တမံၤမံၤအမဲာ်ညါဒီးဘါထီၣ်အီၤတဂ့ၤ. အဂ့ၢ်ဒ်အံၤယမ့ၢ်ယွၤ, သုကစၢ်ယွၤလၢဝံသးစူၤပှၤပြၢလိာ်အသးဒီးအီၤတဖၣ်န့ၣ်တကဲဘၣ်န့ၣ်လီၤ. ယဒုးလီၤဘၣ်တၢ်စံၣ်ညီၣ်လၢပှၤတဖၣ်လၢအသးဟ့ယၤအလိၤဒီးလၢအစၢၤ အသွဲၣ်တဖၣ်အလိၤတုၤလၢပှၤသၢစိၤဒီးလွံၢ်စိၤတစိၤန့ၣ်လီၤ.

တၢ်ကတိၤဒိ. 8:36

ပှၤလၢအတထံၣ်န့ၢ်ယၤန့ၣ်, မၤဆါလီၤဒၣ်အသးဒၣ်ဝဲန့ၣ်လီၤ. ပှၤတဂၤလၢ်လၢ်လၢအသးဟ့ယၤန့ၣ်, အဲၣ်တၢ်သံလီၤ.”

လံာ်မးသဲ 11:5

ပှၤအမဲာ်ဘျီၣ်တဖၣ်ထံၣ်ထီၣ်က့ၤတၢ်, ပှၤအခီၣ်ဟးဂီၤတဖၣ်ဟးထီၣ် က့ၤဝဲ, ပှၤဘၣ်တၢ်ဆါအၢတဖၣ်ဘျါက့ၤဝဲ, ပှၤအနၢ်တအၢတဖၣ်နၢ်ဟူထီၣ် က့ၤတၢ်ဒီးပှၤသံတဖၣ်ဘၣ်တၢ်ဒုးဂဲၤဆၢထၢၣ်က့ၤအီၤဒီးတၢ်သးခု ကစီၣ်ဘၣ်တၢ်စံၣ်တဲၤတဲလီၤအီၤဆူပှၤဖှီၣ်ဖိယာ်ဖိအအိၣ်လံ.

လံာ်မးသဲ 21:32

အဂ့ၢ်ဒ်အံၤ, ပှၤဘျၢတၢ်စီၤယိၤဟၣ်ဟဲဒုးနဲၣ်သုလၢတၢ်တီတၢ်လိၤ အကျဲလၢသုကပိာ်အီၤအဂီၢ်, ဒီးသုတနာ်အီၤဘၣ်. မ့မ့ၢ်ပှၤဃ့သွဲတဖၣ်ဒီးပိာ်မုၣ်ဟးဂီၤတဖၣ်နာ်အီၤလီၤ. သုထံၣ်တၢ်အံၤဝံၤအလီၢ်ခံဒၣ်လဲာ်, သုသးတလဲလိာ်အသးဒီးနာ်အီၤဘၣ်.”

လံာ်မးသဲ 9:33

တုၤယ့ၣ်ၡူးဟီထီၣ်ကွံာ်တၢ်နါဝံၤတကတီၢ်ဃီဖဲန့ၣ်, ပှၤအုးအးန့ၣ်ကတိၤထီၣ်က့ၤတၢ်ဒီးပှၤကမၢကမၣ်ကိးဂၤဒဲးဒီးစံးဝဲ, “ပတထံၣ်တၢ်မၤအသးဒ်အံၤအသိးလၢကီၢ်အံၣ်စရ့လး အပူၤနီတစုနီတခီၣ်ဒံးဘၣ်.”

လံာ်မၢ်ကူး 2:12

ဖဲပှၤကိးဂၤဒဲးကွၢ်အီၤအခါ, ပှၤတဂၤန့ၣ်ဂဲၤဆၢထၢၣ်ဟံးထီၣ်အလီၢ်မံဒါ ဒီးဟးထီၣ်ကွံာ်ဝဲလီၤ. ပှၤသ့ၣ်တဖၣ်လၢအထံၣ်တၢ်မၤအသးအဝဲအံၤကိးဂၤဒဲးန့ၣ်, ကမၢကမၣ်ဝဲဒိၣ်မးဒီးစံးထီၣ်ပတြၢၤကစၢ်ယွၤဒီးစံးဝဲ, “တၢ်မၤအသးဒ်သိးအံၤပတထံၣ်ဘၣ်ဒံးနီတစုနီတခီၣ်ဘၣ်.”

