လံာ်ယိၤဟၣ် 14:9 - Sgaw Karen Common Bible

⁹ ယ့ၣ်ၡူးစံးဆၢတၢ်ဒီးစံးဝဲ, “စီၤဖံလံးပူးဧၢ, ယအိၣ်ဒီးသုယံာ်တ့ၢ်ထဲအံၤညါ, အန့ၣ်ဒၣ်လဲာ်သုတသ့ၣ်ညါ ယၤဘၣ်ဧါ. ပှၤလၢအထံၣ်ယၤန့ၣ်, မ့ၢ်အထံၣ်လံပၢ်န့ၣ်လီၤ. မ့မ့ၢ်ဒ်န့ၣ်ဒီး, ဘၣ်မနုၤအဃိလၢနစံး, ‘ဒုးထံၣ်ပှၤလၢပၢ်န့ၣ်လဲၣ်.’

လံာ်ယိၤဟၣ် 14:9 Iomraidhean Croise

လံာ်တၢ်ကဲထီၣ်အခီၣ်ထံး 26:9

ဒီးစီၤအဘံၤမ့လ့းကိးန့ၢ်စီၤအံၤစဲးဒီးစံးဝဲဒၣ်, “ဒီးပိာ်မုၣ်အံၤမ့ၢ်နမါလီၤမးလဲၣ်. ဘၣ်မနုၤလၢနစံးလၢ အမ့ၢ်နဒီပုၢ်ဝဲၢ်မုၣ်န့ၣ်လဲၣ်.” ဒီးစီၤအံၤစဲးစံးဆၢအီၤ, “ယဆိကမိၣ်လၢယမ့ၢ်စံးလၢအဝဲ မ့ၢ်ယမါန့ၣ်ဒီးယကဘၣ်တၢ်မၤသံယၤအဃိန့ၣ်လီၤ.”

စံးထီၣ်ပတြၢၤ 11:1

ယသန့ၤယသးလၢယွၤလၢတၢ်ပူၤဖျဲးအဂီၢ်န့ၣ်လီၤ. နမ့ၢ်မးပှၤဟးဂီၤဖိဖဲနစံးဘၣ်ယၤ, “ယူၤကွံာ်ဒ်ထိၣ်တဘ့ၣ်အသိးဆူကစၢၢ်န့ၣ်တက့ၢ်.

လံာ်ယံးရမံယၤ 2:23

နတမၤဘၣ်အၢဘၣ်သီတ့ၢ်နသးဘၣ်, ဒီးနတဘူၣ်ထီၣ်ဘါထီၣ်တ့ၢ် ဘဧၤလးနီတစုဘၣ်န့ၣ်နစံးနဲကသ့ဒ်လဲၣ်. နမၤတ့ၢ်တၢ်ဒဲးဘးလၢ တြီၤပူၤဒ်လဲၣ်န့ၣ်, ကွၢ်တက့ၢ်. ကွၢ်တၢ်လၢနမၤတ့ၢ်တဖၣ်န့ၣ်တက့ၢ်. နလီၤဂာ်ဒီးကီၤလၤအူးမိၢ်အမံၤတဒုလၢအသးကတၢထီၣ်, ဃ့ၢ်ထူၣ်ဖျဲးအသး,

လံာ်မၢ်ကူး 9:19

ယ့ၣ်ၡူးစံးဘၣ်အဝဲသ့ၣ်, “သုဝဲပှၤတစိၤလၢအတၢ်နာ်တအိၣ်ဘၣ်တဖၣ်ဧၢ, မ့ၢ်ယကဘၣ်အိၣ်ဒီးသုဆံးယံာ်လဲၣ်. မ့ၢ်ယကဘၣ်ဝံသးစူၤသုဆံးယံာ်လဲၣ်. ဟဲကိးဃီၤဖိသၣ်န့ၣ်ဆူယအိၣ်တက့ၢ်.”

လံာ်လူၤကၣ် 12:56

ပှၤပာ်မၤအသးသ့ၣ်ဧၢ, သုကွၢ်ဟီၣ်ခိၣ်ဒီးမူကပိာ်လိၤ, ဒီးတၢ်ကမၤအသးဒ်လဲၣ်သုသ့ၣ်ညါလီၤ. မ့မ့ၢ်ဒ်န့ၣ်ဒီးဘၣ်မနုၤအဃိသုတနၢ်ပၢၢ်ဆၢကတီၢ်ခဲအံၤအခီပညီလဲၣ်.

လံာ်ယိၤဟၣ် 1:14

တၢ်ကလုၢ်န့ၣ်ကဲထီၣ်ပှၤကညီ, ဒီးလၢပှဲၤဝဲဒီးတၢ်ဘျုးတၢ်ဖှိၣ် ဒီးတၢ်မ့ၢ်တၢ်တီဒီးအိၣ်ဝဲဆိးဝဲလၢပကျါန့ၣ်လီၤ. ဒီးပထံၣ်ဘၣ်အလၤကပီၤလၢအဒိးန့ၢ်ဝဲဒ်ပၢ်အဖိခွါတဂၤဃီ အသိးန့ၣ်လီၤ.

လံာ်ယိၤဟၣ် 10:30

ယပၢ်ဒီးယၤန့ၣ်မ့ၢ်တၢ်တမံၤဃီလီၤ.”

