လံာ်ယိၤဟၣ် 13:24 - Sgaw Karen Common Bible

²⁴ စီၤၡံမိၣ်ပ့းတရူးကျၢၢ်ကျာ်အခိၣ်ဆူအအိၣ်ဒီးစံး, “တၢ်န့ၣ်မ့ၢ်မတၤလဲၣ်န့ၣ် သံကွၢ်အီၤတက့ၢ်.”

လံာ်ယိၤဟၣ် 13:24 Iomraidhean Croise

လံာ်လူၤကၣ် 1:22

ဖဲအဝဲဒၣ်ဟဲက့ၤထီၣ်ဆူခိန့ၣ်, ကတိၤတၢ်ဒီးအဝဲသ့ၣ်တသ့ဘၣ် သတးဒီးအဝဲသ့ၣ်သ့ၣ်ညါလၢအဝဲဒၣ်ထံၣ်ဘၣ်တ့ၢ်တၢ်ထံၣ်လၢညါ ခီလၢတၢ်လုၢ်ဟံၣ်အပူၤန့ၣ်လီၤ. မ့ၢ်လၢအဝဲဒၣ်ကတိၤတၢ်လၢအထးခိၣ်တသ့ဝဲနီတဘီအဃိ ကတိၤတၢ်ဒီးအဝဲသ့ၣ်ခီဖျိအဒုးနဲၣ်မၤဟူးမၤဂဲၤအစုန့ၣ်လီၤ.

လံာ်လူၤကၣ် 5:7

လၢတၢ်န့ၣ်အဃိ, အဝဲသ့ၣ်ဝံၢ်ဝၢ်ဃီၤအစုဆူအတံၤသကိးတဖၣ် လၢချံအဂၤတဘ့ၣ်အပူၤဒ်သိးအကဟဲဒီးမၤစၢၤအဝဲသ့ၣ်လီၤ. အဝဲသ့ၣ်ဟဲဝဲဒီးမၤပှဲၤချံခံဘ့ၣ်လၢာ်လၢညၣ်, ပှဲၤဝဲတုၤဒၣ်လဲာ်ချံတဖၣ်ဘူးတ့ၢ်မးလၢကလီၤဘျၢဝဲလီၤ.

လံာ်ယိၤဟၣ် 13:23

အပျဲၢ်အဘီၣ်အကျါတဂၤလၢယ့ၣ်ၡူးအဲၣ်အီၤန့ၣ်, သန့ၤလီၤတၢ်သဃဲၤလိာ်အသးဒီးယ့ၣ်ၡူးန့ၣ်လီၤ.

လံာ်ယိၤဟၣ် 13:25

အဃိဒီး, အပျဲၢ်အဘီၣ်တဂၤအံၤသုးဘူးအသးဆူယ့ၣ်ၡူး အကပၤဝံၤသံကွၢ်အီၤ, “ကစၢ်ဧၢ, နစံးတၢ်န့ၣ်မ့ၢ်မတၤတဂၤလဲၣ်.”

မၤတၢ် 12:17

အဝဲဒၣ်ဒုးနဲၣ်အစုဒ်သိးအဝဲသ့ၣ်ကအိၣ်ဘှီၣ်, ဒီးတဲနၢ်ပၢၢ်အဝဲသ့ၣ်ဘၣ်ဃးကစၢ်ထုးထီၣ်ကွံာ်တ့ၢ်အီၤ လၢဃိာ်ပူၤဒ်လဲၣ်အဂ့ၢ်န့ၣ်လီၤ. အဝဲဒၣ်စံးဝဲ, “တဲဘၣ်စီၤယၤကိာ်ဒီးပှၤစူၢ်က့ၤနာ်က့ၤတၢ်ဖိအဂၤတဖၣ်လၢ တၢ်တမံၤအံၤအဂ့ၢ်န့ၣ်တက့ၢ်.” ဝံၤဒီးဟးထီၣ်လဲၤဆူတၢ်လီၢ် အဂၤတပူၤလီၤ.

မၤတၢ် 13:16

သတးဒီးစီၤပီလူးဂဲၤဆၢထၢၣ်, ဒုးနဲၣ်အစုဒီးစးထီၣ်ကတိၤတၢ်လီၤ. “ဒီပုၢ်ဝဲၢ်ပှၤအံၣ်စရ့လးဖိဒီးပှၤကလုာ်ဂၤဖဲအံၤခဲလၢာ်လၢ အဘူၣ်ထီၣ်ဘါထီၣ်ကစၢ်ယွၤသ့ၣ်သုဧၢ, ဒိကနၣ်တက့ၢ်.

မၤတၢ် 21:40

ပှၤသုးဖိတကထိအခိၣ်ဟ့ၣ်လီၤအခွဲးသတးဒီး, စီၤပီလူးဆၢထၢၣ်ဖဲဃီအခိၣ်ထိးဒီးဝံၢ်ဝၢ်အစုဆူပှၤဂီၢ် မုၢ်တဖၣ်အအိၣ်လီၤ. ဖဲအဝဲသ့ၣ်အိၣ်ဘှီၣ်လံန့ၣ်, စီၤပီလူးကတိၤတၢ်ဒီးအဝဲသ့ၣ်လၢဧ့ၤဘြံၤအကျိာ်လီၤ.