လံာ်ယိၤဟၣ် 14:24 - Sgaw Karen Common Bible

²⁴ ပှၤတဂၤလၢ်လၢ်လၢအတအဲၣ်ယၤန့ၣ်, တတိၢ်န့ၢ်ဒီးမၤထွဲ ယကလုၢ်ကထါဘၣ်. ဒီးတၢ်ကတိၤတဖၣ်လၢသုနၢ်ဟူလၢယၤန့ၣ်, တမ့ၢ်ယတၢ်ဒၣ်ယဲဘၣ်. မ့မ့ၢ်ဟဲလၢပၢ်လၢအမၢလီၤယၤတဂၤ အအိၣ်န့ၣ်လီၤ.

လံာ်ယိၤဟၣ် 14:24 Iomraidhean Croise

လံာ်မးသဲ 19:21

ယ့ၣ်ၡူးစံးဘၣ်အီၤ, “နမ့ၢ်သးအိၣ်လၢနကလၢထီၣ်ပှဲၤထီၣ်န့ၣ်, လဲၤဒီးဆါလီၤကွံာ်တၢ်လၢအအိၣ်ဒီးနၤခဲလၢာ်, ဒီးဟ့ၣ်လီၤနကျိၣ်နစ့ဆူပှၤဖှီၣ်ဖိယာ်ဖိတက့ၢ်. တုၤနုၤတစု နကအိၣ်ဒီးတၢ်ထူးတၢ်တီၤလၢမူခိၣ်လီၤ. အန့ၣ်ဝံၤ, ဟဲဒီးကဲဘၣ်ယပျဲၢ်ယဘီၣ်တက့ၢ်.”

လံာ်ယိၤဟၣ် 14:10

စီၤဖံလံးပူးဧၢ, မ့ၢ်နတနာ်လၢယအိၣ်လၢပၢ်အပူၤ ဒီးပၢ်အိၣ်လၢယပူၤန့ၣ်ဘၣ်ဧါ.” ယ့ၣ်ၡူးစံးဘၣ်အပျဲၢ်အဘီၣ် တဖၣ်, “တၢ်ကတိၤလၢယစံးဘၣ်တ့ၢ်သုတဖၣ်န့ၣ်, တမ့ၢ်ယကတိၤအီၤဖဲယသးဒၣ်ယဲဘၣ်. မ့ၢ်ပၢ်လၢအအိၣ်လၢ ယပူၤန့ၣ်, မၤအတၢ်မၤဒၣ်ဝဲန့ၣ်လီၤ.

လံာ်ယိၤဟၣ် 14:15

သုမ့ၢ်အဲၣ်ယၤဒီးသုကတိၢ်န့ၢ်ဒီးမၤထွဲယတၢ်မၤလိာ်တဖၣ် န့ၣ်လီၤ.

လံာ်ယိၤဟၣ် 14:25

ယစံးဘၣ်တဲဘၣ်တ့ၢ်သုတၢ်တဖၣ်အံၤဖဲယအိၣ်ဒံးဒီးသု အဖၢမုၢ်န့ၣ်လီၤ.

လံာ်ယိၤဟၣ် 3:11

ယတဲဘၣ်နၤတီတီလိၤလိၤ, ပကတိၤတၢ်လၢပသ့ၣ်ညါ ဒီး ပပာ်ဖျါတၢ်လၢပထံၣ်, အန့ၣ်ဒၣ်လဲာ် သုဝဲလၢအသးအိၣ်တူၢ်လိာ်ပတၢ်ကစီၣ်တအိၣ်နီတဂၤဘၣ်.

လံာ်ယိၤဟၣ် 3:34

ပှၤလၢယွၤမၢလီၤအီၤတဂၤန့ၣ်, ကတိၤကစၢ်ယွၤအကလုၢ် ကထါတဖၣ်မ့ၢ်လၢကစၢ်ယွၤဟ့ၣ်အီၤကစၢ်ယွၤအသး လၢလၢပှဲၤပှဲၤအဃိလီၤ.

လံာ်ယိၤဟၣ် 5:19

မၤသးဒ်န့ၣ်ဒီး, ယ့ၣ်ၡူးစံးဆၢအဝဲသ့ၣ်, “ယစံးဘၣ်တဲဘၣ်သုတၢ်မ့ၢ်တၢ်တီလီၤ. ဖိခွါမၤဒၣ်အတၢ်တသ့နီတမံၤဘၣ်. မၤဝဲသ့ထဲတၢ်လၢအဝဲထံၣ်အပၢ်မၤဝဲန့ၣ်လီၤ. တၢ်လၢပၢ်မၤတမံၤလၢ်လၢ်န့ၣ်, ဖိခွါမၤစ့ၢ်ကီးဝဲလီၤ.