လံာ်ယိၤဟၣ် 12:45

ပှၤလၢအထံၣ်ယၤန့ၣ်, ထံၣ်စ့ၢ်ကီးပှၤလၢအမၢလီၤယၤတဂၤ န့ၣ်လီၤ.

လံာ်ယိၤဟၣ် 14:20

တုၤမုၢ်နံၤအဝဲန့ၣ်ဟဲတုၤဃီၤဒီး, သုကသ့ၣ်ညါလၢယအိၣ် လၢယပၢ်အပူၤ, ဒီးသုအိၣ်လၢယပူၤ, ဒ်ယအိၣ်လၢသုပူၤ အသိးန့ၣ်လီၤ.

လံာ်ယိၤဟၣ် 14:7

ခဲအံၤမ့ၢ်သုသ့ၣ်ညါယၤလံအဃိ, သုကသ့ၣ်ညါယပၢ်စ့ၢ် ကီးလီၤ. စးထီၣ်ခဲအံၤဒီးဆူညါန့ၣ်, သုသ့ၣ်ညါအီၤဒီးသုထံၣ်ဘၣ်အီၤလံန့ၣ်လီၤ.”

လံာ်ယိၤဟၣ် 8:19

အဝဲသ့ၣ်သံကွၢ်အီၤ, “နပၢ်အိၣ်ဖဲလဲၣ်.” ယ့ၣ်ၡူးစံးဆၢတၢ်ဒီးစံးဝဲ, “သုတသ့ၣ်ညါယၤမ့ၢ်ဂ့ၤယပၢ်မ့ၢ်ဂ့ၤန့ၣ်ဘၣ်. သုမ့ၢ်သ့ၣ်ညါယၤန့ၣ် သုကသ့ၣ်ညါယပၢ်စ့ၢ်ကီးလီၤ.”

1 ကရံၣ်သူး 15:12

ခဲကနံၣ်အံၤ, မ့ၢ်လၢပတၢ်ကစီၣ်မ့ၢ်ဝဲခရံာ်ဘၣ်တၢ်ဒုးဂဲၤဆၢထၢၣ်သမူ ထီၣ်က့ၤအီၤလၢတၢ်သံအဃိဒီး, သုဝဲတနီၤသုစံးလၢပှၤသံတဖၣ်တဘၣ်တၢ်ဒုးဂဲၤဆၢထၢၣ် သမူထီၣ်က့ၤအီၤန့ၣ်သ့ဝဲလၢကျဲဒ်လဲၣ်.

ဖံလံးပံၤ 2:6

အဝဲဒၣ်အိၣ်ဒီးကစၢ်ယွၤအက့ၢ်အဂီၤထီဘိ, ဘၣ်ဆၣ်ဒီးတဆိကမိၣ်ဝဲလၢအကြၢးဂုာ်ကျဲးစၢး ဟံးဃာ်တၢ်မ့ၢ်တၢ်ထဲသိးဒီးကစၢ်ယွၤန့ၣ်ဘၣ်.

ကလီးစဲ 1:15

ခရံာ်မ့ၢ်ကစၢ်ယွၤလၢပထံၣ်အီၤတသ့ဘၣ်တဂၤအက့ၢ်အဂီၤလီၤ. အဝဲမ့ၢ်ယွၤအဖိဝဲၢ်ကိလၢအအိၣ်ဆိဒီးအတီၤထီန့ၢ်တၢ်ဘၣ်တ့ အဂုၤအဂၤခဲလၢာ်န့ၣ်လီၤ.

ဧ့ၤဘြံၤ 1:3

အဝဲလီၣ်ဖျါထီၣ်န့ၢ်ပှၤလၢကစၢ်ယွၤအလၤကပီၤဒီးစိာ်မူ ဝဲကစၢ်ယွၤအက့ၢ်အဂီၤအန့ဆၢၣ်လီၤတံၢ်လီၤဆဲးဒီးဟံး ဃာ်ပၢၤဃာ်ဟီၣ်ခိၣ်မူခိၣ်လၢအကလုၢ်အစိအကမီၤလီၤ. တုၤအမၤကဆှီထီၣ်ပှၤလၢပတၢ်ဒဲးဘးလၢအကစၢ် ဒၣ်ဝဲဝံၤဒီး, ဆ့ၣ်နီၤဝဲလၢတၢ်စိဒိၣ်ကမီၤထီကစၢ်ယွၤ အစုထွဲတခီလီၤ.

၁ ယိၤဟၣ် 5:20

ပသ့ၣ်ညါလၢကစၢ်ယွၤအဖိခွါဟဲဝဲဒီးဟ့ၣ်တ့ၢ်လံ ပှၤတၢ်သ့ၣ်ညါနၢ်ပၢၢ်, ဒ်သိးပကသ့ၣ်ညါကစၢ်ယွၤ အမ့ၢ်အတီတဂၤအဂီၢ်န့ၣ်လီၤ. ပအိၣ်မူလၢကစၢ်ယွၤ အမ့ၢ်အတီတဂၤအံၤအပူၤ, လၢအဖိခွါယ့ၣ်ၡူးခရံာ် အပူၤန့ၣ်လီၤ. အအံၤမ့ၢ်ကစၢ်ယွၤနီၢ်နီၢ်, ဒီးအအံၤမ့ၢ် တၢ်မူအထူအယိာ်လီၤ.