လံာ်ယိၤဟၣ် 14:18 - Sgaw Karen Common Bible

¹⁸ ယတပာ်လီၤတဲာ်သုထဲသုကစၢ်ဒၣ်သုဝဲဘၣ်. ယကဟဲက့ၤကဒါက့ၤဆူသုအိၣ်န့ၣ်လီၤ.

လံာ်ယိၤဟၣ် 14:18 Iomraidhean Croise

စံးထီၣ်ပတြၢၤ 101:2

ယကပလီၢ်ယသးလၢညါ လၢတၢ်အိၣ်မူလၢ တၢ်ပာ်တၢ်ကမၣ် လၢအလိၤအလီၢ်တအိၣ်ဘၣ်အပူၤန့ၣ်လီး. နကဟဲဆူယအိၣ်အကတီၢ်ဖဲလဲၣ်. လၢယဟံၣ်ပူၤန့ၣ်, ယကအိၣ်မူလၢ တၢ်သးကဆှီအပူၤ,

စံးထီၣ်ပတြၢၤ 23:4

တုၤယလဲၤလၢတၢ်သံအကဒု အကစၢၢ်ကဆူးပူၤဒၣ်လဲာ်န့ၣ်, ယတပျံၤဘၣ်တၢ်အၢဘၣ်. အဂ့ၢ်ဒ်အံၤ, နအိၣ်ဒီးယၤလီၤ. နနီၣ်ထိးဘိဒီးနနီၣ်ထိးတဘိန့ၣ် မၤမုာ်ထီၣ်က့ၤယၤလီၤ.

လံာ်ယၡါယၤ 43:1

ကီၢ်အံၣ်စရ့လးဧၢ, ယွၤလၢအတ့လီၤပာ်လီၤတ့ၢ်နၤစံးဝဲ, “ပျံၤတၢ်တဂ့ၤ. ယကအုၣ်က့ၤခီၣ်က့ၤနၤလီၤ. ယကိးတ့ၢ်နၤလၢနမံၤ, နမ့ၢ်ယတၢ်လီၤ.

လံာ်ယၡါယၤ 51:12

ယွၤစံးဝဲ, “ယမ့ၢ်ပှၤတဂၤလၢအဟ့ၣ်ဆူၣ်ထီၣ်သုဂံၢ်သုဘါလီၤ. ဘၣ်မနုၤအဃိသုဘၣ်ပျံၤဘၣ်ဖုးပှၤကညီလၢ အသံသ့အံၤ, လၢအအိၣ်ဂၢၢ်ဆိးကျၢၤသ့ယံာ်ထဲသိးဒၣ် နီၣ်ဧိၤမံၤဧိၤအံၤန့ၣ်လဲၣ်.

လံာ်သးသယုၢ်တၢ် 5:3

ပပၢ်တဖၣ်ဘၣ်တၢ်မၤသံတ့ၢ်အီၤလၢဒုၣ်ဒါန့ၣ်လီၤ. ဒီးခဲအံၤပမိၢ်တဖၣ်မ့ၢ်မုၣ်ကမဲတဖၣ်လီၤ.

လံာ်ဟိၤၡ့ 14:3

ကီၢ်အၤၡူၢ်အုၣ်က့ၤခီၣ်က့ၤပှၤတသ့နီတစုဘၣ်. ဒီးတၢ်ဒုးအကသ့ၣ်တဖၣ်ကဟုကယာ်အိၣ်ပှိၤပှၤတသ့ဘၣ်. ပတတဲလၢၤပတၢ်ဂီၤတဖၣ်လၢသုမ့ၢ်ပကစၢ်ယွၤန့ၣ်လၢၤဘၣ်. အိ, ယွၤဧၢ, ဒုးနဲၣ်ဖျါထီၣ်နတၢ်သးကညီၤဆူပှၤတဖၣ်လၢတအိၣ်ဘၣ် ဒီးပှၤအဂၤနီတဂၤလၢအကဃၣ်ဝဲအသးဆူအအိၣ်န့ၣ်တက့ၢ်.