လံာ်ယိၤဟၣ် 5:38

ဒီးသုတဟံးဃာ်ယွၤအကလုၢ်ကထါလၢသုသးကံၢ်ပူၤဘၣ်. မ့ၢ်လၢသုတနာ်ပှၤလၢပၢ်မၢလီၤအီၤတဂၤန့ၣ်အဃိလီၤ.

လံာ်ယိၤဟၣ် 7:16

ယ့ၣ်ၡူးစံးဆၢတၢ်ဒီးစံးဝဲ, “တၢ်လၢယသိၣ်လိအံၤတမ့ၢ်ယတၢ်သိၣ်လိသီလိဒၣ်ယဲဘၣ်. မ့မ့ၢ် ဟဲလၢကစၢ်ယွၤလၢအမၢလီၤယၤတဂၤအအိၣ်န့ၣ်လီၤ.

လံာ်ယိၤဟၣ် 7:28

ယ့ၣ်ၡူးသိၣ်လိသီလိတၢ်လၢတၢ်လုၢ်ဟံၣ်ပူၤအဖၢမုၢ်ဒီး ကတိၤတၢ်လၢအကလုၢ်ဖးဒိၣ်ဒီးစံးဝဲ, “မ့ၢ်သုသ့ၣ်ညါယၤနီၢ်နီၢ်ဒီးသ့ၣ်ညါယဟဲလၢလဲၣ်န့ၣ်ဧါ. ယတဟဲလၢယတၢ်ဘၣ်ယသးဒၣ်ယဲန့ၣ်ဘၣ်. ပှၤလၢ အမၢလီၤယၤတဂၤန့ၣ် မ့ၢ်ပှၤလၢအမ့ၢ်အတီလီၤ. သုတသ့ၣ်ညါအီၤဘၣ်.

လံာ်ယိၤဟၣ် 8:26

ယကတိၤတၢ်လၢသုဂ့ၢ်ဒီးယစံၣ်ညီၣ်တၢ်လၢသုဂ့ၢ်အလီၢ် အိၣ်အါမးလီၤ. မ့မ့ၢ်ပှၤလၢအမၢလီၤယၤတဂၤမ့ၢ်ပှၤအတီအလိၤ ဒီးယစံးဘၣ်တဲဘၣ်ပှၤဟီၣ်ခိၣ်ဖိထဲဒၣ်တၢ်လၢယနၢ်ဟူဘၣ် တ့ၢ်လၢအအိၣ်လီၤ.”

လံာ်ယိၤဟၣ် 8:28

မၤသးဒ်န့ၣ်ဒီးယ့ၣ်ၡူးစံးဘၣ်အဝဲသ့ၣ်, “တုၤသုယူာ်ထီၣ် ပှၤကညီဖိခွါအံၤဒီး, သုကသ့ၣ်ညါလၢ ‘ယမ့ၢ်တၢ်လၢယမ့ၢ်’ လီၤ. တုၤနုၤတစုသုကသ့ၣ်ညါလၢယတမၤတၢ်လၢယစိ ကမီၤဒၣ်ယဲနီတမံၤဘၣ်. မ့မ့ၢ်တခီ, ယစံးကတိၤထဲတၢ်လၢ ယပၢ်သိၣ်လိယၤလၢယကစံးကတိၤအီၤတဖၣ်ဧိၤန့ၣ်လီၤ.

လံာ်ယိၤဟၣ် 8:38

ယကတိၤတၢ်ဘၣ်ဃးတၢ်လၢယပၢ်ဒုးနဲၣ်တ့ၢ်ယၤ, မ့မ့ၢ်သုမၤတၢ်လၢသုပၢ်စံးဘၣ်တ့ၢ်သုန့ၣ်လီၤ.”

လံာ်ယိၤဟၣ် 8:42

ယ့ၣ်ၡူးစံးဘၣ်အဝဲသ့ၣ်, “ကစၢ်ယွၤမ့မ့ၢ်သုပၢ်နီၢ်နီၢ်ဒီးသု ကအဲၣ်ယၤလီၤ. အဂ့ၢ်မ့ၢ်လၢယဟဲလၢကစၢ်ယွၤအအိၣ်ဒီး ခဲအံၤယအိၣ်ဖဲအံၤလီၤ. ယတဟဲဖဲယသးဒၣ်ယဲဘၣ်. မ့မ့ၢ်အဝဲမၢလီၤယၤလီၤ.