လံာ်လူၤကၣ် 24:19

အဝဲသံကွၢ်ဝဲ, “တၢ်မနုၤတဖၣ်လဲၣ်.” အဝဲသ့ၣ်စံးဆၢဝဲ, “တၢ်လၢအမၤတ့ၢ်အသးဒီးပှၤနစၤရ့းဖိယ့ၣ်ၡူးအဂ့ၢ်တဖၣ်န့ၣ် လီၤ. ပှၤတဂၤအံၤမ့ၢ်ဝဲဝံတဂၤ, ဒီးကစၢ်ယွၤဒီးပှၤဂီၢ်မုၢ်ခဲလၢာ်ပာ်အီၤဒ် အအိၣ်ဒီးတၢ်စိတၢ်ကမီၤလၢ တၢ်စံးတၢ်ကတိၤဒီးတၢ်ဖံးတၢ်မၤန့ၣ်လီၤ.

လံာ်ယိၤဟၣ် 10:32

ယ့ၣ်ၡူးစံးဘၣ်အဝဲသ့ၣ်, “ယဒုးနဲၣ်တ့ၢ်သုတၢ်မၤအဂ့ၤအါမံၤလၢယပၢ်အအိၣ်လံ. သုသးအိၣ်ကွံာ်ယၤလၢလၢၢ်လၢတၢ်မၤဖဲလဲၣ်တမံၤအဃိ လဲၣ်.”

လံာ်ယိၤဟၣ် 10:37

ယမ့ၢ်တမၤတၢ်တဖၣ်လၢယပၢ်သးအိၣ်လၢယကမၤ ဘၣ်ဒီး, တဘၣ်နာ်ယၤတဂ့ၤ.

လံာ်ယိၤဟၣ် 12:10

လၢတၢ်န့ၣ်အဃိ, ပှၤလုၢ်တၢ်အခိၣ်အဒိၣ်တဖၣ်ကူၣ်ထီၣ်ဝဲဒၣ်လၢ အကမၤသံစီၤလါစရူးစ့ၢ်ကီးလီၤ.

လံာ်ယိၤဟၣ် 12:45

ပှၤလၢအထံၣ်ယၤန့ၣ်, ထံၣ်စ့ၢ်ကီးပှၤလၢအမၢလီၤယၤတဂၤ န့ၣ်လီၤ.

လံာ်ယိၤဟၣ် 14:9

ယ့ၣ်ၡူးစံးဆၢတၢ်ဒီးစံးဝဲ, “စီၤဖံလံးပူးဧၢ, ယအိၣ်ဒီးသုယံာ်တ့ၢ်ထဲအံၤညါ, အန့ၣ်ဒၣ်လဲာ်သုတသ့ၣ်ညါ ယၤဘၣ်ဧါ. ပှၤလၢအထံၣ်ယၤန့ၣ်, မ့ၢ်အထံၣ်လံပၢ်န့ၣ်လီၤ. မ့မ့ၢ်ဒ်န့ၣ်ဒီး, ဘၣ်မနုၤအဃိလၢနစံး, ‘ဒုးထံၣ်ပှၤလၢပၢ်န့ၣ်လဲၣ်.’

လံာ်ယိၤဟၣ် 15:21

ဘၣ်ဆၣ်ဒီး, အဝဲသ့ၣ်ကမၤသုလၢတၢ်အံၤတဖၣ်ခဲလၢာ်မ့ၢ်လၢ သုမ့ၢ်ယတၢ်ဒီးအဝဲသ့ၣ်တသ့ၣ်ညါပှၤလၢအမၢလီၤယၤတဂၤ အဃိလီၤ.

လံာ်ယိၤဟၣ် 15:22

ယမ့ၢ်တဟဲဒီးကတိၤတၢ်ဒီးအဝဲသ့ၣ်ဘၣ်န့ၣ်, တမ့ၢ်လၢအဝဲသ့ၣ်အတၢ်ဒဲးဘးကအိၣ်ဘၣ်. မ့မ့ၢ်ခဲအံၤ, အဝဲသ့ၣ်ကတိၤပူၤဖျဲးအသးလၢအတၢ်ဒဲးဘးန့ၣ် တသ့လၢၤဘၣ်.

လံာ်ယိၤဟၣ် 15:23

ပှၤတဂၤလၢ်လၢ်လၢအသးဟ့ယၤန့ၣ်, သးဟ့ယပၢ်စ့ၢ်ကီးလီၤ.

