လံာ်ယိၤဟၣ် 15:16 - Sgaw Karen Common Bible

¹⁶ သုတဃုထၢယၤဘၣ်. မ့မ့ၢ်ယဃုထၢသုဒီးပာ်လီၤသုလၢသု ကလဲၤဒီးသၣ်ထီၣ်ဝဲဒၣ်အါဖျၢၣ်, တၤသၣ်တကလုာ်လၢ အအိၣ်ဂၢၢ်ဆိးကျၢၤလီၤ. ဒီးပၢ်ကဟ့ၣ်လီၤသုတၢ်တမံၤဂ့ၤ တမံၤဂ့ၤလၢသုဃ့အီၤလၢယမံၤအပူၤန့ၣ်လီၤ.

လံာ်ယိၤဟၣ် 15:16 Iomraidhean Croise

လံာ်တၢ်ကဲထီၣ်အခီၣ်ထံး 18:18

အစၢၤအသွဲၣ်တဖၣ်ကကဲထီၣ်ပှၤကလုာ်ဖးဒိၣ်ဒီးအဂံၢ်ဆူၣ်ဘါဆူၣ်, ဒီးခီဖျိအီၤန့ၣ်ယကဆိၣ်ဂ့ၤပှၤကလုာ်ခဲလၢာ်လီၤ.

စံးထီၣ်ပတြၢၤ 145:4

ပှၤတစိၤကစံးထီၣ်ပတြၢၤနတၢ်မၤလၢပှၤတစိၤဒၣ်, ဒီးနကဒုးနဲၣ်နတၢ်မၤအဒိၣ်တဖၣ်လီၤ.

စံးထီၣ်ပတြၢၤ 71:18

ကစၢ်ယွၤဧၢ, တုၤလီၤလၢယသးပှၢ်ဒီးခိၣ်ဝါ, ယတချုးဒုးနဲၣ်ဒံးဘၣ်နတၢ်ဂံၢ်တၢ်ဘါဒီးနစိနကမီၤ လၢကယဲၢ်ပှၤလၢအကဟဲတဖၣ်ဒံးဘၣ်န့ၣ်, လဲၤသဒၣ်ကွံာ်ဒံးယၤတဂ့ၤ.

တၢ်ကတိၤဒိ. 11:30

တၢ်တီတၢ်လိၤဟ့ၣ်တၢ်မူ, မ့မ့ၢ်တၢ်မၤတၢ်လၢတၢ်စုဆူၣ်ခီၣ်တကး အပူၤဟံးထီၣ်ကွံာ်အီၤလီၤ.

လံာ်ယၡါယၤ 27:6

မုၢ်နံၤတဖၣ်လၢအကဟဲအပူၤန့ၣ်, ကီၢ်အံၣ်စရ့လးအပှၤဂီၢ်မုၢ် လၢအဟဲလီၤစၢၤလၢစီၤယၤကိာ်, ကစဲၤလီၤအဂံၢ်ဒ်သ့ၣ်တထံး အသိးဒီးအဝဲသ့ၣ်ကဘိၣ်ထီၣ်ဆှိးထီၣ်ဒီးဟီၣ်ခိၣ်ကပှဲၤဒီးတၤ သၣ်လၢအဟ့ၣ်ထီၣ်ဝဲလီၤ.

လံာ်မံကၤ 5:7

ဒီးလၢပှၤအါကလုာ်အဂီၢ်န့ၣ်အံၣ်စရ့လးအပှၤဂီၢ်မုၢ်လၢအအိၣ် လီၤတဲာ်တဖၣ်ကမၤအသးဒ်ဘှ့ၣ်ဒီးတၢ်စူၤထံ လၢယွၤဆှၢလီၤအီၤ လၢကမၤသံကစဲာ်ထီၣ်တၢ်မုၢ်တၢ်ဘိလၢအမဲထီၣ်တဖၣ်အသိးန့ၣ်လီၤ. အဝဲသ့ၣ်ကသန့ၤထီၣ်အသးလၢကစၢ်ယွၤ, ဒီးတမ့ၢ်ဘၣ်ပှၤကညီဘၣ်.

