လံာ်ယိၤဟၣ် 13:23 - Sgaw Karen Common Bible

²³ အပျဲၢ်အဘီၣ်အကျါတဂၤလၢယ့ၣ်ၡူးအဲၣ်အီၤန့ၣ်, သန့ၤလီၤတၢ်သဃဲၤလိာ်အသးဒီးယ့ၣ်ၡူးန့ၣ်လီၤ.

လံာ်ယိၤဟၣ် 13:23 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 12:3

ဖဲပှၤအဖှီၣ်တဂၤန့ၣ်အိၣ်ဒၣ်ထဲသိဖိတဒုဧိၤလၢအဝဲပှ့ၤန့ၢ်ဝဲဒၣ်န့ၣ်လီၤ. အဝဲအံးထွဲကွၢ်ထွဲသိဖိန့ၣ်ဒီးသိဖိန့ၣ်ဒိၣ်ထီၣ်ဝဲ ဃုာ်ဒီးအဝဲအဖိတဖၣ်လၢအဟံၣ်ပူၤလီၤ. အဝဲဒုးအီၣ်အီၤလၢအတၢ်အီၣ်ဒၣ်ဝဲတနီၤ, ဒီးဒုးအီအီၤတၢ်လၢအဝဲအလီခီအပူၤဒီးစိာ်အီၤလၢအကံၣ်ဖျၢၣ်ခိၣ်န့ၣ်လီၤ. သိဖိန့ၣ်လီၤဂာ်ဒ်ဖိမုၣ်တဂၤအသိးလၢအဝဲအဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 4:5

ကီၢ်ဆၣ်တဖၣ်အပဒိၣ်အဒိၣ်ကတၢၢ်မ့ၢ်ဝဲစီၤနၤသၣ်အဖိခွါစီၤဧစၤ ရယၤ, စီၤပၤအပှၤဟ့ၣ်ကူၣ်တၢ်မ့ၢ်ဝဲစီၤနၤသၣ်အဖိခွါပှၤလုၢ်တၢ် အခိၣ်စီၤစၤဘူးလီၤ.

လံာ်လူၤကၣ် 16:22

ပှၤဖှီၣ်ဖိယာ်ဖိတဂၤအံၤသံဝဲ, ဒီးဘၣ်တၢ်စိာ်ထီၣ်အီၤလၢကလူး တဖၣ်ဆူ စီၤအၤဘြၤဟၣ်အကပၤ, ဖဲတၢ်အီၣ်အမူးလၢမူခိၣ်န့ၣ်လီၤ. ပှၤထူးပှၤတီၤစ့ၢ်ကီးသံဝဲ, ဒီးဘၣ်တၢ်ခူၣ်လီၤအီၤလီၤ.

လံာ်ယိၤဟၣ် 1:18

ပှၤတထံၣ်ဘၣ်ကစၢ်ယွၤနီတခီၣ်နီတဂၤဘၣ်. အဖိခွါထဲတဂၤဧိၤလၢအမ့ၢ်တၢ်တမံၤဃီဒီးအီၤ ဒီးအိၣ်ဘူးဒီးအီၤန့ၣ်, လီၣ်ဖျါထီၣ်အီၤလံန့ၣ်လီၤ.

လံာ်ယိၤဟၣ် 11:3

ပှၤဒီပုၢ်ဝဲၢ်မုၣ်ခံဂၤအံၤဆှၢလီၤန့ၢ်ယ့ၣ်ၡူးအတၢ်ကစီၣ်လၢ အစံးဝဲ, “ကစၢ်ဧၢ, နတံၤသကိးလၢနအဲၣ်အီၤတဂၤဆိးက့ဝဲန့ၣ်လီၤ.”

လံာ်ယိၤဟၣ် 11:36

ပှၤယူဒၤဖိတဖၣ်စံးဝဲ, “ကွၢ်တက့ၢ်. မ့ၢ်အအဲၣ်ဘၣ်အီၤထဲလဲၣ်န့ၣ်သုထံၣ်သ့ၣ်ညါသ့လီၤ.”

လံာ်ယိၤဟၣ် 11:5

ယ့ၣ်ၡူးအဲၣ်ဘၣ်နီၢ်မၢ်သၤဒီးအဒီပုၢ်ဝဲၢ်မုၣ်ဒီးစီၤလါစရူးလီၤ.

