လံာ်ယိၤဟၣ် 14:21 - Sgaw Karen Common Bible

²¹ ပှၤတဂၤလၢ်လၢ်လၢအတူၢ်လိာ်ယတၢ်မၤလိာ်တဖၣ် ဒီးတိၢ်န့ၢ်ဒီးမၤထွဲဝဲန့ၣ်, မ့ၢ်ပှၤတဂၤလၢအအဲၣ်ယၤလီၤ. ယပၢ်ကအဲၣ်ပှၤတဂၤလၢ်လၢ်လၢအအဲၣ်ယၤ, ဒီးယဲဒၣ်စ့ၢ်ကီး ယကအဲၣ်အီၤဒီးလီၣ်ဖျါထီၣ်ယသးလၢအီၤလီၤ.”

လံာ်ယိၤဟၣ် 14:21 Iomraidhean Croise

လံာ်စီၤပၤခံဘ့ၣ်တဘ့ၣ် 18:6

အဝဲအသးတီဒီးယွၤဒီးစူၢ်အီၤထီဘိ, ဒီးတိၢ်န့ၢ်ဖံးဃာ် ကယဲၢ်တၢ်မၤလိာ်တဖၣ်ခဲလၢာ်လီၤတံၢ်လီၤဆဲး, လၢယွၤဟ့ၣ်လီၤတ့ၢ်စီၤမိၤၡ့န့ၣ်လီၤ.

စံးထီၣ်ပတြၢၤ 35:27

မ်ပှၤလၢအဆၢထံၣ်ဘၣ်ယၤလၢ တၢ်ပာ်တၢ်ကမၣ်အလီၢ်တအိၣ်ဘၣ်န့ၣ် ကိးထီၣ်လၢတၢ်သးခုအဂီၢ်ဒီးစံးထီဘိ, “ယွၤန့ၣ်ဒိၣ်ဝဲလီၤ.” အဝဲဘၣ်သူၣ်ဘၣ်သးလၢ အခ့အပှၤအတၢ်ကဲထီၣ်လိၣ်ထီၣ်န့ၣ်လီၤ.

လံာ်တၢ်ဟးထီၣ်ကွံာ် 33:18

အန့ၣ်ဒီးစီၤမိၤၡ့ဃ့ကညးဝဲ, “ဝံသးစူၤပျဲယထံၣ်ဘၣ်နတၢ် အိၣ်ဝဲဆိးဝဲအတၢ်ကပီၤကပြုၢ်ကပြီၤတက့ၢ်.”

တၢ်ကတိၤဒိ. 8:17

ယအဲၣ်ပှၤတဖၣ်လၢအအဲၣ်ယၤဒီးပှၤလၢအဃုယၤန့ၣ်, ကထံၣ်န့ၢ်ယၤလီၤ.

လံာ်ယံးရမံယၤ 31:31

ယွၤစံးဝဲဒၣ်, “တၢ်ဆၢကတီၢ်ဟဲလံဝဲလၢ ယကမၤတၢ်အၢၣ်လီၤ အီလီၤအသီဒီး ကီၢ်အံၣ်စရ့လးအပှၤဂီၢ်မုၢ်, ဒီးကီၢ်ယူဒၤအပှၤဂီၢ်မုၢ်န့ၣ်လီၤ.

လံာ်စဖါနယၤ 3:17

ယွၤ, နကစၢ်ယွၤန့ၣ်အိၣ်ဒီးနၤလီၤ. အစိအကမီၤဟ့ၣ်နၤတၢ်မၤနၢၤလီၤ. ယွၤကသးခုလၢနဃိ ဒီးလၢအတၢ်အဲၣ်အဝဲကဟ့ၣ်နၤတၢ်အိၣ်မူအသီလီၤ. အဝဲကသးဝံၣ်တၢ်ဒီးသူၣ်ဖှံနသးညီလၢနဃိ,

လံာ်လူၤကၣ် 11:28

ဘၣ်ဆၣ်ဒီးယ့ၣ်ၡူးစံးဆၢဝဲ, “ပှၤလၢအဘၣ်ဆိၣ်ဂ့ၤဝဲတဖၣ်န့ၣ်, အနီၢ်နီၢ်, မ့ၢ်ပှၤလၢအနၢ်ဟူကစၢ်ယွၤအကလုၢ်ကထါဒီးစူၢ်ဝဲန့ၣ်လီၤ.”