လံာ်မးသဲ 21:22

သုမ့ၢ်နာ်တၢ်ဒီးတၢ်လၢသုဃ့ယွၤလၢသုတၢ်ထုကဖၣ်အပူၤန့ၣ်, သုကဒိးန့ၢ်ဘၣ်အီၤလီၤ.”

လံာ်မးသဲ 7:7

ဃ့တၢ်လၢယွၤတက့ၢ်ဒီးသုကဒိးန့ၢ်ဘၣ်လီၤ. ဃုတၢ်တက့ၢ်ဒီးသုကထံၣ်န့ၢ်တၢ်လီၤ. ဒိတကျိာ်တၢ်တက့ၢ် ဒီးယွၤကအိးထီၣ်န့ၢ်တၢ်လၢသုဂီၢ်လီၤ.

လံာ်လူၤကၣ် 6:13

ဖဲမုၢ်ဆ့ၣ်ထီၣ်န့ၣ်, အဝဲဒၣ်ကိးဃီၤအပျဲၢ်အဘီၣ်တဖၣ်ဆူအအိၣ်, ဒီးလၢအဝဲသ့ၣ်အကျါဃုထၢထီၣ်ပှၤတဆံခံဂၤ, လၢအယုၢ်ဝဲအမံၤလၢပှၤတၢ်မၢဖိတဖၣ်န့ၣ်လီၤ.

လံာ်ယိၤဟၣ် 13:18

ယတကတိၤတၢ်လၢသုဝဲခဲလၢာ်အဂ့ၢ်ဘၣ်. ယသ့ၣ်ညါပှၤလၢ ယဃုထၢအီၤတဖၣ်လီၤ. ဘၣ်ဆၣ်တၢ်ကွဲးအသးကဘၣ် လၢထီၣ်ပှဲၤထီၣ်လၢအစံးဝဲ, ‘ပှၤလၢအအီၣ်တၢ်ဒီးယၤတဂၤ န့ၣ်ထီဒါယၤလီၤ’ (စံး. ၄၁:၉).

လံာ်ယိၤဟၣ် 15:19

သုမ့ၢ်ဘၣ်ဃးဒီးဟီၣ်ခိၣ်ဒီး, ဟီၣ်ခိၣ်ကအဲၣ်သုဒ်အတၢ်ဒၣ်ဝဲ အသိးလီၤ. ဘၣ်ဆၣ်ယဃုထၢသုလၢဟီၣ်ခိၣ်အံၤ, ဒီးသုတဘၣ်ဃးဒီးအီၤလၢၤဘၣ်. လၢတၢ်န့ၣ်အဃိ, ဟီၣ်ခိၣ်သးဟ့သုလီၤ.

လံာ်ယိၤဟၣ် 15:5

ယဲဒၣ်အံၤယမ့ၢ်စပံးမုၢ်, ဒီးသုဝဲသ့ၣ်အံၤသုမ့ၢ်အဒ့တဖၣ် လီၤ. ပှၤတဂၤလၢ်လၢ်လၢအအိၣ်ဆိးလၢယပူၤဒီးယအိၣ် ဆိးလၢအပူၤန့ၣ်, ကသၣ်ထီၣ်ဝဲဒၣ်အါဖျၢၣ်လီၤ. မ့တမ့ၢ် ဘၣ်လၢယၤဘၣ်ဒီး, သုမၤတၢ်တသ့ဘၣ်နီတမံၤဘၣ်.

လံာ်ယိၤဟၣ် 6:70

ယ့ၣ်ၡူးစံးဆၢအဝဲသ့ၣ်, “ယဃုထၢသုဝဲတဆံခံဂၤ တမ့ၢ်ဘၣ်ဧါ. အန့ၣ်ဒၣ်လဲာ်ပှၤလၢသုကျါတဂၤန့ၣ်မ့ၢ် မုၣ်ကီၤလံၢ်လီၤ.”

