လံာ်ယိၤဟၣ် 13:8 - Sgaw Karen Common Bible

⁸ စီၤပ့းတရူးစံးဝဲ “နတဘၣ်သ့ယခီၣ်နီတဘျီဘၣ်.” ယ့ၣ်ၡူးစံးဆၢအီၤ, “ယမ့ၢ်တသ့ဘၣ်နခီၣ်ဒီးနတဘၣ် ဃးဒီးယၤလၢၤဘၣ်.”

လံာ်ယိၤဟၣ် 13:8 Iomraidhean Croise

လံာ်တၢ်ကဲထီၣ်အခီၣ်ထံး 42:38

ဘၣ်ဆၣ်စီၤယၤကိာ်စံးဝဲ, “ယဖိခွါလဲၤဃုာ်တၢ်ဒီးသုတသ့ ဘၣ်. အဒီပုၢ်ဝဲၢ်ခွါသံလံ. ဒီးအဝဲမ့ၢ်ပှၤထဲတဂၤဧိၤလၢအအိၣ် တီၢ်န့ၣ်လီၤ. လၢကျဲန့ၣ်, တၢ်တမံၤမံၤကမၤဘၣ်ဖုးအသးဒီးအီၤလီၤ. ယမ့ၢ်ပှၤသးပှၢ်တဂၤ, ဒီးတၢ်သူၣ်အုးသးအုးလၢသု ကဒုးအိၣ်ထီၣ်လၢယဂီၢ်န့ၣ်ကမၤသံယၤလီၤ.”

လံာ်စီၤၡမူၤအ့လးခံဘ့ၣ်တဘ့ၣ် 20:1

တၢ်မၤအသးလၢဝ့ၢ်ကံးလကၤလးအပူၤန့ၣ်ပှၤတဂိာ်တသီၣ်ဘၣ်တၢ်အိၣ် ဝဲတဂၤလၢပှၤဘံၣ်ယၤမံၣ်အဒူၣ်အကျါ, လၢအမ့ၢ်စီၤကံးဘြံၤအဖိခွါစီၤၡဘၤန့ၣ်လီၤ. အဝဲအူထီၣ်ကွဲၤဒီးကိးပသူထီၣ်ဝဲဒၣ်, “မ်စီၤဒၤဝံးဘၣ်တၢ်ပာ်လီၤကွံာ်အလီၢ်အလၤတက့ၢ်. ပတပိာ်အခံဘၣ်. ပှၤကီၢ်အံၣ်စရ့လးဖိသ့ၣ်ဧၢ, မ်ပက့ၤကဒါက့ၤဆူဟံၣ်တက့ၢ်.”

လံာ်စီၤပၤအခီၣ်ထံးတဘ့ၣ် 12:16

တုၤပှၤဂီၢ်မုၢ်ထံၣ်ဘၣ်ဝဲလၢစီၤပၤတကနၣ်ဃုာ်အဝဲသ့ၣ်ဘၣ်န့ၣ်, အဝဲသ့ၣ်ကိးထီၣ်ဝဲ, “မ်စီၤဒၤဝံးအဟံၣ်ဖိဃီဖိအလီၢ်လီၤ ကွံာ်တက့ၢ်. အဝဲသ့ၣ်မၤတ့ၢ်တၢ်မနုၤလၢပဂီၢ်န့ၣ်လဲၣ်. ကီၢ်အံၣ်စရ့လးအပှၤကညီသ့ၣ်ဧၢ, မ်ပက့ၤကဒါက့ၤဆူပဟံၣ်ဒၣ်ဝဲ တက့ၢ်. မ်စီၤရဃၤဘၣ်ကွၢ်လီၤထွဲက့ၤအသးဒၣ်ဝဲတက့ၢ်. လၢတၢ်န့ၣ်အဃိကီၢ်အံၣ်စရ့လးအပှၤဂီၢ်မုၢ်ပူထီၣ်တၢ်,

စံးထီၣ်ပတြၢၤ 51:2

သ့စီယၤလၢယတၢ်အၢစီစီ, ဒီးမၤကဆှီယၤလၢယတၢ်ဒဲးဘးတက့ၢ်.

