လံာ်ယိၤဟၣ် 13:5 - Sgaw Karen Common Bible

⁵ ဝံၤဒီးအဝဲလူလီၤထံလၢသရာ်အပူၤဒီးစးထီၣ်သ့အပျဲၢ်အဘီၣ် တဖၣ်အခီၣ်ဒီးထွါသူထီၣ်က့ၤဝဲလၢတၢ်ကံးယာ်လၢအစၢဃာ် အယီၢ်ဒ့တဘ့ၣ်န့ၣ်လီၤ.

လံာ်ယိၤဟၣ် 13:5 Iomraidhean Croise

လံာ်တၢ်ကဲထီၣ်အခီၣ်ထံး 18:4

ပျဲယဟဲစိာ်န့ၢ်သုထံတစဲးလၢသုကသ့သုခီၣ်န့ၣ်တက့ၢ်. သုအိၣ်ဘှံးလၢသ့ၣ်ကဒုအံၤသ့ဝဲဒၣ်လီၤ.

လံာ်တၢ်ကဲထီၣ်အခီၣ်ထံး 19:2

ဒီးစံးဝဲ, “တၢ်ဒိၣ်သ့ၣ်ဧၢ, ယအိၣ်ဖဲအံၤလၢတၢ်တူၢ်လိာ်သု အဂီၢ်လီၤ. ဝံသးစူၤဟဲနုာ်လၢယဟံၣ်ပူၤတက့ၢ်. သုသ့သုခီၣ်ဒီးမံဖဲအံၤသ့ဝဲလီၤ. ဒီးလၢမုၢ်ဂီၤန့ၣ်သု ပၢၢ်ထီၣ်ဂီၤဂီၤဒီးသုလဲၤသုကျဲသ့ဝဲလီၤ.” ဘၣ်ဆၣ်အဝဲသ့ၣ်စံးဆၢဝဲ, “ပကမၤလၢာ်မုၢ်နၤလၢဝ့ၢ်အဂၢၤပူၤန့ၣ်လီၤ.”

လံာ်တၢ်ကဲထီၣ်အခီၣ်ထံး 43:24

တၢ်ခ့တၢ်ပှၤန့ၣ်လဲၤကိးပှၤဒီပုၢ်ဝဲၢ်ခွါတဖၣ်ဆူဟံၣ်ပူၤန့ၣ် လီၤ. ဒီးဟ့ၣ်အဝဲသ့ၣ်လၢထံဒ်သိးကသ့အခီၣ်ဒီးဒုးအီၣ်အဝဲသ့ၣ် အကသ့ၣ်ယီၤတဖၣ်အဆၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 3:11

စီၤပၤယဟိၡၤဖးသံကွၢ်ဝဲဒၣ်, “ဖဲအံၤ, မ့ၢ်ဝံအိၣ်ဝဲတဂၤဂၤလၢပကသံကွၢ်တၢ်ဆူယွၤခီဖျိအီၤန့ၣ် ဧါ.” စီၤပၤယဟိရၣ်အသုးမုၢ်အသုးခိၣ်တဂၤစံးဆၢဝဲဒၣ်, “စီၤၡၤဖးအဖိခွါစီၤအလံၤၡါအိၣ်ဖဲအံၤလီၤ. အဝဲမ့ၢ်စီၤအ့ၤလံယၤအပှၤမၤစၢၤတၢ်န့ၣ်လီၤ.”

စံးထီၣ်ပတြၢၤ 51:2

သ့စီယၤလၢယတၢ်အၢစီစီ, ဒီးမၤကဆှီယၤလၢယတၢ်ဒဲးဘးတက့ၢ်.

လံာ်တၢ်ဟးထီၣ်ကွံာ် 29:4

ဟဲကိးစီၤအၤဟရိၣ်ဒီးအဖိခွါတဖၣ်ဆူယအိၣ်ယဆိးအဒဲစီဆှံ အကျဲစၢၤဒီးမၢအဝဲသ့ၣ်လုၣ်ကဆှီထီၣ်အသးဒ်တၢ်အလုၢ်အလၢ်အိၣ် ဝဲအသိးတက့ၢ်.

