လံာ်ယိၤဟၣ် 13:19 - Sgaw Karen Common Bible

¹⁹ ခဲအံၤတချုးလၢတၢ်မၤအသးဒံးဘၣ်န့ၣ်, ယတဲဘၣ်သုလၢတၢ်ဂ့ၢ် တဖၣ်အံၤဒ်သိးတုၤတၢ်မၤအသးဒီး, သုကနာ်လၢ ‘ယမ့ၢ်တၢ်လၢ ယမ့ၢ်’ န့ၣ်လီၤ.

လံာ်ယိၤဟၣ် 13:19 Iomraidhean Croise

လံာ်ယၡါယၤ 41:23

စံးဘၣ်တဲဘၣ်ပှၤတၢ်လၢကဟဲထီၣ်ဆူခံဆူညါတဖၣ်န့ၣ်တက့ၢ်. အန့ၣ်ဒီးပကသ့ၣ်ညါလၢသုမ့ၢ်ကစၢ်တဖၣ်လီၤ. မၤတၢ်အဂ့ၤတမံၤမံၤ, မ့တမ့ၢ်, ဟဲစိာ်တၢ်တတၢးတနါ တနီၤတက့ၢ်. မၤပှဲၤပှၤဒီးတၢ်ပျံၤတၢ်ဖုးဒီးတၢ်ကမၢကမၣ်တက့ၢ်.

လံာ်ယၡါယၤ 43:10

ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, သုမ့ၢ်ယပှၤအုၣ်အသးတဖၣ် လီၤ. ယဃုထၢသုလၢသုကမ့ၢ်ယခ့ယပှၤ, ဒ်သိးသုကသ့ၣ်ညါဒီးစူၢ်က့ၤနာ်က့ၤဒီးနၢ်ပၢၢ်လၢယမ့ၢ်ကစၢ် ယွၤထဲတဂၤဧိၤန့ၣ်လီၤ. လၢယၤအမဲာ်ညါကစၢ်အဂၤတအိၣ်နီတဂၤဘၣ်. ခါလၢအပူၤကွံာ်မ့ၢ်ဂ့ၤ, ခါဆူညါမ့ၢ်ဂ့ၤ, တအိၣ်ဘၣ်နီတဂၤနီတစုဘၣ်.

လံာ်ယၡါယၤ 48:5

လၢတၢ်န့ၣ်အဃိ, ယကတိၤဆိပာ်တ့ၢ်တၢ်လၢအကမၤအသးဒီးသုတၢ်အိၣ် မူဆူညါ, လၢပျၢၤလံၤလံၤန့ၣ်လီၤ. ယဘိးဘၣ်သ့ၣ်ညါတၢ်မၤအသးတဖၣ်တချုးလၢအမၤဒံးဘၣ်အသး, ဒ်သိးကတြီဃာ်သုလၢသုသုတစံးဘၣ်လၢသု တၢ်ဂီၤသိအသးဒီးစိးပျၤအသးတဖၣ်ဒုးကဲထီၣ်လိၣ်ထီၣ်တၢ်တဖၣ် န့ၣ်တဂ့ၤအဂီၢ်လီၤ.

လံာ်မၤလကံ 3:1

ယွၤသ့တၢ်လၢာ်စံးဆၢဝဲ, “ယကဆှၢလီၤယပှၤစိာ်တၢ်ကစီၣ်ဒ်သိးကကတဲာ်ကတီၤကျဲလၢယဂီၢ် လီၤ. တုၤနုၤတစု, ယွၤလၢသုဃုအီၤန့ၣ်ကဟဲသတူၢ်ကလာ်ဆူအတၢ်လုၢ် ဟံၣ်လီၤ. ပှၤစိာ်တၢ်ကစီၣ်လၢသုဆၢထံၣ်ဘၣ်အီၤန့ၣ်ကဟဲဒီးစံးဘၣ်တဲ ဘၣ်ယတၢ်အၢၣ်လီၤအီလီၤန့ၣ်လီၤ.”

လံာ်မးသဲ 11:3

အဝဲသ့ၣ်သံကွၢ်ယ့ၣ်ၡူးဒီးစံး, “တဲဘၣ်ပှၤတက့ၢ်. ပှၤလၢစီၤယိၤဟၣ်စံးဝဲလၢအကဟဲတဂၤန့ၣ်မ့ၢ်နၤဧါ. မ့တမ့ၢ်ဘၣ်ဒီးမ့ၢ်ပကဘၣ်ခိးကွၢ်လၢ်ဒံးပှၤအဂၤတဂၤဧါ.”