စံးထီၣ်ပတြၢၤ 51:7

မၤကဆှီယၤလၢကဖျီၣ်အ့စိးတက့ၢ်. ဒီးယကကဆှီထီၣ်လီၤ. သ့စီယၤတက့ၢ်, ဒီးယကဝါန့ၢ်မူခိၣ်ဖီလီၤ.

လံာ်ယၡါယၤ 4:4

လၢအစိကမီၤဒၣ်ဝဲ, ယွၤကစံၣ်ညီၣ်ဒီးမၤကဆှီပှၤကလုာ်ဒီး သ့စီကွံာ်ဝ့ၢ်ယရူၤၡလ့ၣ်အတၢ်ကမၣ် ဒီးသွံၣ်လၢအဘၣ်တၢ်ဂၢ်လီၤတ့ၢ်အသးဖဲန့ၣ်, န့ၣ်လီၤ.

လံာ်ယဃ့းစက့လး 36:25

ယကဖှံလီၤတၢ်မၤကဆှီထီၣ်တၢ်အထံလၢသုဖီခိၣ်ဒီးမၤကဆှီထီၣ် သုလၢကယဲၢ်သုတၢ်ဂီၤတၢ်ဖီၣ်ခဲလၢာ်ဒီးတၢ်အဂုၤအဂၤခဲလၢာ် လၢအမၤတကဆှီသုန့ၣ်လီၤ.

လံာ်စကၤရယၤ 13:1

ဒီးသ့တၢ်လၢာ်အယွၤစံးဝဲဒၣ်, “ဖဲအဆၢကတီၢ်အဝဲန့ၣ်ဟဲ တုၤဃီၤန့ၣ်, ထံမူထီၣ်ပၢၢ်တပူၤကဘၣ်တၢ်အိးထီၣ်အီၤလၢကမၤ ကဆှီစီၤဒၤဝံးအစၢၤအသွဲၣ်တဖၣ်ဒီးဝ့ၢ်ယရူၤၡလ့ၣ် အပှၤဂီၢ်မုၢ်လၢအတၢ်ဒဲးဘးဒီးအတၢ်ဘါထီၣ်တၢ်ဂီၤတၢ်ဖီၣ်န့ၣ်လီၤ.

လံာ်မးသဲ 16:22

ဒီးစီၤပ့းတရူးကိးန့ၢ်အီၤဆူတၢ်ချၢဒီးဒူအလိၤဒီးစံး, “ကစၢ်ယွၤဧၢ, မ်ယွၤအသုတဒုးဘၣ်နၤလၢတၢ်အံၤတဂ့ၤ. တၢ်အံၤတဘၣ်ဘၣ်နၤလ့ၤတက့ၤဘၣ်.”

လံာ်မးသဲ 21:29

ဒီးအဖိခွါန့ၣ်စံးဆၢအီၤ, ‘ယတလဲၤဘၣ်.’ ဘၣ်ဆၣ်လၢခံက့ၤအသးလဲလိာ်အသးဒီးလဲၤဝဲလီၤ.

လံာ်မးသဲ 26:33

စီၤပ့းတရူးစံးဘၣ်ယ့ၣ်ၡူး, “ပှၤအဂၤခဲလၢာ်မ့ၢ်သးဟးဂီၤဒီးပာ်တ့ၢ်ကွံာ်နၤဘၣ်ဆၣ်, ယတပာ်တ့ၢ်နၤနီတဘျီဘၣ်.”

လံာ်မးသဲ 26:35

စီၤပ့းတရူးစံးဆၢအီၤ, “ယမ့ၢ်ဘၣ်သံဃုာ်ဒီးနၤဒၣ်လဲာ်, ယတသမၢနၤနီတဘျီဘၣ်.” ဒီးအပျဲၢ်အဘီၣ်အဂၤတဖၣ်ခဲလၢာ်စံးတၢ်တမံၤဃီလီၤ.

လံာ်ယိၤဟၣ် 13:6

ဖဲယ့ၣ်ၡူးဟဲတုၤစီၤၡံမိၣ်ပ့းတရူးအအိၣ်ဒီး, အဝဲစံးဘၣ်အီၤ, “ကစၢ်ဧၢ, မ့ၢ်နကသ့ယခီၣ်စ့ၢ်ကီးဧါ.”

