လံာ်ယိၤဟၣ် 15:15 - Sgaw Karen Common Bible

¹⁵ ယတကိးသုလၢတၢ်ခ့တၢ်ပှၤတဖၣ်လၢၤဘၣ်. မ့ၢ်လၢတၢ်ခ့ တၢ်ပှၤတဂၤန့ၣ်တသ့ၣ်ညါတၢ်လၢအဝဲအကစၢ်မၤဝဲ န့ၣ်ဘၣ်အဃိလီၤ. မ့မ့ၢ်, ယကိးသုလၢတံၤသကိးတဖၣ်, မ့ၢ်လၢယစံးဘၣ်တဲဘၣ်သုတၢ်ခဲလၢာ်လၢယနၢ် ဟူလၢယပၢ်အအိၣ်အဃိလီၤ.

လံာ်ယိၤဟၣ် 15:15 Iomraidhean Croise

စံးထီၣ်ပတြၢၤ 25:14

ယွၤမ့ၢ်ပှၤလၢအစူၢ်အီၤတဖၣ်အတံၤသကိး ဒီးမၤဂၢၢ်မၤကျၢၤ အတၢ်အၢၣ်လီၤအီလီၤဒီးအဝဲသ့ၣ်န့ၣ်လီၤ.

တၢ်ကတိၤဒိ. 18:24

တၢ်ရ့တံၤရ့သကိးတနီၤနီၤန့ၣ်တဂၢၢ်တကျၢၤဘၣ်. ဘၣ်ဆၣ်ဒီးတံၤသကိးတနီၤနီၤမ့ၢ်ပှၤသးတီအါန့ၢ်ဒီပုၢ်ဝဲၢ် တဖၣ်တက့ၢ်လီၤ.

လံာ်ဧၤမိၣ် 3:7

ယွၤမ့ၢ်တလီၣ်ဖျါထီၣ်အတၢ်ကူၣ်တၢ်ကျဲၤလၢအခ့ အပှၤဝံတဖၣ်ဘၣ်ဒီးမ့ၢ်မးတၢ်စိတၢ်ကမီၤခဲလၢာ်အကစၢ်တမၤ ဘၣ်တၢ်ဘၣ်.

လံာ်မးသဲ 13:11

ယ့ၣ်ၡူးစံးဆၢဝဲ, “ယွၤဟ့ၣ်ဒုးသ့ၣ်ညါသုလၢတၢ်မ့ၢ်တၢ်တီ အတၢ်ခူသူၣ်ဘၣ်ဃးဒီးမူခိၣ်အဘီအမုၢ်, ဘၣ်ဆၣ်အဝဲသ့ၣ်တဘၣ်တၢ်ဟ့ၣ်ဒုးသ့ၣ်ညါအီၤဘၣ်.

လံာ်လူၤကၣ် 10:23

တုၤနုၤတစုယ့ၣ်ၡူးဃၣ်ဃီၤအသးဆူအပျဲၢ်အဘီၣ်သ့ၣ်တဖၣ်အအိၣ်ဒီး စံးဘၣ်အဝဲသ့ၣ်ကစုဒု, “သုထံၣ်တၢ်လၢသုကဘၣ်ထံၣ်သ့ၣ်တဖၣ် အံၤဒီး, သုဘၣ်ဆိၣ်ဂ့ၤဆိၣ်ဝါသုဝဲဆံးဒိၣ်လဲၣ်.

လံာ်ယိၤဟၣ် 12:26

ပှၤတဂၤလၢ်လၢ်လၢအသးအိၣ်မၤယတၢ်မၤန့ၣ်, ကဘၣ်ကဲထီၣ်ယပျဲၢ်ယဘီၣ်ဒ်သိးဖဲယအိၣ်အလီၢ်န့ၣ် ယခ့ယပှၤကအိၣ်စ့ၢ်ကီးဒီးယၤဖဲန့ၣ်လီၤ. ပှၤတဂၤဂ့ၤတဂၤဂ့ၤမ့ၢ်မၤယတၢ်မၤဒီး, ယပၢ်ကမၤလၤကပီၤအီၤလီၤ.

လံာ်ယိၤဟၣ် 13:16

ယစံးဘၣ်တဲဘၣ်သုတၢ်မ့ၢ်တၢ်တီ, ကုၢ်တဒိၣ်န့ၢ်အကစၢ်နီတဂၤ ဘၣ်. ဒီးပှၤစိာ်တၢ်ကစီၣ်တဒိၣ်န့ၢ်ပှၤလၢအမၢလီၤအီၤနီတဂၤဘၣ်.

