လံာ်ယိၤဟၣ် 15:10 - Sgaw Karen Common Bible

¹⁰ သုမ့ၢ်ဒိကနၣ်ယတၢ်မၤလိာ်တဖၣ်ဒီးသုကအိၣ်ဆိးလၢ ယတၢ်အဲၣ်အပူၤ, ဒ်ယဒိကနၣ်ယပၢ်အတၢ်မၤလိာ်တဖၣ် ဒီးအိၣ်ဆိးလၢအတၢ်အဲၣ်အပူၤအသိးန့ၣ်လီၤ.

လံာ်ယိၤဟၣ် 15:10 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 22:22

ယစူၢ်တ့ၢ်ယွၤအတၢ်သိၣ်တၢ်သီန့ၣ်လီၤ. ယတဃၣ်ကွံာ်ဘၣ်ယသးလၢယကစၢ်ယွၤ အအိၣ်ဘၣ်.

လံာ်စီၤပၤခံဘ့ၣ်တဘ့ၣ် 18:6

အဝဲအသးတီဒီးယွၤဒီးစူၢ်အီၤထီဘိ, ဒီးတိၢ်န့ၢ်ဖံးဃာ် ကယဲၢ်တၢ်မၤလိာ်တဖၣ်ခဲလၢာ်လီၤတံၢ်လီၤဆဲး, လၢယွၤဟ့ၣ်လီၤတ့ၢ်စီၤမိၤၡ့န့ၣ်လီၤ.

လံာ်တၢ်ဟးထီၣ်ကွံာ် 7:6

ဒီးစီၤမိၤၡ့ဒီးစီၤအၤဟရိၣ်မၤဝဲဒ်ယွၤမၤလိာ်အဝဲသ့ၣ်အသိးန့ၣ်လီၤ.

လံာ်ယၡါယၤ 50:5

ယွၤဟ့ၣ်တ့ၢ်ယၤတၢ်သ့ၣ်ညါနၢ်ပၢၢ်ဒီးယတပူထီၣ်ထီဒါအီၤမ့ၢ် ဂ့ၤ, ဃၣ်ကွံာ်ယသးလၢအီၤမ့ၢ်ဂ့ၤန့ၣ်ဘၣ်.

လံာ်ယိၤဟၣ် 10:18

ပှၤဟံးန့ၢ်ကွံာ်ယသးသမူလၢယၤတသ့ဘၣ်နီတဂၤ ဘၣ်. ယဟ့ၣ်လီၤကွံာ်အီၤလၢယသးဒၣ်ယဲန့ၣ်လီၤ. ယအိၣ်ဒီးတၢ်စိကမီၤလၢယကဟ့ၣ်လီၤကွံာ်အီၤဒီး ယအိၣ်ဒီးတၢ်စိကမီၤလၢယကဟံးက့ၤအီၤအဂီၢ်လီၤ. အဝဲအံၤမ့ၢ်တၢ်လၢယပၢ်မၤလိာ်တ့ၢ်ယၤလၢယကမၤ အီၤအဂီၢ်လီၤ.”

လံာ်ယိၤဟၣ် 12:49

အဝဲအံၤမ့ၢ်တၢ်မ့ၢ်တၢ်တီလီၤ. အဂ့ၢ်ဒ်လဲၣ်န့ၣ်, ယတကတိၤတၢ်ဖဲယသးဒၣ်ယဲန့ၣ်ဘၣ်. ပၢ်လၢအမၢလီၤယၤတဂၤမၤလိာ်တ့ၢ်ယၤတၢ်လၢ ယကဘၣ်စံးဒီးကတိၤတဖၣ်န့ၣ်လီၤ.

လံာ်ယိၤဟၣ် 14:15

သုမ့ၢ်အဲၣ်ယၤဒီးသုကတိၢ်န့ၢ်ဒီးမၤထွဲယတၢ်မၤလိာ်တဖၣ် န့ၣ်လီၤ.

လံာ်ယိၤဟၣ် 14:21

ပှၤတဂၤလၢ်လၢ်လၢအတူၢ်လိာ်ယတၢ်မၤလိာ်တဖၣ် ဒီးတိၢ်န့ၢ်ဒီးမၤထွဲဝဲန့ၣ်, မ့ၢ်ပှၤတဂၤလၢအအဲၣ်ယၤလီၤ. ယပၢ်ကအဲၣ်ပှၤတဂၤလၢ်လၢ်လၢအအဲၣ်ယၤ, ဒီးယဲဒၣ်စ့ၢ်ကီး ယကအဲၣ်အီၤဒီးလီၣ်ဖျါထီၣ်ယသးလၢအီၤလီၤ.”