လံာ်ယိၤဟၣ် 14:15

သုမ့ၢ်အဲၣ်ယၤဒီးသုကတိၢ်န့ၢ်ဒီးမၤထွဲယတၢ်မၤလိာ်တဖၣ် န့ၣ်လီၤ.

လံာ်ယိၤဟၣ် 14:18

ယတပာ်လီၤတဲာ်သုထဲသုကစၢ်ဒၣ်သုဝဲဘၣ်. ယကဟဲက့ၤကဒါက့ၤဆူသုအိၣ်န့ၣ်လီၤ.

လံာ်ယိၤဟၣ် 15:14

ဒီးသုမ့ၢ်မၤတၢ်လၢယမၤလိာ်သုဒီး, သုမ့ၢ်ယတံၤယသကိး တဖၣ်န့ၣ်လီၤ.

လံာ်ယိၤဟၣ် 16:14

အဝဲကဟ့ၣ်ယၤတၢ်လၤကပီၤ, မ့ၢ်လၢအဝဲကဟံးန့ၢ်တၢ်လၢယအိၣ် ဒီးကစံးဘၣ်တဲဘၣ်သုအဃိန့ၣ်လီၤ.

လံာ်ယိၤဟၣ် 16:27

အဂ့ၢ်ဒ်လဲၣ်န့ၣ်, ပၢ်အကစၢ်ဒၣ်ဝဲအဲၣ်သုလီၤ. အဝဲဒၣ်အဲၣ် သုမ့ၢ်လၢသုအဲၣ်ယၤဒီးနာ်တ့ၢ်လၢယဟဲလၢပၢ်ကစၢ်ယွၤ အအိၣ်အဃိန့ၣ်လီၤ.

လံာ်ယိၤဟၣ် 17:23

ယအိၣ်လၢအဝဲသ့ၣ်အပူၤဒီးနအိၣ်လၢယပူၤ, ဒ်သိးအဝဲသ့ၣ်ကမ့ၢ်တၢ်တမံၤဃီလၢလၢပှဲၤပှဲၤ, ဒီးဒ်သိး ဟီၣ်ခိၣ်ကသ့ၣ်ညါလၢနမၢလီၤယၤဒီးနအဲၣ်အဝဲသ့ၣ်ဒ် နအဲၣ်ယၤအသိးန့ၣ်လီၤ.

မၤတၢ် 22:18

လၢတၢ်ထံၣ်လၢညါခီဝဲအံၤအပူၤန့ၣ်ယထံၣ်ဘၣ်ကစၢ်ဒီး အဝဲဒၣ်စံးဘၣ်ယၤ, ‘မၤချ့ချ့ဒီးဟးထီၣ်ကွံာ်တဘျီဃီလၢယရူၤၡလ့ၣ်အပူၤ တက့ၢ်. အဂ့ၢ်ဒ်အံၤ, ပှၤဂီၢ်မုၢ်ဖဲအံၤတဖၣ်တတူၢ်လိာ်နတၢ်အုၣ်နသးလၢယဂ့ၢ်ဘၣ်.’

၂ ကရံၣ်သူး 12:8

လၢသၢဘျီအတီၢ်ပူၤယဃ့ဘါထုကဖၣ်ကစၢ်လၢတၢ်တမံၤအံၤ အဂ့ၢ်ဒီးဃ့အီၤဒ်သိးအကထုးကွံာ်အီၤလီၤ.

၂ ကရံၣ်သူး 3:18

လၢတၢ်န့ၣ်အဃိ, ပဝဲကိးဒံကိးနီၢ်ဂၤဒဲးပမၤဖျါထီၣ်က့ၤကစၢ် အလၤကပီၤ, တအိၣ်ဒီးတၢ်မၤဘၢပမဲာ်ဘၣ်. ဒီးတၢ်လၤကပီၤ တမံၤဃီအဝဲန့ၣ်, ပျိာ်လဲလိာ်ကွံာ်ပှၤဆူတၢ်လီၤဂာ်ဒီးအီၤ, လၢအအိၣ်ဒီးတၢ်လၤကပီၤဒိၣ်ဒံးတက့ၢ်န့ၣ်လီၤ.