လံာ်ယၡါယၤ 1:16

သ့စီကွံာ်သုသးဒီးမၤကဆှီထီၣ်သုသးတက့ၢ်. ဆိကတီၢ်တၢ်အၢလၢယထံၣ်လၢသုမၤအီၤအံၤန့ၣ်တက့ၢ်. မ့ၢ်လီၤ, ဆိကတီၢ်တၢ်မၤအၢမၤသီတၢ်,

လံာ်ယဃ့းစက့လး 36:25

ယကဖှံလီၤတၢ်မၤကဆှီထီၣ်တၢ်အထံလၢသုဖီခိၣ်ဒီးမၤကဆှီထီၣ် သုလၢကယဲၢ်သုတၢ်ဂီၤတၢ်ဖီၣ်ခဲလၢာ်ဒီးတၢ်အဂုၤအဂၤခဲလၢာ် လၢအမၤတကဆှီသုန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 14:8

ဒီးပှၤလၢအကဆှီထီၣ်တဂၤန့ၣ်ကဘၣ်ဆှုၣ်အကူအသိး, လူၤကွံာ်အဆူၣ်ခဲလၢာ်လၢအိၣ်လၢအလိၤဒီးလုၢ်ထံဒ်သိးကကဆှီထီၣ်အဂီၢ်လီၤ. ဒ်သိးဟဲက့ၤနုာ်ဆူပှၤသူၣ်ဒဲအလီၢ်ပူၤကသ့အဂီၢ်န့ၣ်ကဘၣ်အိၣ် လၢအဒဲဒၣ်ဝဲအချၢနွံသီန့ၣ်လီၤ.

လံာ်စကၤရယၤ 13:1

ဒီးသ့တၢ်လၢာ်အယွၤစံးဝဲဒၣ်, “ဖဲအဆၢကတီၢ်အဝဲန့ၣ်ဟဲ တုၤဃီၤန့ၣ်, ထံမူထီၣ်ပၢၢ်တပူၤကဘၣ်တၢ်အိးထီၣ်အီၤလၢကမၤ ကဆှီစီၤဒၤဝံးအစၢၤအသွဲၣ်တဖၣ်ဒီးဝ့ၢ်ယရူၤၡလ့ၣ် အပှၤဂီၢ်မုၢ်လၢအတၢ်ဒဲးဘးဒီးအတၢ်ဘါထီၣ်တၢ်ဂီၤတၢ်ဖီၣ်န့ၣ်လီၤ.

လံာ်လူၤကၣ် 7:38

ဒီးဆၢထၢၣ်လၢယ့ၣ်ၡူးအလီၢ်ခံဖဲအခီၣ်ထံး, ဟီၣ်ဝဲ, ဒီးမၤဘၣ်စီၣ်ယ့ၣ်ၡူးအခီၣ်လၢအဝဲဒၣ်အမဲာ်ထံလီၤ. အန့ၣ်ဝံၤဒီးထွါကွံာ်ယ့ၣ်ၡူးအခီၣ်လၢအဝဲဒၣ်အခိၣ်သူ, နၢမူဝဲ, ဒီးလူလီၤထံနၢမူန့ၣ်လၢအလိၤလီၤ.

လံာ်လူၤကၣ် 7:44

တုၤနုၤတစုယ့ၣ်ၡူးဃၣ်ဃီၤအသးဆူပိာ်မုၣ်အအိၣ်ဒီးစံးဘၣ်စီၤၡံမိၣ်, “နထံၣ်ပိာ်မုၣ်တဂၤအံၤကစီဒီဧါ. ယဟဲနုာ်ဆူနဟံၣ်ပူၤဒီး နတဟ့ၣ်ယၤထံလၢယခီၣ်အဂီၢ်နီတစဲးဘၣ်. မ့မ့ၢ်အဝဲဒၣ်သ့ကွံာ်ယခီၣ်လၢအမဲာ်ထံ, ဒီးတြူာ်သူထီၣ်က့ၤဝဲလၢအခိၣ်သူလီၤ.

လံာ်ယိၤဟၣ် 13:10

ယ့ၣ်ၡူးစံးဝဲ, “ပှၤတဂၤလၢ်လၢ်လၢအလုၢ်ထံဝံၤန့ၣ်, ကဆှီဝဲလၢာ်လၢာ်ဆ့ဆ့လံအဃိသ့ကွံာ်အသးအလီၢ် တအိၣ်လၢၤဘၣ်. ကဘၣ်သ့ကွံာ်ဒၣ်ထဲအခီၣ်ဧိၤန့ၣ်လီၤ. မ့တမ့ၢ်ဘၣ်ထဲပှၤလၢသုကျါတဂၤဧိၤန့ၣ်, သုဝဲခဲလၢာ်သု ကဆှီလံ.”