လံာ်ယိၤဟၣ် 14:23

ယ့ၣ်ၡူးစံးဆၢတၢ်ဒီးစံးဘၣ်အီၤ, “ပှၤတဂၤလၢ်လၢ်လၢ အအဲၣ်ယၤန့ၣ်, ကတိၢ်န့ၢ်ဒီးမၤထွဲယကလုၢ်ကထါလီၤ. ယပၢ်ကအဲၣ်အီၤ, ဒီးယပၢ်ဒီးယၤပကဟဲဆူအအိၣ် ဒီးအိၣ်ဆိးဒီးအီၤန့ၣ်လီၤ.

လံာ်ယိၤဟၣ် 14:31

ဘၣ်ဆၣ်, ဟီၣ်ခိၣ်ကဘၣ်သ့ၣ်ညါလၢယအဲၣ်ပၢ်အံၤ အဃိ, ယမၤတၢ်ခဲလၢာ်ဒ်အဝဲမၤလိာ်ယၤအသိးန့ၣ်လီၤ. ဟဲမီၤ, မ်ပကဟးထီၣ်သကိးလၢတၢ်လီၢ်အံၤတက့ၢ်.

လံာ်ယိၤဟၣ် 17:4

ယဒုးနဲၣ်ဖျါထီၣ်နလၤကပီၤလၢဟီၣ်ခိၣ်အံၤ, ဒီးတၢ်မၤလၢနဟ့ၣ်လီၤယၤလၢယကမၤန့ၣ်, ယမၤအီၤဝံၤလံန့ၣ်လီၤ.

လံာ်ယိၤဟၣ် 4:34

ယ့ၣ်ၡူးစံးဘၣ်အဝဲသ့ၣ်, “ယတၢ်အီၣ်န့ၣ်မ့ၢ်ယကမၤပှၤလၢ အမၢလီၤယၤတဂၤအတၢ်ဘၣ်အသးဒီးမၤအီၤတုၤအဝံၤ တစုန့ၣ်လီၤ.

လံာ်ယိၤဟၣ် 8:29

ဒီးပှၤလၢအမၢလီၤယၤတဂၤန့ၣ်, အိၣ်ဒီးယၤလီၤ. အဝဲတပာ်တ့ၢ်ယၤထဲတဂၤဧိၤဘၣ်. အဂ့ၢ်မ့ၢ်လၢယမၤအတၢ်ဘၣ်အသးထီဘိတထံၣ်ဃီအဃိလီၤ.”

လံာ်ယိၤဟၣ် 8:55

သုတသ့ၣ်ညါတ့ၢ်အီၤနီတစုဘၣ်. မ့မ့ၢ်ယဲဒၣ်ယသ့ၣ်ညါ အီၤလီၤ. ယမ့ၢ်စံးလၢယတသ့ၣ်ညါအီၤဘၣ်ဒီး, ယကကဲထီၣ်ပှၤလီတၢ်ဒ်သုဝဲအသိးလီၤ. ဘၣ်ဆၣ်ယသ့ၣ်ညါ အီၤဒီးယဒိကနၣ်အကလုၢ်ကထါလီၤ.

1 ကရံၣ်သူး 7:19

အဂ့ၢ်ဒ်အံၤ, ပှၤတဂၤဒိးတၢ်ကူးတရံးမ့ၢ်ဂ့ၤ, တဒိးတၢ်ကူးတရံး မ့ၢ်ဂ့ၤ, အခီပညီတအိၣ်တၢ်နီတမံၤဘၣ်. တၢ်လၢအကါဒိၣ်န့ၣ်, မ့ၢ်တၢ်ကစူၢ်ကစၢ်ယွၤအတၢ်မၤလိာ်တဖၣ်လီၤ.

၁ သ့းစၤလနံ 4:1

လၢခံကတၢၢ်န့ၣ်, ယဒီပုၢ်ဝဲၢ်သ့ၣ်ဧၢ, သုမၤလိတ့ၢ်လၢပအိၣ် လၢသုကဘၣ်အိၣ်မူမၤဘၣ်ကစၢ်ယွၤအသးဒ်လဲၣ်အဂ့ၢ်န့ၣ်လီၤ. သုအိၣ်မူတ့ၢ်လံသုဝဲလၢကျဲဒ်အံၤအပူၤန့ၣ်လီၤ. ဒီးခဲကနံၣ်အံၤပဃ့ကညးဒီးသဆၣ်ထီၣ်သုခံသပှၢ်ပှၢ်လၢ ကစၢ်ယ့ၣ်ၡူးအမံၤအပူၤ, လၢသုကအိၣ်မူဂ့ၤန့ၢ်ဒံးအလီၢ်လီၤ.