မၤတၢ် 1:24

အန့ၣ်ဝံၤအဝဲသ့ၣ်ဃ့ဘါထုကဖၣ်တၢ်ဒီးစံးဝဲ, “ကစၢ်ဧၢ, ပှၤကိးဂၤဒဲးအသးအတၢ်ဆိကမိၣ်န့ၣ်နသ့ၣ်ညါနဲလီၤ. သတးဒီး, ဒုးနဲၣ်ပဝဲဒၣ်တဖၣ်အံၤလၢပှၤခံဂၤအံၤအကျါနဃုထၢတ့ၢ်နဲ ဖဲလဲၣ်တဂၤ

မၤတၢ် 1:8

မ့မ့ၢ်တုၤသးစီဆှံဟဲလီၤလၢသုလိၤဝံၤဒီးသုကလၢ ထီၣ်ပှဲၤထီၣ်ဒီးတၢ်စိတၢ်ကမီၤ, ဒီးသုကကဲထီၣ်ပှၤအုၣ်အသးတဖၣ်လၢယဂီၢ်လၢဝ့ၢ် ယရူၤရှလ့ၣ်အပူၤ, လၢကီၢ်ယူဒၤဒီကီၢ်ညါဒီးကီၢ်ၡၤမရံ ဒီးပၢၢ်တုၤလၢဟီၣ်ခိၣ်အကတၢၢ်န့ၣ်လီၤ.”

မၤတၢ် 10:41

လၢပှၤကိးဂၤဒဲးအမဲာ်ညါတမ့ၢ်ဘၣ်. မ့ၢ်ထဲပဝဲစှၤဂၤဧိၤလၢအမ့ၢ်ပှၤအုၣ်အသးလၢကစၢ်ယွၤဃုထၢတ့ၢ်ဝဲ အမဲာ်ညါ, ပဝဲလၢအအီၣ်ဃုာ်အီဃုာ်တၢ်ဒီးအီၤဖဲ အဝဲဒၣ်ဂဲၤဆၢထၢၣ်က့ၤလၢတၢ်သံဝံၤအလီၢ်ခံန့ၣ်လီၤ.

မၤတၢ် 22:14

စီၤအနၤနံစံးဘၣ်ယၤ, ‘ကစၢ်ယွၤလၢပပၢ်လၢပျၢၤတဖၣ်ဘူၣ်ထီၣ်ဘါထီၣ်အီၤ တဂၤန့ၣ်, ဃုထၢတ့ၢ်နၤဒ်သိးနကသ့ၣ်ညါအတၢ်ဘၣ် အသး, နကထံၣ်ဘၣ်အခ့တီပှၤလိၤတဂၤ, ဒီးနၢ်ဟူဘၣ်အကတိၤတၢ်လၢအကလုၢ်ဒၣ်ဝဲန့ၣ်လီၤ.

မၤတၢ် 9:15

ကစၢ်စံးဘၣ်အီၤ, “လဲၤဘၣ်တက့ၢ်. အဂ့ၢ်ဒ်အံၤယဃုထၢတ့ၢ်အီၤလၢယကမၢလီၤအီၤလၢအကစံး ဘၣ်တဲဘၣ်ပှၤကလုာ်ဂၤတဖၣ်ဒီးစီၤပၤတဖၣ်, ဒီးပှၤအံၣ်စရ့လးဖိတဖၣ်လၢယဂ့ၢ်အဂီၢ်လီၤ.

ရိမ့ၤ 1:13

ယဒီပုၢ်ဝဲၢ်သ့ၣ်ဧၢ, သုကဘၣ်သ့ၣ်နီၣ်ထီၣ်လၢအါစုအါဘျီ ယတိာ်ပာ်လၢယကလဲၤဆူသုအိၣ်, ဘၣ်ဆၣ်တၢ်မၤတံာ်တာ်ယကျဲအိၣ်ထီၣ်ဝဲထီဘိလီၤ. ယသးအိၣ်မၤန့ၢ်စ့ၢ်ကီးသးသမူတဖၣ်လၢသုကျါ, ဒ်ယမၤန့ၢ်လၢပှၤကလုာ်ဂၤတဖၣ်အကျါအသိးန့ၣ်လီၤ.