လံာ်ယိၤဟၣ် 16:9

လၢတၢ်ဒဲးဘးအဂ့ၢ်, မ့ၢ်လၢအဝဲသ့ၣ်တစူၢ်က့ၤနာ်က့ၤယၤ အဃိလီၤ.

လံာ်ယိၤဟၣ် 3:2

ဘၣ်တနၤအဝဲလဲၤဆူယ့ၣ်ၡူးအအိၣ်ဒီးစံးဘၣ်အီၤ, “ရၤဘံဧၢ, ပသ့ၣ်ညါလၢနမ့ၢ်သရၣ်လၢအဟဲလၢ ကစၢ်ယွၤအအိၣ်န့ၣ်လီၤ. အဂ့ၢ်ဒ်အံၤ, တၢ်လီၤလးတဖၣ်လၢနမၤန့ၣ်, ကစၢ်ယွၤအိၣ်တ့ၢ်ဒီးနၤအဃိဒီးနမၤနဲသ့ဝဲန့ၣ်လီၤ.”

လံာ်ယိၤဟၣ် 5:36

ဘၣ်ဆၣ်ဒီးယအိၣ်ဒီးတၢ်အုၣ်အသးလၢယဂီၢ်လၢ အဒိၣ်န့ၢ်ဒံးစီၤယိၤဟၣ်အတၢ်အုၣ်အသးတက့ၢ်လီၤ. တၢ်လၢယမၤလၢအမ့ၢ်တၢ်မၤတဖၣ်လၢပၢ်ဟ့ၣ်လီၤ ယၤလၢယကမၤန့ၣ်, အုၣ်အသးလၢယဂီၢ်ဒီးဒုးနဲၣ်ဝဲလၢ ပၢ်မၢလီၤယၤန့ၣ်လီၤ.

လံာ်ယိၤဟၣ် 6:36

ယစံးဘၣ်တ့ၢ်သုလၢသုထံၣ်ဘၣ်လံယၤလံ. ဘၣ်ဆၣ်ဒီးသုတနာ်ယၤဘၣ်.

လံာ်ယိၤဟၣ် 7:31

ဘၣ်ဆၣ်ဒီးပှၤအါဂၤလၢပှၤဂီၢ်မုၢ်အကျါနာ်အီၤဒီးစံး, “တုၤခရံာ်ဟဲဝဲဒီးမ့ၢ်အဝဲကမၤတၢ်လီၤလးဒိၣ်န့ၢ်အါ န့ၢ်ဒံးအဝဲတဂၤအံၤမၤတ့ၢ်ဝဲန့ၣ်ဧါ.”

လံာ်ယိၤဟၣ် 9:32

လၢဟီၣ်ခိၣ်ကဲထီၣ်လံၤလံၤန့ၣ်, ပှၤတဂၤဂၤဒုးထံၣ်ထီၣ်က့ၤပှၤအိၣ်ဖျဲၣ်မဲာ်ဘျီၣ်တဂၤ န့ၣ်, ပှၤတနၢ်ဟူဘၣ်အီၤနီတခီၣ်ဘၣ်.

လံာ်ယိၤဟၣ် 9:41

ယ့ၣ်ၡူးစံးဆၢတၢ်ဒီးစံး, “သုမဲာ်မ့ၢ်ဘျီၣ်တ့ၢ်ဒီးသုတၢ်ကမၣ်တမ့ၢ် အကအိၣ်ဘၣ်. ဘၣ်ဆၣ်သုစံးလၢသုထံၣ်တၢ်အဃိ, သုတၢ်ကမၣ်အိၣ်ဒံးဒၣ်တၢ်န့ၣ်လီၤ.”

မၤတၢ် 10:38

သုသ့ၣ်ညါဘၣ်ဃးပှၤဝ့ၢ်နစၤရ့းဖိယ့ၣ်ၡူး, လၢကစၢ်ယွၤလူလီၤဂၢ်လီၤသးစီဆှံဒီးတၢ်စိတၢ် ကမီၤလၢအလိၤဒ်လဲၣ်အဂ့ၢ်န့ၣ်လီၤ. အဝဲဒၣ်လဲၤသကုၤဆးဒး, မၤဂ့ၤတၢ်ဒီးမၤဘျါက့ၤကယဲၢ်ပှၤအိၣ်လၢမုၣ်ကီၤလံၢ်အတၢ်စိတၢ် ကမီၤအဖီလာ်, အဂ့ၢ်မ့ၢ်လၢကစၢ်ယွၤအိၣ်ဒီးအီၤအဃိလီၤ.