လံာ်ဟိၤၡ့ 6:3

မ်ပကဂုာ်ကျဲးစၢးသ့ၣ်ညါသကိးယွၤန့ၣ်တက့ၢ်. အဝဲကဟဲဆူပအိၣ်သပှၢ်ကတၢၢ်ဒ်မုၢ်ဟဲထီၣ်သီတဖၣ်အသိး, သပှၢ်ကတၢၢ်ဒ်တၢ်ယီၤထီၣ်သီအမူခိၣ်ထံမၤဘၣ်စီၣ်ဟီၣ်ခိၣ် အသိးန့ၣ်လီၤ.

လံာ်မးသဲ 18:20

အဂ့ၢ်ဒ်အံၤ, ဖဲပှၤခံဂၤမ့ၢ်ဂ့ၤ, သၢဂၤမ့ၢ်ဂ့ၤပာ်ဖှိၣ်ထီၣ်အသးလၢ ယမံၤအပူၤန့ၣ်, ယအိၣ်လၢအဝဲသ့ၣ်အသိးအကျါလီၤ.”

လံာ်မးသဲ 28:20

ဒီးသိၣ်လိသီလိအဝဲသ့ၣ်လၢအကတိၢ်န့ၢ်ဒီး မၤထွဲတၢ်လၢယမၤလိာ်တ့ၢ်သုကိးမံၤဒဲးန့ၣ်တက့ၢ်. ဒီးယကအိၣ်ဒီးသုထီဘိ တုၤတၢ်အစိၤကတၢၢ်တစုန့ၣ်လီၤ.”

လံာ်ယိၤဟၣ် 14:16

ယကဃ့တၢ်လၢပၢ်အအိၣ်ဒီးအဝဲဒၣ်ကဟ့ၣ်လီၤသုပှၤမၤစၢၤတၢ် အဂၤတဂၤလၢအကအိၣ်ဒီးသုတဘိယူၢ်ဃီလီၤ.

လံာ်ယိၤဟၣ် 14:3

ယကလဲၤကတဲာ်ကတီၤတၢ်လီၢ်လၢသုဂီၢ်ဝံၤအလီၢ်ခံ, ယကဟဲက့ၤကဒါက့ၤဒီးက့ၤကိးသုဆူယအိၣ်, ဒ်သိးဖဲယအိၣ်အလီၢ်န့ၣ်သုကအိၣ်စ့ၢ်ကီးသုဝဲအဂီၢ်န့ၣ်လီၤ.

လံာ်ယိၤဟၣ် 16:16

တစိၢ်ဖိဒီး, သုတထံၣ်ဘၣ်လၢၤယၤဘၣ်. ဒီးမၤကဒီးလၢခံတစိၢ်ဖိဒီး သုကထံၣ်ဘၣ်ယၤလီၤ.”

လံာ်ယိၤဟၣ် 16:33

ယစံးဘၣ်တ့ၢ်သုတၢ်အံၤဒ်သိးသုကအိၣ်ဒီးတၢ်ဃူတၢ်ဖိးလၢ ယပူၤအဂီၢ်လီၤ. ဟီၣ်ခိၣ်ကမၤနးမၤဖှီၣ်သုလီၤ. ဘၣ်ဆၣ်ဒီး, ပာ်သုသးဒူဒူတက့ၢ်. ယမၤနၢၤလံဟီၣ်ခိၣ်လံ.

၂ သ့းစၤလနံ 2:16

မ်ပကစၢ်ယ့ၣ်ၡူးခရံာ်အနီၢ်ကစၢ်ဒၣ်ဝဲ, ဒီးပပၢ်ကစၢ် ယွၤ, လၢအအဲၣ်ပှၤဒီးလၢအဘျုးအဖှိၣ်အဃိဟ့ၣ်ပှၤတၢ်သးဒူလၢ အအိၣ်စံာ်အိၣ်ကျၢၤဒီးတၢ်မုၢ်လၢ်အဂၢၢ်အကျၢၤတဂၤန့ၣ်,

ဧ့ၤဘြံၤ 2:18

အဂ့ၢ်ဒ်အံၤ, ဒ်အဝဲအနီၢ်ကစၢ်ဒၣ်ဝဲတူၢ်ဘၣ်တၢ်ဒီးဘၣ်တၢ်လ့ ပစီတ့ၢ်လံအီၤအသိးန့ၣ်, မၤစၢၤပှၤလၢအဘၣ်တၢ်လ့ပစီ အီၤတဖၣ်သ့ဝဲလီၤ.