ရိမ့ၤ 1:5

ခီဖျိအီၤန့ၣ်, ကစၢ်ယွၤဟ့ၣ်ယၤတၢ်ဘျုးတၢ်ဖှိၣ်ဒီးတၢ် ခွဲးတၢ်ယာ်လၢယကကဲထီၣ်ဘၣ်တၢ်မၢဖိတဂၤလၢခရံာ် အဂီၢ်, ဒ်သိးယကဆှၢက့ၤပှၤကလုာ်တဖၣ်ခဲလၢာ်ဆူ တၢ်စူၢ်က့ၤနာ်က့ၤအီၤအဂီၢ်န့ၣ်လီၤ.

ရိမ့ၤ 15:4

တၢ်ကိးမံၤဒဲးလၢတၢ်ကွဲးအသးစီဆှံအပူၤန့ၣ်ဘၣ်တၢ် ကွဲးအီၤလၢတၢ်ကသိၣ်လိပှၤအဂီၢ်, ဒ်သိးပကအိၣ်ဒီးတၢ်မုၢ်လၢ်ခီဖျိတၢ်ကွဲးအသးစီဆှံ အတၢ်ဟ့ၣ်ပှၤတၢ်သူၣ်စူၤသးစူၤဒီးတၢ်ဟ့ၣ်ဂံၢ်ဟ့ၣ်ဘါအဃိ န့ၣ်လီၤ.

ရိမ့ၤ 9:21

ပှၤတ့သပၢၤတဂၤန့ၣ်အိၣ်ဒီးအခွဲးအယာ်လၢကသူဟီၣ်ခိၣ် ကပံာ်ဒ်အသးအိၣ်ဝဲအသိးဒီးလၢဟီၣ်ခိၣ်ကပံာ်တလိၣ်ဃီန့ၣ် တ့ဝဲသပၢၤခံဖျၢၣ်, တဖျၢၣ်လၢကတီၢ်လီၤဆီအဂီၢ်ဒီးတဖျၢၣ် လၢတၢ်ကသူအီၤလၢမုၢ်ဆ့ၣ်မုၢ်ဂီၤအဂီၢ်န့ၣ်လီၤ.

1 ကရံၣ်သူး 10:11

တၢ်သ့ၣ်တဖၣ်အံၤခဲလၢာ်မၤအသးဒီးအဝဲသ့ၣ်ဒ်သိးအကကဲ ထီၣ်တၢ်အဒိအတဲာ်လၢပှၤဂၤတဖၣ်အဂီၢ်ဒီးဘၣ်တၢ်ကွဲးနီၣ် ကွဲးဃါအီၤဒ်သိးအကကဲထီၣ်တၢ်ဟ့ၣ်ပလီၢ်လၢပဂီၢ်လီၤ. အဂ့ၢ်ဒ်အံၤ, ပအိၣ်မူပဝဲဖဲဆၢကတီၢ်လၢတၢ်အကတၢၢ်ဘူး ကတုၤအိၣ်ပှၤလံန့ၣ်လီၤ.

ကလၤတံ 1:15

ဘၣ်ဆၣ်ဒီး, လၢအဘျုးအဖှိၣ်အပူၤကစၢ်ယွၤဃုထၢပာ်လီၤ ဆီယၤတချုးလၢယအိၣ်ဖျဲၣ်ထီၣ်ဒံးဒၣ်လဲာ်, ဒီးကိးယၤဒ်သိးယကမၤအတၢ်န့ၣ်လီၤ. ဒီးဖဲအဝဲဒၣ်ပာ်လီၤအသး

အ့းဖ့းစူး 2:10

အဂ့ၢ်ဒ်အံၤ, ပမ့ၢ်ကစၢ်ယွၤအစုအတၢ်ဘၣ်တ့, တ့လီၤဝဲလၢပကမူလၢယ့ၣ်ၡူးခရံာ်အပူၤ, လၢတၢ်မၤဂ့ၤတၢ်အတၢ်အိၣ်မူလၢအဝဲကတီၤပာ်စၢၤဝဲလၢပဂီၢ် အပူၤန့ၣ်လီၤ.