လံာ်ယိၤဟၣ် 15:20

သ့ၣ်နီၣ်ထီၣ်က့ၤလၢယစံးဘၣ်တ့ၢ်သု, ‘ကုၢ်တဒိၣ်န့ၢ်အကစၢ်နီတဂၤဘၣ်.’ အဝဲသ့ၣ်မ့ၢ်မၤအၢမၤနးယၤဒီး, ကမၤအၢမၤနးစ့ၢ်ကီးသုလီၤ. အဝဲသ့ၣ်မ့ၢ်ဒိကနၣ်ယကလုၢ်ကထါဒီး, ကဒိကနၣ်သုကလုၢ်ကထါစ့ၢ်ကီးလီၤ.

လံာ်ယိၤဟၣ် 16:12

ယအိၣ်ဒံးဒီးတၢ်ဂ့ၢ်အါမးလၢယကစံးဘၣ်တဲဘၣ်သု, ဘၣ်ဆၣ်ဒီးခဲအံၤကမ့ၢ်တၢ်အါကဲၣ်ဆိးလၢသုကတူၢ်လိာ်အီၤ အဂီၢ်န့ၣ်လီၤ.

လံာ်ယိၤဟၣ် 17:26

ယဒုးသ့ၣ်ညါတ့ၢ်အဝဲသ့ၣ်လၢနၤ, ဒီးယကမၤယဲဒံး, ဒ်သိးတၢ်အဲၣ်လၢနအဲၣ်ယၤန့ၣ်ကအိၣ်လၢအဝဲသ့ၣ်အပူၤ, ဒီးဒ်သိးယကအိၣ်လၢအဝဲသ့ၣ်အပူၤစ့ၢ်ကီးန့ၣ်လီၤ.”

လံာ်ယိၤဟၣ် 20:17

ယ့ၣ်ၡူးစံးဘၣ်အီၤ, “တဘၣ်ဖိးဃာ်ယၤတဂ့ၤ. အဂ့ၢ်ဒ်လဲၣ်န့ၣ်, ယတက့ၤထီၣ်ဘၣ်ဆူပၢ်အအိၣ်ဒံးဘၣ်. မ့မ့ၢ်လဲၤဆူယဒီပုၢ်ဝဲၢ် တဖၣ်အအိၣ်ဒီးစံးဘၣ်တဲဘၣ်အဝဲသ့ၣ်လၢယက့ၤထီၣ်ကဒါ က့ၤဆူပှၤလၢအမ့ၢ်ယပၢ်ဒီးမ့ၢ်အဝဲသ့ၣ်အပၢ်, ယကစၢ်ယွၤဒီးအဝဲသ့ၣ်အကစၢ်ယွၤအအိၣ်န့ၣ်တက့ၢ်.”

လံာ်ယိၤဟၣ် 4:19

ပိာ်မုၣ်န့ၣ်စံးဝဲ, “ကစၢ်ဧၢ, ယထံၣ်လၢနမ့ၢ်ဝံတဂၤန့ၣ်လီၤ.

လံာ်ယိၤဟၣ် 8:26

ယကတိၤတၢ်လၢသုဂ့ၢ်ဒီးယစံၣ်ညီၣ်တၢ်လၢသုဂ့ၢ်အလီၢ် အိၣ်အါမးလီၤ. မ့မ့ၢ်ပှၤလၢအမၢလီၤယၤတဂၤမ့ၢ်ပှၤအတီအလိၤ ဒီးယစံးဘၣ်တဲဘၣ်ပှၤဟီၣ်ခိၣ်ဖိထဲဒၣ်တၢ်လၢယနၢ်ဟူဘၣ် တ့ၢ်လၢအအိၣ်လီၤ.”

မၤတၢ် 20:27

အဂ့ၢ်ဒ်အံၤ, တၢ်လၢကစၢ်ယွၤတိာ်ပာ်ဝဲခဲလၢာ်ခဲဆ့န့ၣ်, ယတပာ်ခူသူၣ်ယဲဘၣ်ဒီးဘိးဘၣ်သ့ၣ်ညါသုလီၤ.

ရိမ့ၤ 7:15

တၢ်လၢယမၤအီၤတဖၣ်န့ၣ်ယတနၢ်ပၢၢ်က့ၤလၢအဂ့ၢ် ဘၣ်. တၢ်လၢယဆၢမၤန့ၣ် ယတမၤယဲဘၣ်. မ့မ့ၢ်, ယမၤတၢ်လၢယသးဟ့အီၤန့ၣ်လီၤ.

