လံာ်ယိၤဟၣ် 14:10 - Sgaw Karen Common Bible

¹⁰ စီၤဖံလံးပူးဧၢ, မ့ၢ်နတနာ်လၢယအိၣ်လၢပၢ်အပူၤ ဒီးပၢ်အိၣ်လၢယပူၤန့ၣ်ဘၣ်ဧါ.” ယ့ၣ်ၡူးစံးဘၣ်အပျဲၢ်အဘီၣ် တဖၣ်, “တၢ်ကတိၤလၢယစံးဘၣ်တ့ၢ်သုတဖၣ်န့ၣ်, တမ့ၢ်ယကတိၤအီၤဖဲယသးဒၣ်ယဲဘၣ်. မ့ၢ်ပၢ်လၢအအိၣ်လၢ ယပူၤန့ၣ်, မၤအတၢ်မၤဒၣ်ဝဲန့ၣ်လီၤ.

လံာ်ယိၤဟၣ် 14:10 Iomraidhean Croise

လံာ်ယိၤဟၣ် 10:30

ယပၢ်ဒီးယၤန့ၣ်မ့ၢ်တၢ်တမံၤဃီလီၤ.”

လံာ်ယိၤဟၣ် 10:38

ဘၣ်ဆၣ်ယမ့ၢ်မၤအီၤဒီး, သုမ့ၢ်တနာ်ယၤဒၣ်လဲာ်, နာ်တၢ်လၢယမၤတဖၣ်ဒ်သိးသုကသ့ၣ်ညါဒီးနၢ်ပၢၢ်လီၤတံၢ်လၢ ပၢ်အိၣ်လၢယပူၤဒီးယအိၣ်လၢပၢ်အပူၤန့ၣ်တက့ၢ်.”

လံာ်ယိၤဟၣ် 11:26

ဒီးပှၤတဂၤလၢ်လၢ်လၢအမူဝဲဒီးစူၢ်က့ၤနာ်က့ၤယၤန့ၣ်, တသံနီတဘျီလၢၤဘၣ်. နနာ်တၢ်အံၤစ့ၢ်ကီးဧါ.”

လံာ်ယိၤဟၣ် 12:49

အဝဲအံၤမ့ၢ်တၢ်မ့ၢ်တၢ်တီလီၤ. အဂ့ၢ်ဒ်လဲၣ်န့ၣ်, ယတကတိၤတၢ်ဖဲယသးဒၣ်ယဲန့ၣ်ဘၣ်. ပၢ်လၢအမၢလီၤယၤတဂၤမၤလိာ်တ့ၢ်ယၤတၢ်လၢ ယကဘၣ်စံးဒီးကတိၤတဖၣ်န့ၣ်လီၤ.

လံာ်ယိၤဟၣ် 14:11

ဖဲယစံးလၢယအိၣ်လၢပၢ်အပူၤဒီး ပၢ်အိၣ်လၢယပူၤန့ၣ်, နာ်ယၤတက့ၢ်. မ့တမ့ၢ်ဘၣ်ဒီး, နာ်ယၤလၢယတၢ်မၤတဖၣ် အဃိန့ၣ်တက့ၢ်.

လံာ်ယိၤဟၣ် 14:20

တုၤမုၢ်နံၤအဝဲန့ၣ်ဟဲတုၤဃီၤဒီး, သုကသ့ၣ်ညါလၢယအိၣ် လၢယပၢ်အပူၤ, ဒီးသုအိၣ်လၢယပူၤ, ဒ်ယအိၣ်လၢသုပူၤ အသိးန့ၣ်လီၤ.

လံာ်ယိၤဟၣ် 14:24

ပှၤတဂၤလၢ်လၢ်လၢအတအဲၣ်ယၤန့ၣ်, တတိၢ်န့ၢ်ဒီးမၤထွဲ ယကလုၢ်ကထါဘၣ်. ဒီးတၢ်ကတိၤတဖၣ်လၢသုနၢ်ဟူလၢယၤန့ၣ်, တမ့ၢ်ယတၢ်ဒၣ်ယဲဘၣ်. မ့မ့ၢ်ဟဲလၢပၢ်လၢအမၢလီၤယၤတဂၤ အအိၣ်န့ၣ်လီၤ.