လံာ်မးသဲ 24:25

ကနၣ်တက့ၢ်. ယတဲဆိပာ်စၢၤသုလၢတၢ်တချုးမၤအသးဒံးဘၣ်န့ၣ်လီၤ.

လံာ်လူၤကၣ် 21:13

အဝဲအံၤကမ့ၢ်တၢ်ခွဲးဂ့ၤယာ်ဘၣ်လၢသုဂီၢ်လၢသုကစံးဘၣ် တဲဘၣ်ပှၤလၢတၢ်သးခုအကစီၣ်န့ၣ်လီၤ.

လံာ်ယိၤဟၣ် 1:15

စီၤယိၤဟၣ်အုၣ်အသးလၢအဂ့ၢ်ဒီးကိးသတြီထီၣ်ဝဲ, “ပှၤတဂၤအံၤမ့ၢ်ပှၤလၢယစံးဘၣ်တဲဘၣ်သုလၢအဂ့ၢ်လၢ, ‘အဝဲဒၣ်ဟဲလၢယလီၢ်ခံဘၣ်ဆၣ်ဒိၣ်န့ၢ်ယၤတက့ၢ် မ့ၢ်လၢအဝဲအိၣ်တ့ၢ်ဝဲတချုးယအိၣ်ဖျဲၣ်ထီၣ်ဒံးဘၣ်န့ၣ်လီၤ.’ ”

လံာ်ယိၤဟၣ် 14:29

ယစံးဘၣ်တဲဘၣ်တ့ၢ်သုတၢ်အံၤတချုးလၢတၢ်မၤ အသးဒံးဘၣ်န့ၣ်လီၤ. ဒ်သိးတုၤတၢ်အံၤမၤအသးဒီး, သုကနာ်တၢ်န့ၣ်လီၤ.

လံာ်ယိၤဟၣ် 16:4

ဘၣ်ဆၣ်ယစံးဘၣ်တဲဘၣ်သုတၢ်တဖၣ်အံၤ, ဒ်သိးဖဲတၢ်ဆၢကတီၢ်တုၤဝဲလၢအဝဲသ့ၣ်မၤတၢ်သ့ၣ်တဖၣ် အံၤဒီး, သုကသ့ၣ်နီၣ်ထီၣ်က့ၤတၢ်လၢယစံးဘၣ်တ့ၢ်သု အဂီၢ်န့ၣ်လီၤ. လၢအခီၣ်ထံးန့ၣ်မ့ၢ်လၢယအိၣ်ဒံးဒီးသုအဃိ, ယတစံးဘၣ်တဲဘၣ်တ့ၢ်သုတၢ်သ့ၣ်တဖၣ်အံၤဘၣ်.

လံာ်ယိၤဟၣ် 4:26

ယ့ၣ်ၡူးစံးဆၢအီၤ, “ယၤ, ပှၤလၢအကတိၤတၢ်ဒီးနၤခဲအံၤန့ၣ်, မ့ၢ်ပှၤအဝဲန့ၣ်လီၤ.”

လံာ်ယိၤဟၣ် 8:28

မၤသးဒ်န့ၣ်ဒီးယ့ၣ်ၡူးစံးဘၣ်အဝဲသ့ၣ်, “တုၤသုယူာ်ထီၣ် ပှၤကညီဖိခွါအံၤဒီး, သုကသ့ၣ်ညါလၢ ‘ယမ့ၢ်တၢ်လၢယမ့ၢ်’ လီၤ. တုၤနုၤတစုသုကသ့ၣ်ညါလၢယတမၤတၢ်လၢယစိ ကမီၤဒၣ်ယဲနီတမံၤဘၣ်. မ့မ့ၢ်တခီ, ယစံးကတိၤထဲတၢ်လၢ ယပၢ်သိၣ်လိယၤလၢယကစံးကတိၤအီၤတဖၣ်ဧိၤန့ၣ်လီၤ.

လံာ်ယိၤဟၣ် 8:58

ယ့ၣ်ၡူးစံးဆၢတၢ်ဒီးစံးဝဲ, “ယစံးဘၣ်တဲဘၣ်သုတီတီလိၤ လိၤ, တချုးလၢစီၤအၤဘြၤဟၣ်အိၣ်ဖျဲၣ်ထီၣ်ဒံးဘၣ်ဒီးယမ့ၢ် တၢ်လၢယမ့ၢ်လီၤ.”