လံာ်ယိၤဟၣ် 13:6

ဖဲယ့ၣ်ၡူးဟဲတုၤစီၤၡံမိၣ်ပ့းတရူးအအိၣ်ဒီး, အဝဲစံးဘၣ်အီၤ, “ကစၢ်ဧၢ, မ့ၢ်နကသ့ယခီၣ်စ့ၢ်ကီးဧါ.”

လံာ်ယိၤဟၣ် 13:8

စီၤပ့းတရူးစံးဝဲ “နတဘၣ်သ့ယခီၣ်နီတဘျီဘၣ်.” ယ့ၣ်ၡူးစံးဆၢအီၤ, “ယမ့ၢ်တသ့ဘၣ်နခီၣ်ဒီးနတဘၣ် ဃးဒီးယၤလၢၤဘၣ်.”

လံာ်ယိၤဟၣ် 19:34

ဘၣ်ဆၣ်ဒီး, ပှၤသုးဖိအကျါတဂၤဆဲးဖျိယ့ၣ်ၡူးအကပၤ လၢဘီ, ဒီးတၢ်သွံၣ်ဒီးထံဟဲယွၤလီၤဝဲတဘျီဃီန့ၣ်လီၤ.

မၤတၢ် 22:16

ဒီးခဲကနံၣ်အံၤဘၣ်မနုၤဃိနမၤယံာ်မၤနီၢ်နသးလဲၣ်. ဂဲၤဆၢထၢၣ်ဒီးဒိးဘျၢနသးလၢထံဒီးပျဲနတၢ်ဒဲးဘးဘၣ် တၢ်သ့စီကွံာ်အီၤခီဖျိနကိးထီၣ်အမံၤန့ၣ်တက့ၢ်.’

1 ကရံၣ်သူး 6:11

သုဝဲတနီၤသုလီၤဂာ်ဒ်န့ၣ်လီၤ. ဘၣ်ဆၣ်ဒီးသုဘၣ်တၢ်မၤကဆှီထီၣ်က့ၤသုလၢသုတၢ်ဒဲးဘး အပူၤလံ. သုဘၣ်တၢ်ပာ်စီဆှံသုလၢကစၢ်ယွၤအဂီၢ်လံ. သုဘၣ်တၢ်မၤဘၣ်လိာ်ဖိးဒ့လံသုဒီးကစၢ်ယွၤလၢကစၢ်ယ့ၣ်ၡူး ခရံာ်ဒီးလၢယွၤအသးစီဆှံလံန့ၣ်လီၤ.

အ့းဖ့းစူး 5:26

အဝဲဒၣ်မၤတၢ်အံၤမ့ၢ်ဒ်သိးအကပာ်စီဆှံတၢ်အိၣ်ဖှိၣ်လၢ ကစၢ်ယွၤအဂီၢ်, ခီဖျိအကလုၢ်ကထါဖဲအသ့စီကွံာ်အီၤလၢထံ အပူၤဝံၤအလီၢ်ခံ,

၁ တံၤမသ့း 5:10

ဒီးအမံၤကဘၣ်ဂ့ၤလၢအတၢ်မၤဂ့ၤတဖၣ်အဃိ, လၢအမ့ၢ်တ့ၢ်လံပိာ်မုၣ်တဂၤလၢအအံးကွၢ်ဒုးဒိၣ်ထီၣ်ဖိလံၤ ဂ့ၤဂ့ၤဘၣ်ဘၣ်, တူၢ်လိာ်သမှံၤသပျီၤတဖၣ်လၢအဟံၣ်ပူၤဃီပူၤ, သ့စီပှၤစီဆှံတဖၣ်အခီၣ်, မၤစၢၤပှၤဘၣ်ကီဘၣ်ခဲတဖၣ်, ဒီးဟ့ၣ်လီၤအသးလၢတၢ်မၤဂ့ၤတၢ်အပူၤန့ၣ်လီၤ.

ဧ့ၤဘြံၤ 10:22

မ်ပသုးဘူးပသးဆူကစၢ်ယွၤအအိၣ်လၢသးလၢအမ့ၢ်အတီ အပူၤအိၣ်ဒီးတၢ်နာ်အဂၢၢ်အကျၢၤ, သးလၢအဘၣ်တၢ်မၤ ကဆှီထီၣ်အီၤလၢတၢ်ပာ်ဒ့ၣ်ပာ်ကမၢ်လီၤက့ၤအသး, ဒီးနီၢ်ခိလၢအဘၣ်တၢ်သ့စီအီၤလၢထံအဆှံန့ၣ်တက့ၢ်.