လံာ်ယိၤဟၣ် 17:8

အဂ့ၢ်ဒ်လဲၣ်န့ၣ်, ယဟ့ၣ်အဝဲသ့ၣ်တၢ်ကစီၣ်လၢနဟ့ၣ်လီၤ ယၤဒီးအဝဲသ့ၣ်တူၢ်လိာ်ဝဲဒၣ်န့ၣ်လီၤ. အဝဲသ့ၣ်, သ့ၣ်ညါဝဲဒၣ်နီၢ်နီၢ်လၢယဟဲလၢနအိၣ်, ဒီးအဝဲသ့ၣ်နာ်ဝဲလၢနမၢလီၤယၤန့ၣ်လီၤ.

လံာ်ယိၤဟၣ် 3:2

ဘၣ်တနၤအဝဲလဲၤဆူယ့ၣ်ၡူးအအိၣ်ဒီးစံးဘၣ်အီၤ, “ရၤဘံဧၢ, ပသ့ၣ်ညါလၢနမ့ၢ်သရၣ်လၢအဟဲလၢ ကစၢ်ယွၤအအိၣ်န့ၣ်လီၤ. အဂ့ၢ်ဒ်အံၤ, တၢ်လီၤလးတဖၣ်လၢနမၤန့ၣ်, ကစၢ်ယွၤအိၣ်တ့ၢ်ဒီးနၤအဃိဒီးနမၤနဲသ့ဝဲန့ၣ်လီၤ.”

လံာ်ယိၤဟၣ် 5:17

ဒီးယ့ၣ်ၡူးစံးဆၢအဝဲသ့ၣ်, “ယပၢ်မၤတၢ်ထီဘိတထံၣ်ဃီဒီးယဲစ့ၢ်ကီးယဘၣ်မၤယဲလီၤ.”

လံာ်ယိၤဟၣ် 5:19

မၤသးဒ်န့ၣ်ဒီး, ယ့ၣ်ၡူးစံးဆၢအဝဲသ့ၣ်, “ယစံးဘၣ်တဲဘၣ်သုတၢ်မ့ၢ်တၢ်တီလီၤ. ဖိခွါမၤဒၣ်အတၢ်တသ့နီတမံၤဘၣ်. မၤဝဲသ့ထဲတၢ်လၢအဝဲထံၣ်အပၢ်မၤဝဲန့ၣ်လီၤ. တၢ်လၢပၢ်မၤတမံၤလၢ်လၢ်န့ၣ်, ဖိခွါမၤစ့ၢ်ကီးဝဲလီၤ.

လံာ်ယိၤဟၣ် 7:16

ယ့ၣ်ၡူးစံးဆၢတၢ်ဒီးစံးဝဲ, “တၢ်လၢယသိၣ်လိအံၤတမ့ၢ်ယတၢ်သိၣ်လိသီလိဒၣ်ယဲဘၣ်. မ့မ့ၢ် ဟဲလၢကစၢ်ယွၤလၢအမၢလီၤယၤတဂၤအအိၣ်န့ၣ်လီၤ.

လံာ်ယိၤဟၣ် 8:28

မၤသးဒ်န့ၣ်ဒီးယ့ၣ်ၡူးစံးဘၣ်အဝဲသ့ၣ်, “တုၤသုယူာ်ထီၣ် ပှၤကညီဖိခွါအံၤဒီး, သုကသ့ၣ်ညါလၢ ‘ယမ့ၢ်တၢ်လၢယမ့ၢ်’ လီၤ. တုၤနုၤတစုသုကသ့ၣ်ညါလၢယတမၤတၢ်လၢယစိ ကမီၤဒၣ်ယဲနီတမံၤဘၣ်. မ့မ့ၢ်တခီ, ယစံးကတိၤထဲတၢ်လၢ ယပၢ်သိၣ်လိယၤလၢယကစံးကတိၤအီၤတဖၣ်ဧိၤန့ၣ်လီၤ.