မၤတၢ် 2:22

“ပှၤအံၣ်စရ့လးဖိသကိးသကိးဒီးယၤသ့ၣ်ဧၢ, ကနၣ်ယတၢ်ကတိၤတဖၣ်အံၤတက့ၢ်. တၢ်ဒုးနဲၣ်ဖျါထီၣ်န့ၢ်သုဂ့ၤဂ့ၤကလဲာ်လၢပှၤနစၤရ့းဖိယ့ၣ် ၡူးမ့ၢ်ပှၤလၢယွၤအစိကမီၤအိၣ်ဒီးအီၤခီဖျိတၢ်မၤလီၤလး တဖၣ်, ဒီးတၢ်ပနီၣ်လီၤလးတဖၣ်လၢကစၢ်ယွၤမၤဝဲခီဖျိအီၤန့ၣ်လီၤ. သုကစၢ်ဒၣ်သုဝဲသုသ့ၣ်ညါတၢ်တဖၣ်အံၤမ့ၢ်လၢအမၤတ့ၢ်အသး လၢသုသိးသုကျါအဃိလီၤ.

ရိမ့ၤ 1:30

အဝဲသ့ၣ်သီၣ်ဝံသဲကလၤ, ကတိၤအၢကတိၤသီလိာ်သးတဂၤဒီးတဂၤ န့ၣ်လီၤ. အဝဲသ့ၣ်သူၣ်ဟ့သးဟ့ကစၢ်ယွၤ, တယူးယီၣ်ပာ်ကဲတၢ်ဘၣ်, ပာ်ကဖၢလၢအသးဒီးတဲဒိၣ်တဲသွါလီၤအသးန့ၣ်လီၤ. အဝဲသ့ၣ်ဃုဆိကမိၣ်အါထီၣ်ကျဲလၢအကမၤတၢ်အၢတၢ်သီဒီး တဒိကနၣ်အမိၢ်အပၢ်တဖၣ်အကလုၢ်န့ၣ်ဘၣ်.

လံာ်သိၣ်လီၤသီလီၤတၢ် 5:9

တီၤလီၤလၢတၢ်ဂီၤတၢ်ဖီၣ်တမံၤမံၤအမဲာ်ညါမ့ၢ်ဂ့ၤ, ဘါထီၣ်အီၤမ့ၢ်ဂ့ၤန့ၣ်တဂ့ၤ. အဂ့ၢ်ဒ်အံၤ, ယမ့ၢ်ယွၤ, သုကစၢ်ယွၤလၢအသးက့ၣ်တၢ်န့ၣ်လီၤ. ယဟဲစိာ်တၢ်စံၣ်ညီၣ်လၢကယဲၢ်ပှၤတဖၣ်လၢအသးဟ့ယၤအလိၤဒီးလၢ အဝဲသ့ၣ်အစၢၤအသွဲၣ်တဖၣ်အလိၤတုၤလီၤလၢပှၤသၢစိၤတစိၤဒီး လွံၢ်စိၤတစိၤန့ၣ်လီၤ.

၂ တံၤမသ့း 3:4

အဝဲသ့ၣ်ကကူၣ်အၢတၢ်, ကမၤကြီတၢ်, ဒီးကပာ်ကဖၢလၢ အသး, ကအဲၣ်တၢ်မုာ်တၢ်လၤဒိၣ်န့ၢ်ဒံးတၢ်အဲၣ်ကစၢ်ယွၤ တက့ၢ်လီၤ.

ယၤကိာ် 4:4

ပှၤလၢအသးတတီဒီးကစၢ်ယွၤသ့ၣ်ဧၢ, မ့ၢ်သုတသ့ၣ်ညါဘၣ်လၢတၢ်ကဲဟီၣ်ခိၣ်အတံၤသကိး န့ၣ်အခီပညီမ့ၢ်တၢ်ကဲကစၢ်ယွၤအဒုၣ်အဒါန့ၣ်ဘၣ်ဧါ. ပှၤတဂၤဂ့ၤတဂၤဂ့ၤလၢသးအိၣ်ကဲဟီၣ်ခိၣ်အတံၤ သကိးန့ၣ်, ဒုးကဲထီၣ်အသးလၢကစၢ်ယွၤအဒုၣ်အဒါ တဖၣ်န့ၣ်လီၤ.