လံာ်ယိၤဟၣ် 14:15 - Sgaw Karen Common Bible

¹⁵ သုမ့ၢ်အဲၣ်ယၤဒီးသုကတိၢ်န့ၢ်ဒီးမၤထွဲယတၢ်မၤလိာ်တဖၣ် န့ၣ်လီၤ.

လံာ်ယိၤဟၣ် 14:15 Iomraidhean Croise

လံာ်စီၤပၤခံဘ့ၣ်တဘ့ၣ် 18:6

အဝဲအသးတီဒီးယွၤဒီးစူၢ်အီၤထီဘိ, ဒီးတိၢ်န့ၢ်ဖံးဃာ် ကယဲၢ်တၢ်မၤလိာ်တဖၣ်ခဲလၢာ်လီၤတံၢ်လီၤဆဲး, လၢယွၤဟ့ၣ်လီၤတ့ၢ်စီၤမိၤၡ့န့ၣ်လီၤ.

လံာ်မးသဲ 10:37

ပှၤတဂၤလၢ်လၢ်လၢအအဲၣ်အမိၢ်မ့တမ့ၢ်အပၢ်အါန့ၢ်အအဲၣ်ယၤန့ၣ်, တကြၢးဘၣ်ဒီးယၤဘၣ်. ဒီးပှၤလၢအအဲၣ်အဖိခွါမ့တမ့ၢ်အဖိမုၣ်အါန့ၢ်အအဲၣ်ယၤန့ၣ်, တကြၢးဘၣ်ဒီးယၤဘၣ်.

လံာ်ယိၤဟၣ် 8:42

ယ့ၣ်ၡူးစံးဘၣ်အဝဲသ့ၣ်, “ကစၢ်ယွၤမ့မ့ၢ်သုပၢ်နီၢ်နီၢ်ဒီးသု ကအဲၣ်ယၤလီၤ. အဂ့ၢ်မ့ၢ်လၢယဟဲလၢကစၢ်ယွၤအအိၣ်ဒီး ခဲအံၤယအိၣ်ဖဲအံၤလီၤ. ယတဟဲဖဲယသးဒၣ်ယဲဘၣ်. မ့မ့ၢ်အဝဲမၢလီၤယၤလီၤ.

1 ကရံၣ်သူး 16:22

ပှၤတဂၤလၢ်လၢ်လၢအတအဲၣ်ကစၢ်န့ၣ်, မ်အဘၣ်ဆိၣ်အၢတက့ၢ်. မၤရၤနၤသၤ - ပကစၢ်ဧၢ, ဟဲတက့ၢ်.

ကလၤတံ 5:6

အဂ့ၢ်ဒ်အံၤ, ဖဲပမ့ၢ်တၢ်တမံၤဃီဒီးယ့ၣ်ၡူးခရံာ်န့ၣ်, တၢ်ကူး တရံးမ့ၢ်ဂ့ၤ, တၢ်တဒိးတၢ်ကူးတရံးမ့ၢ်ဂ့ၤ, တမ့ၢ်တၢ်အလီၤ ဆီဘၣ်. မ့မ့ၢ်တၢ်အကါဒိၣ်တခီမ့ၢ်ဝဲတၢ်စူၢ်တၢ်နာ်လၢ အမၤတၢ်ခီဖျိတၢ်အဲၣ်တၢ်ကွံန့ၣ်လီၤ.

အ့းဖ့းစူး 6:24

မ်ယွၤအဘျုးအဖှိၣ်အိၣ်ဒီးပှၤလၢအအဲၣ်ပကစၢ်ယ့ၣ်ၡူးခရံာ် လၢတၢ်အဲၣ်အထူအယိာ်ခဲလၢာ်န့ၣ်တက့ၢ်.

၁ ပ့းတရူး 1:8

သုတထံၣ်ဘၣ်ဒံးအီၤသနာ်က့သုအဲၣ်အီၤ, ဒီးသုတထံၣ်အီၤခဲအံၤသနာ်က့သုနာ်အီၤ န့ၣ်လီၤ. လၢတၢ်န့ၣ်အဃိ, သုသူၣ်ခုသးခုလၢတၢ်သးခုဖးဒိၣ်ဒီးတၢ်သးခုလၢ အပှဲၤဒီးတၢ်လၤကပီၤလၢပစံးကတိၤလၢအဂ့ၢ်တသ့ဘၣ်.

၂ ယိၤဟၣ် 1:6

ဒီးတၢ်အဲၣ်အံၤအခီပညီမ့ၢ်ဝဲ, ပကအိၣ်မူလၢတၢ်စူၢ်ကစၢ်ယွၤအတၢ်မၤလိာ်တဖၣ်အပူၤ န့ၣ်လီၤ. တၢ်မၤလိာ်, ဒ်သုဝဲခဲလၢာ်သုနၢ်ဟူတ့ၢ်လၢ တၢ်အခီၣ်ထံးလံၤလံၤမ့ၢ်အအံၤ, သုဝဲခဲလၢာ်သုကဘၣ်အိၣ်မူလၢတၢ်အဲၣ်တၢ်ကွံအပူၤ န့ၣ်လီၤ.