လံာ်ယိၤဟၣ် 8:38

ယကတိၤတၢ်ဘၣ်ဃးတၢ်လၢယပၢ်ဒုးနဲၣ်တ့ၢ်ယၤ, မ့မ့ၢ်သုမၤတၢ်လၢသုပၢ်စံးဘၣ်တ့ၢ်သုန့ၣ်လီၤ.”

လံာ်ယိၤဟၣ် 8:40

တၢ်လၢယမၤန့ၣ်, မ့ၢ်တၢ်စံးဘၣ်တဲဘၣ်သုတၢ်မ့ၢ်တၢ်တီလၢ ယနၢ်ဟူလၢကစၢ်ယွၤအအိၣ်န့ၣ်လီၤ. အန့ၣ်ဒၣ်လဲာ်, သုဂုာ်ကျဲးစၢးမၤသံယၤလီၤ. စီၤအၤဘြၤဟၣ်တမၤတၢ်ဒ်သိး အံၤန့ၣ်ဘၣ်.

မၤတၢ် 10:38

သုသ့ၣ်ညါဘၣ်ဃးပှၤဝ့ၢ်နစၤရ့းဖိယ့ၣ်ၡူး, လၢကစၢ်ယွၤလူလီၤဂၢ်လီၤသးစီဆှံဒီးတၢ်စိတၢ် ကမီၤလၢအလိၤဒ်လဲၣ်အဂ့ၢ်န့ၣ်လီၤ. အဝဲဒၣ်လဲၤသကုၤဆးဒး, မၤဂ့ၤတၢ်ဒီးမၤဘျါက့ၤကယဲၢ်ပှၤအိၣ်လၢမုၣ်ကီၤလံၢ်အတၢ်စိတၢ် ကမီၤအဖီလာ်, အဂ့ၢ်မ့ၢ်လၢကစၢ်ယွၤအိၣ်ဒီးအီၤအဃိလီၤ.

၂ ကရံၣ်သူး 5:19

ပတၢ်ကစီၣ်မ့ၢ်ဝဲ, ကစၢ်ယွၤဒုးကဲထီၣ်ပှၤဟီၣ်ခိၣ်ဖိခဲလၢာ်လၢ အတံၤသကိးတဖၣ်ခီဖျိခရံာ်န့ၣ်လီၤ. ကစၢ်ယွၤတကွဲးနီၣ်ကွဲးဃါအဝဲသ့ၣ်အတၢ်ဒဲးဘးအဂ့ၢ်အကျိၤ တဖၣ်ဘၣ်. ဒီးအဝဲဒၣ်ဟ့ၣ်ပှၤတၢ်ကစီၣ်လၢအတဲဘၣ်ဃး အဝဲဒၣ်ဒုးကဲထီၣ်အဝဲသ့ၣ်လၢအတံၤသကိးတဖၣ်န့ၣ် လၢကျဲဒ်လဲၣ်အဂ့ၢ်လီၤ.

ကလီးစဲ 1:19

အဂ့ၢ်ဒ်အံၤ, ဘၣ်ကစၢ်ယွၤအသးလၢအဝဲအသကဲာ်ပဝး အန့ဆၢၣ်အလၢအပှဲၤကအိၣ်လၢခရံာ်အပူၤ,

ကလီးစဲ 2:9

ယွၤအန့ဆၢၣ်သကဲာ်ပဝးအလၢအပှဲၤအိၣ်ဝဲလၢခရံာ် အနီၢ်ခိနီၢ်ခီအပူၤဖဲအဝဲဟဲဒ်ပှၤကညီတဂၤအသိးအခါန့ၣ်လီၤ.

၁ ယိၤဟၣ် 5:7

အဂ့ၢ်ဒ်အံၤ, တၢ်အုၣ်အသးအိၣ်ဝဲသၢမံၤလီၤ.