1 ကရံၣ်သူး 2:16

ဒ်တၢ်ကွဲးအသးစီဆှံစံးဝဲအသိးန့ၣ်, “မ့ၢ်မတၤသ့ၣ်ညါကစၢ်အသးတဂၤလဲၣ်. မ့ၢ်မတၤဟ့ၣ်အီၤတၢ်ဟ့ၣ်ကူၣ်ဟ့ၣ်ဖးသ့တဂၤလဲၣ်.” မ့မ့ၢ်ပဝဲသ့ၣ်တဖၣ်, ပအိၣ်ဒီးခရံာ်အသးလီၤ.

ကလၤတံ 4:6

ဒ်သိးအကအိၣ်ဖျါလၢသုမ့ၢ်အဖိခွါတဖၣ်န့ၣ်, ကစၢ်ယွၤဆှၢလီၤအဖိခွါအသးဆူပသးပူၤ, ယွၤအသးလၢ အကိးထီၣ်ဝဲ, “အးဘၤ, ပၢ်ဧၢ” န့ၣ်လီၤ.

အ့းဖ့းစူး 1:9

လၢအတၢ်ကူၣ်ဘၣ်ကူၣ်သ့ဒီးအတၢ်ထံၣ်တုာ်ကွၢ်ဖျါတၢ်ခဲလၢာ် အပူၤ, ယွၤမၤတ့ၢ်တၢ်ဒ်အတိာ်ပာ်တ့ၢ်ဝဲအသိးဒီးလီၣ်ဖျါထီၣ်န့ၢ်ပှၤ လၢအတၢ်ရဲၣ်တၢ်ကျဲၤခူသူၣ်လၢအတိာ်ပာ်တ့ၢ်လံဝဲလၢ အကမၤလၢထီၣ်ပှဲၤထီၣ်ဝဲခီဖျိခရံာ်န့ၣ်လီၤ.

အ့းဖ့းစူး 3:5

လၢအပူၤကွံာ်အကတီၢ်တဖၣ်န့ၣ်, ပှၤဟီၣ်ခိၣ်ဖိတဘၣ်တၢ်စံးဘၣ်တဲဘၣ်အီၤလၢတၢ်ခူသူၣ် အံၤဘၣ်. မ့မ့ၢ်အခဲအံၤ, ကစၢ်ယွၤလီၣ်ဖျါထီၣ်န့ၢ်တၢ်မၢဖိဒီးဝံ စီဆှံတဖၣ်ခီဖျိယွၤအသးန့ၣ်လီၤ.

ကလီးစဲ 1:26

အအံၤမ့ၢ်တၢ်ခူသူၣ်လၢယွၤပာ်ခူသူၣ်တ့ၢ်ဝဲလၢပှၤဟီၣ်ခိၣ်ဖိ အမဲာ်ညါလၢတၢ်အစိၤလၢအပူၤကွံာ်တဖၣ်, ဘၣ်ဆၣ်ဒီးခဲအံၤ လီၣ်ဖျါထီၣ်န့ၢ်လံအပှၤဂီၢ်မုၢ်န့ၣ်လံ.

ဖံၤလ့မိၣ် 1:16

တမ့ၢ်လၢၤဒ်ကုၢ်တဂၤအသိးဘၣ်. မ့ၢ်ဒ်ဒီပုၢ်ဝဲၢ်လၢခရံာ်အပူၤလၢတၢ်အဲၣ်အီၤတဂၤအသိး, လီၤဆီဒၣ်တၢ်လၢယဂီၢ်ဒီးဒိၣ်ဒၣ်တၢ်တက့ၢ်လၢနဂီၢ်, အဂ့ၢ်မ့ၢ်လၢနဒိးန့ၢ်က့ၤအီၤလၢနီၢ်ခိနီၢ်ခီဒ်နကုၢ်တဂၤ အသိး, ဒီးလၢကစၢ်အပူၤဒ်ဒီပုၢ်ဝဲၢ်တဂၤအသိးအဃိန့ၣ်လီၤ.

ယၤကိာ် 1:1

စီၤယၤကိာ်, ကစၢ်ယွၤဒီးကစၢ်ယ့ၣ်ၡူးခရံာ်အခ့အပှၤ, ကတိၤဒိၣ်ဒီးဆၢဂ့ၤဆၢဝါဘၣ်ပှၤတဆံခံဒူၣ်လၢအအိၣ် လၢတၢ်လီၤပြံလီၤပြါအပူၤန့ၣ်လီၤ.