လံာ်ယိၤဟၣ် 13:9

စီၤၡံမိၣ်ပ့းတရူးစံးဆၢအီၤဒီးစံး “ကစၢ်ဧၢ, မ့မ့ၢ်ဒ်န့ၣ်ဒီး, တဘၣ်သ့ထဲယခီၣ်တဂ့ၤ. သ့ဃုာ်စ့ၢ်ကီးယစုတဖၣ်ဒီးယခိၣ် တက့ၢ်.”

လံာ်ယိၤဟၣ် 3:5

ယ့ၣ်ၡူးစံးဆၢဝဲ, “ယတဲဘၣ်နၤတီတီလိၤလိၤ, ပှၤမ့ၢ်တအိၣ်ဖျဲၣ်လၢထံဒီးယွၤအသးန့ၣ်ဘၣ်ဒီးပှၤလဲၤနုာ် ဆူကစၢ်ယွၤအဘီအမုၢ်အပူၤတသ့နီတဂၤဘၣ်.

မၤတၢ် 22:16

ဒီးခဲကနံၣ်အံၤဘၣ်မနုၤဃိနမၤယံာ်မၤနီၢ်နသးလဲၣ်. ဂဲၤဆၢထၢၣ်ဒီးဒိးဘျၢနသးလၢထံဒီးပျဲနတၢ်ဒဲးဘးဘၣ် တၢ်သ့စီကွံာ်အီၤခီဖျိနကိးထီၣ်အမံၤန့ၣ်တက့ၢ်.’

1 ကရံၣ်သူး 6:11

သုဝဲတနီၤသုလီၤဂာ်ဒ်န့ၣ်လီၤ. ဘၣ်ဆၣ်ဒီးသုဘၣ်တၢ်မၤကဆှီထီၣ်က့ၤသုလၢသုတၢ်ဒဲးဘး အပူၤလံ. သုဘၣ်တၢ်ပာ်စီဆှံသုလၢကစၢ်ယွၤအဂီၢ်လံ. သုဘၣ်တၢ်မၤဘၣ်လိာ်ဖိးဒ့လံသုဒီးကစၢ်ယွၤလၢကစၢ်ယ့ၣ်ၡူး ခရံာ်ဒီးလၢယွၤအသးစီဆှံလံန့ၣ်လီၤ.

အ့းဖ့းစူး 5:26

အဝဲဒၣ်မၤတၢ်အံၤမ့ၢ်ဒ်သိးအကပာ်စီဆှံတၢ်အိၣ်ဖှိၣ်လၢ ကစၢ်ယွၤအဂီၢ်, ခီဖျိအကလုၢ်ကထါဖဲအသ့စီကွံာ်အီၤလၢထံ အပူၤဝံၤအလီၢ်ခံ,

လံာ်သိၣ်လီၤသီလီၤတၢ် 12:12

သူၣ်ခုသးခုဖဲန့ၣ်လၢအဝဲအမဲာ်ညါ, ဃုာ်ဒီးသုဖိတဖၣ်, သုကုၢ်သုပှၤတဖၣ်, ဒီးပှၤလ့ၤဝံဖိတဖၣ်လၢအအိၣ်လၢသုဝ့ၢ်တဖၣ်အပူၤတက့ၢ်, ဒီးသ့ၣ်နီၣ်ထီၣ်က့ၤလၢပှၤလ့ၤဝံဖိတဖၣ်တအိၣ်ဘၣ်ဒီးအဟီၣ်ခိၣ် ဒၣ်ဝဲဘၣ်န့ၣ်တက့ၢ်.

ကလီးစဲ 2:18

တဘၣ်ပျဲပှၤလၢအပာ်မၤအသးဒ်အဆီၣ်လီၤအသးဘါကလူး တဖၣ်, ပှၤလၢအဟံးန့ၢ်အခီၣ်တဃာ်လၢအတၢ်ထံၣ်တၢ်လၢညါ ခီတဖၣ်, ဒီးပာ်ကဖၢလၢအသးလၢအတၢ်ကူၣ်တၢ်ဆးဒၣ်ဝဲ အဃိတဖၣ်, စံၣ်ညီၣ်သုတဂ့ၤ.