၂ ကရံၣ်သူး 4:6

ကစၢ်ယွၤလၢအစံးဝဲ, “လၢတၢ်ခံးတၢ်နၤအပူၤန့ၣ်, တၢ်ကပီၤ ကကပီၤထီၣ်ဝဲ” န့ၣ်မ့ၢ်ကစၢ်ယွၤတဂၤဃီလၢအဒုးကပီၤလီၤအတၢ်ကပီၤလၢပသူၣ် ပသးတဖၣ်အပူၤ, ဒ်သိးအကဟဲစိာ်န့ၢ်ပှၤတၢ်သ့ၣ်ညါဘၣ်ဃး ဒီးယွၤအလၤကပီၤလၢအကပီၤထီၣ်လၢခရံာ်အမဲာ်အလိၤန့ၣ်လီၤ.

လံာ်သိၣ်လီၤသီလီၤတၢ် 11:13

ဒီးလၢတၢ်န့ၣ်အဃိ, စူၢ်တၢ်မၤလိာ်တဖၣ်လၢယဟ့ၣ်လီၤသုတနံၤအံၤတက့ၢ်. အဲၣ်ယွၤ, သုကစၢ်ယွၤဒီးမၤအတၢ်လၢသုသးဒီဖျၢၣ်ညါတက့ၢ်.

လံာ်သိၣ်လီၤသီလီၤတၢ် 7:13

အဝဲဒၣ်ကအဲၣ်သုဒီးဆိၣ်ဂ့ၤသုဒ်သိးသုကအါထီၣ်လၢနီၣ်ဂံၢ်ဒီး အိၣ်ဒီးဖိတဖၣ်အါအါဂီၢ်ဂီၢ်န့ၣ်လီၤ. အဝဲကဆိၣ်ဂ့ၤသုစံာ်ဧိၤပျီဧိၤတဖၣ်, ဒ်သိးသုကအိၣ်ဒီးဘုဧိၤဟုဧိၤ, စပံးထံ, ဒီးသ့ၣ်စၤယံးအသိန့ၣ်လီၤ. ဒီးအဝဲဒၣ်ကဆိၣ်ဂ့ၤသုခီဖျိတၢ်ဟ့ၣ်လီၤသုလၢဂီၤဘုၣ်ဂီၤ ဖံးဒီးသိအါအါကလဲာ်န့ၣ်လီၤ. အဝဲကဟ့ၣ်လီၤသုလၢကယဲၢ်တၢ်ဆိၣ်ဂ့ၤခဲလၢာ်အံၤ, လၢကီၢ်တဘ့ၣ်အပူၤလၢအဝဲအၢၣ်လီၤတ့ၢ်သုမိၢ်ပၢ်ဖံဖု လၢပျၢၤန့ၣ်, လၢအဝဲကဟ့ၣ်လီၤသုန့ၣ်လီၤ.

၂ သ့းစၤလနံ 2:16

မ်ပကစၢ်ယ့ၣ်ၡူးခရံာ်အနီၢ်ကစၢ်ဒၣ်ဝဲ, ဒီးပပၢ်ကစၢ် ယွၤ, လၢအအဲၣ်ပှၤဒီးလၢအဘျုးအဖှိၣ်အဃိဟ့ၣ်ပှၤတၢ်သးဒူလၢ အအိၣ်စံာ်အိၣ်ကျၢၤဒီးတၢ်မုၢ်လၢ်အဂၢၢ်အကျၢၤတဂၤန့ၣ်,

၂ တံၤမသ့း 4:22

မ်ကစၢ်အိၣ်ဒီးနသးတက့ၢ်. မ်ယွၤအဘျုးအဖှိၣ်အိၣ်ဒီးသုခဲလၢာ်တက့ၢ်.

၁ ယိၤဟၣ် 2:5

ဘၣ်ဆၣ်ဒီးပှၤတဂၤဂ့ၤတဂၤဂ့ၤလၢအစူၢ်အကလုၢ်န့ၣ်, မ့ၢ်ပှၤလၢ တၢ်အဲၣ်တၢ်ကွံကစၢ်ယွၤလၢထီၣ်ပှဲၤထီၣ်လၢအပူၤနီၢ်နီၢ်လီၤ. ခီဖျိတၢ်အံၤန့ၣ်, ပသ့ၣ်ညါလီၤတံၢ်လၢပအိၣ်မူလၢ ကစၢ်ယွၤအပူၤန့ၣ်လီၤ.