ကလီးစဲ 1:23

တၢ်လၢအလီၢ်အိၣ်တမံၤန့ၣ်, မ့ၢ်ဒ်သိးသုကလဲၤဒံးတၢ်လၢတၢ် ကလုၢ်တီဒီးလၢတၢ်စူၢ်တၢ်နာ်အဂၢၢ်အကျၢၤအပူၤ, ဒီးဒ်သိးသုသုတပျဲပှၤမၤကဒံကဒါသုတၢ်မုၢ်လၢ်လၢ သုဒိးန့ၢ်တ့ၢ်သုဝဲဖဲသုနၢ်ဟူဘၣ်တၢ်သးခုကစီၣ်အခါ တဂ့ၤန့ၣ်လီၤ. ယၤစီၤပီလူးယကဲထီၣ်တ့ၢ်လံတၢ်အခ့အပှၤဘၣ် ဃးတၢ်သးခုကစီၣ်လၢအဘၣ်တၢ်စံၣ်တဲၤတဲလီၤတ့ၢ်အီၤဆူ ပှၤကိးဂၤဒဲးလၢဟီၣ်ခိၣ်ချၢအံၤန့ၣ်လီၤ.

ကလီးစဲ 1:6

တၢ်သးခုအကစီၣ်အံၤဟဲစိာ်ဃုာ်ဒီးတၢ်ဆိၣ်ဂ့ၤ, ရၤလီၤအသးသကုၤဟီၣ်ခိၣ်ဒီဘ့ၣ်ညါ, ဒ်အမၤတ့ၢ်လံ အသးလၢသုကျါစးထီၣ်မုၢ်တနံၤဖဲသုနၢ်ဟူတၢ်ဘၣ်ဃး ယွၤအဘျုးအဖှိၣ်အဆိကတၢၢ်တဘျီ, ဒီးသ့ၣ်ညါထံအီၤဒ် အမ့ၢ်တၢ်နီၢ်နီၢ်အသိး,

၁ တံၤမသ့း 2:7

ဒီးလၢတၢ်အံၤအဂီၢ်, ယဘၣ်တၢ်မၢလီၤယၤဒ်တၢ်မၢဖိတဂၤ အသိး, ဒီးသရၣ်လၢအကသိၣ်လိပှၤကလုာ်ဂၤတဖၣ်ဒီးဒ်သိး ယကတဲဖျါထီၣ်တၢ်စူၢ်တၢ်နာ်ဒီးတၢ်မ့ၢ်တၢ်တီအကစီၣ် အဂီၢ်န့ၣ်လီၤ. ယတကတိၤတၢ်ကဘျံးကဘျၣ်ဘၣ်. ယကတိၤတၢ်မ့ၢ်တၢ်တီလီၤ.

၂ တံၤမသ့း 1:11

ကစၢ်ယွၤဃုထၢထီၣ်တ့ၢ်လံယၤဒ်ပှၤတၢ်မၢဖိဒီးသရၣ်သိၣ် လိတၢ်လၢယကစံၣ်တဲၤတဲလီၤတၢ်သးခုကစီၣ်အဂီၢ်,

၂ တံၤမသ့း 2:2

ဟံးန့ၢ်တၢ်သိၣ်လိတဖၣ်လၢနနၢ်ဟူယတဲဖျါထီၣ်လၢပှၤအုၣ် အသးအါဂၤအမဲာ်ညါ, ဒီးဟ့ၣ်လီၤအးလီၤတၢ်တဖၣ်အံၤဆူပှၤလၢပနာ်န့ၢ်အီၤသ့ တဖၣ်အစုပူၤဒ်သိးအဝဲသ့ၣ်စ့ၢ်ကီးသိၣ်လိပှၤအဂၤကသ့ အဂီၢ်န့ၣ်တက့ၢ်.