ကလီးစဲ 2:23

တၢ်တဖၣ်အံၤ, ဖျါလီၤဂာ်ဒီးတၢ်ကူၣ်သ့ကူၣ်ဘၣ်အတၢ်သိၣ်တၢ် သီလၢအပာ်ဖျါထီၣ်အသးဒ်တၢ်သူၣ်ဆူၣ်သးဂဲၤအတၢ်ဘူၣ် တၢ်ဘါ, တၢ်ဆီၣ်လီၤသးဒီးတၢ်မၤအၢမၤနးလီၤက့ၤအနီၢ်ခိ အသိးန့ၣ်လီၤ. ဘၣ်ဆၣ်ဒီးမ့မ့ၢ်လၢအကမၤစၢၤဘှီက့ၤတၢ်လူၤ ဘၣ်နီၢ်ခိအတၢ်မိၣ်န့ၢ်သးလီန့ၣ်, တၢ်သိၣ်တၢ်သီတဖၣ်အံၤ အဘျုးတအိၣ်ဘၣ်.

တံတူး 3:5

အဝဲဒၣ်အုၣ်က့ၤခီၣ်က့ၤပှၤလီၤ. ဒီးတၢ်အံၤတမ့ၢ်လၢပကစၢ်ဒၣ်ပဝဲပမၤတၢ်အဂ့ၤတမံၤမံၤအဃိ ဘၣ်. မ့ၢ်ဒၣ်လၢအဝဲအတၢ်သးကညီၤဒၣ်ဝဲအဃိအဝဲအုၣ်က့ၤ ခီၣ်က့ၤပှၤ, ခီဖျိတၢ်သ့စီပှၤဘၣ်ဃးဒီးတၢ်အိၣ်ဖျဲၣ်ထီၣ်အသီဒီး တၢ်ဟ့ၣ်ပှၤတၢ်မူအသီခီဖျိသးစီဆှံ,

ဧ့ၤဘြံၤ 10:22

မ်ပသုးဘူးပသးဆူကစၢ်ယွၤအအိၣ်လၢသးလၢအမ့ၢ်အတီ အပူၤအိၣ်ဒီးတၢ်နာ်အဂၢၢ်အကျၢၤ, သးလၢအဘၣ်တၢ်မၤ ကဆှီထီၣ်အီၤလၢတၢ်ပာ်ဒ့ၣ်ပာ်ကမၢ်လီၤက့ၤအသး, ဒီးနီၢ်ခိလၢအဘၣ်တၢ်သ့စီအီၤလၢထံအဆှံန့ၣ်တက့ၢ်.

လံာ်လီၣ်ဖျါ 1:5

ဒီးလၢယ့ၣ်ၡူးခရံာ်, ပှၤအုၣ်အသးလၢအသးတီဝဲတဂၤ အအိၣ်, ပှၤအဆိကတၢၢ်တဂၤလၢအဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤ လၢတၢ်သံဒီးမ့ၢ်စ့ၢ်ကီးပှၤပၢဘၣ်ဟီၣ်ခိၣ်အစီၤပၤတဖၣ်န့ၣ် တက့ၢ်. အဝဲဒၣ်အဲၣ်ပှၤ, ဒီးခီဖျိအဝဲအတၢ်သံန့ၣ်, မၤထူၣ်ဖျဲးထီၣ်ကွံာ်ပှၤလၢပတၢ်ဒဲးတူၢ်ဒဲးဘးတဖၣ်,

လံာ်လီၣ်ဖျါ 7:14

“ယတသ့ၣ်ညါဘၣ်, တၢ်ဒိၣ်ဧၢ, နသ့ၣ်ညါနဲလီၤ” ယစံးဆၢယဲ. အဝဲဒၣ်စံးဘၣ်ယၤ, “ပှၤသ့ၣ်တဖၣ်အံၤမ့ၢ်ပှၤတဖၣ်လၢ အလဲၤခီဖျိဘၣ်တၢ်မၤအၢမၤနးလီၤပျံၤလီၤဖုးတမံၤန့ၣ်လီၤ. အဝဲသ့ၣ်သ့စီကွံာ်တ့ၢ်ဝဲအဆ့ကၤဖးထီတဖၣ်, ဒီးမၤဝါထီၣ်အီၤလၢသိဖိတဒုန့ၣ်အသွံၣ်လီၤ.