လံာ်ယိၤဟၣ် 13:24

စီၤၡံမိၣ်ပ့းတရူးကျၢၢ်ကျာ်အခိၣ်ဆူအအိၣ်ဒီးစံး, “တၢ်န့ၣ်မ့ၢ်မတၤလဲၣ်န့ၣ် သံကွၢ်အီၤတက့ၢ်.”

လံာ်ယိၤဟၣ် 13:25

အဃိဒီး, အပျဲၢ်အဘီၣ်တဂၤအံၤသုးဘူးအသးဆူယ့ၣ်ၡူး အကပၤဝံၤသံကွၢ်အီၤ, “ကစၢ်ဧၢ, နစံးတၢ်န့ၣ်မ့ၢ်မတၤတဂၤလဲၣ်.”

လံာ်ယိၤဟၣ် 19:26

ယ့ၣ်ၡူးထံၣ်ဘၣ်အမိၢ်ဒီးအပျဲၢ်အဘီၣ်လၢအအဲၣ်ဝဲတဂၤဆၢထၢၣ် ဖဲန့ၣ်, သတးဒီးအဝဲစံးဘၣ်အမိၢ် “ပိာ်မုၣ်ဧၢ, အဝဲမ့ၢ်နဖိခွါလီၤ.”

လံာ်ယိၤဟၣ် 20:2

အန့ၣ်ဒီး, အဝဲလဲၤဃ့ၢ်ဆူစီၤၡံမိၣ်ပ့းတရူးဒီးအပျဲၢ် အဘီၣ်အဂၤတဂၤလၢယ့ၣ်ၡူးအဲၣ်အီၤအအိၣ်ဒီးစံးဘၣ် အဝဲသ့ၣ်, “ပှၤစိာ်ကွံာ်ကစၢ်အစိၣ်လၢတၢ်သွၣ်ခိၣ် အပူၤလံ. ဒီးပှၤပာ်အီၤဖဲလဲၣ်န့ၣ်ပတသ့ၣ်ညါဘၣ်.”

လံာ်ယိၤဟၣ် 21:20

ဒီးစီၤပ့းတရူးဃၣ်ဃီၤအသးဒီးထံၣ်အပျဲၢ်အဘီၣ်အဂၤတဂၤလၢ ယ့ၣ်ၡူးအဲၣ်အီၤအိၣ်လၢအလီၢ်ခံန့ၣ်လီၤ. မ့ၢ်ပှၤတဂၤဃီလၢအသန့ၤလီၤအသးသဃဲၤဒီးယ့ၣ်ၡူး, ဖဲအဝဲသ့ၣ်အီၣ်ဟါတၢ်အီၣ်အခါဒီးသံကွၢ်ယ့ၣ်ၡူး, “ကစၢ်ဧၢ, မ့ၢ်မတၤကဟ့ၣ်လီၤကွံာ်နၤန့ၣ်လဲၣ်.”

လံာ်ယိၤဟၣ် 21:24

အဝဲမ့ၢ်အပျဲၢ်အဘီၣ်တဂၤလၢအကတိၤဖျါထီၣ်တၢ်ဂ့ၢ်တဖၣ် အံၤ, မ့ၢ်ပှၤတဂၤဃီလၢအကွဲးနီၣ်ကွဲးဃါတၢ်သ့ၣ်တဖၣ် အံၤ, ဒီးပသ့ၣ်ညါလၢတၢ်လၢအဝဲအုၣ်အသးတဖၣ်န့ၣ်, မ့ၢ်တၢ်မ့ၢ်တၢ်တီလီၤ.

လံာ်ယိၤဟၣ် 21:7

အပျဲၢ်အဘီၣ်လၢယ့ၣ်ၡူးအဲၣ်အီၤတဂၤစံးဘၣ် စီၤပ့းတရူး, “မ့ၢ်ကစၢ်န့ၣ်လီၤ.” ဖဲစီၤပ့းတရူးနၢ်ဟူလၢ အမ့ၢ်ကစၢ်လီၤန့ၣ်, မ့ၢ်လၢအဝဲအိၣ်ဘ့ၣ်ဆ့အဃိအဝဲ သိးထီၣ်က့ၤအဆ့ကၤအဖီခိၣ်ဒီးကံၢ်တူာ်ဃာ်ဝဲဒီးစံၣ်လီၤ ဆူထံကျါန့ၣ်လီၤ.