၁ ယိၤဟၣ် 3:1

ပၢ်ကစၢ်အဲၣ်တ့ၢ်ပှၤထဲထဲလဲၣ်န့ၣ်, ကွၢ်တက့ၢ်. အတၢ်အဲၣ်အံၤဒိၣ်ဝဲတုၤဒၣ်လဲာ်ပဘၣ်တၢ်ကိးပှၤလၢ ကစၢ်ယွၤအဖိတဖၣ်ဒီးပမ့ၢ်တၢ်အဝဲန့ၣ်န့ၣ်လီၤ. လၢတၢ်အံၤအဃိ, ဟီၣ်ခိၣ်တသ့ၣ်ညါပှၤဘၣ်, အဂ့ၢ်မ့ၢ်လၢတသ့ၣ်ညါကစၢ်ယွၤအဃိလီၤ.

၁ ယိၤဟၣ် 5:3

အဂ့ၢ်ဒ်လဲၣ်န့ၣ်, ပတၢ်အဲၣ်ကစၢ်ယွၤအခီပညီမ့ၢ်ဝဲပစူၢ် အတၢ်မၤလိာ်တဖၣ်န့ၣ်လီၤ. ဒီးအတၢ်မၤလိာ်တဖၣ်တမ့ၢ်တၢ်ကီတၢ်ခဲကဲၣ်ဆိးလၢပဂီၢ်ဘၣ်.

၂ ယိၤဟၣ် 1:6

ဒီးတၢ်အဲၣ်အံၤအခီပညီမ့ၢ်ဝဲ, ပကအိၣ်မူလၢတၢ်စူၢ်ကစၢ်ယွၤအတၢ်မၤလိာ်တဖၣ်အပူၤ န့ၣ်လီၤ. တၢ်မၤလိာ်, ဒ်သုဝဲခဲလၢာ်သုနၢ်ဟူတ့ၢ်လၢ တၢ်အခီၣ်ထံးလံၤလံၤမ့ၢ်အအံၤ, သုဝဲခဲလၢာ်သုကဘၣ်အိၣ်မူလၢတၢ်အဲၣ်တၢ်ကွံအပူၤ န့ၣ်လီၤ.

လံာ်လီၣ်ဖျါ 2:17

မၤသးဒ်န့ၣ်ဒီး, နနၢ်မ့ၢ်အိၣ်ကစီဒီန့ၣ်, ဒိကနၣ်တၢ်လၢယွၤအသးစံးဘၣ်တၢ်အိၣ်ဖှိၣ်တဖၣ်န့ၣ် တက့ၢ်. ဆူပှၤလၢအဒိးန့ၢ်ဘၣ်တၢ်မၤနၢၤတဖၣ်န့ၣ်, ယကဟ့ၣ်လီၤအီၤကိၣ်မၤနၤခူသူၣ်တနီၤလီၤ. ယကဟ့ၣ်စ့ၢ်ကီးအဝဲသ့ၣ်တဂၤဘၣ်တဂၤလၢလၢၢ်ဝါ တဖျၢၣ်လၢမံၤသီတဖျၢၣ်အိၣ်ကွဲးအသးလၢအလိၤ, မံၤသီတဖျၢၣ်လၢပှၤတသ့ၣ်ညါဝဲနီတဂၤ, သ့ၣ်ညါထဲပှၤတဂၤလၢအဒိးန့ၢ်ဘၣ်အီၤန့ၣ်လီၤ.”

လံာ်လီၣ်ဖျါ 22:14

ပှၤသ့ၣ်တဖၣ်လၢအသ့စီကွံာ်အဆ့ကၤဖးထီသတးဒီး အိၣ်ဒီးအခွဲးအယာ်လၢအကအီၣ်သ့ၣ်တၢ်မူအသၣ် ဒီးလဲၤခီဂာ်တြဲၤဖးဒိၣ်တဖၣ်ဆူဝ့ၢ်တဖျၢၣ်န့ၣ်အပူၤန့ၣ်, ဘၣ်ဆိၣ်ဂ့ၤဝဲလီၤ.

လံာ်လီၣ်ဖျါ 3:20

ဒိကနၣ်တက့ၢ်. ယအိၣ်ဆၢထၢၣ်ယဲဖဲတြဲၤအခီၣ်ထံးဒီးဒိ တကျိာ်တၢ်လီၤ. ပှၤတဂၤဂၤမ့ၢ်နၢ်ဟူယကလုၢ်ဒီးအိးထီၣ်တြဲၤန့ၣ်, ယကဟဲနုာ်လီၤလၢအဟံၣ်ပူၤဒီးအီၣ်တၢ်အီတၢ်ဒီးအီၤဒီး အဝဲဒၣ်ကအီၣ်တၢ်အီတၢ်ဒီးယၤလီၤ.