ယၤကိာ် 2:23

ဒီးတၢ်ကွဲးအသးလၢအစံးဝဲ, “စီၤအၤဘြၤဟၣ်နာ်ကစၢ်ယွၤဒီးမ့ၢ်အတၢ်စူၢ်တၢ်နာ်အဃိ ဒီးကစၢ်ယွၤတူၢ်လိာ်အီၤဒ်ပှၤတီပှၤလိၤအသိး” အံၤလၢထီၣ်ပှဲၤထီၣ်ဝဲဒၣ်န့ၣ်လီၤ. ဒီးလၢတၢ်န့ၣ်အဃိ, စီၤအၤဘြၤဟၣ်ဘၣ်တၢ်ကိးအီၤလၢယွၤအတံၤသကိး န့ၣ်လီၤ.

၁ ပ့းတရူး 1:11

အဝဲသ့ၣ်ကျဲးစၢးဃုသ့ၣ်ညါဝဲတၢ်ဆၢကတီၢ်ကမ့ၢ်ဖဲလဲၣ် အခါဒီးတၢ်ကမၤအသးဒ်လဲၣ်န့ၣ်လီၤ. တၢ်အံၤမ့ၢ်တၢ်ဆၢကတီၢ်လၢခရံာ်အသးလၢအအိၣ်လၢ အပူၤဒုးနဲၣ်အီၤ, လၢတၢ်ကတိၤဆိပာ်တၢ်နးတၢ်ဖှီၣ်တဖၣ်လၢခရံာ်ကဘၣ် တူၢ်ဝဲဒီးတၢ်လၤကပီၤလၢကပိာ်ထွဲထီၣ်အခံန့ၣ်လီၤ.

၂ ပ့းတရူး 1:1

လၢစီၤၡံမိၣ်ပ့းတရူး, ယ့ၣ်ၡူးခရံာ်အခ့အပှၤ ဒီးအတၢ်မၢဖိ, ဆူပှၤတဖၣ်လၢခီဖျိကစၢ်ယွၤဒီးပှၤ အုၣ်က့ၤခီၣ်က့ၤတၢ်ယ့ၣ်ၡူးခရံာ်အတၢ်တီတၢ်လိၤန့ၣ်, ဘၣ်တၢ်ဟ့ၣ်လီၤအီၤလၢတၢ်စူၢ်တၢ်နာ်လၢအလုၢ်ဒိၣ် ပှ့ၤဒိၣ်ဒ်ပတၢ်စူၢ်တၢ်နာ်လၢအလုၢ်ဒိၣ်ပှ့ၤဒိၣ်အသိးအအိၣ်,

ယူဒၤ 1:1

လၢယ့ၣ်ၡူးခရံာ်အခ့အပှၤ, ဒီးစီၤယၤကိာ်အဒီပုၢ်ဝဲၢ် စီၤယူဒၤ, ဆူပှၤလၢကစၢ်ယွၤကိးထီၣ်အီၤလၢအအိၣ်မူဝဲလၢ ပၢ်ကစၢ်ယွၤအတၢ်အဲၣ်တၢ်ကွံဒီးယ့ၣ်ၡူးခရံာ်အတၢ်ကဟုကယာ်အပူၤတဖၣ်အအိၣ်,

လံာ်လီၣ်ဖျါ 1:1

လံာ်တဘ့ၣ်အံၤမ့ၢ်ဝဲဒၣ်တၢ်ကွဲးနီၣ်ဘၣ်ဃးတၢ်ဂ့ၢ်တၢ်ကျိၤ လၢယ့ၣ်ၡူးခရံာ်လီၣ်ဖျါထီၣ်ဝဲတဖၣ်လီၤ. ကစၢ်ယွၤဟ့ၣ်အီၤတၢ်လီၣ်ဖျါအဝဲအံၤဒ်သိးအကဒုးနဲၣ်အခ့အပှၤ တဖၣ်လၢတၢ်လၢအကဘၣ်မၤအသးဘူးတ့ၢ်မးလံ တဖၣ်န့ၣ်လီၤ. ခရံာ်ဒုးသ့ၣ်ညါအခ့အပှၤစီၤယိၤဟၣ်လၢ တၢ်ဂ့ၢ်သ့ၣ်တဖၣ်အံၤခီဖျိအဆှၢလီၤအမူခိၣ်ကလူး ဆူအဝဲဒၣ်အအိၣ်,