တံတူး 1:5

ယပာ်လီၤတဲာ်နၤဖဲကီးကြ့တ့ၤဒ်သိးနကသုးကျဲၤမၤဝံၤမၤဘၣ် က့ၤတၢ်လၢအလိၣ်ဒံးတဖၣ်, ဒီးဃုထၢထီၣ်တၢ်အိၣ်ဖှိၣ်သးပှၢ်တဖၣ်လၢဝ့ၢ်ကိးဖျၢၣ်ဒဲး အပူၤလီၤ. သ့ၣ်နီၣ်ထီၣ်တၢ်လၢယမၤလိာ်နၤတဖၣ်န့ၣ်တက့ၢ်.

ဧ့ၤဘြံၤ 11:4

လၢတၢ်စူၢ်တၢ်နာ်န့ၣ်, စီၤဟ့းဘ့းလးလုၢ်ထီၣ်ကစၢ်ယွၤလၢတၢ်လုၢ် လၢအဂ့ၤဒိၣ်န့ၢ်စီၤကၤယံၣ်အတၢ်လုၢ်တက့ၢ်ဒီးလၢတၢ်အံၤ အဃိ, အဝဲဒၣ်ဒိးန့ၢ်ဘၣ်ယွၤအတၢ်ဘၣ်သူၣ်ဘၣ်သးဒ်ပှၤအတီ အလိၤတဂၤအသိး, အဂ့ၢ်မ့ၢ်လၢကစၢ်ယွၤအကစၢ်ဒၣ်ဝဲအုၣ်အသးခီဖျိအတူၢ်လိာ် အဝဲဒၣ်အတၢ်ဟ့ၣ်အဃိန့ၣ်လီၤ. လၢအတၢ်စူၢ်တၢ်နာ်အဃိအဝဲဒၣ်သံဘၣ်ဆၣ်ကတိၤဒံးတၢ်လီၤ.

ယၤကိာ် 3:18

ဒီးတၢ်ဂ့ၤတၢ်ဝါမ့ၢ်တၤသၣ်လၢအဟဲကဲထီၣ်ဝဲလၢတၢ်အချံ တဖၣ်လၢပှၤမၤဃူမၤဖိးတၢ်တဖၣ်သူၣ်လီၤဖျးလီၤဝဲလၢ တၢ်ဃူတၢ်ဖိးအပူၤန့ၣ်လီၤ.

၁ ပ့းတရူး 3:15

မ့မ့ၢ်, အိၣ်ဒီးတၢ်ယူးယီၣ်ပာ်ကဲခရံာ်ဒ်ကစၢ်အသိးလၢသုသးကံၢ်ပူၤ န့ၣ်တက့ၢ် (ၡါ ၈:၁၂-၁၃). အိၣ်ကတဲာ်ကတီၤသုသးထီဘိလၢ သုကစံးဆၢပှၤတဂၤဂ့ၤတဂၤဂ့ၤလၢအသံကွၢ်သုတၢ်မုၢ်လၢ်လၢ အအိၣ်လၢသုပူၤအဂ့ၢ်အကျိၤန့ၣ်တက့ၢ်.

၁ ပ့းတရူး 3:2

မ့ၢ်လၢအဝဲသ့ၣ်ကထံၣ်သုသကဲာ်ပဝးကဆှီဝဲဒီးလီၤယူးယီၣ် ပာ်ကဲဆံးအါလဲၣ်အဃိန့ၣ်လီၤ.

၁ ယိၤဟၣ် 4:10

တၢ်အဲၣ်တၢ်ကွံမ့ၢ်တၢ်အံၤလီၤ. တမ့ၢ်တၢ်အဲၣ်လၢပအဲၣ်တ့ၢ် ကစၢ်ယွၤဘၣ်. မ့မ့ၢ်တခီ, မ့ၢ်ကစၢ်ယွၤအတၢ်အဲၣ်ပှၤလၢ အမၢလီၤအဖိခွါဒ်သိးကကဲထီၣ်ကျဲလၢပတၢ်ဒဲးဘးတဖၣ် ကဘၣ်တၢ်ပျၢ်ကွံာ်အီၤအဂီၢ်န့ၣ်လီၤ.

၁ ယိၤဟၣ် 4:19

ပအဲၣ်တၢ်ကွံတၢ်လီၤ. အဂ့ၢ်ဒ်အံၤယွၤအဲၣ်ဆိပှၤလီၤ.