၁ ယိၤဟၣ် 1:7

ဘၣ်ဆၣ်ပမ့ၢ်အိၣ်မူလၢတၢ်ကပီၤအပူၤ, ဒ်အဝဲဒၣ်အိၣ်လၢတၢ်ကပီၤအပူၤအသိးန့ၣ်ဒီး, မ့ၢ်ပရ့လိာ်မုာ်လိာ်ပသးတဂၤဒီးတဂၤဒီးကစၢ်ယွၤ အဖိခွါယ့ၣ်ၡူးခရံာ်အသွံၣ်သ့စီကွံာ်ပှၤလၢပတၢ် ဒဲးဘးခဲလၢာ်န့ၣ်လီၤ.

၁ ယိၤဟၣ် 5:6

ယ့ၣ်ၡူးခရံာ်မ့ၢ်ပှၤလၢအဟဲဝဲအိၣ်ဒီးအတၢ်ဒိးဘျၢ အသးလၢထံဒီးအတၢ်တူၢ်သံအသးအသွံၣ်န့ၣ်လီၤ. အဝဲတဟဲဝဲထဲလၢထံဧိၤန့ၣ်ဘၣ်. မ့မ့ၢ်, ဟဲဝဲလၢထံဒီးသွံၣ်ခံမံၤလိာ်န့ၣ်လီၤ. ဒီးယွၤအသးအကစၢ်ဒၣ်ဝဲအုၣ်အသးလၢတၢ်အံၤမ့ၢ် တၢ်မ့ၢ်တၢ်တီ, မ့ၢ်လၢယွၤအသးမ့ၢ်တၢ်မ့ၢ်တၢ်တီ အဃိန့ၣ်လီၤ.

လံာ်လီၣ်ဖျါ 1:5

ဒီးလၢယ့ၣ်ၡူးခရံာ်, ပှၤအုၣ်အသးလၢအသးတီဝဲတဂၤ အအိၣ်, ပှၤအဆိကတၢၢ်တဂၤလၢအဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤ လၢတၢ်သံဒီးမ့ၢ်စ့ၢ်ကီးပှၤပၢဘၣ်ဟီၣ်ခိၣ်အစီၤပၤတဖၣ်န့ၣ် တက့ၢ်. အဝဲဒၣ်အဲၣ်ပှၤ, ဒီးခီဖျိအဝဲအတၢ်သံန့ၣ်, မၤထူၣ်ဖျဲးထီၣ်ကွံာ်ပှၤလၢပတၢ်ဒဲးတူၢ်ဒဲးဘးတဖၣ်,

လံာ်လီၣ်ဖျါ 7:14

“ယတသ့ၣ်ညါဘၣ်, တၢ်ဒိၣ်ဧၢ, နသ့ၣ်ညါနဲလီၤ” ယစံးဆၢယဲ. အဝဲဒၣ်စံးဘၣ်ယၤ, “ပှၤသ့ၣ်တဖၣ်အံၤမ့ၢ်ပှၤတဖၣ်လၢ အလဲၤခီဖျိဘၣ်တၢ်မၤအၢမၤနးလီၤပျံၤလီၤဖုးတမံၤန့ၣ်လီၤ. အဝဲသ့ၣ်သ့စီကွံာ်တ့ၢ်ဝဲအဆ့ကၤဖးထီတဖၣ်, ဒီးမၤဝါထီၣ်အီၤလၢသိဖိတဒုန့ၣ်အသွံၣ်လီၤ.

လံာ်ပှၤစံၣ်ညီၣ်ကွီၢ် 19:21

ဒီးအဝဲက့ၤကိးအဝဲသ့ၣ်ဆူအဟံၣ် ဒီးဒုးအီၣ်အကသ့ၣ်ယီၤတဖၣ်အဆၣ်လီၤ. အပှၤတမှံၤတဖၣ်သ့အခီၣ်ဒီးအီၣ်တၢ်အီတၢ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:41

နီၢ်အဘံၤကါယံးလးဆုးလီၤအခိၣ်ဆူဟီၣ်ခိၣ်ဒီးစံးဝဲ, “ယမ့ၢ်အခ့အပှၤလီၤ. ယအိၣ်ကတဲာ်ကတီၤယသးဒ်သိးယကသ့ အခ့အပှၤတဖၣ်အခီၣ်အဂီၢ်လီၤ.”