ဧ့ၤဘြံၤ 7:26

မ့မ့ၢ်ဒ်န့ၣ်ဒီး, ဂ့ၤဝဲဘၣ်ဝဲလၢပကအိၣ်ဒီးပှၤလုၢ်တၢ်အခိၣ်အဒိၣ် ကတၢၢ်ဒ်န့ၣ်အသိးတဂၤလၢအမၤပှဲၤကယဲၢ်ပတၢ်လိၣ်, လၢ အစီဝဲဆှံဝဲ, လၢပှၤပာ်တၢ်ကမၣ်လၢအလိၤအလီၢ်တအိၣ် ဘၣ်, လၢအတဘၣ်အၢဘၣ်သီဘၣ်, လၢအဘၣ်တၢ်ပာ် လီၤဆီအီၤဒီးပှၤတၢ်ဒဲးဘးဖိတဖၣ်အအိၣ်, ဒီးလၢအဘၣ်တၢ်ပာ်ထီၣ်ထီအီၤထီန့ၢ်မူခိၣ်တက့ၢ် န့ၣ်လီၤ.

၂ ပ့းတရူး 2:21

လၢအဝဲသ့ၣ်အဂီၢ်န့ၣ်, မ့ၢ်တသ့ၣ်ညါဘၣ်တ့ၢ်လံတၢ်တီတၢ်လိၤအကျဲနီတဘျီဘၣ်ဒီး ကဂ့ၤဒိၣ်န့ၢ်ဒံးအသ့ၣ်ညါဝဲဝံၤအလီၢ်ခံဃၣ်ဒူချၢကွံာ် အသးလၢတၢ်မၤလိာ်စီဆှံလၢတၢ်ဟ့ၣ်လီၤအဝဲသ့ၣ်, တက့ၢ်န့ၣ်လီၤ.

၁ ယိၤဟၣ် 2:3

ပမ့ၢ်စူၢ်ကစၢ်ယွၤအတၢ်မၤလိာ်တဖၣ်ဒီး, ပသ့ၣ်ညါလီၤတံၢ်လၢပသ့ၣ်ညါအီၤန့ၣ်လီၤ.

၁ ယိၤဟၣ် 2:5

ဘၣ်ဆၣ်ဒီးပှၤတဂၤဂ့ၤတဂၤဂ့ၤလၢအစူၢ်အကလုၢ်န့ၣ်, မ့ၢ်ပှၤလၢ တၢ်အဲၣ်တၢ်ကွံကစၢ်ယွၤလၢထီၣ်ပှဲၤထီၣ်လၢအပူၤနီၢ်နီၢ်လီၤ. ခီဖျိတၢ်အံၤန့ၣ်, ပသ့ၣ်ညါလီၤတံၢ်လၢပအိၣ်မူလၢ ကစၢ်ယွၤအပူၤန့ၣ်လီၤ.

၁ ယိၤဟၣ် 2:6

ပှၤတဂၤဂ့ၤတဂၤဂ့ၤလၢအစံးဝဲလၢအအိၣ်မူလၢယွၤအပူၤန့ၣ်, ကြၢးအိၣ်မူဝဲဒ်ယ့ၣ်ၡူးခရံာ်အိၣ်မူတ့ၢ်ဝဲအသိးန့ၣ်လီၤ.

၁ ယိၤဟၣ် 5:3

အဂ့ၢ်ဒ်လဲၣ်န့ၣ်, ပတၢ်အဲၣ်ကစၢ်ယွၤအခီပညီမ့ၢ်ဝဲပစူၢ် အတၢ်မၤလိာ်တဖၣ်န့ၣ်လီၤ. ဒီးအတၢ်မၤလိာ်တဖၣ်တမ့ၢ်တၢ်ကီတၢ်ခဲကဲၣ်ဆိးလၢပဂီၢ်ဘၣ်.

လံာ်လီၣ်ဖျါ 22:14

ပှၤသ့ၣ်တဖၣ်လၢအသ့စီကွံာ်အဆ့ကၤဖးထီသတးဒီး အိၣ်ဒီးအခွဲးအယာ်လၢအကအီၣ်သ့ၣ်တၢ်မူအသၣ် ဒီးလဲၤခီဂာ်တြဲၤဖးဒိၣ်တဖၣ်ဆူဝ့ၢ်တဖျၢၣ်န့ၣ်အပူၤန့ၣ်, ဘၣ်ဆိၣ်ဂ့ၤဝဲလီၤ.