လံာ်ယိၤဟၣ် 13:20 - Sgaw Karen Common Bible

²⁰ ယစံးဘၣ်တဲဘၣ်သုတၢ်မ့ၢ်တၢ်တီ, ပှၤတဂၤလၢ်လၢ်လၢအတူၢ်လိာ်ပှၤလၢယမၢလီၤအီၤန့ၣ်, မ့ၢ်အတူၢ်လိာ်ယၤစ့ၢ်ကီးဒီးပှၤတဂၤလၢ်လၢ်လၢအတူၢ် လိာ်ယၤန့ၣ်, တူၢ်လိာ်ပှၤလၢအမၢလီၤယၤစ့ၢ်ကီးန့ၣ်လီၤ.

လံာ်ယိၤဟၣ် 13:20 Iomraidhean Croise

လံာ်မးသဲ 25:40

စီၤပၤကစံးဆၢက့ၤအဝဲသ့ၣ်, ‘ယစံးဘၣ်တဲဘၣ်သုတီတီ, တဘျီလၢ်လၢ်ဖဲသုမၤဘၣ်တၢ်အံၤလၢပှၤအဆံးကတၢၢ်လၢယဒီပုၢ် ဝဲၢ်တဖၣ်အံၤအကျါတဂၤဂၤဒီးမ့ၢ်သုမၤဘၣ်ယၤန့ၣ်လီၤ.’

လံာ်မၢ်ကူး 9:37

“ပှၤတဂၤလၢ်လၢ်လၢအတူၢ်လိာ်ဖိသၣ်ဒ်သိးအံၤတဂၤလၢယမံၤ အပူၤန့ၣ်, မ့ၢ်အတူၢ်လိာ်ယၤလီၤ. ဒီးပှၤတဂၤလၢ်လၢ်လၢအတူၢ်လိာ်ယၤန့ၣ်, တမ့ၢ်ထဲအတူၢ်လိာ်ယၤဘၣ်. မ့မ့ၢ်တူၢ်လိာ်စ့ၢ်ကီးပှၤလၢအမၢလီၤယၤတဂၤန့ၣ်လီၤ.”

လံာ်လူၤကၣ် 10:16

ယ့ၣ်ၡူးစံးဘၣ်အပျဲၢ်အဘီၣ်တဖၣ်, “ပှၤတဂၤလၢ်လၢ်လၢအဒိကနၣ်သုတၢ်ကတိၤန့ၣ်, မ့ၢ်အဒိကနၣ်ယတၢ်ကတိၤလီၤ. ပှၤတဂၤလၢ်လၢ်လၢအညိကွံာ်သုန့ၣ်, မ့ၢ်အညိကွံာ်ယၤ, ဒီးပှၤတဂၤလၢ်လၢ်လၢအညိကွံာ်ယၤန့ၣ်မ့ၢ်အညိကွံာ်ပှၤလၢ အမၢလီၤယၤတဂၤန့ၣ်လီၤ.”

လံာ်လူၤကၣ် 9:48

ဒီးစံးဘၣ်အဝဲသ့ၣ်, “ပှၤတဂၤလၢ်လၢ်လၢအတူၢ်လိာ်ဖိသၣ်တဂၤအံၤ လၢယမံၤအဃိန့ၣ်, မ့ၢ်အတူၢ်လိာ်ယၤ, ဒီးပှၤတဂၤလၢ်လၢ်လၢ အတူၢ်လိာ်ယၤန့ၣ်, မ့ၢ်အတူၢ်လိာ်ပှၤလၢအမၢလီၤယၤတဂၤန့ၣ်လီၤ. အဂ့ၢ်ဒ်အံၤ, ပှၤအဆံးကတၢၢ်လၢသုဝဲခဲလၢာ်အကျါန့ၣ်, မ့ၢ်ပှၤအဒိၣ်ကတၢၢ်လီၤ.”

ကလၤတံ 4:14

ဘၣ်ဆၣ်ဒီး, ယနီၢ်ခိအတၢ်ဆူးအတၢ်ဆါမ့ၢ်ကဲထီၣ်တၢ်ကီ တၢ်ခဲဖးဒိၣ်လၢသုဂီၢ်သနာ်က့သုတကွၢ်တလီၤယၤမ့ၢ်ဂ့ၤညိ ကွံာ်ယၤမ့ၢ်ဂ့ၤန့ၣ်ဘၣ်. မ့မ့ၢ်သုတူၢ်လိာ်ယၤဒ်သုကတူၢ်လိာ်ကလူးလၢမူခိၣ် အသိး, ဒီးသုတူၢ်လိာ်ယၤဒ်သုကတူၢ်လိာ်ယ့ၣ်ၡူးခရံာ် အသိးလီၤ.

ကလီးစဲ 2:6

ဒ်သုတူၢ်လိာ်တ့ၢ်လံယ့ၣ်ၡူးခရံာ်ဒ်သုကစၢ်တဂၤအသိးန့ၣ်, အိၣ်မူသုဝဲလၢအဝဲဒၣ်အပူၤတက့ၢ်.

၁ သ့းစၤလနံ 4:8

လၢတၢ်န့ၣ်အဃိ, ပှၤတဂၤလၢ်လၢ်လၢအတတူၢ်လိာ် တၢ်သိၣ်လိအဝဲအံၤန့ၣ်, တမ့ၢ်အတတူၢ်လိာ်ပှၤကညီဘၣ်. မ့ၢ်အတတူၢ်လိာ်ကစၢ်ယွၤ, လၢအဟ့ၣ်သုအသးစီဆှံန့ၣ်လီၤ.